مقارنة عملية بين حلل استانليس كوركماز التركي وحلل فيفالدي التركي

مقارنة عملية بين حلل استانليس كوركماز التركي وحلل فيفالدي التركي
المقارنة بين الحلل في الشكل الخارجي وفي الأداء على النار وفي التنظيف كمان.
الحلل الكوركماز اشتريتها من محل my home في النزهة الجديدة في شارع طه حسين
والحلل الفيفالدي اشتريتها من الشربيني شوب في حمام التلات. اشتريتها منه اون لاين.
لينك محل الشربيني على الفيس بوك
/ sherbenyshops
ريفيوهات عن الأجهزة الكهربائية
• شرح مفصل عن كيتشن ماشي...
لينك صفحة الفيس بوك الخاصة بالقناة
/ nana-salem-10442315499...
واخيرا أتمني تشتركوا في القناة وتفعلوا جرس التنبيهات 😘❤❤❤

[@ommalek1889]

لسه جايبه كوركماز ألفا واستعملت حلتين تمام استعملت الطاسه عملت بقع كتير جداااا مش راضية تطلع ابدا الصراحه انا تعبت والله مش عارفه اشترى ايه 😭

[@nanasalem]

الظاهر فعلا ان كوركماز ماعادش حلو زي زمان. حضرتك مش أول واحدة تشتكي منه. بنات كتير كتبولي في الكومنتات واشتكوا نفس الشكوى. جزاك الله خيرا على تعليقك هنزله على القناة عشان الناس تستفيد

[@e.e5695]

رجعيه التوكيل

[@nanasalem]

@@e.e5695 كل التركي مالوش توكيل في مصر

[@kokylele959]

جيبي نصف ليمونه وحطي في الحله ملح ومسحوق أريال وادعكيه بنصف الليمونه هيطلع البقع ما تخافيش

[@user-rm3xg4os9m]

@@nanasalem ممكن اعرف دلوقتي أنهو أحسن ف الإستخدام معاكى. جزيتي الجنه يارب

[@user-rm3xg4os9m]

أشكرك ع أمانتك وصراحتك. في ميزان حسناتك يارب

[@gmailgexira7138]

أفادكم الله تعالى- ربنا يبارك فيكي

[@user-yd1qu1hm6z]

تسلمي حبيبتي واتمني الناس تشجعنا وتفرحنا

[@raniayouseif]

محتوى رائع وراقى بالتوفيق والنجاح الدائم ❤️❤️❤️

[@magdaahmad6990]

مساء الخير و السعادة شكرا للاهتمام وتوصيل المعلومات بكل أمانة

[@user-zz6fe7ey9p]

جزاك الله خير الجزاء يااختي على توضيحك

[@nanasalem]

جزاني واياك حبيبتي 💓

[@khedrabdelfattah]

فيديو رائع وجميل رمضان كريم 🌹🌹🌹🌹

[@user-df5bh8nh7v]

جزاكي الله خير الجزاء علي المعلومه رزقكم الله خير الدنيا والآخرة

[@nanasalem]

آمين ولك مثله يارب

[@randaroro9589]

عاشت ايدج على هذا التوضيح شكرن لكي

[@worldvision1699]

اتعلمي تكتبين شكراً لكِ …. مو شكرن لكي

[@Naglaa33]

فيديو تحففة كالعادة يا قلبى

[@omrkarem1140]

تسلم ايدك على الارز بالشعرية

[@folagazala7254]

استمري فيديو ممتاز ما شاء الله عليكي ربنا يحفظك و يبارك فيكي

[@medh1000]

جزاك الله خير

[@user-ys7ro7je3f]

شكرا جزاك الله خير ربنا يباركلك

[@noramorished7468]

جزاك الله خيراً😘🌹

[@nanasalem]

جزاني واياك حبيبتي 💝💝💝

[@totawess6986]

ايه رأي حضرتك ف الطقم اجيبه ولا لا

[@user-zz3zu1vx1o]

جزاكي الله خيرا طب ممكن تفيديني ايه رأيك في طقم حلل بونيرا التركي

[@nanasalem]

جزاني واياك حبيبتي. كشكل عجبني اوي لكن بأمانة ماجربتوش

[@rehabsolav8980]

شكرا ربنا يباركلك

[@nanasalem]

العفو ياحبيبتي 💞

[@gigisiam6876]

تحفة الفيديو 😘

[@ahmednour5003]

لو سمحتي بعد سنتين من الفديو ايه الطقم الي تنصحيني فيه

[@ahmedwaeel9117]

ربنا يبارك لحضرتك ممكن أعرف رايك فى البونيرة

[@nanasalem]

هو طبعا انا ماجربتوش بس شايفة الاستانليس بتاعه حلو 18/10 وصناعته وتقفيله كمان حلو والناس بتشكر فيه اللهم بارك

[@Salma-17]

شكرا علي مجهودك ❤ كنت عايزة اسألك انا جايبه في جهازي طقم حلل جرانيت وعايزة اجيب معاة استانلس وبس كدة دة كل اللي هيكون عندي فهل تُقل وزن الحلل الفيفالدى هيكون صعب في الاستخدام اليومى وكدة ولا تُقل عادي يحتمل ؟

[@user-db7fp9wl8v]

جزاء الله كل خير

[@nanasalem]

جزاني واياك

[@monasuliman8423]

ماشاء الله على الحشمه 👍🏻

[@alshimaaseaf5652]

