مشروع حلويات ناجح⁦🇩🇿⁩طلبية 220حبة صابلي بريستيج/شحال هزتلي مقادير

#طلبية_صابلي_مزيود_مشروع_مربح
-طلبية 50حبة صابلي مزيود👶👶بذوق الفراز🍓🍓وكريمة الزبدة السويسرية بمقادير مضبوطة ورأيي فيها مع سعر البيع
• طلبية 50حبة صابلي مزيو...
-الوصفة المعتمدة عندي👌صابلي الكيل اللي نخدم بيه كامل طلبياتي بالتفصيل للمبتدءات
• الوصفة المعتمدة عندي👌ص...
-رابط الانستغرام للتواصل معي 👇👇👇
/ wasafat_oom. .
🍓🍓🍓🍓🍓🍓🍓
-مقادير 70حبة صابلي : أنا ضاعفت المقادير هذي 03 مرات باش تحصلت على 220 حبة
(الكيلة المستعملة هيا علبة الزبدة وزن 500 نفسها)
-500غ زبدة طرية بدرجة حرارة الغرفة.
-ملعقة كبيرة فانيليا.
-قرصة ملح.
-كيلة ناقصة أصابع سكر ناعم.
-كيلة نشاء .
-زوج حبات بيض كاملين وزوج صفار بيض.
-ساشي خميرة الحلوى.
-فرينة لجمع العجينة.
🍓🍓🍓🍓🍓🍓🍓
-كريمة الزبدة السويسرية: الطريقة موضحة في الفيديو بالتفصيل
-250غ سكر عادي .
-اربع بياض بيض بدرجة حرارة الغرفة.
-350غ زبدة طرية (الأفضل استعمال نوعية جيدة من الزبدة وننصحكم بستار أو فلوريال)
-فانيليا.
-التزيين:
-ديكو فروي بذوق الفراز 🍓🍓
-كريمة الزبدة السويسرية بذوق الفراز.
-شوكولا بيضاء حوالي 3علب( استعملت نوعية الوجدان).
-دبدوب بعجينة السكر شريتهم جاهزين.
******************
-مقادير اللي احتجتهم ل220حبة :
**الصابلي:
-كيلو ونص زبدة صول بدرجة حرارة المطبخ (كل 500غ خدمتها وحدها تخرجلاي 70حبة ومقاديرها راهي في الأعلى)
-الفاني حةالي 3 ملاعق كبار .
-06 بيضات كاملين +06صفار بيض (في كل 500غ نحطوا 2 بيضات كاملين و2 صفار)
-3 علب فلان ذوق الفراز.(في كل 500غ نضع علبة واحدة).
-زوج ساشيات سكر ناعم (في كل 500 غ نضع نصف كيلة سكر ناعم ونكمل الباقي بساشي فلان باش مايجيش الصابلي حلو بزاف).
-رطل نشاء في كل 500غ نضع كيلة نشاء.
-3ساشيات خميرة الحلوى .
-3 كلغ فرينة منخولة
**الكريمة: كريمة الزبدة السويسرية راح تلقاو الرابط نتاعها في الأعلى بالتفصيل
درتها في فيديو صابلي المزيود
-في 220 حبة صابلي احتجت:
-08 بياض بيض بدرجة حرارة النمطبخ.
-لازم وزن السكر يكون ضعف وزن بياض البيض باش تجي الميرانغ طالعة وحاكمة روحها .
-لاروم بذوق الفراز.
-500غ زبدة أوبلين طرية بدرجة حرارة المطبخ.
-2 ملاعق كبار ديكوفروي أو سوبر كرام بذوق الفراز
-للحشو 220حبة هزتلي 3 علب ديكوفروي
-للقلاصاج : 220حبة هزتلي من 2.5كلغ شوكولا حتى ل3 كيلو حسب نوعية الشوكولا.
-القبة نتاع الديكور هزتلي في 220 حبة : 500غ شوكولا
-المكسرات في 220 حبة تجيكم قيس 50 ألف من كل نوع .

