مقارنة بين العاكسة و UPS

مقارنة بين العاكسة واليو بي اس بكلا نوعيه العادي والاونلاين.
ان كنت تملك امكانية فالافضل الاونلاين

[@sezartv4724]

الف رحمة على واليديك هسه فهمت كلشي دوم اگول نور العلم نشرة و حتى الدين الإسلامي يوصي بنشر العلم

[@fouadalmohandes229]

تدلل عزيزي واشكرك على كلماتك الطيبة

[@mustafa_Jul]

السلام عليكم استاذ فؤاد الله يوفقك ويحفظك على معلومات والنصائح

[@fouadalmohandes229]

تدلل عزيزي اشكرك على كلماتك الطيبة

[@mustafa_Jul]

@@fouadalmohandes229 🌹🌹عفوا استاذنا الفاضل

[@arabicchad69]

السلام عليكم استاذ فؤاد ممكن تعلمني شلون ازيد من بطارية الUPS بلا امر عليك

[@fouadalmohandes229]

عزيزي تدلل والقناة هدفها الاساسي ايصال المعلومة المفيدة للمشاهدين عزيزي اليو بي اسات اغلبها ميصير تزيد بطاريات على الي موجود بيها وميصير حتى تغير الفولتية او حجمها يشمل هذا الحجي اليو بي اس العادي بكل انواعه واغلب انواع اليو بي اس الاونلاين عدا مجموعة قليلة من الاونلاين تجي بدون بطاريات اصلا انت تكدر تحطلها على راحتك والى حد معين بالتاكيد السؤال انت تريد تشتري وتسأل لو عندك يو بي اس وتريد تزيدله بطاريات؟

[@arslan_kai94]

اخي كذا فيديو شفت الك تكول لازم تشحن 24 ساعة اول مرة، هل تغيرت هاي المعلومة او لسا ثابتة، يعني ما صار اكو شاحن يفصل وحده من تفول الباتري، اني طلبت من جيتكس 2kva مكتوب بالداتا بيها شاحن ذكي ❤❤ وشكرا عالشرح

[@fouadalmohandes229]

عزيزي الكلام مالتي ما مستند على تصنيع او انتاج او ماركة مجرد وجهة نظر وهسة احاول افسرها الك مثلا اني اشتريت يو بي اس وجانت نوعيته ممتازة وجديد انتاجه يعني بطارياته جديدة شكد يحتاج اشحنه اتصلت مثلا بالشركة وكالولي يحتاج ساعة الى ساعتين كاقصى حد حسب تقدير المصنع بهاي الحالة شسوي اني برايي اشحن ٢٤ ساعة ليش اذا انتبهت على كلامي بالفديوات دائما اشترط بالشحن ٢٤ ساعة ان توفر الحرارة المناسبة والي تتراوح من ٢٠ الى ٢٥ انت من تشتري جهاز بنص مليون امامك خيارين اما تسمع كلام الشركة او على كولتك اي سي الشحن يفصل وتشحنه وقت قليل او تسمع نصيحتي وتشحنه ٢٤ ساعة الشحن ٢٤ ساعة ما ياثر ابدا بحالة توفر الحرارة المطلوبة لكن الشحن القليل واول استخدام فد يؤدي ولو باحتمال ١% الى تقليل كفاءة الجهاز وحتى ما تدخل بموضع شك الافضل برايي الشحن ٢٤ ساعة ولا تنسى درجة الحرارة واي سؤال اني حاضر وتدلل.

