مشتريات شهر1🌿ورمضان2025👈بمبلغ بسيط👌أقوى ميزانية واقعية عملي لحوم وفراخ👈بتقسيمة حصريا كلها خير وتوفير

[@Ranya.Home8]

معلومات مهمة ومفيدة فى المطبخ ١_ لو الحله سخنت على النار ما تحطيش السمنه او الزيت على طول هيتحرقوا حطى البصل الى هتستعمليه هياخد الحراره وبعدين حطى الماده الدهنيه👌 ٢_ اى حاجه على النار عاوزين تزودوها ميه لازم الميه تكون مغلية 👌 ٣_ قبل ماتحطوا الكاكاو للكيك انخليه علشان مايعملش تكتلات👌 ٤_ لو بتعملى الكيك بالسمنه اضربى السمنه مع السكر وبعدين ضيفى البيض بالتدريج بيضه بيضه👌 ٥_ لو بتعملى الكيك بالزيت اضربى السكر مع البيض الاول وبعدين ضيفى الزيت بالتدريج👌 ٦_وانتى بتطبخى او بتعملى رز استخدمى سمنه على زيت بيدي طعم احلي للرز 👌 ٧_ محلول النقع بنحط ليمون ماينفعش خل لان الخل بيثبت الزفاره مش بيشيلها👌 ٨_ كمان الخل بيخلى الفراخ تشد الخل بيفرتك نسيج الفراخ اه ولكن بيخليها بتشد👌 ٩_ استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش ١٠_ الخل ممكن نضيفه للكبده للبطاطس معلقه منه على الكيك بيخليها هشة وفى الشاورما اظن كده انتهت اسطورة الخل👌 ١١_ انا بستعمل الخل كمان فى التنضيف وفى القضاء على النمل وبحط شويه على البريل بيطهر الصحون وبيلمع الاستانليس👌 ١٢_ اعملى ازازه بخاخ حطى فيها بريل على شوية خل وكملى شوية ميه هيوفر جدا فى البريل او النوع الى بتستعمليه👌 ١٣_ قبل ماتحطى اللبن فى الحله على النار حطى معلقتين ميه لا يمكن يلزق ابدا👌 ١٤_ لو خزنتى الكرنب ورق بعد ماتحشيه اسقيه بشوربه ساقعه علشان مايجلدش👌 ١٥_ ورق اللورا بيساعد على تفتيح لون انسجة الفراخ وبيعطر الفراخ وانتى بتسلقيها ومفيد جدا للعظام والحاله الصحيه👌 ١٦_لو عندك توم ناشف وفصوصه صغيره انقعيه فى شوية ميه وبعدين قشريه هيبقى سهل👌 ١٧_ لو بتقطعى خضره او اى حاجه خضرا ورقيه حطى على لوح التقطيع رشة ملح علشان ما تتطايرش منك👌 ١٨_ فى اكلات ماينفعش نغطى الحله واحنا بنسويها زى العدس والبصاره والويكه والرز بلبن والمهلبيه والملوخيه والحليب👌 ١٩_ فى اكلات ماينفعش نغطى الحله بعد مانسويها مش واحنا بنسويها بس زى الملوخيه والسبانخ ده وهما لسه سخنين طبعا👌 لو استفدتي م المعلومات تنوريني بالاشتراك فقناتي المتواضعه❤❤❤❤🎉

[@Ranya.Home8]

"ووسّع لي في داري ورزقي وقلبي وسهّل الحياة عليَّ وخُذ ياربِّ بيدي أخذَ الكِرامِ عليك. لا يعجزك شيء في الأرض ولا في السماء." ♥️

[@NadaAhmed-dr2qj]

تسلمي يا فرح على الأفكار وربنا يبارك لك في أولادك ويوسع عليكي يا رب ❤️ أنا معاكي في فكرة إن الواحد يجيب فراخ كاملة، أنا عن نفسي بجيب الفراخ وأخلي الراجل يخليها لي، باخد منها الصدور اعملها بانيه وفاهيتا واقطع كام حتة كده صغير وادخلها في صينية مكرونة نجرسكو أو اعمل بها نودلز مع خضار، والأوراك ساعات بخليها واعملها شيش طاووق أو شاورما وساعات بخليه يسيبها زي ما هى واتبلها واشويها في الفرن بتبقى رهيبة. والعفشة بقى بطلع منها الأجنحة وأحوشها في الفريزر لحد ما تعمل كمية محترمة بتبلها واشويها وبعدين احط عليها صوص باربيكيو زي المطاعم، وبشيل الكبد والقوانص والقلوب واعمل معاهم شوية رز في يوم، وباقي العفشة بسلقها اخد مرقتها وبعدين ممكن ناكلها كده أو نحمرها جنب شوية محشي أو مكرونة.

