most beautiful sound Sawt Babur Aljaz Babour Jazz White Noise

[@N.m485]

ليت الزمان يعود يوما ذكرتني بأفضل ايام عمري وتعتبر عمري كله النور يقطع جدتي تبدأ تحط الجاز ف اللمبتين اللي عندنا واحده كبيره وواحده صغيره ونقعد جمبهم والجو بره بيمطر والهوا شديد والنخل بيتهز جامد لدرجه ان نقول النخل هيتقلع من مكانه وماما تبدأ تحضر العشا وتقرر ان هي تشغل البابور عشان المطبخ برد عليها ونقعد كلنا حواليها وهي بتقول لبابا يشغله ويحط الجاز ويولع ويبدا الصوت بقي اللي بيخلينا كأننا طايرين مت السعاده وتعمل بيض بالزبده الله ع ريحته وهو ع البابور ونطمن ان ف جاز هيكفي الليله لأن الجو برد اوووي ونسمع احلي قرار العيال مش هينفع تروح المدرسه بكره عشان الجو صعب ناكل ونشرب شاي ونشم ريحه البرتقال اللي لحد حالا بتفكرني بالايام الحلوه وممكن كل حد يجيب كتاب يذاكر شويه وفجاءه نع التركيز مع الشعله الزرقه والصفره نبقي عاوزين وجدتي وماما يقولوا بلاش مذاكره ع اللمبه دي عشان عينكوا ونظركوا هيضعف كده نشيل الكتب ونقعد نتفرج ع الشعله وفجاءه القشعريره تيجي ابدا اغمض عيوني وكلنا فرحانين ان مفيش مدرسه بكره وهنام براحتنا الصبح والبابور هيبقي شغال عشان الجو فعلا مش محتمل ونصحي الصبح بابا يخرج يجيب العيش السخن والطعميه والفول والجرجير وماما تبدأ تسخن الفول ع البابور وهتولعه تاني لأن بابا لما جه من بره قال ان الجو صعب ونفطر كلنا ونبدأ نذاكر وابدا اشوف تحضيرات ماما للغدا الله ع ريحه السمك المشوي عليه الله ع الذكريات الحلوه اللي لسه عايشين عليهاا مش عارفه انا حكيت كل ده ليه بس حسيت ان انتوا اهلي لأننا متجمعين هنا كلنا اشكرك اشكرك الف مره ع مجهودك حقيقي ربنا يديك الخير كله عشان فعلا كنت سبب ف فرحتي وفرحه كل حد حس انه غريب وان الدنيا بقت صعبه بزياده فلجأ لقناتك استمر ولك التوفيق بإذن الله

[@tamr1411]

تحياتى لحضرتك وشكرا جدا على الكلام الجميل الى طالع من القلب كلامك اسعدنى ربنا يباركلك ويكتب لك عمر مديد

[@hakimbelakouas4143]

🔥🔥

[@alatorky5278]

الله علي الكلام الجميل البسيط النابع من القلب.....شكرا جزيلا لكي وللاخ تامر...وتحياتي لكل اصدقاء وعشاق هذا الصوت الجميل

[@aliahusayn3856]

احلي كومنت بتخيل ال انتي قلتي عليه وتجيني نفس القشعريره ال كانت عندك وقتها❤❤

[@emeahmed8068]

سبحان الله كلنا عندنا نفس الذكريات الجميلة دى وكلامك فعلاً رجعنى لى ايام حلوه اوى اوى وشكرًا كتير على مجهودك فى تنزيل مثل هذه الفيديوهات لكا منى كل الشكر

[@HalaRAGABIsmail]

مستمتعه بالفيديو وتعليقات الناس جدا ماشاء الله ياريت اللى يشوف تعليقى يدعيلى بالشفاء

[@anasaldmiri870]

بابور الكاز عششششق 🥺❤️ تحياتي لكل شخص مدمن هالصوت فعلا راحة نفسسية وتحس بالقشعريرة 😭 اخوكم انس من الاردن 🖐️

[@tamr1411]

تحياتى لك ولاهل الاردن الغالين

[@randaemad4501]

الله على الجمال تسلم الأيادي بصراحه الفيديو روعه ماشاءالله ربنا يباركلك ويسعدك زي ما بتسعدنا

[@tamr1411]

الله يسلمك من كل سوق وشكرا لمرورك الكريم

[@happinessmaker3043]

نفسي نحدد يوم ونجمع كل عشاق هذا الكائن الجميل ونقعد في مكان نشغله ونقعد نسمع لبعض وكل واحد فينا يقعد يحكي زكرياتة مع بابور الجاز

[@tamr1411]

يريت تنورنى والله

[@rashaeltalhawy7245]

انا هقعد اعيط وبس مش هحكي هغمض عيني وانام😢

[@emanhakeem8943]

والله ياريت يبقى في مكان مخصص لعشاق البابور زي القهوه والكافيات ونتجمع كلنا

[@shaimaaaaa8629]

ياريت ياجماعة لو حد يعرف اماكن لسه بتبيع البوبر ولمبه جاز يقولي ونا اشترى منه افيدوني بالرد ياه علي زمن كله براءه وطيبه قلب وكنا اطفال بريئه

[@رماحناصف]

@@shaimaaaaa8629 موجود عند محلات قطع غيار البوتجازات

[@hebamahamedmahamed5643]

حاجه كده رهيبه ميكس جميل بيبن الدفا والمتعه والأمان والرجوع للماضي بجد حاجه تحفه وجميله تسسلم ايدك

[@tamr1411]

الله يسلمك تحياتى

[@osamanagy3213]

فديوهاتك اصبحت ادمان مش قادر اوصفلك كم السعاده الى انا فيها عند مشاهدتها وقراءة التعليقات 😊😊😊❤❤❤

[@tamr1411]

الحمد الله يا اخى شكرا لمتابعتك الله يسعدك

[@osammaabdelaziz4776]