[@arslan_kai94]

@@fouadalmohandes229 الله يجزيك الخير والله خليته عالشحن وبشوف، مو كادر انتظر😂😂 ان شاء الله يكون نوعه زينGETX

[@fouadalmohandes229]

@arslan_kai94 تدلل عزيزي

[@arslan_kai94]

@@fouadalmohandes229 اخي هذا بس هو وعالشحن والشاشة تكتب جم فولت وهرتز وكل شوية يتغير ما اكدر اطفي الشاشة نهائي خاف يتعب العداد

[@fouadalmohandes229]

@arslan_kai94 عزيزي ما دامك منطي كهرباء لليو بي اس الشاشة ما تطفى هي والمروحة عادي ما ياثر على الجهاز

[@coldheart2352]

استاذ فؤاد عاشت ايدك بالنسبة لزمن التحويل اكو فرق بين العاكسة والاونلاين يعني عندي بلي 5 وشاشة خوما يفصل من تطفي الكهرباء اذا اشدها عالعاكسة

[@fouadalmohandes229]

نعم عزيزي اكو فرق وملحوظ وخاصة للاجهزة الالكترونية ضروري تشتري يو بي اس اونلاين، العاكسة ترهم لاجهزة كهربائية مثل مصباح او مروحة او مبردة نهائيا ما ترهم على حاسبة ديسكتوب او بلي ستيشن واي سؤال اني حاضر وتدلل.

[@ibra5139]

ليش العاكسة ما تفيد للبلي ممكن اعرف؟ ​@@fouadalmohandes229

[@1h_p5]

شكراً مهندسناا سؤال اني عندي حاسبة عملاقة 12 كارت شاشة وحساس جداً من ناحية الكهرباء وسحب كهرباء عالي بشنو تنصحني تحياتي الك

[@fouadalmohandes229]

عزيزي لكل الاجهزة الالكترونية لازم وحتما تشتريلها يو بي اس اونلاين لان الاجهزة الالكترونية حساسة لتذبذب الكهرباء اما اذا كانت الحاسبة او السيرفر عندك ضخم ويسحب هواي ، نكول مثلا عشرة امبير فلازم بالمقابل تشتري يو بي اس ضخم بقدرة تزيد على ٦ كيلو فولت وسئلت عند اسوار هسة مخلصين 6KVA لازم تشوفلك نوعية ثانية وما انصحك باقل جودة دير بالك تتورط والاعلى جودة هو APC وسعره ما اعرفه لكن اكيد خيالي. واي سؤال اني حاضر وتدلل.

[@1h_p5]

@@fouadalmohandes229 رحم الله والديك سؤال هل اقدر اربط عاكسة وتخرجلي الى الى يو بي اس اون لاين؟ لو اختصرها ب يو بي اس اون لاين عملاق اذا ختصرتها ب يو بي اس عملاق هنا كلفته خيالية

[@fouadalmohandes229]

@1h_p5 الطريقتين تصير لكن عندك تقدير مو بالضبط كم امبير تحتاج حاسبتك؟

[@1h_p5]

@@fouadalmohandes229 تحتاج حاسبتي الى كهرباء بحجم كهرباء 3 ثلاث ثلاجات! 24 ساعة تشغيل متواصل وحسبت حساب كهرباء الوطني والمولد! ارتفاع الفولتية وانخفاضها حالها حال المولدة ومشاكلها الي متخلص مشروعي يحتاج!التخلي عن كهرباء مولد الشارع فقط للشحن واجهزة العاكسة تريد كهرباء شحن قوية! هنا اضطر يمكن الى الواح طاقة شمسية معى انفرتر وهنا السؤال هل الانفرتر سريع سرعة زمنية كافية لتشغيل الحاسبة؟ لاننسى البطاريات؟بطارياتالانفرتر بلضبط نفس نظام العاكسة!

