مرتب الصيدلي الإكلينيكي في مصر | الصيدلي الإكلينيكي بيقبض كام ؟؟

[@walaamustafa2986]

شكرا جزيلا علي هذه الافادة

[@rodydody9934]

والله عيب لما تكون دي رواتب ناس افنت حياتها في العلم سواء الطبيب البشري أو الدكتور الصيدلي عيب دول اكتر ناس تعبوا في حياتهم البشري والصيدلة لازم الرواتب تكون مستهله حتي سنين دراستهم..

[@MasoudHadi-x6t]

ده عامل النضافه بياخد ٣٠٠٠ جنيه ! كده للاسف صيدلة مضيعة للوقت، وده لو كل فطار وغدا بس هيدفع ٣٠٠٠ جنيه ، خسارة التعليم والمصاريف!

[@manban9000]

الدنيا مقلوبة. لما الشغالة تاخد ٥٠٠٠ جنيه. والصيدلي ياخذ ٢٥٠٠ يبقى دا اسمه ايه. وتأثيره المجتمعي ايه.

[@Mahmoud.44]

طيب يا دكتور متوسط العائد اللي ممكن يجي من صيدلية في القاهرة اكون مشرف عليها كام؟

[@abduislam23]

مفيش قاعدة عامة او مبلغ محدد فيه عوامل كتيرة بتتحكم ف ده زي مكان الصيدلية ومعدل مبيعاتها وغيره

[@Mahmoud.44]

@@abduislam23 معاك حق أكيد خصوصا انه بيبقى على حسب الناس اللي بتيجيلك خلال الشهر بس أنا عايز زي ما تقول رقم تقريبي

[@هويدامخلف-ف9ع]

احنا لسه حالا الاداره الصحيه اللي أنا تابعه ليها بتقول 50 جنيه زياده علي مرتب الحكومه لو حد معاه دبلومه و100 لو ماجستير .بجد وضع محبط ياريت يكون في بديل برايفت

[@abduislam23]

د احمد كان في مستشفى خاص

[@abdelrhmansaad6509]

اللهم صل وسلم وبارك على سيدنا محمد وعلى آله وصحبه أجمعين

[@هويدامخلف-ف9ع]

لو صيدلانيه دفعة 2006 ومعايا دبلومة صيدلة اكلينكيه عين الشمس 2020 ايه أحسن مكان حضرتك تشوفه ويكون الراتب مناسب

[@محمديوسف-ف3م]

المانيا روحي خدي دكتوره هناك وعيشي هناك والله احسنلك دي بلد طارده للناجحين

[@m7mddjamal]

حضرتك اخدتي الدبلومه ازاي بعد ازنك؟

[@mariams7960]

دكتور هو انا لو خريجة كلينكال من جامعة خاصة لازم اعمل دبلومة من جامعة حكومية ؟؟ و لو في دبلومة بتبقى كام سنة ؟؟

[@dr.mohamedrefat8729]

يا دكتور يعني صيدلة كلينيكال غير معترف بيها في السعودية والدول العربية الاخري لكن الصيدلة الجنرال معترف بيها صح ولا اه

[@abdallahdawy7802]

هو لازم بورد أو pharm d مينفعش البكالوريوس صيدلة اكلنيكيه بعد كدا المعادلة على طول

[@abduislam23]

اهلا بحضرتك فيه مقطع في القناة اتكلمنا فيه عن المؤهلات بالتفصيل ممكن ترجع له

[@abduislam23]

kzbin.info/www/bejne/fonNg513hapnbcU

[@ghadaragab3635]

من فضلك انا هقدم أولى صيدلة كنت عايزة اعرف صيدلة جينرال ولا كلينكال الأفضل

[@abduislam23]

الفيديو ده هوا جزء من حلقة كبيرة عن الصيدلة الإكلينيكية بشكل تفصيلي من ناحية الفرص المتاحة والمرتبات وغيره فنصيحتي شوفوا الحلقة وفكروا هل المصاريف اللي هتدفعوها هتديكم القيمة اللي انتم عايزينها ولا لا ملحوظة صغيرة الحلقة طويلة فعملنا في صندوق الوصف فهرسة بالتوقيتات والمواضيع اللي تناولتها الحلقة ممكن تروحوا تشوفوا كل موضوع ع حسب اهتمامكم توفيرا للوقت