معنديش حاجه اقدر اوصفه غير رجعتنا لزمن جميل جدا ربنا يرحم أحببنا

[@tamr1411]

_حبيبى تحياتى لحضرتك والله انا بحبك فى الله وبسعد لما اشوف تعليقك_

[@HabibaSeham]

♥️♥️جميل اوي صوت الباجور دا والله بسمعه انا وماما كل يوم انا جيل 2008♥️♥️

[@tamr1411]

ربنا يكتب لها عمر مديد فى طاعة الله

[@HabibaSeham]

@@tamr1411 ي رب لنا وليكم

[@dalianouraldeen746]

والله النهاردة كنت عاملة فضلة خيرك محشى وخدنى الحنين وشغلت الفيديو وكلت المحشى على صوته زى ما كنا ايام امى البابور جنبنا وعليه خيرات الله كلها وحلة المحشى تستوي وناكل ولا شايلين للدنيا هم ربنا يكرمك بجد ويباركلك فى صحتك ويكفيك شر الوحش

[@tamr1411]

الف هنا على قلبك انتى والاسره الكريمه تحياتى

[@somakimo8866]

الله علي الروعه والجمال بجد بنستنا فيديوهات حضرتك اللي بترجعنا لزمن الذكريات الجميلة تحياتي لحضرتك.....

[@tamr1411]

تحياتى ربنا يسعدك

[@اماحمد-خ7ك4ك]

كنت مفكره اني لوحدي اللي بحب صوت الباجور بحس بالامان ويرجعني بالذكريات والايام الجميله ايام امي الله يرحمها وهي لمنا حوليها والدفا ياه ع جمال الشعور تحياتي لحضرتك لما شوفت فيديوهاتك دلوقتي مش بقدر انام من غير لما اشوفها

[@tamr1411]

تحياتى شكرا على تفاعلك وتعليقك الجميل ويسعدنا اكتر دوام الله يرحمها ويغفرلها ويسكنها فسيح جناته ويجعل قبرها روضه ومن رياض الجنه

[@اماحمد-خ7ك4ك]

@@tamr1411 امين يارب العالمين وشكرا لحضرتك

[@randamohamed9763]

كل مابحس أني مخنوقه بلاقي نفسي بلجأ لسماع صوت الوابور لتهدئ اعصابي واستعيد قدرتي وقوتي وأرجع لهدوء أعصابي مين بيفكر مثل هذا التفكير وكم واحد بيفكر زي انا

[@عمروفرح-غ6غ]

انا كدة ديما ونيسي الوحيد

[@captaintamermagdychannel7742]

انا ممكن انام على صوته 😅😉

[@halalol9531]

انا كدا

[@captaintamermagdychannel7742]

ليالى الأنس مع الوابور والبطاطس المحمره والفول🤩❤️

[@حسنعبدالمعطي-و6ق]

كلنا هذا الرجل

[@دالياجمال-ر7ص]

الله علي الدفا والاحساس بالحنين لاحلي ايام عمرنا فكرتني برمضان لمه امي كانت تعمل عليه السحور ونتسحر واحنا بندفي عليه احلي ايام الله يرحمك يا بابا ويديكي الصحه والعافيه يا ماما ويخليكي لينا

[@tamr1411]

الله يرحمه ويغفر له ويسكنه فسيح جناته والحاجه ربنا يحفظها ويطول بعمرها ويعطيها الصحه والعافيه اللهم امين

[@xmaedo]

كمان كان يجي رمضان بالشتا

[@SandraMaria-qv9ng]

مساء النور و السعاده عليك دائما ننتظرك و أنت دائما تأتي في الميعاد ، و تجعلنا نعيش أحلي الذكريات ، و القصص أيضا رائعة و فيها عبره و عظه ، الله يفتح عليك و يجزيك كل الخير. 💞💕❤️💕💞

[@tamr1411]

شكرا على تفاعلك وتعليقك الجميل ويسعدنا اكتر دوام تحياتى

[@VenitaJones631]

احنا عاملين زى الجمهور العظيم وهو قاعد بيسمع حفلة للست ام كلثوم الكل قاعد بيستمتع بجمال الصوت وبيرسم احلام ويسترجع ذكريات وكلنا اذان صاغية وكل واحد سرحان في ملكوته

[@tamr1411]

🌷🌷👍تحياتى

[@nagwaelhaw5606]

😍😍😍😍😍😍 روعااااتك بجد

[@أسامةأبوخاطر-ح7ك]

الحب كله مع الصوت ده. ما تسيبنا فى حالنا وبلاش تهييج مشاعر. تحياتى.

[@tamr1411]

حبيبى منور والله شكرا لمرورك الكريم تحياتى

[@fatmasaaed115]

ليه يازمن ماسبتناش ابرياء ياليت الصغر يعود يوما وليس الشباب 😭😭💔💔

[@tamr1411]

اي والله

[@abohaneen6677]

ربنا يسعد ايامك ويرزقك الخير من حيث لا تحتسب

[@tamr1411]

تحياتى ليك ربنا يخليك

[@السيدعبدة-ط3ص]

يازعيم الاحساس بالماضى الجميل عندك عالى قوى استمر يامدير

[@tamr1411]

حبيبى يا استاذ سيد اي والله صدقت شكرا لك على تفاعلك وتعليقك الجميل ويسعدنا اكتر دوام

[@randamohamed9763]

صحيح أنا ماعنديش الوابور من سنيين سنيين طويله بس الحمد لله بعيش معاكم وبسمعه وكأنه عندي لما كنت ببتدي اجهزه من بعد الساعه 12ونحمر عليه البطاطس رغم أن كان عندي كل شئ يخليني استغني عنه خالص بس كان بالنسبه لي متعتي وانا بسمع صوته ويوم الجمعة أشوي عليه السمك الله علي الذكريات الجميلة

[@amgadkhashaba9076]

طول ما انا في البيت مشغل صوت البابور على الموبيل تقريبا مش بطفيه اصل الصوت ده صوت العمر اللي راح اللي تقريبا كلنا عايزينه يرجع تاني أحسنت 👏👏👏👏👏