[@Ranya.Home8]

الشتا هو موسم التخزين فى الفريزر بسله وتوم وطماطم وخضار محشى وكرنب وسبانخ وجزر وبرتقال وفروالة الخ من النهاردة ابدئى خزنى هينفعك جدا فى رمضان وحر الصيف أو بتشتغلى أو عندك اطفال الخ البسله تتفصص وتتغسل وتتجفف ووتتشال زى ماهى مع الجزر التوم قشريه وافرميه فى الكبة وممكن تشيليه فصوص زى ماهى فى اكياس فى الفريزر وممكن تعملى برطمان عليه قرن فلفل وربطة بقدونس وتخليه لتتبيله السمك والجمبرى ومتنسيش التوم المفروم تحطى عليه ملح علشان تتطلعى منه بسهوله الطماطم اغسليها وقطعيها ارباع وحطيها فى حله مع شوية زيت وملح وسيبيها لحد ماتستوى وسيبيها تبرد وافرميها وصفيها وشيلى فى اكياس على قد اكلتك لو الطماطم لونها مش احمر اوووى حطى مغلقه ببريكا الفراوله تتغسل وتتشال ورقتها الخضره وتتشال البرتقال يتعصر فى العصارة ويتصفى وتحطى عليه كبشة سكر وتشليه الخضرة تتغسل وتتجفف وتتقطع وتتشال الكرنب يتقطع ويتسلق خفيف ويتشال فى طبق فل أو بلاستيك علشان ميتهريش ورق العنب يتمسح ويترص فى طبق فل ويتشال ولما تتطلعيه حطيه فى ميا مغليه يتسقط ويتشال ...لو خزنتيه مسلوق هيتهرى ويتقطع السبانخ مع كزبرتها الخضرة تتغسل وتتقطع وتتتشوح فى حله على النار يدوب تم النار ولونها يزهى كده سيبيها تبرد وشيليها لو عجبك الكلام الحلو ده نوريني ف قناتي المتواضعه بالاشتراك وتتابعيني فضلاً وليس أمراً حبايبي ❤🎉😅

[@Ranya.Home8]

نصائح منزليه روووعه 😘😘😍😍 #المكنسه 1- عند تشغيل المكنسه حطي فيها الاول اي نوع معطر عندك وشمي روايح المسك😊😊 #البرتقال 2- عندك قشر برتقال هاتي وحطي في حله علي النار مع كوب من الماء مع حبات من القرنفل وسيبهم يغلوا علي نار هادئه وشمي احلي الروايح للبيت😍😍 #ملابس 3- عند كوي الهدوم هاتي بخاخه حطي فيها ملعقه من الدواني مع الماء ويترج كويس وابدي ريحه تدوم لفترات طويله 😃😃 #ارضيات 4- عند مسح الارضيه امسحي بنقطه من المسك في لتر من الماء هتخلي ريحه شقتك رووووعه😊😊 #تتظيف 5- عند تنظيف شيش البلكونه هاتي ربع كوب من عصير الليمون عليهم نص كوب من الماء وملعقه من الزيت الشعر ويترج كويس جدا في بخاخه وابدي بس بعد ما تشيلي التراب الاول منه وشوفي احلي لمعه والنظافه👌👌😍😍 #فانيليا 6- عندك ورقه فانيليا ملهاش لازمه هاتيها وارميها في النيش هتشيل ريحه الكمكمه الي جوا 😗😙 #صابون 7- عندك بواقي صابون بريحه هاتي وحطي في حله علي النار مع قليل من الماء واعملي احلي معطر جو 👏👍#ديتول 8- هاتي كيس ديتول او كيس برسيل جيل اسود وحطي في السيفون نظافه اول باول 😀😀 #نظافه 9- هاتي بخاخه يكون فيها سائل بريحه الافندر وبخي الخزانات والدولاب من الداخل روووعه 😁😁 #حمامات 10- خلي حمامك منعش علي طول هاتي ربع كوب من اي مسحوق اريال عليهم مقدار من المياه وسيبهم يغلوا على النار وبعد ما يبرد خالص صبي في وعاء عندك او بخاخ وحطي في الحمام وشمي الانتعاش 😘😘 ومتنسوش تحمدو ربنا على كل نعمه علينا💙🌿🌿 ممكن بقا لو عجبتك نصايحي الصغغنه دي تنوروني بالاشتراك ف قناتي المتواضعه 😅❤🎉

[@halaaboshosha8216]

بتتكلمي صح جدااااا عن الظروف والتعامل معاها ربنا يصلح الأحوال يااااارب

[@yaumyat-farah]

شكرا جدا ليكي حبيبتي

[@اسلامباشا-د7غ]

عندي فكره ليكي يافرح ممكن كل شهرين تجيبي عشر كتاكيت ابيض وتربيهم هتوفر معاكي كتير اوي افضل من الشرا كمان ممكن تجيبي كتاكيت بلدي وممكن تصوري روتين عند الفراخ هتلاقي متابعين بيهتمو بمجال تربيه الطيور

[@mohamedmagdy-b6s]

بسم الله ماشاء الله ربنا يباركلك ويسعدك والف هنا عليكو يارب

[@nadyamostafa7957]

حقيقي انت انسانه صادقه وجميله انا بحبك في الله وانتي في سن أولادي جزاك الله خيرا ❤

[@yaumyat-farah]

شكرا جدا ليكي حبيبتي منحرمش منك ربنا يبارك في عمر حضرتك يارب

[@halaaboshosha8216]

ماشاء الله اللهم بارك يافرح❤❤❤

[@Ranya.Home8]