لو سمحت أنا عاوزه اشترى طقم حلل استانلس وقدامى كوركماز ألفا وفيفالدى التركية يا ترى أشترى ايه عن تجربة حضرتك

[@AhmedAhmed-gr6ty]

جزاك الله خيرا ع الشرح المبسط والامانة في نقل التجربة .. يا اختي بس حبيت اقولك اني لا يجوز ان أحلف بالامانة لأن الباء باء القسم والقسم لا يكون إلا بالله لكن ممكن اقول للأمانة يارب اكون قدرت اوصلك المعلومة احبك في الله

[@nanasalem]

جزاكم الله خيرا على النصيحةبس انا لم أقصد القسم. انا بقول بأمانة زي بصراحة وده لاحرج فيه ان شاء الله ده لينك الفتوى fatawapedia.com/%D8%AD%D9%83%D9%85-%D9%82%D9%88%D9%84-%D8%A3%D9%85%D8%A7%D9%86%D8%A9-%D8%AA%D9%81%D8%B9%D9%84-%D9%83%D8%B0%D8%A7-%D8%A3%D9%88-%D8%A3%D9%85%D8%A7%D9%86%D8%A9-%D9%84%D8%A7-%D8%AA%D9%81%D8%B9%D9%84-%D9%83%D8%B0%D8%A7-32033#:~:text=%D9%87%D8%B0%D9%87%20%D8%AA%D8%B4%D8%A8%D9%87%20%D8%A7%D9%84%D9%82%D8%B3%D9%85%20%D8%A3%D9%85%D8%A7%D9%86%D8%A9%20%D8%A3%D9%81%D8%B9%D9%84,%D9%85%D8%B9%D9%86%D9%89%20%D8%A7%D9%84%D9%88%D8%B5%D9%8A%D8%A9%D8%8C%20%D9%81%D8%A5%D9%86%D9%87%20%D8%A8%D9%85%D8%B9%D9%86%D9%89%20%D8%A7%D9%84%D8%AD%D9%84%D9%81 لكني سأحاول ترك هذا القول للسلامة ان شاء الله جزاكم الله خيرا 💝💝💝💝

[@AhmedAhmed-gr6ty]

@@nanasalem 😚❤

[@monaamr1118]

طيب ممكن اسعار الفيفلدى دلوقتى ؟!

[@kitchenmony2578]

بالتوفيق حبيبتي ان شاءالله

[@amirasamir8509]

ربنا يبارك لحضرتك وجزاك الله خيرا على ريفيو ممكن اعرف اخبار حلل فيفالدى ايه بعد الاستخدام فتره هل نقرت

[@nanasalem]

جزاني واياك حبيبتي لأ كويسة الحمد لله

[@amirasamir8509]

@@nanasalem ربنا يبارك لكى حبيبتى

[@aghanizaman0]

والله تسلمي نصائح حلوه اوي

[@nanasalem]

العفو ياحبي🥰💝💝💝

[@sanaali5126]

أختي ممكن تفدتي ارشا ولا كروكماز أرجو الرد بسرعة وشكرا لحضرتك

[@omniasabry8891]

ايه رأى حضرتك فى فيفالدى بعد الاستخدام؟ ضرورى بالله عليكى

[@nanasalem]

كويسة بس أهم حاجة توطي النار دايما عشان الاكل مايتحرقش. لان الاكل لو اتحرق فيها بيبقى تنضيفها صعب

[@user-kl1nb6ll5s]

ممكن تقوليلي هتجيبي لبنتك ايه محضره طعام

[@user-lp6if6lx3l]

جبت الفيفالدى ومن اول استخدام عمل نفس البقع دى روحت رجعته وجبت زهران حلو اووووى

[@Youssef-1Youssef1]

❤❤

[@manarwael5090]

ده انا قلت اجيب فيفالدي لأن كوركماز بقع معايا طب اجيب ايه

[@asmaamohamed4611]

حبيبتي ايه رأيك في زهران وبينسك فيه المغناطيس انا لسه شاريه زهران طقم كامل وبيلزق المغناطيس فيه في القاع وفي الجناب

[@fatmaabdelerahman7673]

استاذة نانا هل الحلل نقرت معاكى بعد فترة من الاستخدام او ظهر ليها أى عيوب عشان محتاجة اجيبه دلوقتى فالعروض؟

[@nanasalem]

بصي هي مش سيئة لكن مش حلوة زي الكوركماز يعني بقت مبقعة ( مش منقرة) ومش سهلة في غسلها زي الكوركماز. لكن ملحوظة مهمة جدا ان الحلل الكوركماز اللي عندي جايباها من زمان ولقيت جايلي كومنتات ان الكوركماز حاليا مابقاش زي زمان وان هو كمان بقى بيبقع كدة زي الفيفالدي

[@fatmaabdelerahman7673]

@@nanasalem شكرا لحضرتك عالرد ، أنا شايفة بصراحة انها احسن من البرندات التانية التركى اللى موجودة وشفت ليها ريفيوهات كتير انها بعد الكوركوماز من ناحية الجودة وفعلا انا سمعت من كذا حد اشترى الكوركوماز قريب ونقرت من اول استخدام وقولت طالما كله محصل بعضه اشتريه وخلاص حضرتك قايلة فالريفيو انها بتدخل غسالة الاطباق صح؟ .. يعنى حتى لو مش سهلة فالغسيل فهى بتتغسل فالغسالة ولا رأى حضرتك ايه ؟

