Рет қаралды 68
في حاجات في حياتنا بنخبيها لكن ربنا عالم بيها
في ندم وصراخ والم وحنين جوانا وبندارى
سبحان من خلي اللي جوانا محدش مطلع عليه الا ربنا وحده تعالي
بيشوف ازاى اتخطينا حاجات كتير حصلت لينا
ازاى عدينا ومرينا ولسه بنتخطي اللي اذانا
عايشين اه عايشين بس ساعات كتير بنكلم نفسينا نتأكد اننا فعلا عايشين
بنعيد حسابتنا من تاني ونشوف كل اللي حوالينا
بندور علي نور ينجينا
نمشي واحنا مغمضين عنينا
واثقين اننا ماشين شايفين طريقنا اللي هينجينا
أزمات
اه مرينا بأزمات كتير ونقوم من واحدة نلاقي الثانية جاية علينا
اتخذلنا
اه ياما اتخذلنا من ناس كتير حوالينا
اتصدمنا
ايوة اتصدمنا لما اكتشفنا حقايق كتير كانت غايبة عن عنينا
اتدمرنا
اه مرت علينا ليالي حسينا اننا مش هنقوم تاني نقف علي رجلينا
خوفنا
ايوة خوفنا كتير وياما الخوف طير النوم من عنينا
استسلمنا
اه مرت علينا اوقات استسلمنا فعلا لكل حاجة لاننا معندناش حلول تاني نعملها
عندنا امل
ايوة عندنا امل كبير ان الحياة هتبقي احلي طول ما احنا بنحاول نطلع نفسنا من كل حاجة ممكن تئذينا
اطمن
انا بجد بطمنك وبطمن نفسي معاك
انت غلطت كتير صح ولسه بتغلط لانك انسان
لما بنغلط في حق ربنا ونقصر ارجع ليه
كلمه واتكلم معاه
هتلاقي كلام يطمنك
الحياة حوالينا لازم تدوس شوية علينا علشان تعلمنا
صدقني كل موقف مريت بيه في حياتك سواء كنت غلطان او تعبان او مريت بصدمة او اتخذلت
هتتعلم من كل حاجة عدت عليك
هتتعلم ان الصدمات بتقوي
والخذلان بيعدي
والخوف بيطمن
والناس بتتغير
وحبك للناس بيتغير
وشخصيتك انت كمان بتتغير
بتعرف ان اللي عملته في يوم من الأيام مش هيتقدر الا من ربنا
والناس بتنسي الحلو اللي عملته بس ربنا مبينساش
وان اللي بيقول عليك كلمة انت مقلتهاش كنت زمان ممكن تسامحه لأنه كان لسه مش عارفك كويس
لكن دلوقتي هتتجاهله لأنه ميستهالش تعاتبه
اللي عايز يسأل عليك يبقي لسه باقي
واللي ميسألش عليك في الوقت اللي المفروض والطبيعي يسأل
يبقي ميستاهلش تفكر فيه وتشغل بالك بيه اصلا
اللي عايز يبقي في حياتك هينورها واللي مش عايز..... حياتي اصلا منورة من غيره
مش مستاهلة نعيش نفكر ونتعب نفسنا اصلا
فيه حاجات اهم لازم هي اللي تشغلنا
الحاجة اللي لازم تشغلنا ازاى ربنا يرضي عننا
ازاى نرجع لربنا
إزاى نقرب من ربنا
ازاى نتوب عن اي ذنب عملناه
ازاى نعمل أعمال تقربنا من ربنا
اما الناس وامور الناس ومين قال وعاد وزود من عنده حاجات
احنا مفوضين أمرنا لله عارفين واثقين اللي أذانا وقال علينا ربنا هياخدلنا حقنا منه ده والله مستنياه
بلاش نشغل نفسنا في امور ربنا قادر ياخد لنا حقنا وزيادة
اشغل نفسك في اللي يفيدك وتزود بيه رصيدك
ولو وقعت قوم واسند تاني
قوم وصلح اخطاءك
اسند نفسك وابعد عن اللي يخلص رصيدك
اصل رصيدك ده هو اكتر حاجة هتفيدك
ابعد عن كلمة ممكن تقولها في حق حد وتظلمه
ابعد عن ذنب انت كنت بتعمله
ابعد عن كل ما يؤذيك واعتزله
ريح نفسك واشغلها باللي يفيدها قبل ما تشغلك
مش عيب انك غلطت العيب انك تعرف انك غلطان ومتصلحش غلطك وتمحيه
لما الواحد بيغلط بيحس بالندم والالم
بس ان الحسنات يذهبن السيئات
اعمل حسنات كتير تدوب بيها كل اللي عدى في الايام والسنين
تدوب بيها سيئات كتير
#احبك_ربي
#قول_يارب
#همسة_لقلبك