مشروع محل فول وفلافل بدراسة جدوي كاملة وتكاليف المشروع ونصائح هامة ( عن تجربة سابقة )

#Mohamed_Elkady #مشاريع_مربحة #خليك_مدير_نفسك
مشروع مطعم فول وطعمية من المشاريع التي تؤدي إلى ربح صافي كبير، على الرغم أنها من المشاريع القديمة ولكن تصبح أحد المشاريع الفعالة لما تقدمه من خدمات و أطعمة شعبية يأكلون منها يعتبر نص الشعب، وتقدم أطعمة رخيصة الثمن نوعاً ما مقارنة بباقي أنواع الأطعمة الأخرى، ويتواجد مكان لعمل الطعام وتقديمه داخل المحل أو إرساله إلى المنازل في علب خاصة , وباذن الله هيكون الشرح مفصل عن تجربة سابقة لفتح المشروع .
معاكم محمد القاضي وبعرض مشاريع ناجحه ومربحة جدا وفي الغالب بضيف فكرة ازاي اعمل مشروعين في مشروع واحد بنفس الامكانيات , وبقدم دراسة جدوي بالارباح والارقام في نهاية الفيديو , وبسيب رابط بعوامل دراسة الجدوي الكاملة وازاي تاخد قرار في المشروع , ورابط بالاوراق المطلوبة للمشروع .
اتمني اكون مش مقصر في حق شرح المشروع والكمال لله وحدة واي استفسار انا تحت امركم في الكومنتات .
__________________________________
( مشروعات لمحلات تجارية )
---------------------------------------
دراسة جدوي تقديرية مشروع ( محل المنظفـــات ومستحضرات التجميل ) بكامل التفاصيل والعوامل والنصائح الهامة جدااا لفتح المشروع ( عن خبرة في مجال المنظفات )
• مشروع محل المنظفات ومس...
------------------------------------
مشروع محل ( بيع ادوات السباكة والادوات الصحية ) بدراسة جدوي مفصلة بالارقام وشركات بيع الجملة واهم عوامل تسويق المنتجات
• مشروع محل ادوات السباك...
----------------------------------
دراسة جدوي بكامل التفصيل لمشروع ( محل البلايستيشن ) اهم العوامل لنجاح المشروع بتفاصيل دقيقة وهامة جدا جدا
• مشروع محل البلايستيشن ...
_________________________________
الاوراق المطلوبة والتراخيص للمشروع
• ماهي الاوراق المطلوبة ...
________________________________
#مشروع_للشباب
#مشروع_للبنات
#مشروع_لربات_المنزل
#مشروع_مربح
#دراسة_الجدوي
#مشروع_مربح_جدا
#مشروع_صغير
#مشروع_مربح_من_البيت
#مشروع_ناجح
#مشاريع_مربحة
#مشروع_راس_مال_صغير
#فكره_مشرع_مربح
#افكار_مشاريع
#فكرة_مشروع
#مشروع_للخرجين
#مشروع_العمر
#محمد_محمود_القاضي
#محمد_القاضي
#Mohamed_Elkady_Pro
#Mohamed_Elkady

[@aliamran63]

زمان كنت بشتغل ف مكتب من العصر ل١٠ مساء وكنت بروح الصبح اشتغل ف مطعم فول وطعميه لحد قبل العصر بنص ساعه بدل ما انا نايم باقى اليوم والحمد لله بعد صبر واجتهاد ربنا كرمنى اوعى تتكبر على الشغل عشان ربنا يكرمك وخليك قنووووووووووع تكسب

[@wesamtalat5214]

تحياتي

[@user-wn1fk5wk7r]

افضل ما يمثلك في طرح المشروع مصضاقيتك اخي الكريم بوركت دائما

[@mohamedelkadypro5610]

شكرا لحضرتك ربنا يديم علينا باذن الله وبالتوفيق ان شاء الله

[@yalla.notbo5]

جزاك الله خير على المعلومات و المجهود، بس حضرتك ماوضحتش في الدراسة الدخل او العائد بيبقى كام تقريبا على المبالغ المصروفه دي، كمان العمال نجيبها ازاي و محتاج كام عامل في المحل الصغير، و لو انا حقف و حتعلم منهم كل الشغلانات لحد مابقا بعرف أعمل كل حاجه بنفسي... و كم بياخد العامل باليوم وللا بالشهر؟ انا متحمس جدا للمشروع ده من زمان و مش عايز أشتغل مع حد، عايز ابقى مع نفسي و الرزق على الله