[@tamr1411]

🌹👍

[@VenitaJones631]

احساس لا يوصف واحلي ايام العمر كنا نتلم جمب لباحور ونعمل احلي عشا ونشغلة الصبح عشان نستحمه وندخله الحمام عشان ندفي وياسلام لو الجاز خلص نجرى علي خالتو ام محمد بتاعت الجاز ونفضل مستمتعين بيه وماما بتقلي الطعميه وتحمرالبطاطس كنا نشغله طول اليوم ونسخن عليه الميه عشان نستحمه وبالسل بقي احلي عشا وشاى بالبن عليه ونسهر ونتلم كلنا تحت البطانية وناكل برتقال ونشرب حاجه سخنه ونسرح في شعله الناربتاعته ونرسم احلام جميلة لحد ما تصبنا القشعريرة وننام في سلام ونصحي الصبح علي صوته برضو

[@tamr1411]

الله احلى تعليق والله شكرا على تفاعلك وتعليقك الجميل ويسعدنا اكتر دوام

[@دكتوراحمدحسن-ش5س]

ذكريات جميلة فعلا

[@randaemad4501]

احساس جميل جدا ياريت الايام دي ترجع تاني

[@rashawafa4425]

انا سرحت مع ذكرياتك حسيت اني من اهلك وان اختك صوته والدفء اللي بنحسه مفيش حاجه زييه ولحد دلوقتي سحر بياخدنا في حته تانيه خالص

[@VenitaJones631]

احساسنا واحد لان الذكريات واحدة كانت أجمل أيام والبيوت كلها كانت بتعيش نفس الواقع

[@lobnaabdo5679]

بجد فيديوهاتك بترجعنى. لطفولتى والدفء فيها حنين الايام الجميلة إلى صعب تتعوض

[@tamr1411]

تحياتى

[@ffuu3216]

بصراحه شكرا لك ا. تامر رجعتنا لذكريات جميله جدا جدا

[@tamr1411]

العفو يا فندم

[@mohg6852]

بانتظار فيديوهاتك نحن دائما نفسي بفيديو يكون الأطفال بينامو عصوت البابور متل لما كنا صغار

[@tamr1411]

حاضر ان شاء الله تحياتى

[@mohamedelalfey1442]

الله عليك تسلم ايديك رجعتنا لا اجمل ايام رحمه عليك يا ابي

[@tamr1411]

الله يرحمه ويرحم اموتنا جميعا

[@memomo7977]

جسمي بيقشعر اول ما بسمع صوته بفتكر جدى وجدتي ويجمعونا وبرتقال ويوسفي واجواء الشتا ولاه كنا بنذاكر عليه بليل ايام الثانويه العامه ومفيش موبيلات دة كان الممتع لينا ف الليل دلوقتي ف ناس بتتريق عشان الواحد بيحب يسمع لان دلوقت مفيش باجور بس في صوته وشكله شكرا جدا لاستعادة ذكريتنا الجميله ف زمن السرعه والصراعات

[@tamr1411]

تحياتى لحضرتك

[@memomo7977]

@@tamr1411 🤍

[@MohamedKhaled-dz7ww]

ايه الجمال والروعه دي انا بنتظر الفديوهات بفارغ الصبر يوم الخميس بس ياريت تكون كل يوم الجمال والروعه والدف

[@tamr1411]

ان شاء الله تحياتى ليك يا استاذ محمد

[@mohamadkassem2862]

يرتبط صوت البابور بنا بذكريات جميله نتمنى ان تعود واحباء رحمهم الله جميعا ورائحه الاكل الجميل والحنان علينا ونحن صغار. الاان صوته يسرى قشعريره رائعه وحين تسمعه لاتشعر بمن حولك جو لانريد ان نخرج منه على الواقع المادى الذى نعيشه بارك الله فيك ياابنى وجزاك كل خير ووقانا جميعا شر النار وعذابها

[@tamr1411]

اللهم امين تحياتى وشكرا جزيلا لحضرتك على المتابعة

[@emyyousef]

الف مبروك وعقبال المليون ياريت كانت دامت ايام البواجير الجاز

[@tamr1411]

تحياتى لحضرتك منورانى والله الله يبارك فى حضرتك ربنا يسعدك

[@محمداحمد-ف9ب3ل]

تسلم ايدك ياعم الاستاذ تامر يا محترم جميل جدا جدا جدا

[@tamr1411]

حبيبى يا استاذ محمد منور والله شكرا على تفاعلك ل ويسعدنا اكتر دوام

[@فاطمهعبدالقادر-ن7م]

حلو اوي اوي سبحان الله أحلي صوت يساعد علي الراحه النفسيه والاحساس بالدفا والسكينة رينا يباركلك يا أستاذ تامر

[@tamr1411]

تحياتى

[@halalol9531]

طبعا واكيد هذا الفيديو من الفيديوهات الجميلة جدا بدون كلام بجد بتاخدني ف دنيا تانيه انسي فيها كل الهموم والاحزان

[@tamr1411]

شكر على تفاعلك ومرورك الكريم ويسعدنا اكتر دوام

[@تصميمديوانياتتراثيهالكويت]

احلي واجمل ايام في حياتي كل ما اسمع صوته يرجع الزمن بيا ٢٠ سنه

[@nagwaelhaw5606]

محبي وعشاق صوت البابور ، اذا بتقدروا تقنعوا الناس اللي يعرفونا اننا ناس طبيعيه زيهم بل احساسنا اعلي وارقي ، مستغربين ليه ؟

[@mohamedIbrahim-y5i5i]

ياعينى ع الجمال والحلاوه ياأستاذ تامر اكتر من رائع والله 👌

[@tamr1411]

تحياتى ليك يا استاذ محمد شكرا لك على تفاعلك وتعليقك الجميل

[@فارسبردويل-خ2ر]