#التوفير #فن👍👏 #نصائح -مطبخية❤ 👇👇👇👇 🍑#البشاميل . اعملى نصه #لبن ونصه شوربه اخف واوفر👌 🍑#الفيجيتار . اى فينو مكسر او بقسماط اطحنيه مع توابلك(ملح -فلفل-كارى-كركم -بصل وتوم بودر -ببريكا-وشطة) 👍 🍑#الفاكهه . لو دبلت او طريه قطعيها ورشى عليها سكر واحفظيها كمبوت 🍑#خيار او جزر دبلان قطعيه فى برطمان وميه وملح وليمون واعمليه #مخلل 🍑قشر #الليمون ده ممكن تعملى فيه كذا حاجه جمعيه وخلليه او اغليه فى شويه ميه وزودى بيه صابون المواعين او اغسلى بيه #السيراميك او انقعى فيه #الملابس البيضااو حطى عليه شوية خل وتغسلى بيه عيون #البوتاجاز 💙 🍑قلب #الباذنجان اللى بتقوريه شوحيه فى معلقه زيت واضربيه مع فلفل اخضر ومعلقتين زبادى وطحينه ومعلقة مايونيزوشوية بقدونس واعمليه بابا غنوج 🍑احفظى وش #اللبن وجمعيه فى #الفريزر واعملى منه قشده لاي استخدام بعد كده تفيدك💚 🍑اعملى #الطحينه فى #البيت سمسم ودقيق وزيت و دمسى الفول فى البيت للفطار 🍑حاجه كمان مهمه انزلى #السوق الشعبى اشترى حاجتك مش من الماركت ارخصلك و خديها بنيه صدقة خفية جارية لان #الناس دي اولى بالمكسب 🍑الرز الباقى ممكن تعمليه #رز معمر مع قطعتين #لحمه او ربع فرخه ولبن ودخليه #الفرن او تشليه لما تعملى كشرى او تفرميه مع #الكفته 🍑اتبقى #سمكه مقليه شليها ولما تعملى تانى طلعيها فى صنيه مع بصل وطماطم وليمون💝 🍑بواقى #الكيك اللى بينشف ممكن تفرميه وتعمليه ترافيل بالشيكولاته 🍑قشر #البرتقال اليوسفى بيتحط فى المش بيديله طعم جميل وممكن تنشفيه وتطحنيه بيعمل ريحه روووعه فى البيت 🍑المكرونه الباقيه حطيها فى الفريزر وفى اى يوم طلعيها فى صنيه وعليها معلقه صلصه ع الوش ودخليها الفرن وجنبها #بطاطس محمره وسلطه 🍑لو #اللبن راب وقطع صفيه واعمليه #جبنه قريش 🍑بواقى الجبنه اللى بتنشف اضربيها فى الكبه مع معلقه قشطه هتبقى جبنه كريمى ومع طماطم او فلفل اخضر او زيتون 🍑الطبيخ اللى بيتبقى جمعى كل نوع لوحده واخر الاسبوع اعمليه تورلى😍 🍑البرتقال هاتيه وتعصريه يدوى وتخزنيه مع جزر يبقه احلى عصير 🍑الفراوله هاتيه واغسليها وتخزينها حلوة اوى وبتسهل عليكى تعب كل يوم هتشربى عصير ايه 🍑جمعى الأجنحة والكبد والقوانص ممكن تعملى اكله بيهم او تحطيهم فى حلةمحشى 🍑توابلك قبل ما تطحنيها حمصيها عشان متسوسش وخصوصا في الصيف وكمان تحتفظ باالطعم بتاعها 🍑 لما يجي موسم الخس ده هاتيه وتنظيفه ومتغسلهوش عشان ميسودش لفيهفى فوطة ولماتحبى تاكليه تطلعيه وانقعيه بماء وخل كأنه طازة 😍 🍑بواقى الفراخ او اللحمة قطعهاوممكن تعملى بيها شاورما اوتعملى بيها سندوتشات 🍑عايزة تشربى شاى مظبوط هاتى برطمان ازاز وتلخبطى كم نوع على بعض بيدى لون وطعم خرافة واعملى حسابى فى كوباية☺ 🍑اعملى توابل للشوربة (فلفل-ورق لورا-حب هان -زعتر-روز مارى )وتطحنيهم مع بعض ولما تعملى شوربة حطى ربع معلقة صغيرة ياسلام 💞لو عجبك الكلام الحلو ده نوريني ف قناتي المتواضعه بالاشتراك وان شاء الله تعجبك 😅❤🎉

[@ام.احمد-م1]

تسلم ايدك ي حبيبتي ❤كل شهر وانتي بخير وسعاده وستر من ربنا اللهم امين يارب العالمين

[@عمرمحمد-خ9ب4ز]

اللهم صلي وسلم وبارك على سيدنا محمد وعلى اله وصحبه اجمعين ❤تسلم ايدك يا فروحه ❤

[@RomaNaeem88]

اولا ما شاء الله تبارك الرحمن ثانيا كنت عاوزة اقولك فكرة يمكن تنفع معاكي بالتسبة للحمة المسلوقه انتي ممكن تبشري بصلاية وطمطاية وومكن قرن فلفل لو ولادك بيحبو الفلفل الاخضر وحطي عليهم ملح وفلفل وبهارات لحمه وتبلي اللحمه المسلوقه دي بالخلطه اللي عملتيها وممكن تحطي معلقتين زيت عشان بس تتحمر بسرعه ف الفرن وحطي الكلام الحلو ده ف صينيه وعالفرن من تحت وبتدين عالشوايه وممكن تعملي لها حتة فحم ودوقي الجمال بجد اتمني لو جربتيها وعجبتك ابقي قولى لى ف الفيديوهات اللي بعد كده لاني بسمع كل فيديوهاتك ❤❤❤❤

