مربي العنب 🍇 خطيييرة لازم تجربوها تحفة ل سندوتشات او توبينج لأي حلويات 😋😍

#marianhabib
#سهل_سريع #مربي #صيامي #مربي_العنب #عنب #صيف
#حلويات #سندوتشات
المقادير :
كيلو عنب اي نوع بدون بذر
كوب سكر او كوب وربع
م ك عصير ليمون
م ك عسل جلوكوز
اختياري نقطة لون طعام احمر
ولو بنحب القرفة نضيف حته صغيره من عود قرفة
او وحدتين قرفة قرنفل
ملحوظة ⬅️ لو عايزين قوام الصوص تقيل قبل م نطفي ع المربي بدقيقتين هنضيف م ك مليانة جيلاتين نوع كويس يكون مذاب ف ربع كوب مياه نستني شويه قوام الجيلاتين هيتقل ويشرب كل المياه وبعد كده نضيفة للمربي ونقلب كويس زي م وضحت ف الفيديو 👍
الطريقة :
هنضيف السكر ع العنب ونقلب كويس ونسيبهم حوالي ساعه
بعد كده نرفع العنب والسكر ع النار تكون وسط ونقلب من وقت للتاني لحد م كل السكر يدوب وبعد بداية الغليان نضيف عصير ليمون وعسل الجلوكوز واللون الاحمر نقطة ونقلب كويس وكل م يظهر ريم ع الوش نشيله براحة ونقلب من وقت للتاني لحد م قوام المربي يبدأ يتقل تقريبا بتوصل ل نص الكمية والصوص يتقل شويه زي الشربات الوسط كده تمام نطفي او نضيف الجيلاتين ودقيقتين ونطفي ونعمل حسابنا كل م بتقعد وتبرد بتتقل اكتر وبس تبرد تماما ونعبيها ف برطمان وتدخل التلاجة 👍 حلوة اوي جربوها تحفة مع السندوتشات او صوص لأي حلويات 🍨 او ايس كريم 😋😍