مقارنة بين اوبر والوظيفة في استراليا ومعلومات مهمة عن الرواتب لكل مقيم في استراليا وسيدني

[@madefher]

ألف رحمة على والديك كلامک 100% انتا حجيت الواقع مشكور ماقصرت ..ومنتظرين حلقة مصاريف السيارة لأن اني اكثر شي يهمني مصاريف السيارة والكيلومتر الي كاعد تمشيةالسيارة لأن تدري لأوبر من تشتغل تسع ساعات سيارتك راح تمشيها هواي يعني بالمستقل من تريد تبيع او تبدل سيارتك وهيا ماشية كيلومتر هواي يعني شكد را تجيبلك السيارة اهنا اعتقد نص سعر السيارة راح ينزل وخاصتنآ اذا مشتغل بيها اوبر.. يعني تسوى الواحد يشتغل اوبر بدوام كامل

[@Iraqi_in_Australia]

شكرا حبيبي لكلامك الراقي .. سؤالك بالصميم وراح انطيك رأيي بالموضوع ويا الأرقام انشالله بحلقة السيارة.. تحياتي أخوية

[@Iraqi_in_Australia]

اعتقد محتاجين فديو يبين تكاليف المعيشة في سيدني استراليا 😅 ولذلك راح اسويلكم هيجي فديو في ظل هذا الغلاء بالاسعار والايجارات الغالية في سدني استراليا .. لو تحبون هيجي فديوات اشتركوا بالقناة .. وشكرا لجميع المتابعين

[@alizuru198]

تستاهل الدعم ما طول عراقي مشترك جديد

[@Iraqi_in_Australia]

@@alizuru198 تسلم حبيبي ماتقصر

[@Iraqi_in_Australia]

@Mustafa-qv4ok عندي فديو بالقناة عن الدراسة باستراليا وفيزة الدراسة .. شوفه راح تستفاد منه خصوصا انو اني ذاكر بالضبط كورس الانجليزي الي تريده انت .. شوف الفديو واذا عندك سؤال اني بالخدمة.. جواب لسؤالك اي تكدر تشتغل رسمي بفيزة الدراسة بس لمدة عشر ساعات عمل بالأسبوع.. شوف الفديو حاجي بيه عن هالموضوع اعتقد

[@madefher]

تحياتنا لحضرتك وآسفين على لأزعاج واتمنالك كل الخير والموفقية والرزق الحلال

[@madefher]

وحبيب كلبي منتظرين حلقة السيارة ❤❤🎉🎉

[@فٱيزإلفآعؤري]

استمري نحو الأفضل 😊

[@madefher]

وطبعا انتا اول واحد عراقي يشتغل Uber Driver ويصور وينزل على اليوتيوب بسيدني واتمنى من الله يحفظك ويرعاك ..وحاب اتعرف عليک اذا تكدر دزلي رقمك حتى اكدر اشوفک فد يوم وتحياتي لحضرتك يابطل

[@Iraqi_in_Australia]

الي يريد يشوف الملخص يروح على الدقيقة 6:58 والدقيقة 13:27 .. فاعل خير 😂

[@عليالبصري-ل1د]

🎉❤🎉❤تحياتي لك أخي الكريم اتمنالك التوفيق والنجاح الدائم

[@Iraqi_in_Australia]

شكرا عزيزي تحياتي ❤

[@Kine11]

سلام عليكم اخي جزاك الله خير على المحتوى الممتع صراحه استمر ، عندي سؤال اذا ماكو زحمه واذا عندك معلومه عن تخصص التحليلات المرضيه من ناحيه الراتب وكيف نعادل الشهاده واكدر اشغل بتخصصي ؟

[@Iraqi_in_Australia]

شكرا عزيزي على التشجيع واهلا وسهلا بيك .. تكدر تكتب اسم التخصص بالانجليزي؟ حتى احاول اسأل عنه .. تحياتي اخي

[@Kine11]

@@Iraqi_in_Australia ربي يوفقك ، اسم التخصص Medical laboratory techniques ، المحلل الي يسويلك تحاليل عندما يطلبهن الدكتور واشكرك جداً على الرد راح اتعبك وياي 💖

[@Orangejuicewith]

مشكووور اخي لكن الاغاني ما اركز بسببها

[@Iraqi_in_Australia]

اعتذر لوكان الصوت عالي بس حاولت اوطي صوت الموسيقى اكثر شي صدقني .. تحياتي اخي الكريم

[@moonm4302]

تنصحني الله يسلمك اهاجر لاستراليا اجي اكمل دراسات عليا جامعه وتخصصي الكمبيوتر هناك باستراليا شغل الكمبيوتر ممتاز ورواتب عاليه واقدر اوفر ولا اروح جامعه في امريكا وكندا افضل؟! ياريت تجاوبني وتنصحني وشكرا

[@Iraqi_in_Australia]

الي اعرفه انو شغل ال IT هنا كلش زين واكو مكانات يدفعون زين ومكانات يدفعون نفس الراتب الي اني دااحجي عليه بالفديو يعني اثنان وثلاثون دولار بالساعة .. يعني حسب المكان بس اعتقد الشغل مطلوب هنا .. أما عن الدراسة فبرأيي جرب راسل الجامعات بكل هاي الدول وشوف ياهو تقبل تدرس بيها وشنو شروطهم.. الحياة باستراليا افضل من كندا اما امريكا ممكن بيها فرص اكثر للعمل

[@moonm4302]