[@mhmedsofe6658]

السلام عليكم شنو رأيك بعاكسة بيها نظام ups ل ps5 وشاشة التيار المطلوب ٢.٢٥ A وجزاك الله خير

[@fouadalmohandes229]

اهلا عزيزي ما انصحك ابدا لربط اي جهاز الكتروني ذكي على عاكسة نهائيا الافضل يو بي اس اونلاين العاكسة تربط عليها مبردة مروحة مصابيح .. اجهزة كهربائية

[@mhmedsofe6658]

شكرا استاذ ولكن ممكن السبب لان زمن التحويل جدا مقبول لو قصدك HZ او الموجه ولو ثكلت عليك؟

[@fouadalmohandes229]

@mhmedsofe6658 عزيزي اي سؤال تدلل عزيزي اني بقيت اعاني من الكهرباء مال مولدة الشارع لعدة سنوات هواي سئلت ومحد انطى جواب كانت من تنخفض الفولتية وترتفع يصير خلل بالحاسبة هذا الكلام كنت رابطها على يو بي اس نوعية ممتازة لكن عادي مو اونلاين ربطتها على عاكسة ونفس الحالة ريطت منظم فولتية مرة محرك ومرة الكتروني والمشاكل تزيد ما تنقص اشتريت الاونلاين صدفة واستخدمته الكهرباء الي ينطيها ممتازة جدا ٢٢٩ الى ٢٣٠ فولت يعني خرافية اذا تكدر ماليا .. لا تتردد بشراء الاونلاين وانصحك تشتري فاربر من اسوار واي سؤال اني حاضر وتدلل

[@mhmedsofe6658]

اني جدا ممنون منك ربي يجعل هاي النصيحة بميزان حسناتك

[@fouadalmohandes229]

@mhmedsofe6658 تدلل عزيزي

[@MustafaAliraqi7]

اشكرك جدا

[@fouadalmohandes229]

تدلل عزيزي

[@MustafaAliraqi7]

@@fouadalmohandes229 شنو افضل شركة ups اونلاين وشكد الحجم الي اكدر اخذة عندي حاسبة موصفات جدا عالية

[@qjjsh]

اكو شركه تنطيك انفيرتر عاكسه التيار بشكل موجه جيبيه نقيه 24 ماعرف بس هم يصير بيها جكجكه من تنضم الفولتيه مع العلم هوه عاكسه كامله مدمجه مع المنضم تنصح بيها لو بل ups online

[@qjjsh]

مع العلم فرق اسعارهم عن ال ups online ارخص ب50الف

[@fouadalmohandes229]

عزيزي اذا تريد كهرباء منتظمة اخذ يو بي اس اونلاين، العاكسات كل الماركات ما يفيدن

[@fouadalmohandes229]

وارخص اكثر ، لان تقنية العاكسات قديمة

[@qjjsh]

@@fouadalmohandes229 شكرا استاذ 🤍

[@ahmadkitaz7606]

استاذي موجود عاكسان on line من شركة فولترونيك تحت مسمى king وهي تعطي كهرباء ثابتة 230 فولت على تجربة شخصية وبداخلها منظم كهرباء اذا كهرباء الوطنية عندك 130 يرفعها لل230 ويخفضها اذا ارتفعت و زمن التحويل بين الكهرباء و العاكسة صفر لايوجد زمن اون لاين وشكرا

[@fouadalmohandes229]

مشكور عزيزي على المعلومة

[@ausmx943]

وكيف نحل مشكلة الكهرباء مالت المولد اذا الفولتية غير منتظمة

[@fouadalmohandes229]

عزيزي الحل الوحيد هو شراء يو بي اس اونلاين لا يوجد حل اخر اما كهرباء الوطنية فلا تحتاج الى يو بي اس اونلاين وانما تحتاج الى منظم فولتية

[@ausmx943]

@@fouadalmohandes229 بارك الله فيك على النصائح برايك شنو النوعية الزينه مال يوبي اس اون لان وماهي المواصفات

[@fouadalmohandes229]

@ausmx943 تدلل عزيزي واشكرك على كلماتك الطيبة عزيزي اني عندي بالبيت فعليا ثلاث قطع يو بي اس اونلاين 3KVA اونلاين ماركة فاربر مشتريهن من شركة اسوار واحد منهن اله عندي اكثر من سنتين وجاي يشتغل بدون توقف ٢٤/٢٤ وبدون اي خلل الشي المهم باليو بي اس هو توفير حرارة معتدلة وشحن على كد الحاجة لا اكثر ولا اقل واي سؤال اني حاضر وتدلل