[@yaumyat-farah]

@@RomaNaeem88 شكرا جدا ليكي حبيبتي علي النصيحة منحرمش منك

[@mirvetsaad4922]

اللهم صل وسلم على نبينا محمد وعلى آله وصحبه أجمعين

[@dmr6-x1]

عملت الصدور كفته رز كانت جميله وحطيت عليها بقسماط وخضره وثوم وتوابل فراخ وفلفل اسود والسبع بهارات كانت زي كفته الرز باللحمه بالضبط

[@مطبخفردوسعجمي]

ما شاء الله تسلم ايديك👍❤

[@sfaaAlwany]

بسم الله ماشاء الله تسلم ايدك وبالهنا والشفا على قلوبكم يارب

[@emankhairy9052]

اللهم بارك

[@اسلاميوسف-ه8ش]

والله من امبارح وعماله اقول كل شويا هي لي منزلتش فديو اول مره من يوم ماعرفت اي قناه يوتيوب ابقي مستنيها حد كده ربنا يوفقك يا قلبي ❤️

[@yaumyat-farah]

حبيبتي منحرمش منك وشكرا ليكي علي كلامك الجميل

[@ahmedessamabdalhalimmohame9129]

انا اول مره اشوف فيديوهاتك ربنا يبارك فيكي

[@امالبنات-ه4ع]

اللهم صلي وسلم وبارك علي سيدنا محمد وعلي اهله وصحبه وسلم❤❤❤

[@Ranya.Home8]

روتين مسائي💜👇🏻 🌹قبل ماتنامي شطبي المطبخ من حيث مواعين وبوتجاز وامسحي الرخامه بأي زيت عطري او معطر 🌹لما تغسلي نشري ع طول عشان متكسليش تنشريه 🌹دايما خليكي مجهزه اكل جاهز ف الفريزر زي بانيه متبل كفته متبله عصجي لحمه مفرومه خليكي مسبكه طماطم بدل ماتجهزي وتعمليها 🌹اول ما تنزلي تجيبي خزين البيت هاتي اللي يكفي شهر بس سواء لحوم او بقوليات لو الجو حر عشان متبوظش وكمان كل حاجه تبقي اول ب اول 🌹لما تجيبي فراخ نضفيها وقتها ع طول وجهزيهم ف كياس تلاجه او علب بلاستيك 🌹دايما الحقي وقت ماتلاقي اي خضار ينفع يتخزن او فاكهه وقت ماتكون رخيصه اغسليها وقطعيها وف كياس بقي 🌹دايما كل اسبوع رتبي دولاب المطبخ كله 🌹الترويق اليومي هو انك تروقي الملايات وتكنسي وترشي معطر وتغسلي مواعين 🌹كل ٣ او 4 ايام بغير ملايات السرير ف الشتا كل اسبوع 🌹الروتين الاسبوعي هو بشيل السجاد وانضف الارض تنضيف عميق للمطبخ والحمام ترتبي الدولايب ترتبي التسريحه 🌹كل يوم بعد ماتخلصي كل حاجه لازم تاخدي شاور 🌹الصحيان بدري مهم جدا عشان يومك يبقي فيه بركه وتنجزي كل حاجه🤍 ممكن بقا تنوريني ف قناتي المتواضعه بالاشتراك لو عجبك الكلام الجميل ده🎉❤😅😅

[@سماحالاعلامى]

كل سنه وانتي طيبه يا فرح بمناسبة اول رجب ❤

[@mosareda8128]

حبيبتي بسم لله ماشاء الله اللهم بارك ربنا يزيدك من فضله ويوسع عليكي ربنا يوفقك لما يحبه ويرضاه يارب تسلم ايديكي يا قلبي

[@mariamaman2747]

حبيبتي اجمل فروحه ماشاء الله اللهم بارك ❤️❤️❤️

[@azzamohammed6319]

ربنا يحفظك ويبارك فيكي ❤

[@hodanaeem7806]

سلم ايديكى ربنا يحسن مابين ايديكى ويرزقك من فضله أمين يآرب العالمين 🤲♥️♥️

[@MahMoud-h1o]

صباحك فل تسلم ايديكي يااحلى فرحه مشتريات الهنا والصحه يارب ربنا يباركلك فيهم وتعيشى وتعملى لهم الحلو كله ياحبيبة اختك❤❤

[@yaumyat-farah]

شكرا جدا ليكي حبيبتي منحرمش منك

[@MahMoud-h1o]

@@yaumyat-farah ولامنك ياحبيبتى ربنا يوفقك يارب ويسعدك ♥ بنتى بتحبك اوى يا فروحه وبتتشجع على فيديوهاتك تقولى هاتى طنط فرح عشان استف حتى الصغيرين بيحبوكى ربنا يحبب فيكى خلقه ويزيدك كمان وكمان اسمها بطوطه

