Motrat Berisha i sulmuan vajzën, reagon babai i Klea Prengës

Mëhill Prenga, babai i Klea Prengës, e cila u sulmua brutalisht disa javë më parë në një lokal në Tiranë nga motrat Antonela dhe Mariela Berisha, ka bërë një deklaratë për Euronews Albania, duke treguar për gjendjen e vajzës së tij pas ngjarjes së rëndë.
Prenga e ka përshkruar ngjarjen si shumë të vështirë, duke theksuar se Klea nuk është ende e gatshme të flasë publikisht për atë që ka ndodhur. Ai zbuloi se goditja që ka marrë vajza e tij i ka prekur nervin e buzës së sipërme, duke i shkaktuar mpirje në atë zonë. Babai i Kleas kërkoi që ligji dhe drejtësia të veprojnë ndaj kujtdo që e shkel atë.
"Është ngjarje e vështirë për mua, dua të më kuptoni. Kjo është një ngjarje që nuk më takon mua të flas, por Kleas dhe ajo nuk është gati. Goditja, i ka prekur nervin e buzës së sipërme dhe e ka të mpirë, ndaj më kuptoni. Të falënderoj për interesimin, në një moment tjetër kur Klea të jetë e gatshme, ajo do të flasë. Kërkoj që ligji dhe drejtësia të veprojë për cilindo që do ta shkelë atë," tha Mëhill Prenga.
Ndërkohë, avokati i pranishëm në studion e Euronews Albania konfirmoi se motrat Berisha akuzohen për “plagosje të rëndë me dashje”. Sipas tij, goditja me shishe që ka pësuar Klea Prenga mund t’i kishte shkaktuar vdekjen.
Ngjarja dyshohet se ndodhi pasi motrat Berisha akuzonin Klea Prengën për ndërhyrje në raportin martesor të Marielës. Ato e dhunuan fizikisht Klean dhe më pas u arratisën. Policia i ka shpallur në kërkim motrat Berisha, por deri më tani nuk ka informacione për vendndodhjen e tyre. Sipas burimeve, ato nuk kanë dalë jashtë Shqipërisë. Disa ditë më parë, policia sekuestroi dy automjete të përdorura nga motrat Berisha, përfshirë makinën që ato përdorën natën e ngjarjes.
▪️ Web: www.shkodrazon...
▪️ Instagram: / shkodrazone
▪️ Facebook: www.facebook.c...
#ShkodraZone #Albania #AlbanianTrip #ColoursOfAlbania #Blue #Shkodra #Mountains #Photography #Nature #Weekend #Piaca #Shqip #VisitAlbania #AlbanianLand #EaglesLand #EjaNeShqiperi #EjaNeVeri #Velipoje #Artizanat #Marubi #ShkodraAlbania #topshkodraphoto #shkodraalbaniablog #travelphotography #shkodratravel #visitshkodra #postcardplaces #gopro