[@nanasalem]

@@fatmaabdelerahman7673 اه ياحبيبتي بتدخل الغسالة وبتنضف بس انا بتكلم لو حاجة لازقة فيها. بس هي في المجمل كويسة ولو وطيتي النار هتحافظي عليها ان الأكل مايتحرقش ولا يلزق فيها

[@rashagamil2808]

@@fatmaabdelerahman7673 من فضلك يعنى هيا احسن من سولن جيرمان التركى

[@user-yk3dc3gq3j]

لو سمحتي أنا جبت الكرموكاز بس من السعودية جبت حلة ألفا وحلة برولين والبرولين أغلى ف السعر من ألفا بس لسه ماجربتهمش عشان لسه ماوصلوش لي ف مصر. فهل عندك فكرة أيهما افضل الألفا ولا البرولين ؟‬‏

[@hanaaabdelfatah7063]

‏‪6:49‬‏ ممكن حضرتك تقولى انهو احسن برولين ولا الفا جراند؟

[@TiGeR-mu9vg]

لو سمحتى المغناطيس بيلزق فى حلل كركوماز ولا لا ارجوا الرد ضرورى لانى اشتريت استرا والمغناطيس بيلزق فى القاع بتاع الحله من جوا والقاعدة من بره

[@ahmedabd4356]

لو المغناطيس بلزق ف القاعده بس مش مشكله اهم حاجه مايلزقش ف الجوانب

[@e.e5695]

لو سمحتي انا بجهز .. و سمعت ان الكوركماز الفا و استرا بينقر و بيبقع فهل اجيب كوركماز برولاين و لا مجبش اصلا و اجيب فيفالدي و هل هو كمان بينقر ؟؟

[@nanasalem]

للأسف كلهم بينقروا بس التنقير ده مش حفر في الاستانليس ده بيبقى لون كدة زي ماوريتكوا في الفيديو. ورأيي طالما الكوركماز هو كمان بيعمل كدة يبقى مالوش لازمة لانه ضعف السعر تقريبا

[@neveenholiel6556]

طيب هو الشعانين بنفس القوه ما يمكن الي اتحمرت الشعله اعلي ؟؟؟

[@nanasalem]

نفس الشعلة

[@nanasalem]

لأ مش أعلى بس عموما انا بفضل ان الرز يتعمل في التيفال او الجرانيت عشان اسهل حتى لو نسيتيه ولزق بيتغسل بمنتهى السهولة. لكن هي ممتازة جدا في الخضار واللحوم وأداءها ممتاز بس لما استعملتها حسيت الكوركماز أحلى وطبعا ده عشان انا بقارن وعندي الكوركماز بقالي كتير ومتعودة عليه. فأعتقد اللي هتجربها لوحدها من غير مقارنات هتحس انها حلوة وهتفرح بيها

[@ayatsafwat4350]

ايه رايك في فيفالدي دلوقتي تنصحيني اجيبه ولا لا

[@nanasalem]

بصي لو انتي بيفرق معاكي شكل الحلة اوي وعايزاها تبرق وبتضايقي لما بتبقى مبقعة كدة زي ماشوفتي في الفيديو يبقى بلاش لان الماركة دي الحلل بتاعتها بتعمل بقع كدة في الحلة. بس البقع دي لون بس مش منقرة ولا أي حاجة ومش بتأثر في أداءها خالص. لكن لو البقع دي عادي بالنسبالك هاتيها هي جميلة اللهم بارك وسعرها ممتاز يعني قريب من المصري

[@merosameh3673]

طيب ايه رايك في استانلس مصانع ٦ اكتوبر

[@nanasalem]

بأمانة ماجربتوش

[@mohamed.---.ebrahem]

لو سمحتي عايزه أشتري طقم بلله عليكي تنصحيني بأي نوع من الاستالس يارب تردي عليه ضروري

[@nanasalem]

انا بأمانة مش لاقية ماركة أقدر أقول عليها ممتازة. كلهم بيبقعوا بعد الاستعمال( ماعدا الكوركماز القديم ) الجديد برده الناس بتشتكي منه. الفيفالدي كويس مش وحش وسعره حلو بس أهم حاجة حاولي الأكل مايتحرقش فيه وتتبعي تعليمات الإستعمال

[@amilhady9617]

من فضلك عايزة أعرف الكوركوماز فيه مقاسات كبيرة 32 و34 و36 وأكبر لحد 40 مثلاً وعايزة أعرف مكان للبيع يكون مضمون مفيش فيه غش برجاء الرد

[@nanasalem]

انا شوفت مقاسات كبيرة اوي بس مااهتميتش أشوفهم صراحة. أعتقد موجودين عند my home stores في النزهة الجديدة في شارع طه حسين ممكن تكلميهم تستفسري قبل ماتروحي

[@user-ni7yc4eq8q]

تنصحيني بايه عشان تعبت من التفكير ارشيا الماني ولا فيفالدي ولا كوركوماز ولا زهران ولا المصانع

[@nanasalem]

كل اللي قولتي عليهم سمعت عنهم شكاوي ماعدا الارشيا الالماني بس للأمانة برده انا ماجربتوش بس بفكر اجرب في حلة واحدة كدة واشوف ان شاء الله

[@mervatramzy7002]

حد يعرف سعر طقم ارشيا كام

[@user-eh9sk3te1l]