هذا الكائن العجيب له مفعول السحر . عندما اريد ان اهرب من وحدتي و غربتي الجأ اليه . عندما اكون بحاجة الى الدفا و الحنان الجأ اليه . عندما اريد ان اعود الى الماضي الجميل و الذكريات الجأ اليه . سر جمال فصل الشتاء بوجود هذا الكائن بصوته ولهيبه تحياتي لكل مدمني سلطنة بابور الجاز . اخوكم سوري مقيم ب المانيا

[@tamr1411]

تحياتنه لكل السورين أطيب واحلى ناس

[@moheyeldinmaher6798]

سبحان الله كنت فاكر انا الوحيد الي بنام علي صوتة في ليل الشتاء والحنين الي الماضي

[@maizalaf4344]

ما شاء الله رائع يسلم ايدك

[@tamr1411]

الله يسلمك من كل سوق

[@shoshoayad2346]

ليت الزمان يعود يومآ رجعتني لزمان وايام زمان واللمه الجميله وماما مشغله البابور واحنا كلنا متجمعين عليه اشكرك واستمر بلله عليك

[@tamr1411]

ان شاء الله بتحفيزكم ليه انا مستمر تحياتى لحضرتك

[@فيصلالعلي-ل1ث]

ربنا يرزقك الجنة يا استاذ تامر عرياحة الاعصاب❤

[@tamr1411]

وياك الله يسعد قلبك الله يجزاك خير

[@muhamadfisal8007]

دائما متميز جداً... شكرا 🌹

[@tamr1411]

تحياتى ليك يا استاذ شكرا لحضورك الكريم

[@swsanmohamed2521]

مساء الجمال عمل رائع تحياتى واهم شئ التنوع لك كل الشكر

[@tamr1411]

مساء الخير تحياتى لحضرتك وشكراعلى تفاعلك وتعليقك الكريم

[@دكتوراحمدحسن-ش5س]

تحياتي لحضرتك استاذ تامر 🌹

[@tamr1411]

تحياتى ليك يا دكتور احمد و شكرا لك على تفاعلك

[@سردارسردار-ض8ص]

عاشت ايدك استاذ تامر 😴😴😴😴

[@tamr1411]

تحياتى شكرا على تفاعلك وتعليقك الجميل ويسعدنا اكتر دوام

[@randamohamed9763]

الحمد لله أني مش لوحدي علي الكوكب ده بيحب هذا الكائن الجميل أحلى شعور ووشوشه تأخذك الي العالم الذي تحبه أذهب بخيالك وأرسم أحلامك وتخيل أنها واقعك الذي تتمني ان تعيشه

[@ayah-lg3ln]

احنا احلى جيل

[@tamr1411]

احنا كتير تحياتى شكرا على تفاعلك وتعليقك الجميل ويسعدنا اكتر دوام

[@xmaedo]

فعلا احلا ايام واحلا جيل الثمانينات والتسعينات

[@xmaedo]

ااحلا صوت بالدنيا والله

[@xmaedo]

بقعد عليه بال٥ ساعات وا ما بزهق

[@rili3002]

ما اجمل هذا الصوت وما أرقة صوت جميل وهادء وبدون تقطيع تحياتي لك من ألمانيا

[@tamr1411]

تحياتى لحضرتك ربنا يهون عليك الغربه انت وكل مغترب

[@khaledabuzaid6210]

بدون مجاملة... أستاذ تامر... حضرتك فنان مبدع متجدد... أسعدكم الله و من تحبون و جزاكم خيراً... أنت أسعدت الملايين

[@tamr1411]

حبيبى يا استاذ خالد ربنا يسعدك 🙏شكرا على المتابعه و حسن الاهتمام

[@hanymohamed7033]

الله ينور يا تامر باشا

[@khaledabed4240]

في حد معنا

[@tamr1411]

تحياتى ليك يا استاذ هانى

[@yasermood6023]

لحظات في حياتنا كلها دفي كانت فيها المه والحكايات عن الماضي وقتها كنا بنتجمع في ليالي الشتاء لما الكهربا تقطع او أنبوبة الغاز تخلص كانت أمي و جدتي يشغلو الباجور والمبه بتاع الجاز دي في الوقت ده كنا بنتلم كلنا طبعا اخواتي الشباب كانو يقعدو في البيت غصب عنهم لان الجو بيمطر والنور قاطع وكل واحد بقى يحكي عن نفسو وعن اللي بيحصل معه من مواقف خارج البيت كنت اكتر واحده بكون سعيده بلمتهم وهزرهم وضحكهم كنت بحس بأن ليا عيله بجد

[@tamr1411]

ربنا يقرب البعيد شكرا على تفاعلك وتعليقك الجميل ويسعدنا اكتر دوام تحياتى

[@yasermood6023]

@@tamr1411 ربي يسعدك

[@achikotech]

الله يسعدك جمعت اثنين بعشقهم وكنت بحب انام في وجودهم

[@tamr1411]

تحياتى ليك يا استاذ احمد

[@achikotech]

@@tamr1411 ولحضرتك يا استاذ تامر دايما بستني الفيديوهات دي بشده

[@gehansoleman5155]

الله يسعدك استاذ تامر يارب رجعتنا لأيام الزمن الجميل

[@tamr1411]

تحياتى

[@nermeensaid4791]

اجمل حاجه بشوفها ♥🌺

[@tamr1411]

🌹

[@ayah-lg3ln]

تسلم ايدك استاذ تامر انا بحب فديوهاتك اوى

[@tamr1411]

الله يسلمك تحياتى

[@omali-sb8ur]

تاجر السعاده الله ينور عليك يابنى والله

[@tamr1411]

تحياتى

[@rashaeltalhawy7245]

يالهوي يااستاذ تامر ربنا يبارك في صحتك 😢جسمي قشعر وحنيييييييين لعمر فات مواليد 84❤❤❤❤❤

[@tamr1411]

تحياتى لحضرتك انا 82 ربنا يباركلك ويكتب لكى عمر مديد😴👍

[@rashaeltalhawy7245]