[@yaumyat-farah]

@MahMoud-h1o ماشاء الله حبيبتي ربنا يباركلك فيها ويحفظها يارب

[@مكهمحمدالسيسي]

تسلم افكارك يا فروحه اجمل صوت واجمل مشتريات من ايدك ياقلبي ❤

[@yaumyat-farah]

حبيبتي

[@Gamilalife]

اللهم صل وسلم وبارك على سيدنا محمد عليه افضل الصلاه والسلام ❤

[@MaremSalah-z1d]

علية افضل الصلاة والسلام

[@AyaEmad-z7c]

احلى فروحه ❤ربنا يسعدك يارب ❤

[@منىصابر-ج2ي]

اللهم صلى وسلم وبارك على سيدنا محمد

[@yaumyat-farah]

عليه افضل الصلاة والسلام

[@maissamohamed6773]

تسلم ايديك يا فرح الف هنا وعاوزة منك طريقه قرص العجوه

[@yaumyat-farah]

هنا حبيبتي علي القناة لو عاوزة الطريقه ممكن ابعتلك الفيديو

[@AsmaaEbrahem-n3s]

افكارك تحفه❤

[@nasrenmohmed5844]

اللحمه الجموسي الكبيرة في السن احسن من المجمده

[@samahmohamed4775]

مشتريات الهنا يا حبيبتى ❤❤

[@omMooz]

ماشاء الله عليك انا عندي جزار بيع اللحمه البلدي 280حلوه جدان

[@farid160]

فين الجزار ده اللي عند اللحمه ٢٨٠

[@mariamtarek6090]

الف هناحببتى اللهم بارك ماشاءالله لاقوة الابالله

[@yaumyat-farah]

حبيبتي

[@Ranya.Home8]

معلومات هامة جدا 👍👍👍 ❌ الثلاجه جنب البوتاجاز خطأ ❌ التكييف تحته شاشه خطأ ❌ توصيل اكثر من جهاز بيسحب امبير عالى في مشترك واحد غلط. ❌ موتور المياة لازم تشغله حتي ولو دقيقه كل يومين حتي لو مش محتاجه ولو مسافر ورجعت بالسلامه فك وش التهويه ولف المروحه بايدك وبعدين شغلو الراوسب اللي في المياه بتسبب قفش للاولسيل ولو شغلتو وسبتو علي اساس انك مش بتسمع صوته اصلا لانك في دور عالي ممكن يكون قافش وانت مش واخد بالك ويتحرق. ❌ التلاجه ماينفعش تتركن لفترات طويلة بدون ما تشتغل ❌ الديب فريزر والتلاجة متعملش ناصح وتقول افصلهم طول الليل واشغلهم بالنهار علشان اوفر كهربا . بالعكس انت كده هتستهلك كهربا اكتر ده غير ان الأكل فيها هيبوظ وهيكون ضار فى الاستخدام ❌ سخان المياه الكهربا لو لاحظت انك فتحت البارد لقيت مياه دافيه افصلو فورا وهات فني يغير شيك بلف قبل ما تحصل كارثه والهيتر يضرب داخل الحلة وتتكهرب. ❌ الغسالة اثناء الشغل فجأه لقيتها ب "ترقص حافية القدمين" ماتكبرش دماغك وتقول بعدين ولازم توقفها فورا وتجيب حد يشوف البلي والمساعدين والصليبة .بدل ماتدخل نفسك في قصة موتور وكارثة. ❌ كاتيل الشاي املي مياه علي قدر حاجتك علشان توفر في استهلاك الطاقه وتحمي طقم القواعد والمفتاح بس بلاش كمية قليلة جدا علشان مش يتحرق. ❌الفيش فى الكهرباء بدون استخدام بتسحب كهرباء يفضل إزالة الفيشة من الكهرباء فور انتهاء عمل الجهاز الكهربائي. ❌سخان الغاز لو عمل صوت تكتكة ومش اشتغل لازم تقفل الحنفية وتفتحها تاني علشان فى كمية غاز طلعت وهو مش اشتغل وده بيعرضنا لحدوث مشاكل او حريق لاقدر الله إذا اتممت القراءة صلى على الحبيب المصطفى عليه أفضل الصلاة والسلام ونورينيني ف قناتي المتواضعة بالاشتراك ❤❤❤❤❤

[@منالعزالدين-ح8ن]

ماشاء الله ربنا يبارك

[@ZizoElbahrawe]

تسلم ايدك يا قلبي ❤بألف هنا وشفا ❤

[@yaumyat-farah]

شكرا جدا ليكي حبيبتي

[@ombadr519]

ماشاء الله تبارك الله الف هنا يارب ❤

[@امفارس-ق7ف]

اللهم بارك ينعاد عليكى وعلينا بالخير والبركه

[@نورامجاهد-د2ر]

الف هنا يا قمر ❤❤

[@احبكربى-ع9خ]

بلاش المستورد الله دبحنها ازاى وبعدين مش رخيصة فرقها بسيط جدا ❤

[@EltwinzHashem]

الله يباركلك يا احلي فرح

[@mirvetsaad4922]

مشتريات الهنا ❤❤ لوسمحتي يا فرح عاوزه بديل الرز البسمتي والاندومي

[@mamettala8043]