[@ausmx943]

@@fouadalmohandes229 الله يبارك فيك ويرزقك ويكثر من امثالك

[@fouadalmohandes229]

@ausmx943 اهلا وسهلا بيك عزيزي

[@sui7]

السلام عليكم هاي تجي وزاري ؟

[@fouadalmohandes229]

لا عزيزي ما تجي وزاري تجي على جيبك من تكبر وتصير عندك عائلة عندك مبلغ قليل وتحتار تشتري عاكسة لو يوبي اس.

[@King133]

@@fouadalmohandes229 اي والله تجي على الجيب تكول ديان قديم

[@wisam1419]

سلام عليكم كابتن حبيبي بس سؤال اني عندي بلي 4 اريد اشتري عاكسه هل راح اتفيدني ( ملاحظه الفولطيه عندي مو ثابته من 180 الى 230 ) هل تنصحني اشتري عاكسه او UPS اولاين وشنو السبب

[@fouadalmohandes229]

عزيزي انت صاحب القرار العاكسة بيها مميزات ومساويء واليو بي اس الاونلاين كذلك العاكسة تنطيك وقت اكثر العاكسة سعرها ارخص مساويئها العاكسة بيها ملحقات بطارية وهوسة العاكسة اكثر خطورة بانفجار البطارية العاكسة ما تنظم الفولتية واخير نقطة هي الاهم باليو بي اس الاونلاين حيث ينطيك فولتية رهيبة ٢٢٩ الى ٢٣٠ ممتازة لكل الاجهزة اذا تكدر ماديا انصحك باليو بي اس الاونلاين

[@wisam1419]

@@fouadalmohandes229 اول شي اشكرك على توضيحك وثاني شي بس سؤال اذا اشتري منظم فولطيه وتخلص من الصعود والهبوط بل فولطيه تنصحني اخذ UPSاوفلان حجم كبير أو اخذ UPSاولاين حجم صغير وسؤال ( ليش تنفجر البطاريه الخارجية للعاكسه )

[@fouadalmohandes229]

@wisam1419 عزيزي ما سامع ابدا اكو عاكسة او منظم فولتية ينطيك كهرباء منتظمة باللحظة الواحدة مثل اليو بي اس الاونلاين اليو بي اس الاونلاين طول الوقت ينطيك ٢٢٩ الى ٢٣٠ فولت في حين منظم الفولتية يعمل على الارقام الثابتة يعني تنطيه ١٨٠ يرفعها لل٢٢٠ تنطيه ٢٦٠ يخفضها لل ٢٢٠ ولهنا زين بس تنطيه كهرباء مخربطة صاعد نازل يعني ١٨٠ يريد يرفعها من المصدر ترتفع ميدري هو بعد يرفعها ويتجاوز ٢٤٠ يسوي هوسة اذا كهرباء مذبذبة الاونلاين ماكو هيج حجي ، اما حجم الاونلاين الصغير ١ كيلو فولت يعطيك حوالي ربع الى نصف ساعة للبلي اشوفه وقت جيد ، اما بخصوص انفجار البطارية العاكسة تجميع هنا ما جاية مرتبة من الخارج وحجم البطارية جبير ، اذا انفجر يسوي مشكلة في حين بطارية اليو بي اس حتى اذا انفجر بعد متر ما اتاذي احد واي سؤال اني حاضر وتدلل القناة هدفها فائدتكم.

[@wisam1419]

@@fouadalmohandes229 زين حبيبي اني عندي مبلغ 400 الف يا شركه اخذ UPSاولاين

[@wisam1419]

@@fouadalmohandes229 زين حبيبي اني عندي 400 الف يا شركه اخذ منها UPSاولاين !