جزاك الله خيرا ممكن اعرف انه. احسن الفيفالدى ولا هتشفير ولا زنوكس

[@nanasalem]

جزاني واياك حبيبتي. انا للأمانة ماجربتش غير الفيفالدي

[@lailasaad8155]

طيب راي حضرتك اي في زينوكس كلاسيك انا محتاره أجيب لبنتي ماركه اي فيفا لدي ولا زينوكس ولا زهران ياريت حضرتك تفيديني انا بجيب لبنتين

[@emanhassan5036]

بالله عليكي عرفينى اشترى حلل فيفاليدى ولا هاشفر ولا اشترى بالحلة.. انا عروسة وبجهز وقربت اتجوز ومحتارة جدا جدا جدا

[@nanasalem]

هاتي طقم على بعضه هيبقى ارخص من انك تشتري بالحلة. الفيفالدي كويس مش وحش لكن مش اللي كنت اتمناه لانه رخم شوية في تنضيفه وعامل بقع مش بتطلع لكن كأداء كويس. اما هاشفر ماجربتوش بصراحة

[@lailasaad8155]

@@emanhassan5036 بصي انا كنت محتاره وانا بجيب لبنتي عملت استخاره ولفيت في السوق لغايه ما سبحان الله رحت اطقم مفكرتش فيه خالص من عند الرملاوي اسمه ،sifonx تركي وماشاء الله جميل هو عند اختي بقاله سنين كتير وبتشكر فيه ماشاءالله

[@user-ks7wh4ci5s]

في نوع من الشركه دي جت اشتريه المغناطيس مسك ف الحله من الداخل ده معني انه مش كويس ولا ايع

[@nanasalem]

والله بأمانة انا ماجربتش المغناطيس فيها ولا في الكوركماز بس أكيد كدة مش حلو

[@hasnaakhaled2841]

الفيفالدى حلو فى الاستخدام ولا الكركوماز وأنهى احسن فى الاستخدام

[@nanasalem]

معايا الكوركماز احلى لكن حاليا سمعت عنه شكاوي كتير

[@AliMohamed-ce9gq]

جربتي السلق في غيفالدى وهل تتحرق

[@nanasalem]

السلق عموما مش بيحرق الاستانليس الا لو نسيناه على النار والماية نشفت

[@amahmed1816]

طقم حلل استانلس فيفالدى مش لقياه ياريت لو موجود فى مكان تعرفينى وبكام الوقتى

[@nanasalem]

فعلا معاكي حق هو فعلا مش موجود خالص. وللأسف لو لقيتيه عند تاجر هتلاقيه مأفور أوي في السعر عشان عارف انه ناقص

[@mariamdapsh4725]

طيب انا دلوقتي بجهز ممكن عايزه أعرف بس سعر الكركماز كام والفيفالدي كام والماركه إيه افضل حاجه

[@nanasalem]

ممكن حضرتك تسألي المحل ده اللي اشتريت من عنده ان شاء الله يفيدك instagram.com/sherbeny_shops?igshid=YmMyMTA2M2Y=

[@AaBb-md9db]

السلام عليكم ورحمه الله وبركاته لو سمحت ممكن اعرف الكركماز دى بكام ومنين اشتريها

[@nanasalem]

وعليكم السلام ورحمة الله وبركاته من محل my home في النزهة الجديدة في شارع طه حسين

[@wessam95]

طيب ممكن اسعار الكركوماز بالحله

[@nanasalem]

بصراحة مش فاكرة بس الصفحة دي على الفيس اسعارها حلوة أوي ممكن تسأليهم facebook.com/groups/684574872145658/?ref=share وممكن تسألي برده محل الشربيني ومحل my home. والارخص هاتي منه.

[@user-mq5wr8ou3t]

لو سمحتى الطقم حصل فيه بقع سوده لو سمحتى وهو 314 ولا 304

[@nanasalem]

استانليس 18/10

[@daliamahmoud6440]

حبيبتى طب الكوركماز جيباه منين وبينقر ولا لا

[@nanasalem]

أكتر من رائع الحمد لله ومش بينقر بس اللي عرفته من التعليقات ان الكوركماز حاليا مش زي زمان. كنت جايباه من محل my home في النزهة الجديدة

[@user-ri2xc1iz1q]

جزاكي الله خيرا

[@ghadaabdo1212]

دلوقت بعد استخداك لفيفالدي ايه اخباره معاكي اما بالنسبة لكوركماز فهو وحش جدا جدا انا استعملته وظهر بقع بيضاء ونقر بعد حوالى شهر ونص

[@nanasalem]

نفس البقع البيضاء هي مش نقر لكن بقع بس انا برده مش بستعمله كتير أوي زي الكوركماز

[@memomohamed9010]

يعني الكوركماز والفيفالدي عملوا بقع بيضا؟؟؟؟

[@user-gx7oh2xs7o]

@@nanasalem بعد ما تغسلي الحلة نشفيها

[@mostafagaballah8794]

طيب لو سمحتي اي رايك في الفيفالدي حاليا عشان اقرر اجيبه ولا اجيب الكوركماز

[@nanasalem]

كويسة مش وحشة. لو الكوركماز دلوقتي زي زمان كنت بلا تردد نصحتك بيه لكن واضح انه مابقاش حلو وبيبقع برده يعني زيه زي الفيفالدي وضعف سعره

[@user-ib5ch1ly7n]