[@mohamedelkadypro5610]

وجزاك الله بالمثل اللهم امين هرد علي اسالتك واحده واحده بس افهم الكلام كويس 👌 شوف عن تجربة شخصية ... اللي هيقولك علي عائد مع احترامي ليك يبقي بيضحك عليك ... لان العائد بيكون علي حسب شغلك والسوق والمكان اللي حضرتك فيه بمعني ... ممكن لو شخص قالك هيفتح المحل في مكان زي المدن الجديدة !! وقتها انت هتقول المشروع هيخسر لان مافيش ناس وعدد!! لكن الحقيقة ممكن يكون العائد بتاعه اكبر كمان من اللي فاتح محل في مكان تجاري والسبب ان المحل اللي فاتحه ف مدينه جديدة مستهدف مثلا للعمال الصبح والمهندسين ووو هو كدا استهدف عملاء فعلا بالمقارنة اللي فاتح في مكان تجاري ويكون حواليه في المنطقة اكتر من مطعم وقتها استهدافة للعملاء او الزباين مترتبه علي دراسة المنافسين في السوق وايه اللي هيقدمه يخليه افضل من المنافسين ويقدر يكسب الزباين وقتها العائد الخاص بيه هيكون طبعا افضل صدقني دراستك للسوق والمنافسين وبنود دراسة الجدوي التقديييرية هي اللي هتحددلك طبعا دا بعد توفيق ربنا هقولك ميثال بسيط انا من اسبوع كنت ف سفر وفي منطقة كمان شعبية .. محتاج افطر ومعرفش مطاعم نهائي ولقيت قدامي مطاعم كتير ... طبعا انا يعتبر فاهم في قصة الطعمية لما بجيبها والفول وغيرها 😅 ... قعدت 4 ايام بجرب كل مطعم لحد ماعجبني واحد فيهم وبقيت كل يوم اروح اجيب من عنده الفطار وصدقني في 2 فاتحين جنبه ب 20 و 50 متر تقريبا ببساطة انا عجبني الطعم وكمان كنت بلمح المطبخ جوه بيتعاملوا بنظافة لسانه وطريقة تعاملة محترمة وكان بيعمل حركة اخدت بالي منها بعدها بيومين لما لقاني جتله مرتين وانا شكلي غريب بدء يزودلي بزيادة عن طلبي ... مرة كان يحطلي بطاطس مهروسة .. مرة عجة بالخلطة مرة فول بالطماطم طبعا بيعمل كدا عشان يكسبني واقدر اخد منه واجيله من اخر الدنيا طبعا بالشكل دا هو بيكسب زبون ... هتقولي دا كدا بيخسر هقولك لا ازاي في فرق مابين الخسارة وبدل التكلفة يعني ايه 😅 هو بيعمل حاجة اسمها بدل تكلفة ، يعني هو اتكلف بالزيادة اللي ادهاني لكن بكرة وبعده هيلاقيها لما اجيله مره والتانية الحاجة التانية ان هو مش عاوز يبيت حاجة عنده لتاني يوم ف بيضرب عينه علي الفرشة بيلاقي مثلا العجة انهردة متبقي منها بدل مايرميها وبدل مايخليها لتاني يوم وطعمها يتغير ويبيعهااا وطعمها متغير ممكن تخسره زبون لا يدهالي زيادة ويكسبني 👌 دي عوامل العائد اللي انت بتتكلم عنها ... تخيل بقا المحلات الباقية عملت معايا كدا !؟ طيب مين اللي العائد بتاعه اكبر المحلات التانية ولا اللي انا اشتريت منه 👌 قصة العمالة بقا لو انت هتشتغل معاهم يبقي انتو 3 فقط ازاي انت محتاج حد يقطع فقط هتقولي ما انا ممكن اقطع واجهز من الليل هقولك طيب حاجة زي السلطة اللي المفروض دائمة طازة !! لازم واحد يكون ع تقطيع وواحد طبعا مختص بالقلاية والعجينة وواحد علي الفرشة وكمان ممكن هو اللي يحاسب ووقت الضغط عامل القلاية يدخل علي الفرشه مع العامل اللي واقف علي الفرشة هتقولي طيب ماهو عامل القلاية كدا هيبقي حسابة اكتر لان بقا قلاية وفرشه هقولك والله هو وجدعنته في واحد عادي يقف علي اللي اتنين وواحد تاني يقولك ياباشا انا ماليش دعوة انا قلاية بس علشان كدا بقولك لازم تتعلم القلاية لانها اهم حااااااجة في المشروع اي حاجة تانية سهله انما القلاية هي المطعم من الاخر قصة اجرة العمالة القلاية هي اعلي سعر يومية اللي بيقطع بيكون اقل سعر هتفولي طيب الكاشير هقولك الكاشير دا بقا شغلتك انت وانت واقف علي الفرشة وخصوصا وانت بتقول المحل صغير العمالة تجيبها ازاي بقا كل منطقة هتلاقي فيها ناس ، لانك لو جبت ناس من برا هيكون سعرهم اعلي عشان المسافة والمواصلات وهتلاقي واسال في منطقتك هتوصل انا عملت كدا مرتين علي فكرة وربنا يوفقك باذن الله

