مشاري الرشيدي الجديد (ماكرون)

انقطاع الذكر مثل انقطاع الاكسجين
يالله اشغلنا بذكرك عن اللي يصنعون
عمر كل انسان مره مايخلق مرتين
يامكون كونك اللي بدونك مايكون
ياغفور اغفر خطانا يارب العالمين
يوم ماينفع بنادم لا مال ولا بنون
ديني الاسلام والحق دين المسلمين
انت ياللي تضحك اضحك ضحكت بلاسنون
ياصلاة الله على اللي بنوره مهتدين
عد ماتبكي و تشفق لروّياه العيون
بي ابي انت وامي ياسيد المرسلين
مابقى الا من اطهر الخلق كله يسخرون
ماكرون مايعرف الله خير الماكرين
الله اكبر مكر واعظم من اللي يمكرون
لا هم اللي جمعوّها سوا دنيا ودين
ولاهم اللي خلوا الناس منهم يسلمون
الفضل والحمد والشكر لله كل حين
جل شان الله ولله في خلقه شوؤن
شرّف وعرب نسبنا ومعدنّا ثمين
اصلنا كلٍ يعرفه وهم مايِعرفون
راح وقت العنصريه مراح الاولين
لكن يحق الفخر للعرب لويفخرون
كان جرت شيخة الوضح موال الحنين
واجد اللي مع لحنها يجرون اللحون
افتخر يوم اذكرني حفيد الطيبين
خيرة شيوخ الاشده وسيعين الطعون
لانخيت اصغرهم يلين راسٍ مايلين
ولا نصيت اكبرهم يهون صعب ٍ مايهون
عزتي للي مايلقى على الشده عوين
لوتعزوى بااسم ربعه تقل مايسمعون
للقريّب كن مالله خلق فيهم يدين
وللبعيد يقلطّون الصياني والصحون
يستحي منهم ويسكت ولاهم مستحين
وشرهة الطيّب كبيره على اللي يشرهون
رحت اطاوع سجة القاف ياربي تعين
ما اطلب الا رحمتك البشر مايرحمون
الكلام اللي مخليه في صدري سجين
والله ليقضي حياته وهو وسط السجون
#الشاعر
#مشاري_الرشيدي

[@user-iw6vm4re5m]

صح السانك

[@issss_AL-RASHIDI...]

صح لسانك

[@user-fp9zz3vf1j]

صح السانك ي الذيب

[@user-el7qo1mf4j]

صح لسانك واللهم صل وسلم وبارك على سيدنا محمد

[@MM-sx3zp]

😎✈️

[@user-fz2yd5um7y]

صح السانك ياشاعر بني عبس عسى عمرك طويل اخوك الرشيدي من مملكه البحرين

[@user-dd6sv5hi5x]

البحرين فيها رشايدة

[@user-cw2tj2dd1g]

صح لسانك يابو مساعد

[@user-js5kt5vy6o]

ارحب ارحب يبو مساعد صح لسانك ياشاعرنا مبدع

[@user-nh8lq8ko7l]

صح السانك ياابو مساعد

[@user-js5kt5vy6o]

الله الله يبو مساعد صح لسانك ولاهو غريب الابداع من يومك وانت ابداع لاعدمناك ❤️❤️❤️❤️❤️

[@user-jf4mw7ze1m]

صح اللسانك يبومساعد🌷 يحقلي افتخر وتومس فيك 🌷🌷

[@user-sl1fs9ue3d]

الله الله صح لسانك ياكحيلان وفي ذمتي انها قصيده ماهي هينه ولا هي غريبه منك....صح لسانك وعسالله يعزك👍🏻💐💐💐

[@grrobetheek4738]

صح لسانك مليون وصلى الله وبارك وسلم على اشرف الخلق والمرسلين واحلى لايك لعيونك يابطل

[@user-ci5gd7yn1i]

👍👍

[@user-lt7xy8ww3b]

صح لسانك ابداع

[@user-ik4ej9ku6i]

صح لسانك يابومساعد انت جزل وقصيدك جزل اخوك/حسين الوايلي

[@user-gw2nq4wq5h]

صح السانك

[@azz743]

صح لسانك

[@user-dd6sv5hi5x]

صح لسانك يابو مساعد

[@omarnaea5725]

صح لسانك يابو مساعد