[@ghadaragab3635]

@@abduislam23 تمام شكرا لحضرتك ي دكتور

[@Fatma-qx5fj]

بعد اذنك هو كده ال clinical pharmiscist ال salary بتاعه أقل من الصيدلي الخريج من general ولا الاتنين زي بعض في ال salary

[@abduislam23]

مهم التفريق بين الصيدلة الاكنليكية لما نتكلم عنها كشهادة وكمهنة بمعنى لو واحد شهادته صيدلة كلينكال وتاني صيدلة جينرال الاتنين بيشتغلوا في سلسلة صيدليات مثلاً فهما بيتحاسبوا على المسمى الوظيفي (صيدلي/مدير فرع/االخ) مش بيتبص ساعتها للشهادة انما كمهنة صيدلي اكلينيكي (موضوع الفيديو) مرتباتها زي اللي اتكلمنا عنها

[@waelfarrag5963]

@@abduislam23 .

[@rawanshehata3446]

حاجه محبطه جدا بالنسبه لطالب هيدرس خمس سنين صيدله

[@abduislam23]

ممكن يكون كويس انه قبل ما طالب يبدأ خمس سنين يكون عنده تصور عن الواقع عشان يعرف يتخطط ويتصرف بناء على المعطيات اللي عنده. في رأيي الوضع أصعب لو واحد عرف المعلومات دي وهوا بيتخرج مثلاً

[@rawanshehata3446]

@@abduislam23 انا كطالبة في اوله صيدله حابه مجال و حابه مكاني جالي احباط 😅💔 بتمني ان مع الاجتهاد في الكليه يكون الوضع افضل 😅

[@marwanageh9625]

لا طبعا تفرقي كتير وممكن تشتغلى فى شركات كمان وكمان بيبقا مرتبك أعلى كتير مش زى بعض اكيد

[@محمدصلاح-ن7ظ5ت]

طب يادكتور لازم يكون صيدلي اكلينيكي ولا عادي صيدلي جينرال طب ولا جينرال لازم نعمل دبلومه وفارم دي وكدا ولا ايه

[@abduislam23]

فيه فيديو عن القناة اتكلمناه فيه عن الشهادات بشكل مفصل

[@nonyreviews4600]

بعد اذن حضرتك عايزة اعرف الفرق بين pharmD و pharmaceutical science ؟

[@abduislam23]

الفارم دي هي "التحديث" اللي حصل في مناهج الصيدلة في الولايات المتحدة عشان تنقل المناهج لمرحلة يكون فيها التعليم مركز ع الpatient care بصفة أكبر من السابق الpharmaceutical sciences هيا بعض العلوم الأساسية اللي بتقوم عليها الصيدلة زي علوم البيولوجي المختلفة و بعض فروع الكيمياء

[@abdouali5883]

@@abduislam23 بعد اذنك هل كده يعني ان مفيش فرق بين صيدلي خريج فارم d العادي وفارم d كلينكال ف عمل ف مستشفيات ك اكلينيكي ولا لازم دبلومه برضه ؟

[@topkpop7332]

حضرتك هو نظام pharmaD اللي مطبق جديد في جامعات مصر سواء خاصه او عامه يفرق اي عن القديم +مرتب الصيدلي الclinical اعلي ولا الgeneral ؟

[@abduislam23]

الموضوع هيختلف من لائحة للتانية فالافضل ترجع للائحة الخاصة بكليتك فيه كليات التغييرات فيها ملحوظة وكبيرة وكليات تانية محصلش اكتر من تغيير مسميات وإعادة ترتيب للساعات الدراسية مع بعض التغييرات الحقيقية الطفيفة بخصوص سؤال المرتب الموضوع مش مرتبط بس بالشهادة بل مرتبط بالوظيفة نفسها يعني لو حد خريج كلينكال وحد خريج جينرال اشتغلوا ميدكال ريب محدش هياخد اعلى من التاني عشان اسم المؤهل احنا في الفيديو اتكلمنا عن اللي هيشتغل كلينكال في المستشفيات بغض النظر عن طبيعة المؤهل فارم دي ولا ماستر ولا بورد