[@draicha1621]

واش نوع شوكولا استعملتي ؟

[@sahrabennecib8486]

يعطيك الصحة الفحلة

[@hamzapool7419]

السلام عليكم اول مرة نشوف قناتك ربي يوفقك اختي. افيديني اختي من فضلك الشوكولا تخدمي بعلبة 500غ ولا بالبيدون

[@mowglidbb8918]

اسمحلي ختي راني جيت بعد عام واول مرة نشوف الفيديو مي بصح لوكان انا الحبة نحسبها 10الاف وقليل التعب باراكات المفروض الناس يفهمو كلش غالي والتعب بزاف فيهم ربي ايقدرك

[@maraimnour1705]

فحلة ربي يبارك

[@kimaannaba455]

شكرا

[@oumabdalrahman7093]

الله ابارك بصحة ولهنة

[@zizoussila]

الله يبارك يعطيك الصحة تعيشي كيفاه نحسب حق الحبة عندي كوموند و انا جديدة في الدومان

[@wailwail4238]

يعطيك الصحه

[@أمبلقيس-ت5ر]

نوع ناكري لخدمتي بيه بارك الله فيك ختي

[@feryelfifi4969]

Stp asem choukoula alli seta3malti

[@_thequeen-8910]

سلام شعال تخدمي كعيكعات 50 حبة دوزان منعندي

[@fakrouneabdelali372]

يعطيك الصخة خبيت نتسالك الكيلو شحال تجي فيه من حبة وشحال تحسبيه للكيلو وعذاك الفراز سوبر كرام ولا واشنو انا مبتدءة وخبيت نعرف وضيفا جديدة معاك من فضلك حاوبني

[@Soultana666]

ربي يحفظك

[@ounisamira3549]

باه نقدر نعوض كريمة الزبدة السويسرية

[@aichawiwi3015]

يعطيك الصحة يهببببل

[@Bniadam834]

Allah ibarek. Magnifique❤

[@kamia4276]

سلام أخت تسنيم شحال تحسبي للحبة وشكرا

[@AliAli-vq7cz]

يعطيك الخير انشاله اعجبني انديرو لزباءن ديالي منفظلك

[@salimaaidat1405]

انا مبتدئة من فضلك شحال سعر صابلي برستيج و كل اسعار الحلويات و شكرآ

[@Oumkahalifa]

ما شاء الله عليك حبيبتي

[@fatimbel4397]

ما شاء الله عمل متقن جزاك الله كل خير. سؤال من فضلك ممكن انحضر كعيكعات أيام مسبقة قبل ما انحطلو الطلية ؟مشكورة على الجواب

[@boutabalalia127]

الله يبارك يبان شباب

[@oumroaaetaya1528]

ماشاء الله يعطيك الصحة. نقدر نخدمو قبل 25 بلا ديكور؟ يعني نلصقو فقط ويتخبى في كونجيلاتور ولا برا مع العلم كاين السخانة

[@RubyMohamed-mn5cu]

اختي تسلم ايدك ممكن اعرف يعني ايه ساشيات خميره حلويات يعني ايه مقدار كم؟؟؟؟؟؟؟؟

[@زهرةاللوتس-خ6ذ]

ربي يقدرك

[@serayadz6082]

يعطيك الصحة وشمن ولاية نتي

[@ElinaEline-s6d]

والله رووووعة وصفاتك مرسي ربي يجازيك كل خير❤❤❤❤❤❤

[@fifibougting4698]

وشنوها الشوكولا اللي خدمتي بيها أنا كنت نخدم بدادا بصح عيانة ولات ماتعجبنيش كي نذوبها وتخدم بيها تجمد بزاف وتيبس جي مقرمشة ماتعجبنيش

[@amelznati749]

شحال تحسبي للكغ اختي كريمة

[@أمأسماء-ل2ل]

هذيك القبة كيفاه خدمتيها من فضلك

[@halaouiyatalibenyahia2311]

الله يحفظك ويعطيك الصحة حبيبتي بصح وين حطيتي المكسرات ما دابتش الشيكولة

[@سلامسلام-ب2ك1ب]

نوعية شكولا هذي لستعملتيها للقلاصاج واش هيا

[@zinebzizo7996]