كل الهايبرات عاملة عرض ع البسمتي ب 50 الكيلو

[@yaumyat-farah]

حاضر حبيبتي

[@halaaboshosha8216]

وحشتييييييني يافرح انا اللي غبت لظروف بس انا معاكي ع القناتين وبحب فيديوهاتك بس ظروف معلش بس بحط لايك وما الحقش اشوف لكن قاعدة النهاردة اهه❤❤❤❤ تحياتي ليكي حبيبتي

[@yaumyat-farah]

ان شاء الله خير حبيبتي واكيد مبسوطه انك هتشوفي معانا الفيديو

[@omahmed-yb6qg]

تسلم ايدك ❤

[@اممريمالقن]

بسم الله ماشاء الله اللهم بارك تسلم ايديكى بالف هنا ربنا يزيدك من فضله اللهم آمين يارب العالمين ما شاء الله عليكي ربنا يحفظك ويجعل خير الدنيا عندك ويوسعها عليكى جميله وكلامك مريح وواقعيه مش عايشه فى الاحلام لأ عارفه ظروف الناس ربنا يبارك لك ويسترها معاكى ويوسع رزقك يارب العالمين أختك ام مريم القن من المحله الكبرى

[@yaumyat-farah]

شكرا جدا ليكي حبيبتي علي كلامك الجميل منحرمش منك

[@dmr6-x1]

ممكن الاوراك تتخلي وتتعمل حمام كداب بتبقى جميله قوي

[@EMAN-b5o6r]

انتي قمر و فيديوهاتك جميله❤❤❤

[@yaumyat-farah]

@@EMAN-b5o6r شكرا جدا ليكي حبيبتي منحرمش منك

[@saidaelgamel349]

بالف هنا يارب❤

[@محمدأحمد-ب3ي4ش]

هو حضرتك منزلتيش فيديوهات تانى ليه

[@ganamohamed4866]

انا بحبك اوي يا فرح والله تبعتك من اول فيديو

[@yaumyat-farah]

@@ganamohamed4866 شكرا جدا ليكي حبيبتي

[@AsolmAsolm]

أنا أم خالد بتفرج عليك كثير وبجد تسلمي ويسلم تفكيرك أنا بحبك وبس

[@yaumyat-farah]

شكرا جدا ليكي حبيبتي

[@عمرخالد-ج9ذ]

❤

[@هندمحمود-د6ي]

اللهم صلي على محمد وعلى آله وصحبه وسلم ❤❤

[@yaumyat-farah]

@@هندمحمود-د6ي عليه افضل الصلاة والسلام

[@AdamAhmed-p7d]

بالف هنا ع قلبك يا احلى فرح

[@umhisin]

تتهني بيهم

[@yaumyat-farah]

حبيبتي ❤❤

[@naqaa624]

❤❤

[@shimaahamoda6364]

صباح الخير لو جبت الحمام من دلوقتي وشيلته لرمضان لأن سعره بيرفع جامد هيبقي كويس ولا لاء واشيليه محشي وجاهز علي السليق افضل ولا اخليه زي ما هو لأن الحمام بيتهري ف مش عاوزة اغسله واجمده وارجع افكه واحشيه خايفه يتقطع مني رايك ايه .

[@NadaAhmed-dr2qj]

شيليه محشي ومسلوق عادي ولما تطلعيه سيبيه يفك خالص وسويه بالسمنة في الفرن علشان الرز جواه يوصل له الحرارة ويكمل سواه.

[@mamettala8043]

أنا كتبت وراكي والله من كتر منا عاوزة اضبط الموضوع يارب بس مبوظش الدنيا😂😂

[@محمدعيد-م6ب6ب]

حبيبتي يا فرحه انتى كنتى فين وحشتينى والله ي بنتى ❤

[@yaumyat-farah]

حبيبتي منحرمش منك

[@menwaat2024]

انا عايزه ميزانية 2000 كل شيء 3 افراد مصروف يومي

[@هندمحمود-د6ي]

❤❤❤❤❤❤❤

[@amirahagag1924]

❤❤❤❤❤❤❤❤❤

[@وصفهواكلهمعامعمر-ر2ذ]

انتى جميله جدا يافروحه

[@AhmedHsueeen]

ممكن تقولي مزنيه معقوله لفردين أنا وابني بس فلوس الشهر كله 3000

[@yaumyat-farah]

حاضر حبيبتي

[@يومياتمطبخهنوشاستار]

هو ممكن يافرح الحمام اخليه ل رمضان من دلوقتى

[@yaumyat-farah]

عادي حبيبتي مفيش مشاكل

[@Ranya.Home8]