[@mariam-wp1gh]

هو خريج Pharma d له حق يشتعل كلينكال بعد التخرج ولا لازم يعمل دبلومة عشان يشتعل ارجو التوضيح

[@youtubemange3189]

@@mariam-wp1gh لازم تعمل دبلومه

[@faresfares6308]

هو ينفع طيب أخش كلينيكال حبا في علمها وانا اتخرج اشتغل كصيدلي عادي في اي مجال تاني ؟

[@MohamedHamdy-gq1gl]

اه تقدر تشتغل في اي حاجة هي فكرة كلينيكال هتميزك في المستشفي

[@verosameh4078]

هو التصنيع الدوائي يتطلب شهادة غير بكالوريوس الفارم دي ؟؟؟ولو فيه وايه افضل اخد دبلومة ف التصنيع الدوائي ولا الكلينيكال ؟؟؟

[@m7mddjamal]

في اللي اتنين

[@taherabozede3359]

يدكتور لو سمحت وراتب الكلينكال فالسعودية والامارات والدول العربية ككل ف حدود كام تقريبا؟؟؟

[@abduislam23]

احنا متكلمناش عن رواتب الكلينيكال في السعودية أن في الوقت الحالي حسب علمي الشهادات المصرية في الصيدلة لا يتم تصديقها من قبل الجهات السعودية الرسمية كصيدلة اكلينيكية ايا ما كانت بخصوص الامارات وغيرها فمعنديش فكرة للأسف

[@amralagmy4687]

@@abduislam23 ٣

[@salmaaid6874]

هو الصيدلي الاكلينيكي يقدر يشتغل ف شركه او مصنع ادويه؟!

[@abduislam23]

ممكن

[@kolenahmed9356]

اي الفرق بين خريج صيدله فارماD و فارماD كلينيكال

[@abduislam23]

إلى الآن مفيش خريجين من البرنامجين عشان نقدر نحكم على الفرص الوظيفية بشكل مؤكد بس قبل ما يتم تغيير مسميات الشهادات دي كان فيه برنامج بكالوريوس الصيدلة وفيه برنامج بكالوريوس الصيدلة الاكلنيكية والاتنين في السعودية مثلا او غيرها من دول مش بيفرقوا عن بعض في فرص التوظيف

[@kolenahmed9356]

بس فيه حاليا فارما D خريجين من إمام حضروها كا دبلومه ومعروفه في عالم برنامج الفارماD بس ممكن تقول فرص عمله!

[@mohamedabdsabor7356]

من فضلك ساعدني مع اني قريت عن الكليات الثلاثه وبردوا مش قادر احدد

[@abduislam23]

ايه الكليات التلاتة اللي حضرتك تقصدها؟

[@mohamedabdsabor7356]

اسف سوالي في الكومنت اللي تحت من فضلك رد عليا

[@aligamal8153]

هوا مفيش غير امريكا و كندا ؟ حد عندوا معلومات عن الشغل في الخليج ؟

[@mohammedhelal.8126]

ايه الارقام دي 🤦

[@somamarzouk9214]

ي دكتور لو سمحت هو حاليا اللى لسه هيدخل صيدلة ليه تكليف ولا لا وهل كلية صيدلة بتدخل مع الوقت عائد حلو وتستاهل ان حد يدفع مصاريف جامعة خاصة ٦٠٠الف

[@abduislam23]

حتى الآن التكليف موجود بس فيه مشاكل ومتوقع مع الوقت انه يتلغي طبقاً لتوجهات الحكومة في تقليل الانفاق الحكومي ومع زيادة أعداد الخريجين فمتوقع انه يتلغي بس مفيش ضمانات لحدوث ده او حدوث عكسه بخصوص هل صيدلة استثمار كويس ده يختلف من شخص لآخر يعني مثلاً ممكن حد معاه عقار في مكان كويس ويقدر يعمل صيدلية في مكان يدر عليه ربح ساعتها صيدلة ممكن تساعد شخص زي ده في انه يعمل مشروع كويس وممكن مبلغ 600 ألف يكون معقول لأنه هيساعد قدام الموضوع يختلف من شخص لآخر

[@Mahmoud.44]

