مراجعة عرض الرو 25/9/2023 : الجادجمنت داي و سامي و اوينز الى الما لا نهاية و ما بعدها

[@mohammedmedo-wf3ke]

كل الدعم

[@ahmedtarek8064]

يا دكتور ايه رايك في اللي بيحصل لرولينز وليه مش هو قادر ياخد الاهتمام ويتصدر الواجهه

[@wrestlingshadows-1944]

بص هو سؤال يعني محتاج كلام كتير عليه بس هو مش حاجة صعبة يعني باختصار يعني انت ممكن تبصلها من ناحيتين : - الأولي مين المصارعين اللي تقدر تقول عليهم دراورز حقيقيين في الwwe بيقدروا يجذبوا المشاهدات و الاهتمام و المبيعات بشكل ثابت ؟ رومان رينز : رومان قعد لحد ريسلمانيا السنة اللي فاتت علشان يتحول لدراور حقيقي و احتاج لشخصية مميزة و لقصة كبيرة عميقة و تصدر عرض كامل لوحده كان بيفتتحه و يقفله و احتكار للقب و فوز باللقب التاني و الفوز علي تقريبا كل المصارعين المهمين و كل الاساطير و علشان يحافظ علي كونه دراور قصته اخدت منحني ممتاز من السنة اللي فاتت في عمقها و اهميتها - كودي : هو رجع كنجم كبير ليه جمهور و دراور لوحده و ده طبعا مجاش من فراغ برضو و نقدر نحكي كتير عن مسيرته في الaew و قبلها اللي صنعت النجومية دي و كمان جاي بقصة اه ممكن تكون كرينج شوية لكن تقدر تفهم تعاطف الجمهور معاها و كمان مش محتاج اقول ايه المعاملة اللي اخدها لما وصل لدرجة أنهم كانوا عاملينله كاونت داون ده غير أن شخصيته واضحة و واضح ايه أهدافها و دوافعها و تقدر ترتبط بيها بيكي لينش و ريا ريبلي : اقدر برضو اكلمك في أسباب مشابه للي قولت عليه مع رومان و كودي فعلشان مصارع يجيب اهتمام حقيقي لنفسه لازم الاول تبقي عنده شخصية خاصة بيه مش مجرد هو داخل يثبت افضليته كمصارع و اني مستعد لكل التحديات و خلاص و لازم تبقي تصرفاته و اتجاهه متفق مع الشخصية دي و تفاصيلها و قصة خاصة بيه تقدر تهتم و ترتبط بيها حاجة في قصته يحس الجمهور أنه مهتم بيها و الكلام عن القصة يطول بعد ما تبني دول يبقي لازم تحس بقي أنه بالفعل مصارع مهم هنا بيجي دور الاتحاد من خلال العداوات و الاسماء اللي بيواجهها و بيكسبها و مهما حاول الاتحاد يقولك أن سجل الخسائر و الانتصارات مش مهم فأنا هتلاقيني قولت ده كذا مرة مفيش حد بيهتم بالسجل ده اكتر من الاتحاد نفسه و هتلاقي ده في كل المصارعين اللي عايزين يدفعوا بيهم بعد كدة يجي بقي عامل مهم و هو استمرارية الدفع و الاهتمام بيك ، الجمهور مبيهتمش بمصارع انت بتكسبه عداوة و يخسر اللي بعدها ، الجمهور مبيهتمش بمصارع في شهرين تلاتة و لا حتي سنة الا لو كانت شخصيته و قصته و تصرفاته استثنائية و تصادفت أنه موجود في الوقت و المكان المناسب زي سامي مثلا غير كدة لازم تحافظ علي الدفع بيه لحد ما يا اما بالتدريج اهتمام الجمهور يجي أو تضرب معاه - فده اللي ياخدنا للناحية التانية و هي سيث رولينز نفسه ايه شخصية سيث و ايه قصته و ايه الطريقة اللي الاتحاد بيقدمه بيها و مين المنافسين اللي بيخلوه يلاعبهم و ايه طريقة تقديم الاتحاد ليهم قبل ما يخليهم يواجهوا سيث و مدي تواجد سيث في المين ايفنت سواء في العروض الشهرية أو الأسبوعية و مدي التركيز عليه جاوب علي الاسئلة دي في ضوء اللي انا قولت عليه فوق اعتقد هتلاقي الإجابة سهلة

[@ahmedtarek8064]

@@wrestlingshadows-1944 فهمتك وضحت