مسدار الصيد -ود جماع

[@MoudtherMoka]

هنا نغول الناس با الناس وجري على لزتة الجرح ونغول الضربة سبتة على سوتشي🤠🤠

[@hhhdkdkhvvhd9698]

عمنا عثمان ود جماع قال الليلة أم خدود دايرة النشوق بتاوق فوق روؤس الطوال شافت أم رويق بساوق عنت نوناية الوعرة أم ربوياً سايق دايرة المرقة بالصي اب هواياً رايق نون الليلة من كمار مدامر بِية دايرات النشوق ناس أم خلقتاً نية رب القدرة يا أم خد صورك حورية علا قفاكي بالصُبا والجمال مكسية ناس أم خد بدورن قفرة الواحية مارقات فوق سهمتاً من زوال مختية خاتمات الطوال بتقاففن باكرية شرفن ضل تعيلاً خرا فوق شعلية طاقة جلدهن كاطعة الوسخ منقية شوقن إجرح القلب والضماير الحية في القصص البزوكروهن زمان محكية قالوا أوصاف جمالن كمل القافية في التاريخ جمالن بثبتنو حقائق تلفن صحتي وخلن منامي دقايق بنده ليهن القبش البحلو الضايق من أب كلب ورصاصة المضر والعايق دوجاً برطمن نيلة السحاب الزايق خلن قلبي باتطردن همومو وثايق في شان فيهن الحورا ودقست المايق فكن فيا نيران القيامة طلايق وكتاً قايلة شافن حايمة القناص منو أزعزعن فوق العلو أب حصحاص أنزردن همل قطعن حيامة الناس وأتمسن براهن وعدمن الوناس فوق راس التكون شافلهن بلاص كُولن طرفو لا طلوع الحمار حساس سمحات المناقد والصُبا الميراث خلن قلبي فيهو أتمتع الخناس عنقان سَمسم الما قردنن جساس طريفيهن برف جاهن مع الدماس لقاهن كو حفيرات ود نهار يباس زرزورن بجض ما خلا ملية كاس من دمبوي بروق سفل زوالن غاس سمحاتن جمالن شوفو بملا الراس بنده ليهن القرني وشفيع الناس ديف أمات رقاب ما ينضرب رصاص معدلة

[@hhhdkdkhvvhd9698]

يا أهل الطرق ليكم بكورك عووك ترعوا أمات خدود مايعيقن الخاروق(ك) ستات الصبا الرشرشن مشبوك دوجاً حازمن ريش النعام ملبوك عند العصفرار كولن هبرلو شروك جفلن بالهويد البرطمن محبوك ستات المناقد والصباء المملوك أمسيت منهن دمي العزيز مدروك

[@hhhdkdkhvvhd9698]

من تكالة دومة وطعمة النباح نون مسربقات معزة الخلا القرواح فاتن منو جبال ام رميلة صباح طرن بين الهويمل وودقدير مرياح أمسن فوق قنوباتاً كليبن صاح براقن بلوح لاشقة البياح خدادن بوقد في الظلام مصباح اخدن من صُبا وحسن الملائكة سماح مرقن من صعيد باجعورة البزام جفلن بالهويد خايفات من الحوام كرفن دعاش برق العشاء البسام جاب ليهن هبيب وهمبريب نسام سمحاتاً جمالن صورو الحكام عيونن حور كبار وازردن جُمام م بتوكد النور هيبة القسام بضون زي كهارب الجايا من قدام عثمان ودجماع