مشاكل الكهرباء والحاسبات، دسكتوب او لابتوب؟ نوع اليو بي اس؟

وكاضافات للمقطع، اخذ جهاز حماية بيه امكانية انو تخلي وقت الانتظار 5 ثواني واقل فولتية 150 فولت (لان الانتظار الطويل وحد الفولتية الاقل 170 للاجهزة الي بيها ماطورات بالاخص الكومبريسر مو للحسابات او التلفزيون الخ...) وحط جهاز الحماية قبل اليو بي اس او شاحنة اللابتوب
لا تاخذ يو بي اس اونلاين الا لو الكهرباء عندك كلش ما مستقرة والجكجكة مال يو بي اس تفصل عندك ماوس او تأثر على الصورة
اليو بي اس بشكل عام ما مصمم انو تشغله هواي من تطفة الكهرباء فممكن يحمة زايد بالاخص اذا اللود عالي، واكو يكَولون انو اليو بي اس الي موجته مو جيبية (الرخيص) ممكن يأثر سلبا على الباورسبلايات الحديثة، فحاول تاخذ واحد موجته جيبية وبيه مروحة للتبريد اذا بدلت البطارية بليثيوم وقررت تشغله فترات اطول، نفس الكلام ينطبق على العاكسات مع انو العاكسات المفروض مصممات انو يشتغلن مدة اطول من اليو بي اس العادي
واليو بي اس الي موجته مو جيبية ممكن تكون قراءات الفولتية بيه مو صحيحة ويسبب وزة بالسماعات او المايك

[@Jobima1st]

نسيت اذكر شيء يمتاز بيه اللابتوب بالاخص الاقتصادي الي شاشته اكثر من 720 بشوية (واقل من 1080) وهو انسب شيء تشوف بيه الانمي لان رزلوشن باكثر الانميات اقل من 1080 واكثر من 720 ودعم تشغيل الترجمة (القابلة للازالة) بالوندوز افضل من اي منصة ثانية + شوف الدسكربشن بيه اشياء تفيدك

[@drg97]

موضوع جميل احسنت 👍

[@IMQ16]

نعم نعم

[@roger8282]

ولله كفو

[@AbduPc-pg2il]

عاش حب

[@IMQ16]

عاشت ايامك حبيبي

[@roger8282]

بس للنسبة لللابتوب اذا كان فئة عليا مثل لابتوبات ال striks من Rog او اي لابتوب كيمنك بي تبريد و مراوح بس سعرة يكون غالي مبالغ بي ف ميفيدنة اذا اذا جان عندك فلوس لابتبوات العادية طبعا تحمة.

[@Jobima1st]

كلهن يحمن مقارنة بالدسكتوب وشيء اكيد اللابتوبات الغالية يصير تبريدها احسن لان صرفها اكثر