@@tamr1411 امين يارب العالمين ❤️❤️❤️شكرا ليك جدا

[@emanhakeem8943]

ياريت لو حد يعرف مكان لعشاق البابور زي الكافيهات والقهاوي وما اشبه ذلك ياريت نتجمع فيه ونقعد نعيد ونفتكر الذكريات البريئه ونتخلص من الصغط ومراره الايام ياريت اهو مشروع كويس وبعيد عن المكسب والمشروع كفايه اننا بتوع الزمن الجميل نتجمع ونحكي على ذكرياتنا ونبقى احلى ناس وارق قلوب بتتعامل مع بعض بعيد عن الكائنات الغريبه اللي موجود في عصرنا وبيتسموا بشر وهما ليسوا ببشر انا من القاهره لو حد يعرف يقوللي♥️♥️

[@happinessmaker3043]

ياريت والله نفسي

[@mohgaaboelata6052]

ياه ذكريات 😀 وانا صغيره قبل دخول رمضان بكام يوم ماما تبعتني بالبابور لعم أمين إلي بيصلح البوابير عشان لو الانبوبة فضيت تشغله كنت بفرح قوي 😁 كان مشغل اكتر من بابور في المحل وانا بقعد عنده بالساعات وسرحانه مش عايزه اروح ولما اروح ماما تبهدلني عشان التاخير كنت بتمني الانبوبة تخلص وبتاع الانابيب يختفي ☺😇

[@tamr1411]

تحياتى وشكرا لتعليقك الجميل

[@nagwaelhaw5606]

😍😍😍😍 عسلللل وكأننا كنا عايشين فبيت واحد

[@mohgaaboelata6052]

@@nagwaelhaw5606 أنتي العسل كله 🥰😍🤩 شكرأ كتير لزوقك 🌺 سبحان الله جميل انك تلاقي شخص مر بنفس الذكريات والأحداث 😁

[@s.m1446]

صباح الخير استاذ تامر تسلم ايدك ياااااارب ع الفيديوهات الجميلة دي بترجعنا بأحلى ذكريات واحلي زمن عشناه ربنا يسعدك زي ما بتسعدنا يارب فين سكر بقي سكر ده حبيبنا ياريت يبقي ف كل الفيديوهات الجاي ان شاء الله بالتوفيق يارب دايما 🌹 🌹

[@khaledabed4240]

في حد معنا مونسنا الان

[@tamr1411]

تحياتى لحضرتك مساء النور حاضر ان شاء الله يكون فى الفديوهات القادمه شكرا على تفاعلك

[@ابوصديق-ب4ظ]

ايام لا تنسا انا مكنتش بعرف انام الا عل الباجور ده والهى نجد كانت ايام خير وحب وود بجد

[@eslamhelal2790]

المتعة رجعت وروقان البال مع برنس الشتاء تامر بيك

[@tamr1411]

حبيبى يااسلام وحشنى تعليقك والله شكرا جدا على تفاعلك وتعليقك الكريم

[@eslamhelal2790]

ياتمور انا مااقدرش ابعد عن فيديوهاتك الجميلة انا اول بأول بنزلها عندى وكل يوم بنام على صوتها

[@tamr1411]

حبيبى

[@khaledabed4240]

ما أحببتها من فراغ، كانت تعني لنا الحنان والأب والجد والجدة والسند بعد الله بل المحبة والطيبة، كنا نتستيقظ على صوت البابور لاسيما الجمعة وجدتي تسخن الحمام لجدي، فأتمنى لو أن البابور يعمل بلا توقف فهو في لهيبه ينشر الدفء والقشعريرة وفي صوته الآمان والحب والطمآنينة تلك آيام الطيبين في غزة وعادت معكم...

[@tamr1411]

تحية للشعب الفلسطيني الشعب الفلسطيني العظيم الذى أثبت أصالته من خلال مواقفه الخالدة

[@thorayamohamed7333]

أجواء حلوة والله ❤

[@tamr1411]

🌹

[@wamghololowamghololo5842]

فيه ٢٧٠ تعليق ... و كل فيديوهات البابور عليها تعليقات ناس كتير بتموت فى الصوت دة كنت فاكر انى انا المجنون الوحيد و كنت بتكسف اقول انى بأحب صوت بابور الجاز الحمد لله طلع نص الكوكب مقدر أهمية و متعة الكائن دة و دلوقتى بأفتخر قدام أى حد انى من عشاقه تحيا البابور و شكراً لكل محبيه

[@tamr1411]

ربنا يبارك فيك ويسعدك

[@esmaealsamir3578]

ياخي مش عارف اقولك ايه الصراحه اقسم بالله كنت لسة مشغل فيديو ليك وقاعد بسمعة لقيتك نزلت الفيديو دة الله عليك غالي ♥️♥️♥️♥️

[@tamr1411]

حبيبى ان شاء الله ديما فى الميعاد تحياتى

[@عمادمحمود-ع4و]

أكاد من فرط الجمال أذوب..... يا ليتنا ما زلنا صغاراَ.... نلتف حوله نستمد النور منه.... والدفء من قلوب أمهاتنا.... نسبح في احلامنا الدافئة.... ونغوص في بحار الروعة والجمال..... وكل ليلة نقسم انها اجمل ليلة.... ويظل نهر الدفء والسعادة يتدفق حتي هذه الليلة.... في حضرت هذا الكائن الخرافي المبهر.... نقتسم اللقمة و كوب الشاي.... وايضا نقتسم البسمة الصافية من الشفاة.... أكان حلماً جميلا.... إن كان.... ليتنا لا نفيق ..... ليتنا لا نفيق.... شكرا لعشاق ذلك الكائن الغائب الحاضر.... لمشاركتهم لنا ذكرياتنا .... و أشواقنا.... أشجاننا... سلام لكم من القلب...