@@Iraqi_in_Australia تسلم والله للنصيحه الله يبارك بعمرك🙏 تكاليف الجامعه باستراليا اقل من امريكا وقبول اسهل من امريكا ، اذا شغل الIT باستراليا متوفر ورواتب ممتازه اتوكل على الله واسجل بجامعه بس افضل مدينه للعمل كانبيرا او ملبورن؟ وتسلم مره ثانيه

[@Iraqi_in_Australia]

@@moonm4302 شوف راح اكولك شي وممكن بالمستقبل اسوي حلقه عنه بس اكوله الك هسة حتى تكدر تدور بنفسك وتشوف.. ابحث عن العمل باستراليا وحسب المدينة بهذا الموقع www.seek.com.au هذا الموقع مضمون ورسمي والجميع يبحث بيه عن الشغل .. لا تثق بموقع indeed هاي نصيحتي الك ابحث عن نفس العمل ب كانبيرا وسدني وملبورن وشوف شكد اكو شغل معروض على الموقع ومنها تكدر تاخذ فكرة عن فرص العمل بكل مدينة.. ثاني شي اكو هوايا شركات يكتبون شكد الراتب الي يدفعوه بهذا الموقع seek حتى تاخذ فكرة عن الرواتب بكل مدينة هم انصحك بعد شغلة .. اكتب لأي شخص صاخب قناة وهو بأمريكا اسأله عن مواقع البحث عن الأشغال بأمريكا وجرب تبحث بنفسك وتقارن الرواتب وفرص العمل.. بالتوفيق اخي واي سؤال اكدر اساعدك ماراح اقصر انشالله

[@marwanalfraih3491]

تحياتي لحضرتك وشكرا على المعلومات بالنسبه للضريبة هل أنا مطالب ادفع ضريبه بالاضافه إلى ال GST لو فقط الGST؟ لان أنا جديد بشغل الأوبر وقبل كم يوم دفعت GST .

[@Iraqi_in_Australia]

لازم تدفع ضريبة و GST بس هسة انتبهت ماحكيت عن ال GST اني بالفديو 🥴 لان كان المفروض اكو حجي كنت محضره عن الموضوع بس نسيت اخليه ويا الفديو... بالنسبة لسؤالك اخي اي طبعا لازم تدفع ضريبة و اني حجيت عن موضوع الضريبة بالفديو انو الاوبر لازم توفر فلوس حتى تدفع ضريبة بنهاية الشهر السادس من كل سنة .. اذا شي مامفهوم اعطيني خبر وتدلل أخوية

[@marwanalfraih3491]

شكرا على جوابك اخوي كلشي واضح وتمام ماقصرت . طلعت البطانه اغلى من الوجه 😂 ضريبه وجي اس تي خلي ابقى على شغلي الاصلي احسلي 😌

[@Iraqi_in_Australia]

@@marwanalfraih3491 هههههه اي صحيح بس الفرق انو هوايا شغلات تكدر تسجلها على شغلك وتخصم منها ال GST وتخصم منها حتى الضريبة لان يعتبر عمل حر .. بالوظيفة ماتكدر تسوي هيجي

[@youssoufabdalglil3977]

عفواً هذا الموضوع هو /اوبر توصيل المعكولات ولا اوبر توصيل ركاب ؟

[@Iraqi_in_Australia]

اوبر توصيل ركاب أخوية

[@ابراهيمالابراهيم-ر3ن]

السلام عليكم أشكرك على بساطتك وعلى الفيديوهات المفيدة بس عندي سؤال لو سمحت انا اشتغل سائق اوبر في ولنغتون نيوزلندا اذا اجبت على مالبورن على علمك احتاج اغير شيى باوراقي أو مثلا لازم رخصة قيادة استراليا او لقد أشتري سيارة واشتغل فورا وشكرا الك

[@Iraqi_in_Australia]

عليكم السلام أخوية وشكرا لكلامك ياطيب.. بالنسبة لسؤالك اعتقد اذا تسأل اوبر يقدرون يجاوبون عليه احسن مني.. أما بالنسبة لانك من نيوزيلندا ف اكيد راح تكدر تجي وتشتغل باي شي تحبه بدون اي قيود اعتقد انت تعرف بهذا الشي كونك من نيوزلندا.. بالنسبة لاوبر ف أحسن شي تراسلهم وتسالهم .. اذا عندك اي سؤال ثاني تفضل اسأل أخوية

[@ابراهيمالابراهيم-ر3ن]

@@Iraqi_in_Australia اشكرك اخوي انا فعلا رسالتهم وقالو أنه لازم افتح حساب جديد في استراليا ويكون عندي رخصة قيادة استراليا

[@madefher]

أخوية العزيز ..اتمنى انو انتا افتهمت قصدي للعلم اني عندي Toyota Camry hybrid ascent sport 2021 ..اتصور من تمشي بيها كيلومتر هواي بعد سنة مراح تجيبلك اكثر من 25k يعني الواحد يسوي يشتغل اوبر بيها بدوام كامل واني ماخذا هاي السيارة 43k واني مو دائما اشتغل بيها اوبر بس دا اشوف السيارة كاعد تتلف وتمشي كيلو متر هواي من اشتغل بيها اوبر

[@Mustafa1234Momn]

اخي اشلون اتواصل وياك عندك انستكرام

[@Iraqi_in_Australia]

يميلي بنهاية الوصف مال هذا الفديو .. تحياتي اخي