[@sohibahmed9874]

@@mohamedelkadypro5610 ،🙏🙏🙏

[@Ahmed-hn2hd]

انت راجل محترم ويارب مشروعنا ينجح

[@salmahamdy5563]

صلوا علي سيدنا رسول الله🧡🌷

[@mohamedelkadypro5610]

عليه افضل الصلاة والسلام

[@user-dp7ih6ds5g]

جزاك الله خير

[@zezoalhdiry7845]

انت شخصيه محترمه

[@mohamedelkadypro5610]

ربنا يكرمك ويوفقك وانا طلبت من حضرتك المساحة

[@mohamedmaher4813]

انا جزاك الله خير انت انسان محترم و الله دلوقتي ربنا يكرم طيب افكر اني اجري ف اوراق الحكومه الاول من سجل ل تجاري للأشياء التانيه عشان ميجصلش مشاكل مع البلديه و لا ابتدي الاول و اقايس و بعد كده اشوف اوراق التقديم دي و بتتكلف من كام ل كام الاوراق دي

[@mohamedelkadypro5610]

وجزاك الله بالمثل ان شاء الله والله علي حسب منطقتك ... يعني انا كنت اول مابلاقي مرافق او تموين معدي كنت للاسف بقفل بسرعة لان مكنتش مرخص حاجة خالص في البداية

[@salwaa9793]

والصحه والرشوه نفسي حد يتكلم عليهم لما بيدخلوا محل او مطعم.

[@chefahmedabdo]

جزاك الله خيرا واحلى لايك وتحياتى لك والمشاهدين الأعزاء ويدوم التواصل

[@mohamedelkadypro5610]

دعواتك لاني متوقف من فترة

[@modenhassan540]

اللة يكرمك انت أنسان عندك ضمير

[@mohamedelkadypro5610]

ربنا يعزك ويكرمك ويوفقك ... دعواتك اهم حاجة 😊

[@ommohamed5543]

ماشاءالله ربنا يوفقك يارب

[@mohamedelkadypro5610]

وفقنا الله واياكم ❤️

[@magdynaser7881]

انت انسان محترم الله يرزقك ويوسع عليك

[@mohamedelkadypro5610]

ربنا يكرمك ويوفقك يارب ... لاتنسانا من دعائك

[@ZSam-A]

ربنا يباركلك ويجعله بميزان حسناتك

[@mohamedelkadypro5610]

اللهم امين جميعا وبالتوفيق ان شاء الله

[@samfree3516]

ما شاء الله ربنا يوفقك

[@mohamedelkadypro5610]

اللهم امين جميعا :D

[@user-dp7ih6ds5g]

❤❤❤

[@mohamednasr9406]

ربنا يوسع رزقك

[@user-ku6wk6gc4u]

كيلو الفول مكسبه كام وبيعمل بقد ايه فلافل

[@amine-zi7nz]

تحية من تونس

[@mohamedelkadypro5610]

لك مني كل تقدير واحترام اخواتنا التوانسه ❤️

[@mostafaabdallah3284]