[@tamr1411]

تحياتى لحضرتك شكرا لك على تفاعلك وتعليقك الجميل

[@nourhiaty330]

كلام معبروقوى وكله مشاعر جميلة ... تحياتى

[@أسماءبكير-س1م]

ماشاءالله تبارك الرحمن تحفة تحفة اقسم بالله.....تسلم ايدك استاذ تامر انت رجعتني 20سنة عن جد أجمل إحساس فالدنيا جنب البابور وعلى صوته اناااام

[@tamr1411]

تحياتى وشكرا تعليقك الكريم

[@_ahmedkhaled3123]

باجي من الدوام يا تامر حوالي الساعة ٣ العصر ❤️ وبقاوم النوم لحد م استني الاشعار يجيلي ♥️

[@tamr1411]

حبيبى شكرا لك على تفاعلك وتعليقك الجميل ويسعدنا اكتر دوام تحياتى

[@ab25687]

وانا زيك يا استاذ خالد

[@horaAlen]

تحياتي لعشاق ذالك الكائن الجميل،،، 🌹 كذب من وصفه بالجماد،، بل هو كائن حي،،، نحبه ويحبنا،، نسهر الى جواره،، ويسهر بقلوبنا،، يحرق نفسه لاسعادنا،، ونشكره من اعماقنا،، مااحلى الالتفاف حوله،، كنا لانعرف،، انستمد الدفء من نيرانه،،، ام من لهيب قلوبنا،، ذالك الغائب الحاضر،، تحياتي بنت فلسطين🇵🇸🌹

[@tamr1411]

تحية لاهل فلسطين

[@عمادمحمود-ع4و]

@@tamr1411 هذا تعليق لي علي فيديو سابق ..حتي السرقة في التعليقات

[@tamr1411]

@@عمادمحمود-ع4و 👍

[@horaAlen]

@@عمادمحمود-ع4و لا والله 👎👎 ما راح ارد عليك لاني اكبر من هيك

[@horaAlen]

@@عمادمحمود-ع4و اي حتى لو كان كلامك صحيح يعني يااخي اعتبر عجني التعليق واستعرتو منك ماراح تاخد جائزة نوبل عليه تمام لا حول ولا قوة الا بالله العلي العظيم بس

[@asmaawally6914]

كل ما اكون في حاجه اسمع صوته افتكر اجمل ايام العمر

[@nasseranter3298]

كنت بحب صوته وكنت استني يوم الخميس علشان كنت باستحمه علي صوته

[@Mayoya79]

الله الواحد بيفكر يجئ يقضي الشتاء عندكم عشان كل الحاجات الجميله خلاص مفيش منه غير هنا

[@tamr1411]

تحياتى

[@السيدعبدة-ط3ص]

ممكن فديو مع صوت الباجور يكون برق ورعد والرياح والصوت يكون عالى

[@tamr1411]

حاضر ان شاء الله

[@nagwaelhaw5606]

ابداااع ياريت هيكون وهمي 😍

[@السيدعبدة-ط3ص]

@@nagwaelhaw5606 يعني ايه وهمى

[@السيدعبدة-ط3ص]

@@nagwaelhaw5606 حضرتك بتقولى فى تعليق ان احنا نقنع الناس ان احنا طبيعين لو صوت البابور جنون اما مجنون وافتحر اختى الكريمه احنا ناس مميزين واحساس اى حد فينا راقى فمن يحب هذا الشجن لابد وان يحمل فى داخله البساطه والحنين الى ماضى جميل وفى النهايه الشكر موصول لصاحب هذه القناه الرجل ذو الحس المرهف ذو القلب الطيب الاستاذ تامر والسلام عليكم إخوانى وأخواتي

[@tamr1411]

@@السيدعبدة-ط3ص تحباتى

[@lebanonm3542]

البابور اهم اختراع في البشرية.. اهم من الطاقة النووية 😊😊

[@د.محمدرضاالدرفالازهري]

الله الله الله على الجمال

[@kokoloko2341]

ايه الجمال ده

[@tamr1411]

تحياتى شكرا على تفاعلك وتعليقك الجميل ويسعدنا اكتر دوام

[@kokoloko2341]

في انتظارك كل خميس يا عم تامر. صعيدي سوهاج

[@monanasser7039]

الله ♥ ع، الجمال 💖

[@إسلامسليم-ظ3ض]

كل سنه وأنت طيب وعقبال ١٠٠٠٠٠٠سنه 🎉وربنا يفرحك زي ما بتدخل الفرحه قلوبنا انت متعرفش الفيديوهات دي بتعمل اي في الحاله النفسيه لينا كلنا ❤

[@tamr1411]

وحضرتك بالف صحه وسلامه تحياتى

[@rockamohamed5505]

زي ما تكون عارف انا عايزه ايه كنت هكتب لحضرتك اني عايزه فيديو تركز على الشعله اكتر شكرا ليك ❤️

[@tamr1411]

انا ديما فى الميعاد باذن الله تحياتى وشكرا لمرورك الكريم

[@nagwaelhaw5606]

الله الله . الله ينور . الفيديو ده اقوي فيديو الصوت ولا اروع.. مشكله ان بشغل فيديوهاتك فكل مكان وكل وقت ميرسي كتير حقيقي 😂😂

[@tamr1411]

تحياتى لحضرتك شكرا على تفاعلك وتعليقك الكريم

[@tamr1411]