@@somamarzouk9214 توكلي على الله الرزق مكتوب اللي عليكي تدرسي افضل مكان تعملي فيه الصيدلية

[@somamarzouk9214]

@@Mahmoud.44 طيب والمفروض ادرس المكان ده امتى قبل ما ادخل كلية ولا بعد التخرج

[@somamarzouk9214]

@@abduislam23 طيب حضرتك هل كلية صعبة جدا مجهودا ودراسيا ولا زى اى كلية

[@Mahmoud.44]

@@somamarzouk9214 كل الكليات لها صعوبتها و موضوع دراسة المكان بتيجي من نصايح ناس هناك و احتياج المنطقة لصيدلية او لا و بالاول و الاخير الموضوع نسبي

[@mo-mando]

من فضلك ممكن اعرف الفرق بين صيدله فارما دى و صيدله اكلينكال وأيهما افضل

[@abduislam23]

الفارم دي PharmD دي درجة اكاديمية اعتمدتها دول كثيرة كبديل للبكالوريوس التقليدي، المفروض إن الفرق الجوهري هو ان منهج الفارم دي يكون مركز اكتر على تأهيل الصيدلي ليكون له دور فعال في الرعاية الصحية سواء في الصيدليات أو غيره صيدلة اكلينيكية ده اسم المهنة اللي ممكن خريج الـPharmD يشتغلها بعد ما يحصل على الشهادة ويخلص حاجة اسمها residency او نيابة اللي قلته ده هوا العرف السائد في أمريكا ودول أخرى في مصر فيه مشاكل في اسماء الشهادات ومسمياتها ومحتواها للأسف لو حابين تفاصيل اكتر عن الشهادات ده فيديو اتكلمنا فيه بخصوصها kzbin.info/www/bejne/fonNg513hapnbcU

[@ahmad_medo98]

معنى كدا الشغل في مصر كصيدلي كلينكال "حالياً" بعد التخرج مضيعة للوقت و الجهد

[@abduislam23]

الموضوع بيختلف حسب اهدافك ووضعك المادي

[@mohamedabdalla2972]

اه

[@beshoynabel6175]

هو المدير الصحى للمستشفى ممكن يكون صيدلى اكلينكى

[@القرآنالكريم-ز3ذ4ح]

دكتور لو الواحد هيعمل دبلومة كلينيكال بعد التخرج تكلفتها في حدود كام ؟

[@abduislam23]

يختلف حسب الجامعة اللي بتقدم الدبلومة الأفضل تسألي شؤون الدراسات العليا ف كليتك عن تفاصيل الرسوم

[@sarahhagagy5777]

بس حضرتك انا اسمع من ناس كتير ان مرتبات الكلينكال بتكون عالية و ليهم وضعهم ف مش عارفة هل المعلومات اللي فالفيديو دي قديمة ولا ايه

[@abduislam23]

مش قديمة حاولي حضرتك تتأكدي من مصادرك

[@ashwaksh6460]

دي حاجة تكسف و الله موضوع المرتبات ده

[@Mohamed-vv6ej]

😂😂😂😂😂

[@Mohamed-vv6ej]

فالطريق ليصدله اكلينيكيه ربنا يستر😂

[@منوعاتحولالعالم-ح5ف]

والله يا بخت اللي في صيدله في المرتبات ومش عاجبكم كمان احمدوا ربنا الله يعين المهندس للي مش لاقي خالص

[@الصحهوالجمال-ي5ض]

غريبه. مرتبات ضعيفه وحاجه محرجه

[@mohamedabdsabor7356]

دكتور محتار انا قدامي بشري وصيدله واسنان وبشري خايف من سنين الدراسه الكتير مش السبعه لا بالعكس شايفهم ممتعين بس خايف من اللي بعدهم اما اسنان مش قادره احدد نوقفي منها اما صيدله ففي امكانيه لفتح صيدليات واداراتها بس حاسه ان الطب الناس بتقدره وبتحس ان الصيدلي ملهوش دور وكمان فرصه اقل مع ان دراسته مش عاديه بردوا محتاجه مجهود ومش عارفه احدد خاصه ان الثلاثه بينهم مواد مشتركه وخايفه من حكايه اني عالطول هذاكر وكدا

