مشكلة عميل علي تطبيق الاهلى نت على الموبايل ؟ | NBE شهادات البنك الاهلي المصري

[@yaserelgazzar7048]

شكرا جزيلا استاذ عمرو

[@amr_antar]

الله يحفظك استاذ ياسر .. قناتك في اي وقت

[@ashrafezz6797]

تحياتي لحضرتك استاذنا الكبير المحترم

[@amr_antar]

الله يحفظك استاذ اشرف .. كل سنة وحضرتك طيب

[@michelfayez9886]

كل سنه وحضرتك طيب لو فيزا مشتريات وسحبت 2000 في كل عملية علي wallt بنك مصر تكون مشتريات ولا سحب نقدي

[@michelfayez9886]

ممكن اعمل اتنين فيزا مشتريات ويغطوا بعض في السداد احسن من القروض اللى متبهدلين فيها

[@amr_antar]

كل سنة وحضرتك طيب استاذ مايكل فيزا المشتريات عبارة عن قرض اذا تم استخدامه بحكمة مفيش ضرر منه المهم تبقي المديونية موجودة بحساب التوفير كل شهر وغالبا قبل يوم 25 في الشهر .. اما لو استخدم في السحب النقدي فهيكون مكلف جدا

[@ا-ح8ث]

ايه الشهاده اعلى عائد او فائده مدتها سنه فقط ايه البنك و تفاصيل الشهاده

[@amr_antar]

البنك الاهلي حاليا في سنة 23.5% عائد شهري بس اظن الافضل يبقي اذون خزانة .. صحيح هي حوالي 20% صافي لكن مدد قصيرة من 3 شهور ل سنة وللمزيد من التفاصيل عن اذون الخزانة شرفني بمتابعة قائمة تشغيل فيدويوهات اذون الخزانة kzbin.info/www/bejne/oJe8qmmwg9WKprs

[@JohnSmith-cg8zh]

شكرآ على المعلومات القيمة - باقى لى 4 أشهر على نهاية قرض من البنك بضمان شهادات لى لو كسرت القرض الآن هل هذا أفضل لى أم بقاء القرض حتى نهايته بعد 4 أشهر - شكرآ مقدمآ على الرد

[@amr_antar]

اهلا بحضرتك شرفتني فكرة سداد اي قرض فكرة ممتازة طبعا لانوا بياكل من مدخرات العميل في صورة فايدة للبنك الا لو القرض تم استخدامه واستثماره في شيء قوي جدا يفوق فوائد البنك ... لو عمولة السداد المعجل عالية يبقي يفضل تكمل القرض للاخر لكن لو سداد القرض بغرض استثمار المتبقي في وعاء ادخاري( يحفظ قيمة الفلوس) افضل يبقي ممتاز جدا .. اكيد انا مقصدش الشهادات لان الشهادات مبتعوضتش الخساير دي الا ع المدي البعيد مع مراعاه التضخم كمان .. اقصد خساير سداد القرض وكسر الشهادة

[@AmarG96]

تحياتي استاذ عمرو المحترم

[@amr_antar]

الباشمهندس المحترم .. اتمني نكون غطينا المشكلة بشكل كويس 🥰

[@ا-ح8ث]

هيعملوا شهاده جديده بعائد اعلى من 23.5% ولا لا ؟ .

[@amr_antar]

اهلا بحضرتك لحد دلوقتي مش واضح يا فندم .. بس لو حضرتك عاوز فايدة اعلي ممكن تبقي اذون الخزانة ٦ شهور مثلا او حتي سنة وتبقي الفايدة مقدما

[@ا-ح8ث]

هل يمكن ان اشترى دولارات من محل الصرافه ؟ . ولا ايه.

[@amr_antar]

الصرافة ممكن تبيع دولار في حدود تذكرة السفر بس وبسعر البنك يعني حوالي من 300 ل 500 دولار بالكتير

[@محمدصلاح-ش3ش1ج]

استاذنا الفاضل كل ثانيه وانت بخير عندي سؤال بعد اذنك هي الشهاده الثلاث سنوات المتانقصه لسه موجوده في البنوك ولو موجوده لحد امته موجود وممكن اخد عليها قرض وتقريبا بستلم القرض بعد كم يوم الرجاء الرد شكرا ❤اسف ع الازعاج

[@amr_antar]

اهلا بحضرتك وكل سنة وحضرتك ب الف صحة وسعادة .. . الشهادات الجديدة مستمرة لسه وممكن تاخد قرض بضمانها لكن علي فكرة هتبقي فايدة عالية .. بخصوص صرف القرض هيبقي علي حسب البنك في بنوك بتصرف خلال يومين وفي بنوك ممكن بعد اسبوع .. نصيحة مني لو تحب تسمع رأي الشخصي .. ( بلاش قرض ) لو مش محتاجوا ضروري .. تحياتي

[@محمدصلاح-ش3ش1ج]

تمام شكرا لحضرتك

[@mohamedantar1013]

👍👍👍👍

[@alykhairy7119]

لى سؤال عند حضرتك كنت عملت قرض وبعد اسبوع روحت لاغيته ومضيت إقرار بالغاءه وحيدفعونى 1000زيادة عن مبلغ القرض الملغى ودلوقتى فات اسبوع وبرضه الشهادات مجمدة معنى كلام حضرتك انها حتاخد تلات شهور طيب ازاى والقسط ممكن ينزل اخر الشهر ده ارجو التوضيح

[@amr_antar]

اهلا بحضرتك .. لو قرض شخصي المفروض يتم فك تجميد الشهادة فورا بمجرد سداد المديونية وسداد عمولة السداد المعجل .. بالنسبة للكريديت كارد ممكن يفكوا التجميد بعد شهر او ٣ شهور كحد اقصي وحسب البنك

[@ا-ح8ث]

ارجوك رد على استفسارى فيه شهاده تاريخ استحقاقها يوم 22 ابريل مبلغها 200 الف جنيه ماذا افعل لشراء الدهب هل اشترى بالمبلغ كله هل ممكن لاقدر الله يتقهقر و ينزل رقم كبير 1000 بعد مشروع راس الحكمه؟.

[@amr_antar]

اهلا بحضرتك وبعتذر ع التأخير لو حضرتك مش محتاج الفلوس خالص دلوقت يبقي اكيد الذهب افضل شيء .. ومتوقع زيادة عالمية ومحلية كمان لو حصل تحريك في سعر الصرف الفترة القادمة ... ولو حصل تذبذب في اسعار الذهب متقلقش بردوا لانوا علي المدي البعيد بيزيد وبيحفظ قيمة المدخرات ... لكن لو محتاج دخل شهري يبقي اكيد مش هينفع ذهب تحياتي

[@ashrafezz6797]

سوق المال والبنوك والشهادات شىء أصبح غير مفهوم برجاء من حضرتك أن ترسل لى انواع الشهادات وطبيعة صرف الفائدة هل سنوية كل ثلاث شهور او شهرية حيث أن آخر شهادة ١٩ ٪ لمدة ثلاث سنوات ثم أخيرا ٢٣.٥٪ لمدة عام واحد والتى الفائدة شهرياً كل عام وحضرتك واسرة القناة بخير

[@amr_antar]

منور الدنيا اشرف بيه في شهادات جديدة زي ماحضرتك عارف لمدة سنة صرف شهري ٢٣.٥ وصرف سنوي ٢٧ وفي صرف يومي ٢٣% ... اما شهادات ال ٣ سنوات ف هي تناقصة ٢٦ ثم ٢٢ ثم ١٨ ده صرف شهري .. وفي ٣٠ ثم ٢٥ ثم ٢٠ صرف سنوي