السلام عليكم ورحمه الله وبركاته عاملين ايه النهارده رسالة شكر وامتنان الى عشرة آلاف اخ و اخت هناك العديد من القصص الواقعية من الحياة التي تكون مستوحاة من قصص حقيقية أو من قصص متخيلة لكنه متوقعة الحدوث في حياتنا اليومية عندما نسمع بها أو نقرأها نأخذ منها عبرة كبيرةً ونستفيد منها في حياتنا قصه قطار العمر قد فات كان ياما كان ولا يحلى الكلام الا بذكر النبى عليه الصلاة والسلام كان هناك شاب يدعى سامر كان هذا الشاب طموحاً جدًا ويتمنى أن يصبح ثريًا وأن يمتلك أموالًا كثيرة ويصبح صاحبًا للعديد من المشروعات الكبرى فلم يكمل سامر دراسته وترك مدرسته مبكرًا حتى يتمكّن من أن يعمل في مجال التجارة ويبدأ حياته العملية بسن مبكرة حتى يجمع الأموال الكثيرة لقد كان سامر يشعر دومًا أنه في سباق مع الزمن فهو يحاول جمع أكبر قدر من المال بوقت قصير جدًا فقد كان يعمل في الليل والنهار حتى كان ينسى نفسه خلال العمل وعندما يمرّ من أمام أجمل المطاعم وتعبق رائحة الطعام اللذيذة في أنفه فيشعر بشهية عارمة كان يسيطر على نفسه ويمتنع عن شراء الطعام لكي يجمع المال ويحافظ عليه.كان سامر دائمًا يحرم نفسه من اللباس والطعام اللذيذ وركوب السيارات الفاخرة والزواج وغير ذلك من الأمور الكثيرة التي كانت تتسلل إلى نفسه حرصًا على الأموال وفعلًا تمكن سامر في النهاية من أن يحقق حلمه ويجمع ثروته المنشودة التي لطالما حلم بها منذ صغر سنه حتى أنه أصبح من أغنى الأغنياء في بلدته وعندها أراد سامر أن يستمتع في حياته ويعيشها بما فيها من الملذات التي كان يحرم نفسه منها دائمًا كما أنه قرر أن يتزوج وأن ينجب أطفالاً لكن للأسف كان سامر في هذا الوقت قد كبر في السن الأمر الذي جعله يذهب لزيارة الطبيب لإجراء فحص شامل قبل أن يدخل في دوامة الزواج والانغماس في الحياة العائلية.كان الأمر صادمًا بالنسبة إلى سامر فقد أخبره الطبيب أنه مصاب بالأمراض مزمنة تمنعه من تناول الحلويات والدهون والطعام الدسم كما قال له أن لديه أمراض في قلبه تمنعه من الزواج وفي الوقت نفسه كان سامر ضعيف البصر لكثرة الأعمال التي كان يقوم بها وهذا الأمر منعه من قيادة السيارات فضلًا عن العديد من الأمراض الأخرى في السمع والذاكرة عاد سامر إلى بيته وهو يشهر بالحزن فنظر إلي خزنته التي تحتوي على رزم كثيرة من الأموال وشعر بالحسرة وهو يضيف لها رزمة جديدة فيها وصفات الطبيب التي قد لا تنتهي أبدًا حتى يموت في النهاية وحيدًا دون أن يستمتع بأي لحظة من الحياة لقد عرف سامر أن قطار حياته قد فات دون أن يتمكن من عيشها كما يجب بالأموال التي دأب لجمعها حتى ضاعت حياته قصة المرأة التي تبحث عن حبة الخردل كان ياما كان كان هناك مرأة صينية تعيش في منزلها مع طفلها الوحيد وكان منزلها منزلًا مثاليًّا تغمره الأفراح وفي يوم مرض الطفل مرضًا شديدًا وتوفي على إثره فحزنت الأم على فراق طفلها الوحيد، لهذا السبب قررت أن تذهب إلى رجل في القرية كان يعرف بحكمته البالغة وبالفعل ذهبت وسألته عن طريقة يمكنها من خلالها أن تعيد لها ابنها الوحيد مهما كانت مكلفة فهي سوف تحاول بكل ما تملكه من قوة من أجل تنفيذ طلبات ليحقق أمنيتها في استعادة الطفل. بالطبع، استغرب الرجل من طلب المرأة لكنّه تفهم تلهفها على رؤية طفلها فأخذ نفسًا عميقًا ثم قال لها إن الحل الوحيد ليتحقق أملك هو أن تحضري لي حبة من الخردل على شرط أن تأخذي الحبة من بيت لم ير الحزن أبدًا وبالفعل جالت المرأة في القرية وهي تبحث عن مطلب الرجل الحكيم وبالفعل قامت بالدخول إلى بيت من بيوت القرية وفور دخولها سألت ربة المنزل هل بيتكم أصابه الحزن يومًا أجابت السيدة هذا البيت لم يعرف إلا الحزن منذ فترة طويلة فقد توفي زوجي وترك لي أطفالاً لست أدري كيف يمكنني أن أوفر لهم الأكل والشراب واللباس حزنت السيدة لما سمعته من ربة المنزل كما أنها حاولت أن تخفف عنها مصابها وساعدتها ببعض من أموال لتستطيع توفير احتياجات أبنائها الصغار حتى أنها وعدتها بأنها سوف تزورها مرة أخرى وعندما خرجت اتجهت إلى منزل آخر وطرقت على بابه ففتحت لها سيدة فقامت بسؤالها نفس السؤال وقالت هل عرف بيتكم الحزن يومًا فأجابت السيدة هذا البيت قد أصابه الحزن عندما مرض زوجي كما أننا أفلسنا حتى لم يعد في البيت نقود تكفي لعلاجه ولا أدري كيف عساي أن أدبر أمور بيتي وأطفالي ومرة أخرى حاولت المرأة الصينية أن تساعدها، وأعطتها نقودًا لتشتري دواءً لزوجها المريض ووعدتها بزيارة أخرى استكملت المرأة جولتها للبحث عن حبة من الخردل من بيت لا يعرف الحزن أبدًا، لكنّ اليأس قد أصابها عندما رأت أن جميع المنازل تنطوي على أحزان ومشاكل كبيرة وكل واحد من الناس يحاول أن يحل مشكلته بنفسه من غير شكوى أو تذمّر حتى أن اندماجها في حياة الآخرين ومعرفتها لظروفهم ومحاولتها لحل مشاكلهم قد أنساها المهمة الأساسية التي خرجت من أجلها وهي البحث عن حبة الخردل في منزل لم يعرف الحزن لأنها علمت أن الهدف من طلب الحكيم وهو أن يشغلها في التعرف على مشاكل الآخرين لتتمكن من مساعدة الغير فتخرج من أحزانها، فليس هنالك قوّة غير قوة الله تعالى تعيد الميت إلى الحياة، وكل إنسان يمر بظروف حزينة لكن عليه أن يصبح أقوى وأن يواجه الظروف بصبر تصبحون على شعور هذه الآية فاستجبنا له ونجيناه من الغم وكذلك نُنجي المؤمنين