[@abduislam23]

فيه عوامل كتير مؤثرة في عملية الاختيار يمكن أقرب حاجة محتاج تفكر فيها التكلفة المادية أثناء الدراسة، كل الكليات هتكلف ماديا بس يمكن صيدلة اقلهم وبعد كدا بشري وبعد كدا اسنان في المرتبة الاولى من حيث التكلفة وتأثير مدة الدراسة على حياتك، بمعنى هل انت قادر انك تقعد سبع سنين من غير مصدر دخل ولا مستعجل او عند ظروف مادية تانية لو تخطينا الجانب ده ومعندكش ميول معينة فكر في المهنة اللي حاسس انها هتلبي احتياجاتك النفسية والمادية وركز على كلمة احتياجاتك انت مش حد تاني وركز انك تختار ع الوظيفة اللي بيترجم فيها سنين الخبرة بفلوس اكتر والوظيفة اللي تطويرك المهني بينعكس على دخلك المادي وربنا يوقفك في اختيار الافضل

[@mohamedabdsabor7356]

شكرا جدا علي نصيحه حضرتك وربنا يختارلي الانسب بس حابب استفسر من حضرتك عن حاجه هو اني افتح صيدليه او اكثر وادارتها والاتجاه دا مستقبله حلو ولا لا وممكن يكون دخلها ايه لاني والدلي شايف ان مستقبل صيدله ممتاز وان بشري محتاج سنين طويله غير السبعه ماجستير ودكتوره ومعادله علشان تثبت نفسك وتحسن دخلك وممكن اعرف من حضرتك هو فعلا صيدله مستقبلها برا مصر ازاي وان برا بيشوفوها اقل من اسنان وبشري وكمان مرتبها اقل الصراحه انا حابب ادرس في كليه مش مهم صعوبتها ولا عدد سنينها يعني انا شايف ان بشري دراستها ممتعه ومش مهم السبع سنين وفي نفس الوقت حابب اني مبقاش طول عمري لحد حاجه وتلاتين اولحدالاربعين بدرس وبحضر وكمان بتطلع ان يكون وضعي المادي كويس واني مندمش علي الدراسه اللي درستها واني لازم اتقدر

[@abduislam23]

@@mohamedabdsabor7356 انت معاك مكان تفتح فيه صيدلية دلوقتي وهل المكان ده كويس للمشروع ده؟

[@mohamedabdsabor7356]

هو والدي كان معروض عليه من كام سنه انه يشتري ٣ صيدليات مش عارف صاحبهم ليه هيبعهم وهما كانوا في منطقه راقيه وكانت الواحده فيهم علي اول شارع عمومي بس اختي دخلت هندسه وبصراحه انا كطالب لسه خارج من الثانويه معنديش درايه بحاجه بس بابا شايف ان ليها مستقبل علشان يعرف ناس كتير في المجال دا وبيقولوا انه مربح وكمان عندهم مخازن بس انا خايف اخد قرار متوقف عليه مستقبلي

[@abduislam23]

@@mohamedabdsabor7356 طيب كل كلامنا متعلق بالنواحي المادية البحتة لو انت حابب حاجة تجمع ما بين العلوم الطبية والبيزنس وإدارة الأعمال والمشاريع فممكن مثلا تدخل صيدلة وتدرس جنبها حاجات متعلقة بكدا وطبعا مع دعم الأهل في انهم يوفروا لك رأس مال تبدأ بيه المشاريع دي سواء في شراء صيدليات وغيره ومين عالم ممكن في المستقبل تعمل سلسلة صيدليات محترمة لكن لكن لكن لو انت مش حابب اي حاجة من ده وحاسس انك حابب الطب البشري وفيه قدرة مادية من البيت انه يدعمك ويساعدك في مشواره الطويل فساعتها ده يمكن يكون اختيارك الأفضل باختصار لو تساوت الجدوى المادية في الاختيارين وعندنا ثقة في اللي هيساعدنا ماديا فيهم شوف ساعتعا رغبتك وشغفك فين وتوكل على الله واختاره

[@omaimaabdelraaofhamza1900]

ومرتبات الحكومة كام في الكلينيكال لو اشتغلت في التأمين الصحي؟

[@abduislam23]