بارنيكة الطحينة تقصد انك بتقسمها نصها زيت ونصها طحينة ولا ايه النسبة بالظبط؟ ارجو الرد وجزاكم الله خيرا

[@doaaelsherbiny2820]

لو عاوزه اعمل عربيه فول ممكن تقولى رأس مال قد ايه والدنيا هتبقا ازاى

[@mohamedelkadypro5610]

كدا انت محتاج تسال علي تكلفة العربية نفسها لان باقي التفاصيل للمشروع في نهاية الفيديو عاملها دراسة تقديرية وبردو مع اختلاف الاسعار

[@user-kq3hs4gy8x]

محتوي محترم من شخص محترم

[@mohamedelkadypro5610]

بارك الله فيك اسعدتني وبالتوفيق ان شاء الله

[@saidmoha8878]

طب ينفع ابدا وانا معنديش فكره عن الفول والطعميه مشتغلتش فيه قبل كده وحجيب منين صناعيه محترفين

[@mohamedelkadypro5610]

انا عملت زيك ... وموضح تعمل ايه بالضبط وهكررلك تاني لازم تسال عن صنايعية محترمة تكون قريبه من منطقتك

[@user-ks4pv9xh7o]

ممتاز جدا جدا ❤️

[@mohamedelkadypro5610]

جزاك الله خير يامستر وبالتوفيق يارب

[@extramusicana1066]

لو عاوز اعررف نفس المشروع بس دللوقتي ايه اللي هيضاف له

[@mohamedelkadypro5610]

مافيش اضافات كتيره ك بدايه

[@eslammahmoud6280]

ربح المشروع كام تقريبا يوميا فى مكان متوسط الاسكان

[@asmaaali210]

ممكن أعرف لو محل ايجار فول وفلافل هل يحتاج ترخيص ولا لأ بفتح بس وبجيب المعدات

[@mohamedelkadypro5610]

طبعا حتي لو ايجار لازم يترخص بردو الترخيص مالهوش علاقة بملك او ايجار التراخيص التجارية لواقع عملي تجاري موجود في السوق

[@aymanmosfafa2028]

@@mohamedelkadypro5610 ممكن تعرفنى كم تكلفه الترخيص

[@ahmedelfauomy7156]

ممكن اعرف بعد اذن حضرتك هل لازم يكون فيه التصاريح المطلوبه الشهاده الصحيه وغيرها ولا لا ؟؟ ضروري بعد اذن حضرتك ممكن تتكلم في الموضوع ده

[@mohamedelkadypro5610]

لازم تطلع علي جهاز المشروعات اللي عند حضرتك وتسال لكن طبعا لازم تكون في شهادة صحية طالما في مواد مشتعله وسجل تجاري انا عن نفسي عشان كنت في بداية المشروع مكنتش عامل ولا مسجل ودخلوا عليا مرة واتسترت والدنيا مشيت لكن دا خطا طبعا

[@khaledhamoda9906]

@@mohamedelkadypro5610 ممكن تليفون للتواصل من فضلك

[@munuaeat7827]

انت لسه فاتح محل صغير وللاسف بيخسر او اللي ابيع بيهم بجيب معهم بضاعةة مش عارف اعمل اي

[@mohamedelkadypro5610]

طيب عن تجربة كان بيحصل معايا الموضوع دا اوقات ودا رزق وعادي لكن لو الموضوع مستمر معاك يبقي خد بالك جودة الحاجة اللي بتعملها وهل في زباين كانت بتجيلك وبطلت تجيلك ولا لا !؟ اسعارك والكمية المقابلة للسعر يعني كيس الفول ب 3 جنيه مثلا زي برا وكميته حلوة ولا لا التنوع في الاسعار يعني قرص الطعمية بربع ونص وجنيه موجود عندك ولا لا هل بتبيع بجنيه بس ولا بنص بس ولا كله متوفر عندك الاهم بقا واللي وقعت فيه انااااا شخصيااا العمالة عندك قد ايه ومرتبهم قد ايه وهل انت شغال بنفسك ولا لا هل متعلم الصنعه ولا لا ودا الخطا اللي انا وقعت فيه اكتفيت للاسف بالكاشير الشغل مش عيب انا كنت بقف علي الفرشة اوقات مكان واحد من العمال مجاش وببيع ووالله كانت ناس بتلمني وتقولي مش انت اللي تعمل كدا كنت برد واقول مالكش دعوة 😁👌 صدقني لازم تتعلم كل حاجة وخصوصا دقه الطعمية وتجدد ديما وتطور تقدم حجات جديدة وتحطها علي الفرشه حتي لو مش هتتباع بس لازم وجودها ضروري لان دا اللي هيخلي الناس تجيلك اصبر علي رزق وراعي ضميرك وحسن واعرف الاسباب وحددها وتصلحها صدقني هتشوف الفرق انا والله ابتديت اعمل كدا وربنا كرمني لكن العقبة كانت الكلية والامتحانات وكنت بسيب المطعم والمال السايب ....😁 ربنا يكرمك ويوفقك يارب