الفيفالدي عمل معايا سمار مش بقع بيضه ودا بيخلي شكل الحله بعد ما بتنشف سمراء من جوا ودا معناه ان الكوركوماز اغلي طيب حضرتك ردي عليا انتي جايبه الفيفالدي بكام

[@nanasalem]

الطقم ب 2000 جنيه

[@user-sl8bh3if7z]

​@@nanasalemحاليا الحله بكام من فضلك فيفاالدي مقاس 32

[@user-xm1uk9fm9l]

ممكن اعرف حلل كركماز فرداني اشتريها منين ؟

[@nanasalem]

من أسواق شارع عبد العزيز خلف النادي الاهلي. وموجودين برده في محل ماي هوم استورز في النزهة الجديدة

[@muftinoraniwazaif2486]

لقد شاهدت قناتك ، أشعر بأنني قوي جدًا ، لذا ابق على اتصال معنا ، إن شاء الله ، سنبقى على اتصال ، الله يفرحك ، يحفظك ، يعطيك جزاك الله خير ، آمين ، يا رب العالمين ، تذكر في صلاتك. أنا من باكستان السندية الأخ.....

[@hanaaahmed8533]

ايه رايك حضرتك في طقم حلل الاندلس

[@nanasalem]

مش عارفة بصراحة ماجربتهاش

[@AhmedAhmed-gr6ty]

ولو ممكن تقوليلي رأيك في استاليس المصانع الحربية

[@nanasalem]

اللي أعرفه انها كانت ممتازة والناس بتشكر فيها لكن حاليا مش عارفة حد جربها قريب

[@user-mq5wr8ou3t]

لو سمحتى الطقم حصل فيه بقع سوده أو نقر عشان عايزه اجيبه

[@nanasalem]

لأ هي البقع اللي صورتها في الفيديو بس الحمد لله

[@user-mq5wr8ou3t]

@@nanasalem ماشاء الله كويس هو بقاله قد ايه عندك واكبر مقاس حله كام وهو فعلآ المفروض ضمان 20سنه ولا لا

[@nanasalem]

بقاله ١٠ شهور بس بأمانة مش بستعمله كتير. وبالنسبة للضمان مالوش ضمان لان الوكيل بتاعه في تركيا ومالوش وكيل في مصر

[@mahmoudmahmoud8109]

جزاك الله خيرا ممكن اعرف الفيفالدي عامل ايه معاك دلوقت؟

[@nanasalem]

جزاني واياك. حلو بس الكوركماز أسهل في الغسيل

[@nesmaali2084]

اخبار الطقم ايه بعد تجربة حضرتك نقر او حصل فيه مشاكل ولا لا ؟ انا شايلاه لجهازي وقلقت لما عرفت انه مبقاش حلو في اخر سنتين

[@footballteam3596]

حضرتك لو الحله مكتوب عليها 18/10و304مع بعض دى تكون حلوه ولامغشوشه نوعها KM

[@nanasalem]

مش عارفة بصراحة بس اللي أعرفه ان 304 يعني 8/18

[@footballteam3596]

@@nanasalem الحله المغناطيس ممسكش فيها خالص زهران المغناطيس مسك فى الجوانب لكن دى لا من تحت برضوا المغناطيس ممسكش وصاحب المحل فضل يقول والله حرام خديها فرق سعر عن زهران وقال كويسه والله

[@nanasalem]

ان شاء الله تطلع كويسة وحتى ال 10/18 الناس بتشتكي منها. فمش شرط كدة انها وحشة. انت بس ماتعليش النار عليها وان شاء الله تعيش معاكي وتبقى حلوة

[@footballteam3596]

@@nanasalem ربنا يبارك فيكي يارب فعلاً قالى متعليش عليها النار

[@user-ib5ch1ly7n]

طيب انا جبت فيفالدي بس المقبض بتاعه من الفولاز ودا مدايقني هل دا عمره مش طويل زي اللي مقبضه منه فيه

[@nanasalem]

ممكن حضرتك تصوريها وتبعتيهالي على الماسنجر

[@user-ib5ch1ly7n]

@@nanasalem فين الاكونت بتاع حضرتك

[@nanasalem]

m.facebook.com/Nana-Salem-104423154999389/

[@sarahatem8198]

اافيفالدي جميل خالص ما شاء الله بس مشكلته الازليه البقع البيضا دي معرفش دي ايه

[@nanasalem]

فعلا معاكي حق👍🏻 هي عند حضرتك عملت كدة برده؟؟

[@sarahatem8198]

@@nanasalem اه مهما انضفه لازم بقعه بيضا هيا ملهاش حل

[@hanaamahmoud972]

@@sarahatem8198 بتنشفيه كويس بعد الغسيل ولا بتسيبي المياه تنشف عليه؟

[@kokylele959]

@@sarahatem8198 جيبي نصف ليمونه وحطي في الحله ملح واريال وادعكي الملح والاريال بنصف الليمون والبقع هتطلع ان شاء الله زهران بقع نعايا وطلعت البقع بالطريقه دي وممكن بعد ما تدعكي البقع كويس تحطي علي الخلطه نصف كوب مياه وتاخد غلوه علي النار وبعد كده اغسلي الحله بسلكه ناعمه وصابون سائل وقوليلي

[@monahammad6744]

@@kokylele959 معلش ممكن توضيح يعني الحلة الزهران عملت زي الصورة كده و طلع بالليمون و الملح؟

[@nourhesham6602]

