مشاري الرشيدي حفل تخرج ضباط قبيلة بني رشيد

مسك البداية لا إله إلا الله و مسك الختام
صلى الله وسلم على اللي سنته يحيونها
غنت هجوسٍ ماتحوش من الغمام الا الغمام
ولايطلق حجاج القصايد غير صوت لحونها
مااسقيتها الا من قراح الشعر واسمَع ياسلام
يوم اني اقطف للمسامع من ثمار غصونها
عندي كلام ٍ سابقه فعلٍ يثبّت ها الكلام
يا الجادل اللي تجذب العاشق بضحك سنونها
يابنت مدري وش تبين من المحبة والغرام
عنتر ما اخذ عبله وليلى ماخذت مجنونها
قلب الرشيدي مايخون و لايطبّق هالنظام
محبوبتي والله ل ابيع العمر قبل اخونها
بنت الشيوخ اللي مهرها سلة السيف الحسام
مخزي شياطين الجزيرة يوم جن جنونها
لعيونها كم سال دم و عين تسهر ما تنام
الموت خير من الحياة اللي ماهي لعيونها
داري واداري حبها بالروح من سن الفطام
اليا انتخت ماتسمع الا تبشر و ياعونها
ويامرحبا ترحيب عبس وضيف عبس بشكل عام
مع جيته كن السحايب تستهل مزونها
في حفل ضباط القبيلة يوم حظ المجد قام
وحظ النجوم اللي تشوف العز فوق متونها
احفادكم ياموحدين الدار مع جيش الإمام
عز الله انه عزها معزي وعز ركونها
من يوم غاليها رجع صارت على احسن مايرام
عقب ما جاها ماعليها خوف لا تبكونها
اطهر تراب ترابها و اغلى ثرى و اسمى مقام
وامانها روح الامن و الكون كله كونها
منها ابتدى نور السلام اللي طوى ظلم الظلام
و فيها وعنها ماسمعنا ناسٍ يعادونها
تستروا بالدين لكن لا صلاة ولا صيام
الا صلاة ٍ ماهي لو جه الله يصلونها
حنا ما حنا في يدين بليس ملعون الرحام
من يرخصون المملكة ياجعلهم يفدونها
الحكم لله ثم اخو نوره و غيره لا حرام
يرضونها بالطيب والا بالغصب يرضونها
كريم متسامح يحب العفو من طبع الكرام
الا يمينه بالكرم ماوالله يجارونها
شديد عند الحق حازم بالعدل والالتزام
طاريه يقرِن بالمهابه كل مايطرونها
هذا حكم سلمانها دامت بعز الحكم دام
هدّت محمدها ولاخيّب جميع ظنونها
خطواته اثبت من طويق من الأمام الى الأمام
وهقواته عنان السماء يبطون مايصلونها
سمعاً وطاعة لازهمنا خادم البيت الحرام
الوقفة اللي دون حد المملكة مادونها
ياعزوة المجد التليد اللي زبنكم مايضام
انتم دروع المملكة ياسيدي وحصونها
الله هو اللي خصكم بالحكم من بد الانام
عساكم لـ يوم القيامة وانتم تحكمونها
العام والا اليوم والا كل يوم وكل عام
با ارقابنا بيعة نبيع العمر قبل نخونها
#مشاري_الرشيدي

[@munif6206]

الله يهديك ي مشاري اخذت كل الحظور جمهورك ماشاءالله ابداع كنت من الحاضرين

[@viphail2715]

أسأل الله أن ينفع بهم القريب والبعيد

[@user20232cg]

صح لسانك

[@bandarkalaf7484]

سلام عليكم ورحمة الله وبركاته صح لسانك يامشاري

[@user-xm8zl2uf8t]

ابداع يابو مساعد دائما تحلق في سماء الابداع

[@user-st4bk4gj1x]

صح لسسسسانك يبن عمي قصيده جزله من شاعر جزل لاعدمناك

[@user-qh7vo3rk6z]

صح لسانك وعتلا شانك ي ابو سرهيد عزالله شاعر شاعر علا مستواء الله يحفظكم ويسعدكم

[@user-fo1wi3zy9o]

ونعم يابومساعد

[@user-br7xb7ih2x]

يجعلكم علا القوه يابني رشيدي وبيضالله وجهك ياشاعر وفخر بني رشيد جعلك علا القوه يبن عمي

[@Naifnaif-go8xc]

مبدع ابو مساعد دائماً

[@aziz1133]

ابدعت يا بو مساعد

[@user-fz2hw1no9y]

صح لسانك وبيض ووجهك يابن سرهيد

[@user-nt6vh4xw8m]

صح لسانكك واعتلاء شانكك

[@viphail2715]

قال سعيد بن جبير: الذكر طاعة الله, فمن أطاع الله فقد ذكره, ومن لم يطعه فليس بذاكر له, وإن كثر منه التسبيح وتلاوة القرآن. ذكر الله عز وجل لا ينقطع: قال الحافظ ابن رجب: الأعمال كلها يفرغ منها, والذكر لا فرغ له ولا انقضاء, والأعمال تنقطع بانقطاع الدنيا ولا يبقى منها شيء في الآخرة, والذكر لا ينقطع.

[@user-yp6jh4be6y]

صح لسانك

[@user-jx6mj9ix2p]

صح لسانك