[@mohammedabohamza6747]

طب ممكن طريقة دقة الطعمية بالتفصيل

[@user-dh1wv7bc8k]

​​​​​@@mohammedabohamza6747عمية kzbin.info/www/bejne/nn6UnauoqpyipZI kzbin.info/www/bejne/iGawfahrbcaNebM تميس الفول kzbin.info/www/bejne/n3-Uqq2koamNrJI kzbin.info/www/bejne/pYSXq2hng8pqe7s

[@user-bu8xi5bt7t]

فالوقت الحالي ممكن يتكلف كم المطعم

[@user-ve1ju9bu6h]

ممتاز

[@mohamedelkadypro5610]

تسلم وبالتوفيق ان شاء الله

[@AhmedSabry-gj7th]

محتاج ملف الاكسل لو سمحت

[@rozeribrahim9564]

تم

[@user-ks4pv9xh7o]

ما شاء الله 👏 👏

[@nonaadel6792]

عايزة أتواصل مع حضرتك فى كذة سؤال عن المشروع دة

[@mohamedelkadypro5610]

ممكن حضرتك تعرض سؤالك وهجابك بالتفصيل لاستفادة الغير

[@arafatmahmoud3810]

يعني تقريبا الدخل كم ف المية ؟

[@user-fu3gg8cz3y]

الاكل ايلى كان بيتبقى بتعمل فيه ايه يعنى مثلا بطاطس محمره أو طعميه ليه تصريف بتعمل بيه اكل جديد ولا بيترمى

[@mohamedelkadypro5610]

اخر اليوم لو اتبقي عندي اكل مش هينفع يوضع في الثلاجة كنت بخرجه لوجه الله لاني كنت متطوع في جمعية خيرية , وفي اكل ممكن يتوضع في الثلاجة وفي اكل لو حسيت ان مش هينفع كنت بخليه للطيور , وفي الغالب الاكل المتبقي مبيبقاش كتير لان بتبقي بعد اسبوعين فهمت البيع عامل ازاي وايه الكمية المناسبة لكل يوم من ايام الاسبوع ... يعني مثلا ايام الاسبوع في ضغط في السندوتشات عن يوم الجمعه خفيفه فيه ... وبيفرق طبعا بردو علي حسب المكان والمنطقة ... عن نفسي كنت بعمل كمية يوم الجمعه في النهار وبقفل بعد العصر غير باقي الايام بفتح الصبح وبعد العصر او المغرب او طول اليوم

[@user-fu3gg8cz3y]

@@mohamedelkadypro5610 شكرا ليك ربنا يباركلك يارب ويوسع عليك

[@mohamedelkadypro5610]

@@user-fu3gg8cz3y الشكر لله ربنا يوفقك باذن الله

[@POOLPAL-yo6yu]

والارباح؟

[@user-jj6hq5qo2f]

ربنا يوفقك يارب سؤال بس كنت بتشترى المكونات منين زى الفول والزيت والخضار والفول كنت بتعمله فى موقت المكان اللى بيستوى فيه الفول ولا كنت بتسوى داخل المطعم

[@mohamedelkadypro5610]