💖

[@sehamabuzaid4565]

الاقي فيفالدي فين لو سمحتي اذا امكن

[@nanasalem]

موجود على أمازون وجوميا. وطبعا فيه محلات بتبيعه بس انا حاليا مش عارفة محل معين

[@tota._]

ممكن تقوليلي رايك في استانلس تيفال

[@tota._]

وعاوزه راي حضرتك في حلل جرانيت لافا

[@nanasalem]

@@tota._ كل دول ماجربتهمش بصراحة فمش هقدر أفيدك. أنا بعمل الريفيوهات على الحاجات اللي جبتها وجربتها

[@tota._]

@@nanasalem تمام تسلمي وبالتوفيق ان شاء الله

[@lalanana-sf4wu]

الله يرحم ايام امي وامك ايام الحلل الألومنيوم اللي كانت امهاتنا من كتر دعكها كل يومك كانت بتبقى نضيفه فل الفل وبتلمع زي الزجاج دلوقتي طقم ٤ حلل ب٨٠٠٠ جنيه واكتر

[@emanabdullah7894]

انا جبت فيفالدي في عيد الام والايد اتخلعت من اول استخدام للأسف ولسة الطقم ما كملش اسبوعين😞

[@nanasalem]

رجعيه فورا

[@emanabdullah7894]

@@nanasalem صاحبة المحل مش راضية وعاوزة تغير الحلة اللي باظت بس، وانا بصراحة ماعنديش استعداد حد يتحرق لو ايد فكت تاني وفي الحلة حاجة سخنة الحمد لله ربنا ستر المرة دي وكانت الحلة فاضية

[@TiGeR-mu9vg]

ممكن اعرف اسم الطقم الفيفالدى ده

[@nanasalem]

فيفالدي أنكا

[@user-wm6sm4fj4p]

حضرتك اعرف الفرق ازاي بين فيفالدي انواعه

[@nanasalem]

مكتوب على الكرتونة والبياع بيوضح لحضرتك الفرق بين كل نوع

[@esraaelbassuony7051]

حلل الفيفالدي ليها موديلات كتير .. اجدد واحسن ٣ هما : كروتس سفير الانكا (دة أجدد موديل وهو اللي ف الفيديو) بنسبة لأحسن موديل ف الفيفالدي فهو سفير تحفة وعن تجربة شخصية وهو بيكون اتقلهم واكبرهم في حجم الحلل واحسنهم من ناحية العمر وبيعيش لكن موديل الانكا ( اللي ف الفيديو) وكروتس الحلل فيها مش تقيلة قد كدة ⚘

[@ShoumiShoum]

هل يلزق فيها الاكل ؟؟

[@nanasalem]

بيلزق وممكن كمان يتحرق لو النار عالية والسمنه او الزيت قليلين. لازم تهدي النار وتحطي سمنة او زيت كمية مناسبة عشان مايلزقش

[@user-he6pj8vj8s]

البقع دي ف فيفالدي ؟ انا جبت كوركماز وعمل نفس البقع دي من اول استخدام . ممكن تقوليلي رأيك دلوقتي ف فيفالدي

[@nanasalem]

غريبة اوي ان الكوركماز عملت معاكي كدة. انا عندي الكوركماز بقالي كذا سنة بس ماعملتش كدة . (انا بحب الكوركماز الالفا اكتر من الاسترا ) حضرتك عندك كوركماز ايه ؟؟ ممكن تجربي كدة تحطي عليها خل وتشوفي البقع هتروح ولا لأ. وبالنسبة للفيفالدي كويسة جدا اللهم بارك بس برده انا مش شارياها بقالي كتير يعني ممكن مع استخدام فترة طويلة يبان عيوب انا لسه مش شايفاها

[@user-he6pj8vj8s]

كوركماز الفا جبتها من التوحيد والنور جربت حطيت عليها خل البقع مرحتش هي بقع بيضا ورمادي ورجعتها لانها من اول استخدام عملت كده

[@nanasalem]

@@user-he6pj8vj8s انا بصراحة ماعملش كدة معايا بس فيه واحدة قالتلي ان الكوركماز بتاع دلوقتي مش حلو زي الاول وانا بأمانة مش عارفة اذا كان الكلام ده حقيقي ولا لأ

[@lamiaasayed1495]

@@user-he6pj8vj8s ياه أنا كنت ناوية اجيبه م التوحيد والنور بردو طب نجيب ايه بس الواحد احتار حضرتك جبتى ألفا ولا استرا

[@user-he6pj8vj8s]

@@lamiaasayed1495 خلي بالك بقع معايا والله من اول استخدام وعمل نقر كمان وكمان التوحيد والنور ماكنش عايزين يرجعوه لولا عملت فيهم شكوي ف حماية المستهلك رجعولي فلوسي بعد مناهدة

[@totkatkot9087]

الكوركماز نقر معايا من اول استعمال

[@zahraaahmd7888]

وعملتي اي

[@artwithme8037]

طيب لو سمحتي إيه رأيك في الفيفالدي علشان عايزه اشتريه والموديل ده اسمه ايه وسعره كام لأن في فرق كبير بين سعره وسعر الكركوماز وكمان اسمع أن فيفالدي عليها ضمان ٢٥ سنه فهل ده صحيح؟

[@nanasalem]