درتي زيت فشيكولا؟

[@ayoubferdous7401]

يعطيك الصحة ختي بشحال تحسبي للكيلو

[@_thequeen-8910]

سلام ختي شعال تخدمي 50حبة صبلي بريستيش

[@schecooks]

مشاله 💕❤️❤️✌️✌️👍👍🤲🤲🫶🏻🥐💕💕❤️✌️✌️👍🤲🤲🫶🏻🥐🥐👍👍✌️👍🤲

[@NedjariFatima]

عاودي الوصفة من فضلك يعطيك الصحة

[@marribacha3313]

الله يخليك حبيبتي كيفاش عملت القبة من فضلك فضلا وليس امرا❤❤❤❤

[@fizanfoufa3912]

الله يخليك قولينا شحال تحسبيه للحبة

[@nadiabenkali]

ya3ti k saha

[@samoumira4063]

وش نوع شيكولة لي درتها اختي

[@zinebyas6192]

ماهو نوع شكولا تاع قلاصاج لستعملتيه.

[@ggvgcv472]

ربي يوفقك تخدمي كيما انا تبعتك للأخير ،،

[@mayamaya-sq8pf]

مقدار هذا قداه ندير كاكاو

[@omrania5978]

بشحال خدمتيهالها ممكن السعر اختيش

[@tlemcen2463]

السلام عليكم ورحمة الله وبركاته حبيبتي حابة نتواصل معاك اذا أمكن...

[@tlemcen2463]

اختي ديري اعلانات ؟حابة اتواصل معاك

[@mohamedbenlaribi9047]

سلام يعطيك الصحة جا روعة حبيت نسقسيك على هذاك الميلونج نتاع الناكري وليكيد انا كي درتوا جا مر فيه مرورية زعما علاش ستعملت نفسوا لي درتيه جاوبيني تعيشي

[@fajrashou79]

بارك الله فيك شرح وافِ

[@zinebcherif2972]

أختي تعيشي جاوبني ليبوات أنتي تشريهم

[@Oom_Tasnim_Gateaux]

انا نشريهم بصح نحسبهم على الزبون مش عليا يعني يخلصهم

[@الحاجهالحاجه-ر9ص]

تبارك الرحمن تسلم الايادي وربي يحفضك ويرعاك برعايتيه

[@nounoussa]

نقدر مانديرش فلو؟؟

[@teardropyay]

بارك الله فيكي❤❤❤❤❤❤

[@oumyousra6090]

هذي الحلو تع طابلة للعرس

[@شجرةاليقطين-ذ7ق]

صح حابة نسقسي كي نخدم الحلوة بالشيكولا ماتذوبليش مع هاذي السخانة ؟؟؟

[@alghaliyanamouchi6814]

تعيشي اشحال احسبتي الحبة ربي يحفظك

[@اماليطو]

له اي كفاش نبيع

[@iyaddado5890]

السلام عليكم اختي يعيشك شحال تحسبي الحبه كيكون كلش من وشحال تحس بها كيديري كل شيء انت غير المكسرات من عندها

[@IssamIssam-ii2gl]

اختي من فضلك مادير 60حبة كعيكعات بالطلية وربي يحفظك

[@fiansot1411]

جديدة معاك هل من ترحيب ربي يوفقك ختي لعزيزة

[@Oom_Tasnim_Gateaux]

مرحبا بيك اختي العزيزة نورتي قناتي المتواضعة

[@عبدللهسعداوي-ل7ر]

ربي يعيشك حبيت نخدم حلوة لختانة وحبيت 3مودال تقدري تعطيني انواع يجو لهد الموناسبة وهو في جوان نخف من نوع الشكولطة السخانة

[@الاسوديليقبي-ذ9ض]

ختي حوست على اوبلين مالقيتها انت منين شريتيها

[@rabiaaabidi5360]

اختي بشحل حبة روعه من فضلك

[@habibtikhodja4229]

شكرا على التفصيل

[@salimazanoune9260]

Recette pour le sable merci

[@Oom_Tasnim_Gateaux]