كنت بشتري الفول من تجار وبيكونو معروفين انهم اقل سعر وفي الغالب تجار جمله او موزعين للمطاعم وبيجو لحد المطعم ينزلوا لحضرتك الزيت نفس الكلام وزيت الطعمية كان في عربية بتعدي عليا لحد المحل والخضار كان بيعدي عليا بردو اللي هما بيقعدو في السوق طبعا الصبح الساعه 6 او 5 الصبح بيعدو عليا وباخد الخضار طازة انما لو البطاطس او الباذنجان مثلا كننت بنزل السوق الاسبوعي لتجار وباخد بالشوال بالنسبة للفول والطيبان كنت بسوي الفول داخل المطعم والصبح بنقل القدرة وكنت شغال بقدرة وسط مش كبيرة وفي الشتاء كنت بحط تحتها موقد شعلة خفييييفة جدا علشان الفول يحتفظ بالسخونة لاخر اليوم او كنت بزودة ماية سخنة قليله كل كام ساعه لان طبيعة الفول بيشرب الماية لو في سؤال تاني اتفضل وبالتوفيق ان شاء الله

[@user-jj6hq5qo2f]

@@mohamedelkadypro5610 متشكرة جدا للرد جزاك الله خيرا استفدت كتير من خبرتك وياريت لو امكن اسم صفحتك على الفيس

[@mohamedelkadypro5610]

نفس اسم القناة وبالتوفيق ان شاء الله

[@omyassin1669]

تمام

[@user-yv5mt6zg5y]

بكام مفرمه العجيه الطعميه

[@mohamedelkadypro5610]

الدراسة المالية في نهاية الفيديو

[@zezoalhdiry7845]

يعني ١٥٠ الف يغطي المشروع كويس برجاء الرد

[@mohamedelkadypro5610]

اكيد كويس جدا لكن علي حسب حجم المشروع واللي حضرتك هتقوم بيه ممكن تقولي المساحة قد ايه

[@zezoalhdiry7845]

@@mohamedelkadypro5610 ٥٠متر مثلا

[@mohamedelkadypro5610]

مساحه محترمة جدااا و راس المال كتير عليها يا امااا هتعمل حاجة علي مستوي ممكن تدخل في تكلفة 100 الف وحاول تعمل كدا قيد نفسك علي 100 الف واقل كمان وباذن الله لما عجلة المكان تدور ممكن فيما بعد تطور فيه انما راس المال اللي حضرتك بتتكلم فيه كبير ومنصحكش في البداية تمول بيه المشروع بالكامل

[@AhmedHassan-cu6di]

@@zezoalhdiry7845 حضرتك فتحت ولا لا انا برضه هفتح الايام دي وقلقان شويه لان هما 200 الف اللي معاي ولو خابت مني هضيع

[@user-yc2rr3qi7i]

سيدي انا من سوري ممكن تتوصل معي

[@mohamedelkadypro5610]

اتفضل حضرتك اطرح سؤالك ومش هقصر

[@abdallafathy7885]

مكسب ٣٠٠ في المية

[@mohamedatia6321]

كم مكسب فى الشهر على كلامك دا

[@mabdelrahman61]

ممكن اتواصل مع حضرتك ازاي

[@mohamedelkadypro5610]

ممكن عن طريق الفيس بوك

[@AhmedHassan-cu6di]

@@mohamedelkadypro5610اسمه اي الفيس بوك حاولت ابحث موصلتش

[@horusmedicaltv5564]

لو تبطل تشرب مخدرات تبقى كويس والله

[@mohamedelkadypro5610]

شكرا ليك مع اني مبشربش حاجة .. 🤚

[@ahmedelbadry182]

ممكن تبعتلى مشروع مطعم ابو دورين بدراسة جدوى كاملة وتكاليف المشروع قد ايه واسعار مساحتها كم متر مربع

[@mohamedelkadypro5610]

يافندم حضرتك المفروض تحدد المنطقة والسوق اللي هتبدء فيه الاول , انما مطعم بدورين وحضرتك مش محدد المساحة اللي قدامك ؟! دا خطا ... استهداف المشروع بالطريقة دي خطا

[@ahmedelbadry182]

@@mohamedelkadypro5610 مطعم بازوكا اللى ابو دورين ومكانه في مدينة السادات بالمنوفية فى مول بيراميدز

[@engykabeel1809]

محتاجه حضرتك بشكل شخصى ازاى اتواصل معاك

[@mohamedelkadypro5610]

ممكن عن طريق الفيس

[@zaagmix2491]

اقدر اتواصل مع حضرتك ازاي ؟

[@mohamedelkadypro5610]

