مقدمة تعريفية كورس Data Structures Decode

[@jammeldalal8370]

الكورس مجاني ؟؟ وعلي اي منصة رح يكون ؟

[@amrhegazy275]

محتاج مساعدة، هل لو حابب اخش مجال البرمجة اقدم ف الكورس ولا شرط اكون متاسس ؟

[@ahmedhgag-y6k]

اتاسس عشان متتعبش وطبعا البشمهندس يفيدك اكتر منى

[@amrhegazy275]

@ تنصحنى بمين ابتدى معاه من الصفر؟

[@omarmuhammed5960]

هتاخد كورسات بشمهندس متولي بالترتيب: الاول: node js الثاني: algorithms الثالث: data structures ولو مش معاك فلوس الكورسات فممكن تتعلم لوحدك، الفكرة ان الكورسات المدفوعة بتسهل عليك انك تدور فمثلا لو هتتعلم لوحدك فهتبحث عن roadmaps وتدور على كل مرحلة فيها بنفسك من اما فيديوهات مجانية (غالبا مابتبقاش كورسات كاملة انما موضوع واحد) او بتقرأ documentations وبتبحث عن ايه مشاريع مناسبة لمستواك تعملها وبتعرضها على الناس وبتبحث انك تقيم نفسك وتتأكد انك مش فايتك جزئية وكدة، فلو معاك فلوس الكورسات المدفوعة بتسهل عليك العملية ديه، ولو مش معاك فممكن جدا تعمل كل ده لوحدك بس هياخد وقت أطول ومجهود والتزام. وبالمناسبة في نفس القناة فيه roadmaps بس قبل ما تتدخل في أي تخصص لازم تتعلم اساسيات البرمجة الأول، وعلشان ماتحسش ان الاساسيات بتطول وقت، فلو قارنت الوقت والمجهود الي هتاخده علشان تشتغل شغلانة محترمة بلو انت بدأت بالأساسيات ولو ماتعلمتهاش ومشيت بتخبط لحد متوصل بالخبرة، فتعلم الأساسيات هيسرع العملية وهيسهل ويوضح الطريق ليك، وبالتوفيق.

[@amrhegazy275]

@@omarmuhammed5960 طب يا استاذ عمر السؤال هنا لو ابتديت الكورس بالترتيب كده بكون بأسس نفسي من الصفر ولا بتخصص لانى تايه جدا فى النقطة دى، مثلا فى كورسات علي النت كتيرة بدايتها مختلفة هل هى فروع ولا كلها تاسيس بطرق و دراسات مختلفة ؟

[@omarmuhammed5960]

@@amrhegazy275 الdata structures, algorithms هم تأسيس أما node.js فهي لغة برمجة من ضمن لغات كتير ممكن تستخدم في التأسيس وبشمهندس متولي اختار ديه وطبعا لغة البرمجة هي أول حاجة بتتعلمها علشان لما تفهم data structures, algorithms هتيجي تطبق بلغة البرمجة. اما التخصص فهو مش نوع برمجة مختلف انما مفاهيم وأدوات فوق الأساسيات بتتعلمها على حسب التخصص مثلا فيه تخصص صناعة السوفت وير بينقسم لتخصصات منها: -صناعة مواقع الويب وبينقسم ل: front-end, back-end, devops -صناعة تطبيقات الموبايل وبينقسم ل: اندرويد وios أو تخصص تحليل البيانات أو الذكاء الاصطناعي أو مثلا صناعة الالعاب وهكذا وممكن تبحث عن كل واحد من دول بيعمل ايه. الفكرة ان على حسب التخصص بتتعلم لغات برمجة مختلفة فمثلا لو انت فرونت اند بتعمل مواقع فهتتعلم جافا سكريبت لانها اللغة الي المتصفحات بتفهمها، ولو باك اند ممكن مثلا تحتاج تتعامل مع memory والي هي حاجة جافا سكريبت مش بتعملها فهتتعلم لغة بتقدر تعمل كدة وشوية مفاهيم متعلقة أكتر بتخصصك، لكن كل ده مبني على الأساسيات فهي الحاجة الي بتتعلمها الأول، فمثلا الفرق بين لغات البرمجة هي اغلبها في طريقة الكتابة لكن المواضيع المتضمنة عليها غالبها نفس الحاجة، فلما بتتعلم لغة واحدة كويس بيبقى سهل جدا تتعلم لغة تانية بالنسبة لأول مرة. مجال البرمجة هو مجال مطلوب ومتنوع ولما تتعلم الأساسيات الأول هتعرف تفهم الي انت بتعمله وتنافس أكتر وتقدم في شركات أكبر، ومصادر التعلم كتير ومتاحة، ونصيحتي انك ماتتفرجش على الكورسات كفيلم لازم تطبق كتير وابعد عن التسويف واستعن بالله وبالتوفيق.

[@omarmuhammed5960]

انا فاهم رابط الموبايل الزراير بلغز بطوط بس ايه علاقة ال AI assistant speaker بعصر قصص ميكي 😂