მსჯავრდებული ადეიშვილი გაერო-ს შტაბ-ბინაში

საქართველოს იუსტიციის ყოფილი მინისტრი ზურაბ ადეიშვილი, რომელიც საქართველოში რამდენიმე საქმეზეა ბრალდებული, რამდენიმეზე კი მსჯავრდებული და ძებნილია, გაერო-ს შტაბბინაში იმყოფება. შესაბამისი ფოტო უკრაინის საგარეო უწყების გვერდზე გამოქვეყნდა. უკრაინის საგარეო საქმეთა სამინისტრომ გამოაქვეყნა ინფორმაცია და ფოტომასალა გაერო-ს შტაბ-ბინაში უკრაინის მეგობართა ჯგუფის შეხვედრაში მინისტრ ანდრეი სიბიგას მონაწილეობასთან დაკავშირებით, სადაც ასევე ჩანს ზურაბ ადეიშვილი. შეხვედრა რუსეთისთვის დანაშაულებზე პასუხისმგებლობის დაკისრებას ეხებოდა. ზურაბ ადეიშვილი მიმდინარე წელს არაერთხელ გამოჩნდა საერთაშორისო ორგანიზაციებში, მათ შორის ევროკავშირში. უკრაინის გენერალურ პროკურორთან ერთად, ასევე იმყოფებოდა ჰააგაში, სადაც შეხვედრებში მიიღო მონაწილეობა. მოგვიანებით, უკრაინის გენერალურმა პროკურორმა სოციალურ ქსელ X-ში გამოქვეყნებული ფოტოებიდან ზურაბ ადეიშვილი ჩამოაჭრა.
ეწვიეთ ჩვენს საიტს - 1tv.ge/
მოიწონეთ ჩვენი გვერდი - / 1stchannel.1tv.ge
გამოიწერეთ ჩვენი არხი - / georgianpb
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.