ممكن حضرتك تطرح جميع الاساله واوعدك هرد عليك لاستفادتك واستفادة الغير

[@zaagmix2491]

@@mohamedelkadypro5610 انا كنت حابب اعمل المشروع وكنت عايز استفسر من حضرتك هل المبلغ اللي معاية في حدود 50الف ممكن يكفي واتواصلت مع حضرتك علي صفحة الفيس بوك ياريت لو اقدر اتواصل معاك اكون شاكر ليك وشكرا علي الرد

[@mohamedelkadypro5610]

50 الف مبلغ محترم جدا جدا جدا لكن بردو علي حسب المساحه وحجم المطعم والخدمات اللي هتتقدم فيه طيب .. انا بردو مش هقصر مع حضرتك انا في سفر ربنا يعلم وهرجع بكرة بالكتير باذن الله ابعتلي علي الاكونت او الصفحة وهتلاقيها بنفس اسم القناة وانا هتواصل معاك بالتلفون باذن الله

[@zaagmix2491]

@@mohamedelkadypro5610 تمام حضرتك هبعتلك الرقم وفي اي وقت حضرتك تفضي فية ممكن تكلمني واسف علي الازعاج ❤❤

[@zaagmix2491]

@@mohamedelkadypro5610 كلمت حضرتك علي البيدج اللي حضرتك حاطط اللينك بتعها تحت الفيديو مش لاقي حاجة بنفس اسم الصفحة

[@ahmedzaky439]

الله يكرمك بس ممكن سوال ممكن المرتبات ايه للعمالة بتروح من كم الي كم

[@mohamedelkadypro5610]

المرتب بيختلف علي حسب المكان وعلي حسب الصنايعي يعني عامل القلاية غير التقطيع غير الفرش والقلاي هو اكبر مرتب لانه قلاي واللي بيعمل دقة الطعمية وبيظبط الفول لتاني يوم عن نفسي ايام ماكنت فاتح في 2015 يومية القلاي كانت 55 جنيه واللي بيقطع 25 جنيه والفرش 30 جنيه وبعدها انا مشيت اللي علي الفرش وكنت بقف انا واللي بيقطع وكنت بزودة 10 جنيه الاسعار دلوقتي تختلف بردو يعني افتراض لو القلاي كان بياخد 55 ممكن انهردة ياخد في حدود من 85 الي 110 وهكذا

[@user-yx2yu9cy7r]

ممتاز ال1000 يكسب كام فى المية

[@mohamedelkadypro5610]

يعني ايه ممكن توضح ؟

[@user-yx2yu9cy7r]

@@mohamedelkadypro5610 يعنى الأرباح كام .يعنى مبيع 1000 جنية تكسب كام

[@mohamedelkadypro5610]

فهمتك لكن صعب تتحسب بالمقدار دا لان اولا انت حاجة زي البطاطس بتدخل ف كذا صنف وباسعار مختلفه والسندوتشات غير البيع العادي والاهم الاسعار كل اسبوع حرفيا بسعر ف ان حضرتك تعمل دراسة ضقيقة كدا صعب لان الاسعار متغيرة والتكلفة المتغير في دراسة الجدوي بتكون اعتبراية بتكلفة الفترة المحدده يعني .. انا ممكن اقولك دلوقتي اللي كان معايا وعلي السيستم بتاعي ان ال 1000ممكن تكسبني 100% ممكن 150 % ممكن 20% ممكن يوم يقع ويخسر ويتعوض في اليوم اللي بعده لانها بردو مواسم زي موسم صيام المسحيين في ضغط علي الاكل النباتي يارب تكون وجهه نظري وصلت

[@extramusicana1066]

​@@mohamedelkadypro5610 ممكن ترد عليا نفس سؤال بس مش واضح الاجابه

[@user-pg7ru1ze7w]

يلي بيسمعك يقول عمرك ٦٠ سنة وخبرة🤣

[@mohamedelkadypro5610]

علي قدنا ... ربنا يوفقك ❤️💪

[@jojo8648]

​@@mohamedelkadypro5610ممكن ألفيس بوك بتاع حضرتك يا استاذ محمد وبارك الله فيك بجد

[@jojo8648]

ممكن رقم حضرتك ضروري