عايزه غسيلك الابيض ينور علي الحبل تعالي اقولك علي خلطة رخيصة وهتخلي الغسيل الابيض فل👌🌹🌹 المكونات🥰🥰 هتجيبي برطمان ناشف جدا جدا وتضيفي فيه ٣معالق كبار زهره بيضاء ٣معالق كبار بيكربونات الصوديوم ( كربوناتو ) ٣معالق كبار ملح ليمون ٣معالق كبار ملح طعام ٣معالق كبار صودا كاويه (بطاس ) نضع المكونات في البرطمان واحد واحد وكل مكون نخلطه باللي قبله جيدا ونقفل البرطمان بغطاء محكم ويتحط في مكان جيد التهوية كل ماتحتاجي تنقعي الغسيل الابيض هتاخدي معلقه كبيره او اتنين (علي حسب درجة اتساخ الغسيل ) دوبيهم في ميه سخنه جدا مع معلقه مسحوق ونصف كوب خل وانقعي الغسيل بتاعك ساعه او ساعتين او من بالليل للصبح علي حسب درجه الاصفرار والاتساخ وشوفي الميه هتبقي عامله ازاي كل الاصفرار والاتساخات هتدوب . وبعدين حطيه في الغساله وطلعيه زهريه زهره زرقاء خفيفه وشوفي الابيض هيكون عامل ازاي. وادعيلي دعوه حلوه ملحوظه 👌 ماتحطيش المعلقه في البرطمان وهي مبلوله لازم تكون ناشف ممكن اشتراك ف قناتي المتواضعه لو عجبتك النصايح القمر دي❤🎉😅

[@HadeerAbdelrahman-ki3vn]

طيب باقي الشهر بتعملي اكل ايه ؟؟

[@yaumyat-farah]

أكلات عادية اكيد مش طول الشهر لحوم وفراخ

[@HadeerAbdelrahman-ki3vn]

@@yaumyat-farah اوك زي ايه مثلا ممكن تبقي تنزلي افكار

[@Setak_satota]

هو إزاي الديك ٢٧٥ هو الكيلو بكام

[@yaumyat-farah]

مش فاكرة الكيلو كان بكم

[@Setak_satota]

@yaumyat-farah حبيبتي راجعي تاني كدا كتيييير قوي اكيد ليكي فلوس عندنا في قري المنصوره الكيلو الكيلو ١١٠ و١٢٠ يعني الكيلو ونص ال انتي جيباه المفروض ١٨٠ كدا ليكي فلوس

[@OmEslam-v6t]

فرح عاوزة اخد رايك في حاجة انا عندى في اسكندرية واحد بيبيع فراخ بالواحدة هي فراخ صاحية انا باخدها من السبت وهو بيدبحها الواحدة تبدا من 80و90 او 100 بس المناب بيكون صغير وطبعا بعمل الفرخة كاملة وانا كنت الاول بجيب تلات فرخات كبار بيعملو 700اواكتر شوية ايه رايك اجيب الفراخ الصغير احسن واوفر ولا الفراخ الكبيرة عشان بقسمهم زي ما بتعملي كده

[@yaumyat-farah]

حبيبتي قسمي الموضوع يعني ممكن الفراخ الصغيرة بس تكون نضيفة تشتريها للشوي والكبيرة تقسميها يعني مثلا ٢صغيرة و٢كبيرة

[@HadeerAhmed-zb7oy]

فين ف اسكندرية حبيبتى.. لو قريب من العصافرة و سيدى بشر قوليلى العنوان و جزاكم الله خيرا

[@OmEslam-v6t]

@@HadeerAhmed-zb7oy في سوق محطة مصر وهو في السوق نفسه وفي واحد اسمه ابو مليكة في مول محطة مصر بيعمل عروض حلوة قوى كل يوم جمعه خمس فرخات كبار وعليهم اتنن وراك او كيلو بانيه 100 ابحثي عنه بيعمل لايف واسعاره حنينة قوى والفراخ الصغير حلو والله بس والله مش عارف اسم الفراجي

[@ميرفتمحمد-ض4ث]

فرح انتي محافظه ايه

[@yaumyat-farah]

كفر الشيخ

[@Ranya.Home8]

شوية نصائح ممتازة هتفيدك باذن اللله 👌💯✅ 🖤جمعي كل مقشاتك وحطيهم في جردل وغطا داوني ومايه هتخلي ريحتهم فله طول الاسبوع 🖤 اغسلي التلاجه كل اسبوع بمياه دافيه وخل وكيس فانيليا هتطلع ريحتها قمررر ومتقلبيش عليها مياه لا امسحي بقماشه وبس . 🖤 اقفلي دايما كيس الزباله اعزكم الله او ارميها ع طول . 🖤 دايما رتبي التسريحه بتاعتك وشيلي اي كركبه من عليها . 🖤 متحطيش المواعين اللي غسلتيهم فالمطبخ ع طول هيعمل كمكمه نشفيهم كويس قبل ما تحطيهم . 🖤 كل فتره امسكي دولاب المطبخ فضيه ونضفيه وسيبيه مفتوح يتهوي . 🖤 وانتي بتقلي السمك حطي حته لمونه بالقشر مش هيخلي ريحه زفاره . 🖤 ملايات السرير تتغير كل يومين ف الصيف والشتاء كل ٦ ايام . 🖤 روقي دولابك اول ب اول مش هيوصل لدرجه انك تقعدي تربتي فيه كتير . 🖤 كل فتره شوفي دولابك اللي مش جاي مقاسك طلعيهم لله . 🖤 لما يتبقي منك اكل بدل ماتحطيه ف التلاجه وف الاخر يبوظ هاتي علب بلاستيك وحطيهم وزودي عليهم حاجه وطلعيهم لاي عامل نضافه تبقي زكاه . 🖤 ف الصيف بنشرب حاجه ساقعه كتير وبيتكوم عندنا ازايز امليهم مياه ووانتي نازله اي حته خديهم لاي حد واقف ف الشمس هتكسبي ثواب . 🖤 هوي بيتك ع طول واصحي بدري ونامي بدري ده سبب البركه ف البيت . 🖤 نضفي الشبابيك الالوميتال بحبه بريل وخل وكربوناتو وخففيهم بمياه ونضفي من غير تعب . ♥️رايحه فين صلي علي النبي الحبيب المصطفي 🕋📿♥️ وخدي ثواب ♥️♥️ 🥀 اللهم أكفينا شر عيون تترقبنا وتتمني زوال نعمتنا وأصرفهم عننا يارب العالمين 🤲 متنسوش تعملو لي اشتراك لقناتي المتواضعه❤❤❤ 💗