الفيفالدي كويس جدا اللهم بارك. المهم عموما في الاستانليس لما تستعمليه وطي النار وده في اي ماركة حتى الكوركماز عشان الاستانليس بيوصل الحرارة جامد فمش محتاجة تعلي النار. بصراحة مش عارفة اسم الموديل بس ده اغلى نوع في الفيفالدي وبالنسبة للضمان ده بيبقى شغال بس في تركيا لكن عندنا للاسف مافيش ضمان

[@wessam95]

@@nanasalem موديل Vivaldi Anka

[@dinasharaf3136]

طيب انا كدا احترت جدا كنت خلاص نويت اشتري فيفالدي أنكا. البائع قال لي الكوركماز أغلي بس مش حلوه اوي زي فيفالدي. بس كل الكومنتات قلقتني من البقع

[@dinasharaf3136]

يعني اجيب ايه بالظبط؟

[@nanasalem]

للأسف معظم الحلل اللي في السوق حاليا بيبقعوا حتى الكوركماز. البقع دي لون بس يعني مش بتأثر على أداءها رغم انها حاجة سخيفة جدا انك تلاقي الحلل مبقعة والبقع مش بتروح نهائيا. الفيفالدي مشكلتها معايا اني شايفة غسلها بياخد وقت ومش سهل زي الكوركماز

[@aghanizaman0]

سعر الكوركماز كام ؟

[@nanasalem]

مش عارفة انا اشتريتهم فرداني بس هما غالين تقريبا ضعف تمن الفيفالدي

[@lamiaaahmed3914]

لسه جايبه براد فيفالدى ٢ لتر من بيم وكنت عايزه اشوف رأيك فيه ك ماركه

[@nanasalem]

ماركة ممتازة اللهم بارك. أهم حاجة حاولي تحافظي عليه ومايتحرقش منك

[@user-ui1le3sw4c]

بكام البراد لو سمحتي

[@salmahassan7855]

لو سمحتي الكركوماز اللي في السوق دلوقتي بيقولو وحش انتي شريته من قد ايه

[@nanasalem]

بقالي كذا سنة بصراحة

[@alzhrwan]

كوركماز في طقوم ٤ سنوات ضمان و في طقوم عشرة سنوات ضمان

[@nanasalem]

@@alzhrwan اللي أعرفه ان الضمان بتاع كوركماز ده مش شغال في مصر. زي الفيفالدي وزي السافلون برده كلهم تركي وضمانهم في تركيا مش في مصر

[@user-wq8hs9su4s]

أين تعملين المحشي

[@nanasalem]

في الاستانليس لكن نضع حلقات بصل وطماطم أسفل المحشي

[@SarAh-kf7ut]

طب ايه رايك في زهران

[@nanasalem]

مش وحش ومش أحسن حاجة. رأيي ان سعره قريب من الفيفالدي والفيفالدي أحلى

[@esraageth233]

ايه رأي حضرتك ف استالس ارشيا الألماني عشان جبته طقم لجهازي وقلقانة منه اوي 💔

[@basmahosny540]

يااااريت نعرف و الله عشان أنا زيك و عايزه اجيبه و خايفه

[@nanasalem]

بلاش. فيه واحدة جابته وقالتلي طلع وحش للأسف

[@beroosayed8574]

ممكن اعرف اسم نوع الفيفالدي والسعر

[@nanasalem]

Vivaldi anka كان ب2000 جنيه

[@omrkarem1140]

لماذا نذهب لشراء حلة تركي ، هل مصر لا تنتج حلة استانلس

[@nanasalem]

تنتج طبعا لكن التركي أفضل

[@zeinabfarouk5502]

جزاكم الله خيرا بس ممكن اعرف هو قعر الحلة الاسترا مقاس ٢٨ المونيوم مش استلس؟ هو مختلف عن المقاس الصغير ؟

[@zeinabfarouk5502]

انا اشتريت طقم مقاس ٢٦ ٢٨ ٣٢ بس ملاحظة اختلاف قعر الحلة ٢٦ عن الباقيين فهل ده عادي؟

[@nanasalem]

جزاني واياك حبيبتي. انا فعلا لاحظت ان مقاس ٢٨ عندي مش زي التانيين بس افتكرت اني انا اللي عملت فيها كدة

[@zeinabfarouk5502]

@@nanasalem حتى مقاس ٢٨ و٣٢ المغناطيس مابيلزق في قعر الحلة لكن بيلزق في الجوانب من فوق . عكس الحلة ٢٦ هل المقاسات الكبيرة كدة اصلية؟

[@rayanrayo1690]

ايه رأى حضرتك فى الكركوماز دلوقتى

[@nanasalem]

رائع اللهم بارك بس بتاعي قديم. الظاهر ان الجديد مش حلو زي زمان

[@rayanrayo1690]

@@nanasalem شكرا على اهتمامك يعنى اجيبه وألاولأه

[@nanasalem]

العفو حبيبتي. لأ بلاش بقى مش أد كدة وغالي

[@rayanrayo1690]

@@nanasalem طيب معلش انا اسفه اجيب ايه

[@nanasalem]

@@rayanrayo1690للأسف دلوقتي ماتلاقيش حلل روعة زي زمان كلهم بيبقعوا بس طبعا التركي أفضل من المصري. هاتي حاجة تركي استانليس 18/10 وتكون قاعدتها سميكة وان شاء الله هتكون حلوة

[@bodykatar3734]

كوركماز اسم ايه الفا ولا ايه

[@nanasalem]

ايوه ألفا

[@wessam95]