[@mohamedossama3593]

ونعم بالله

[@سردارسردار-ض8ص]

اللهم امين

[@VenitaJones631]

الف مليون مبروك وعقبال المليون بإذن الله

[@tamr1411]

@@VenitaJones631 ربنا يسعدك اللهم امين

[@tamr1411]

​@ballibalina Günaydın Nasılsın

[@duaamohamed8011]

امال فين القطه وهى قاعده جنب الوابور ونايمه

[@tamr1411]

الفديو الى جى ان شاء الله تحياتى

[@dodedoda5120]

احلى ايام كنت بذاكر عليه وانا فى الثانويه العامه والدنيا كانت تشتى اعد جنبه وانا بذاكر وبابا الله يرحمه مكانش بيسيبنى ابدا يفضل جنبى كنت احضر العشا عليه انا وهو والنور كان يقطع عليا بس احساس جميل احساس بالامان كان فيه خير ورزق والناس كانت طيبه

[@mohamedsaed264]

ياريت جنب صوت البابور تحط صوت سيد مكاوى مسحراتى.. وكمان اغانى رمضان.. فعلا هيبقى روعه

[@tamr1411]

انا عامل كده فعلا فى فديوهات سابقا

[@mohamedsaed264]

@@tamr1411 هبحث عنها

[@victory-fj2ed]

تعجز الكلمات عن التعبير عن امتناني

[@tamr1411]

منور يا استاذ احمد شكرا لك على تفاعلك وتعليقك الجميل ويسعدنا اكتر دوام

[@silvaguzelian546]

Thank you so much Mr Tamer

[@tamr1411]

Thank you very much

[@suliman922]

❤❤تحفه

[@tamr1411]

🌹

[@abdallahmokhtar4892]

❤ 🙏

[@sallymahmoud6495]

احساس جميل جدا

[@hebaabdelal4113]

انا بشكر حضرتك والله يااستاذ تامر ربنا يجازيك خير ع الجمال ده انا من الإسكندرية ونفسي اعرف الاقيه فين حرفيا هتجنن عليه 😢

[@tamr1411]

تحياتى لحضرتك

[@nonnaahmed652]

والله أعلم فى المنشية عند السبع بنات او عند جامع الشيخ اسألى

[@aymanyouwakim35]

محترم

[@kokoloko2341]

تامر أنا يوميا بنام علي الباجور واولادي مستغربين أنا من مواليد 70 احلي ايام حياتي واللحاجه بتسخن المياه وانا بنام علي صوط الباجور

[@tamr1411]

ربنا يحفظهملك و يبارك في عمرهم ويكتبللك عمر مديد تحياتى

[@kokoloko2341]

حبيبي يا عم تامر ربنا يحفظك

[@totafunny5451]

الدنيا بقت صعبه لدرجه ان الانسان مننا مش قادر يستوعبها حتي دماغه مش مستوعبه بقول لنفسي دايما ليه المواقف زمان مكنتش كده والدنيا مكنتش كده ودائما ف مقارنه بين زمان ودلوقتي تقريبا زمان كانت كل حاجه بتختلف لدرجه ان نفسنا نرجع تاني لو ليوم واحد ع رغم من أن دلوقتي ف نت وتكنولوجيا وزمان مكنش فيه غير مدرسه ولعب ف الشارع شويه صغيرين نقعد مع بعض حتي الاب والام والأخوات الأكبر مننا دلوقتي كل واحد ماسك تليفونه وبيتكلم مع حد غيرنا بقينا عندنا احساس بالغربه حتي واحنا ف بيوتنا اتمني لو اعيش ساعه واحده من ايام زمان بلاش يوم الناس بقت وحشه اوي حتي الأهل ربنا يعين كل حد فينا اتعود ع اللمه والعيله والحنيه وان حد يسالك مالك بجد من قلبه وفجاءه لاقينا نفسنا دلوقتي بدخل عند حضرتك لما خلاص بحس أن مش قادره أواصل حتي مع نفسي بفصل هنا بفصل عن كل حاجه اشكرك ع مجهودك

[@tamr1411]

تحياتى لحضرتك كلامك اسعدنى ربنا يباركلك ويكتب لك عمر مديد

[@blingblang8456]

السلام عليكم استاذ تامر اتمني اللي يشوف تعلقي يساعدني انا في أوروبا نفسي اشغل الوالبور بس ما عندي جاز اللي يعرف ييقولي واكون شاكره لك يمكن موجود وانا مش عارفه لان صوته ادماااااااتاااان بمعني الكلمة

[@tamr1411]

وعليكم السلام ورحمه الله وبركاته شوفى على المتاجر الااونلاين او فى محطات الوقود ان شاء الله هتلاقى اسمه كيروسين عديم الرائحة

[@haythamkamel1648]

احلي نوم رحم الله امي وابي

[@tamr1411]

اللهم امين

[@nasseraref7671]

ذكريات زمان احلى ايام

[@tamr1411]

تحياتى

[@elmesterlotfy3410]

شيخناااااااااا

[@sherifsoliman3384]

هرمنا

[@khaledabed4240]

هل هناك حد صااااحي

[@hebanonamyway]

انا من وقت ماعرفت ان اليوتيوب عليه اصوات الباجور مش ببطل اجيب الفيديو وانام على صوته واشحن الموبيل قبل مانام.... علشان الشحن مايخلصش وانام على صوته الله على زمان وايام زمان

[@tamr1411]

احلام سعيدة

[@سوطلعت]

ايام 💔😥

[@tamr1411]

تحياتى منورانى ديما والله شكرا على تفاعلك