[@men_baty_ana_we_awlady]

ممكن اعرف هايبر مروان دا فين

[@yaumyat-farah]

حبيبتي انتي منين

[@men_baty_ana_we_awlady]

@yaumyat-farah من كفر الشيخ

[@yaumyat-farah]

@@men_baty_ana_we_awlady اهلا وسهلا حبيبتي بنت محافظتي الجميلة نورتيني ياقلبي هايبر مروان في مطوبس

[@men_baty_ana_we_awlady]

@@yaumyat-farah جببتى جمبى ممكن اعرف فين بالظبط معلش

[@yaumyat-farah]

@@men_baty_ana_we_awlady قصاد المحكمة علي الطريق

[@NESMAALI-wu8fo]

لحمة وفراخ احمدك يارب😂😂😂😂😂

[@yaumyat-farah]

الحمد لله علي كل شيء ربنا يرزقنا جمعا يارب

[@NESMAALI-wu8fo]

@yaumyat-farah انا بهزر معاكى لأنك عارفة انى من متابعينك من زمان

[@yaumyat-farah]

@NESMAALI-wu8fo أنا عارفه حبيبتي وهو فعلا في الوقت دا لازم نعمل كدة😘😘😘😘

[@رحيقالجنة-ل1ز]

ممكن اعىف بتجيبي منين للحمه ​@@yaumyat-farah

[@رحيقالجنة-ل1ز]

​@@yaumyat-farahممكن رقم راجل الفراخ انا من المرج

[@Ranya.Home8]

شوية نصائح ممتازة هتفيدك باذن اللله 👌💯✅ 🖤جمعي كل مقشاتك وحطيهم في جردل وغطا داوني ومايه هتخلي ريحتهم فله طول الاسبوع 🖤 اغسلي التلاجه كل اسبوع بمياه دافيه وخل وكيس فانيليا هتطلع ريحتها قمررر ومتقلبيش عليها مياه لا امسحي بقماشه وبس . 🖤 اقفلي دايما كيس الزباله اعزكم الله او ارميها ع طول . 🖤 دايما رتبي التسريحه بتاعتك وشيلي اي كركبه من عليها . 🖤 متحطيش المواعين اللي غسلتيهم فالمطبخ ع طول هيعمل كمكمه نشفيهم كويس قبل ما تحطيهم . 🖤 كل فتره امسكي دولاب المطبخ فضيه ونضفيه وسيبيه مفتوح يتهوي . 🖤 وانتي بتقلي السمك حطي حته لمونه بالقشر مش هيخلي ريحه زفاره . 🖤 ملايات السرير تتغير كل يومين ف الصيف والشتاء كل ٦ ايام . 🖤 روقي دولابك اول ب اول مش هيوصل لدرجه انك تقعدي تربتي فيه كتير . 🖤 كل فتره شوفي دولابك اللي مش جاي مقاسك طلعيهم لله . 🖤 لما يتبقي منك اكل بدل ماتحطيه ف التلاجه وف الاخر يبوظ هاتي علب بلاستيك وحطيهم وزودي عليهم حاجه وطلعيهم لاي عامل نضافه تبقي زكاه . 🖤 ف الصيف بنشرب حاجه ساقعه كتير وبيتكوم عندنا ازايز امليهم مياه ووانتي نازله اي حته خديهم لاي حد واقف ف الشمس هتكسبي ثواب . 🖤 هوي بيتك ع طول واصحي بدري ونامي بدري ده سبب البركه ف البيت . 🖤 نضفي الشبابيك الالوميتال بحبه بريل وخل وكربوناتو وخففيهم بمياه ونضفي من غير تعب . ♥️رايحه فين صلي علي النبي الحبيب المصطفي 🕋📿♥️ وخدي ثواب ♥️♥️ 🥀 اللهم أكفينا شر عيون تترقبنا وتتمني زوال نعمتنا وأصرفهم عننا يارب العالمين 🤲 متنسوش تعملو لي اشتراك لقناتي المتواضعه❤❤❤ 💗

[@hananalhakeem313]

❤❤

[@sfaaAlwany]

❤❤❤❤❤

[@fatmaomar7586]

❤❤❤❤❤❤❤

[@Gamilalife]

❤❤

[@عواطفابوزيد-ف8ح]

❤❤

[@سمرالغضبان]

❤❤❤❤❤

[@mernagamel369]

❤❤

[@fatmasayed2810]

❤❤❤

[@MiralMahmoud-z1r]

❤❤❤