Рет қаралды 127,326
مـرحبا في الوثبه بـدار الاصـايل
ديرة اهل العز والسيف الصقيل
شارة الكبــرى لها العالم تخايل
ويتعـنى صوبهــا راعــي الاصيل
مهــرجان تجتمـع فيــه القبايل
دعــم شيخ بالعطاء مده جزيل
رئيس الدوله حوى كل الفضايل
شيخنا محمد عسى عمره طويل
الكريم اللي له تشــــد الرحايل
تنزل بـــداره من الخير الفضيل
في ميادين الشرف صايل وجايل
يحـــمي الموروث وافعاله دليل
وكـــل شيوخ لهم طيب وفعايل
ينقلون الحمــــل لي كايد ثقيل
شيخنا منصـــور حمال الثقايل
لي يعـدل لا تـــوكل كل مــيــل
فيـه من زايد جزيلات الخصايل
ومن محمد ماخذ الفعل النبيل
وفعل بوحمدان عنه الشك زايل
في الهجــن متمرس باعه طويل
مستشار مال اشــواره بــــدايل
عن طريق الحق شـــوره مايميل
فالهجن واهل الهجن سو جمايل
لين صــــار الركض مامثله مثيل
حضـــرو للوثبه اخيــار الذلايل
لي لهــن بالسبــق تاريـخ طويل
كل زينة وصــف منتوبة سـلايل
لي تشابه بالركض مركاض خيل
غيــر كسر التيم ماتبغي بدايل
فالركض لاحضرت تشفي الغليل
يعل تسقى الوثبه اردوم المخايل
شهـــر تاخذ فوقها وعشرين ليل
لي عنـا لديـــارها مــارد فـــايل
دار زايـــد ديـــرة الخير الفضيل
سالم بن هياي