الفيفالدي ظهر فيه اى عيوب بعد الريفيو الى حضرتك عملتيه ؟؟

[@nanasalem]

لأ الحمد لله ياحبيبتي

[@wessam95]

@@nanasalem شوفت لحضرتك تعليق ان فيه بقع بيضا ظهرت ف الحلل هل بتطلع مع الغسيل ولا ايه

[@nanasalem]

@@wessam95 انا مصورة البقع في الفيديو. للاسف البقع دي مش بتطلع في الغسيل

[@wessam95]

@@nanasalem طيب هى مضرة او ممكن تبقي حفر ؟؟

[@nanasalem]

لأ خالص. دي لون بس. بس مضايقني طبعا لاني بحب الحلة تبقى بتلمع مش مبقعة

[@haneenyasser1981]

اشتري منين الحلل الفيفالدي

[@nanasalem]

انا شارياه من محل الشربيني في حمام التلات بس طلبته اون لاين .وأعتقد كمان موجود في أسواق المرشدي

[@asmaaelgendy5739]

ايه افضل في حلل استاينلس ، كوكماز ولا زهران ولا فيفالدي

[@nanasalem]

الكوركماز كان أحسن ماركة بس للأسف ناس كتير اشتكت من الموديلات الجديدة وطبعا هو بضعف سعر الفيفالدي. خليكي في الفيفالدي بس اعملي حسابك ان السوق المصري للأسف الشديد مش هتلاقي فيه المنتج اللي بتحلمي بيه

[@asmaaelgendy5739]

@@nanasalem لو اجيب فيفالدي ايه احسن نوع فيه

[@nanasalem]

حد في التعليقات قال ان سفير أحسن موديل في الفيفالدي. رأيي روحي للبياع وقارني بين الموديلين الانكا وسفير. الاتقل فيهم واللي تحسي ان خامتها أفضل توكلي على الله وهاتيها. وطبعا استخيري الأول

[@nisreengalal8536]

نوفال ريتشي هيفي بلاس عن تجربة بيلمع ومش بيعمل بقع بس لازم اللي يشتريه ياخد معاه مغناطيس عشان انا اشتريت الطقم كله بالحلة من عشر سنين حتى السنة اللي فاتت كل فترة اشتري حلة اكتشفت أن عندي حلة واحدة المغناطيس انجذب ليها وعندي حلتين زهران واحدة بومباي والتانية اوبتيما وللاسف المغناطيس انجذب ليهم بس نوفال احلى من زهران عن تجربة اوبتيما احلى من البومباي

[@kokylele959]

اسعاره كام الحله ؟ انا جبته من فتح الله والحله نقرت ورجعتها

[@nisreengalal8536]

@@kokylele959 مش موجودة في فتح الله حاليا الموجود نوفال اللي أيده استانلس التاني الحلو أيده زرقا

[@kokylele959]

@@nisreengalal8536 لا كان موجود في فتح الله عندي في اسكندريه وهما كانه حطين كام حله كده علي الرف ومكتوب باقي تصدير وكمان كان من غير كارتونه المهم اشتريت 3 وروحت استعملتهم وكانه عجبني جدا وتقال بس عملت بقع من اول استعمال ورحت رجعتها هما كده تقريبا كانه فرز تاني

[@amirasamir8509]

ربنا يبارك لكى على صدقك الرفيوهات تبعك جميله ممكن سوال هل الديفالدى نقر بعد الاستخدام ولا لا لانه الكروكماز كنت عايزه اشتريه لبنتى ووجدت شكوه من ناس كثير وشفت رفيو من واحده قال انه نقر منها ورجعته وجابت ماركه اخرى اسمها عبود

[@nanasalem]

لأ مانقرش بس عمل بقع كدة زي ماصورتلكوا في الفيديو والبقع دي ظهرت علطول مش بعد فترة من الاستخدام وأنا طبعا زعلت لانه جديد وبوطي النار وبغسله بحرص يعني البقع دي مش سوء استخدام بس فيه ناس برده قالولي ان الكوركماز عمل معاهم نفس البقع مع العلم اني عندي الكوركماز من سنين اللهم بارك زي الفل ولا نقر ولا بقع يمكن الكوركماز حاليا جودته قلت أنا بصراحة مش عارفة

[@user-fy4wx9gt3h]

انصحك اوعي تجيبي عبود بيعلم في الغطا والحلة بتاعتة بتبهت ومابتنضفش بسهولة والاكل بيعلم في الغطا زي الالمونيوم عن تجربة وعمالة الح علي زوجي يرجعه مش راضي انا بقولك وربنا شاهد علي اللي بقوله

[@nanasalem]

@@user-fy4wx9gt3h جزاك الله خيرا حبيبتي على النصيحة

[@user-fy4wx9gt3h]

@@nanasalem العفو ياحبيبتي

[@user-yw3ki7pp6o]

اوعى تجيبى ماركة عبود سيئة جدااا ونقر من اول إستخدام مع انى ماشية على التعليمات

[@saraeltantawy7131]

طقم مش حلو فيفاليدي جبته ٢٧٠٠ جنيه بومبيه ونقر وعمل بقع بيضاء من اول استعمال

[@amirmilano9172]

على فكره الككركماز هم تنفك يدتها

[@nanasalem]

يمكن دي الموديلات الجديدة

[@nourlove6886]

بكام لو سمحتى

[@nanasalem]

ب 2000 جنيه