معنديش فكرة للأسف

[@محمودفايد-خ2ش]

بعد ازنك عايز اعرف مصاريف كليه صيدله كلينيكال فى حدود كام (انا صيدله دمنهور ان شاء الله)

[@abduislam23]

الموضوع بيختلف من كلية لأخرى لكن بشكل عام ممكن تتراوح ما بين الـ11 ألف إلى 18 ألف سنويا

[@abduislam23]

شؤون الطلاب في الكلية يقدروا يدوكم أرقام تفصيلية

[@hammadmohamed3868]

فين بقية الكوست ؟!!!

[@abduislam23]

مش فاهم السؤال لو حضرتك تقصد اللقاء كاملا فهو على الرابط ده kzbin.info/www/bejne/gKGbqItqeb-Aq7M

[@omaimaabdelraaofhamza1900]

معلش هو المرتبات دي في الحكومة ولا برة

[@abduislam23]

برا ف الخاص وعادة الخاص في الكلينكال بيدي اعلى شويه

[@somamarzouk9214]

@@abduislam23 طب والتكليف الحكومي كام

[@abduislam23]

@@somamarzouk9214 أقل من الأرقام اللي اتقالت ف الفيديو

[@somamarzouk9214]

@@abduislam23 طب ي دكتور حضرتك دفعة ٢٠٢١ليها تكليف وهل لو التكيف بس مع الوقت وحد قرر يفتح صيدلية ف بلد ريف هل هيقدر يعوض نص حتي مصاريف الخاص

[@Dr.Sm-hx1zn]

*طيب و كلية طب كام لو سمحت؟*

[@abduislam23]

لم نتطرق للحديث عن كليات الطب في مصر

[@supermaryo2876]

انا ازهر ادخل هندسة ولا صيدله

[@abduislam23]

الموضوع يعتمد على اهدافك وظروفك غير ان هندسة مش حاجة واحدة النقطة اللي بنحاول نوصلها انه في اي اختيار هتعمله حاول تجمع اكبر قدر ممكن من المعلومات الموثوقة والصحيحة عن التخصصات وفرصها في سوق العمل عشان تقدر تاخد قرار أفضل وده هدف البودكاست لمجال الصيدلة تحديدا

[@ssman1375]

للاسف في اغلب الدول العربيه و خصوصا مصر حتى الي عنده دكتوراه بياخد على افاه مرتين بالشهر

[@amiraeid7476]

مرتبات متشجعش ابدا للاسف

[@ahmedmehany4293]

بعد اذنك ادخل فارم دي ول كلينكال

[@abduislam23]

بخصوص الشهادات فيه فيديو على القناة فيه تفاصيل مفيدة أما عن سؤالك بالتحديد فمقدرش اديك إجابة محددة شوف انت هتتكلف كام وهتاخد ايه فائدة كعائد على التكلفة وابني قرارك على كدا

[@roaakhalid749]

السلام عليكم معلش يا دكتور احنا دفعة السنادي و اتقبلت pharm D clinical أول سنة صيدلة و كنت عايزة طب بشري جدا جدا بس محصلش نصيب و دخلت clinical علشان قريبة منها فكنت عايزة أعرف رأي حضرتك هل أحول pharm D علشان موضوع المرتبات زي ما حضرتك قلت و لا خليني فيها و شكرا لحضرتك يا دكتور

[@abduislam23]

وعليكم السلام ورحمه الله أعتقد دلوقتي فيه إمكانية للتحويل من صيدلة الى بشري بشرط التقدير العالي

[@theindom3yat392]

@@abduislam23 موجود حالي الكلام دا دكتور

[@theindom3yat392]

اتمني ارد يدكتور

[@justabrokenhuman2132]

ايوا موجود

[@makaesam8547]

@@theindom3yat392 اه

[@tarekelshnawy3219]

بتوع الادوية 😁

[@ahmednagdat4328]

انت علفكرة فى كل مكان بتقلل من كل كلية مريض نفسى اوى

[@faresfares6308]

هو ينفع طيب أخش كلينيكال حبا في علمها وانا اتخرج اشتغل كصيدلي عادي في اي مجال تاني ؟