Pas de problème

[@theghost1511]

يعطيك صحة من فضلاك اعطيني كيل تاع مقروض لوز 200حبة

[@gusmizainebgsm]

ماشاء الله يعطيك الصحة

[@جهازالعروسةالجزائرية-و4ص]

حطيلنا اسوام حتى انا راني نخدم

[@FFFooz]

بارك الله فييييييك

[@براءشايبالدراع]

ماشاء الله تبارك الرحمان تعيشي شحال للكيلو ولا للحبة السعر

[@batna0056]

اشتراك وجام قبل ما نشوف فيديو

[@lesdelicesdesanaa5709]

شحال حسبتيه من فضلك

[@hlmaghfs3161]

يعطيك صحة ربي يعطيك وش تمناي

[@جهينةرمضاني]

شحال من كيلو

[@إلهامإلهام-ص4ث]

جزاكي الله خيراً حبيبتي ❤❤

[@MamaMariam-v1h]

نكيلو بالباطة نتاع زبدة؟

[@pingpong7231]

يعطيك الصح تبارك الله عليك هايل

[@chanazeasma9860]

اشحال نحوس على هذا الوصفة ربي يجازيك

[@fzikrts7906]

تعيشي قوليلي انت قلتي عجباتك شيكولاتي بصح ادير الفقاعات فوق حبة القاطو كيفاه الحل؟؟؟؟

[@latifamath158]

السلام عليكم يعطيك الصحة اختي بغيت نسقسيك شعال تحسبيه للكيلوا

[@aichabouhadda4756]

يعطيك الصحة طوب

[@evalina9012]

وين كنتي الله يبارك هذا وين تلاقيتك

[@benrighimoustafa2480]

Yatik asaha

[@fatihaazzouze7308]

يعطيك صحة على صحة ربي يعاونك .

[@omyoucef4383]

انا مشتركة جديدة

[@salemtop5469]

اختي كاين توصيل للواد حابة نكموندي ومزروبة

[@yasminhamzi1705]

الله يبارك فيك

[@hadjarzitouni722]

قبل لا اشوف للفيديو الله يوفقك ويقويك ويعطيك درية صالحة والصحة وهناء يااااااارب شكرا

[@حياةكطان-ع1د]

محد راقي غيرك شغلك راقي

[@oummounirraooch3699]

روعة روعة من فضلك شندير للشكولا في الصيف

[@Oom_Tasnim_Gateaux]

مرورك الأروع غاليتي 😍🤗 والله مام انا راني عندي نفس المشكل الشوكولا تذوب حرت كيفاه نديرلها

[@oummounirraooch3699]

مشكورة حبيبتي كثر الله امثالك ❤

[@oumyounes2161]

ام اماني قاتلكم ديرولها الكاكاو مع اني ضد الفكرة بصح حبيت نفيدكم بيها والشكولا البيضاء الله اعلم قالت نزيد فيها النشاء

[@oummounirraooch3699]

@@oumyounes2161 شكرا اختس

[@maffamboubossela689]

عتمنغ

[@LaroseFleur-e3n]

ياختي اول خطرة ندخل نشوفك بصح تخمسي بزاااف بسلامتك

[@سوسوسوسو-ح8غ8غ]

تصلح في بلاصة كريمة الزبدة ندير شيكولا اتارتيني دزيرية وفالنص ديكو فروي

[@Oom_Tasnim_Gateaux]

أكيد حبيبتي

[@foftakhadr1877]

بارك الله فيك ....القبة تتباع هكذا واسمها ...؟

[@amelbaba1256]

شحال جاتك هاد الطلبية البري تاعها

[@habibabalouli9387]

يعطيك الصحة روعة

[@ilyas-x5l]

ربي. يشفيك. انشاء الله ياربي ♥♥

[@feryalkheyar2943]

الله يبارك وماشاء الله عليك

[@SafaKhalfawi]

الله يبارك ماشاء الله تبارك الرحمان ربي يحفظك ❤

[@hadjerbebaz-ix6ee]

من فضلك اذا ممكن تعطينا سعر تع هذا الصابلي