مستقبل العراق المظلم...

شكرا على دعمكم ❤
Instagram
/ o43p.edit
For Business: [e-mail]
المصادر:
السومرية: \
السوداني: لا يمكن للدولة أن توظف جميع الخريجين | سياسة
العربي الجديد :\
فوضى العمالة الأجنبية في العراق: خسائر بمليارات الدولارات
شفق نيوز :\
تبدأ بالموازنة وتنتهي بالرواتب.. ما تداعيات انخفاض أسعار النفط على العراق؟
الجزيرة نت :\
الترهل الوظيفي يرهق العراق.. 4 ملايين موظف يستنزفون الموازنة
تقرير عن الموظفين الحكوميين في العراق والولايات المتحدة
والفرق بين القطاعات الخاصة في البلدين:\
drive.google.c...

[@En0la.313]

كمواطنة عراقية فمن واجبي انو اختار مهنة تفيد بلدي يعني خلص كافي مجموعات طبية عدنة اطباء بشكل كلش جبير يكدر يساعد المرضى لكن نحتاج تخصصات بالزراعة والتكنلوجيا حته الهندسة بجميع انواعها يعني مثلاً يكون عدنا فد مهندس يشتغل على المباني اللي تكون مناسبة للمناخ والاقتصاد وتكون د معالم خاصة بالعراق مو نسخ لصق وبالنهاية لازم كل مواطن هوه يتعب على نفسة وبلدة وماينتظر شي من الحكومة وشكراً .

[@itl_597]

اني جاي ادرس ثالث متوسط صح بعدني ماممتحن بس گلت ل ابوي اريد اروح اعدادية مهنية قسم كهرباء علمود ادخل كلية هندسة تقنيات الطاقة المتجددة سمعتني خالتي چانت خطار يمنه خبصتي خبص تريدني طب هيه وبتها 😂 گلتلها شنو تحققون احلامكم براسي تگلي ماتريد الفائدة النفسك گلتلها وانتِ شنو رحتي؟ تگلي اني معدلي يقبلني صيدلة بس اريد تربيه 😂 وهيه معدلها 67 + المختصر العراقين يموتون عل طب وهمه اغبياء وجاي اشوف شگد أطباء مطاية حشاك + يركزون عل كليات ويعوفون المعاهد الطب يعني حالياً بالعراق ماكو احسن من مجالات الطيران ومجالات الهندسة معاهد وكليات و مجال الطب معاهد بنضري هاي عاد غيري مدري

[@En0la.313]

@@itl_597 اي صحيح صار عدهم هوس الطب اذا انت مو طبيب يعني اعتبر نفسك ما انجزت شي بحياتك وانت فاشل بس اعتقد هاي العقده راح تنفك من خلال هاي السنوات لان جاي اشوف الشباب جاي تتوعى اكثر خصوصاً من بعد قرار التعيين للمجموعة الطبية

[@Ehab-d8f]

تذكرت من گلت لأهلي أنو أريد أروح أدبي ورا ما أخلص ثالث متوسط علمود منا أگدر أدخل قانون ويمكن اشتغل بفد شغلة زينة مثل محامي أو مستشار قانوني أو قانوني بدائرة حكومية وغيرها بس الحمد لله أهلي اقتنعوا وما گالوا صير طبيب مثل ابن خال عم جد ابن بنت خالتك الحمد لله :) بس ما گايل لأحد غيرهم علمود ما ينطي محاضر ليش أنا مضيع مستقبلي وحياتي وعيشتي كلها إذا رحت أدبي ؟ يعني حتّى الشخص الي بوده يروح للاختصاص أو المكان الي يدرس بيه الشغلات الي هو يحبها الناس ما تخليه بحاله

[@itl_597]

@@En0la.313 اي بضبط لا المشكلة الباقين يعني مثلاً مجال الطيران محد بي تخيل يعني يرحون طب ويدرسون 6 سنوات الى 10 ويذب 60-30 مليون علمود يگلوله دكتور بل اخير لو يتعين لو مايتعين وذا تعين راتبه 800-900 والطيار يدرس ب50 مليون سنتين ويشتغل مساعد طيار وساعة اقل شيء ب100 دولار وكل شهر لكل طيار يحقلة يطير 85 ساعة ، وذا صارت عنده خبرة وصار طيار ينطونه 300 دولار لكل ساعة 😂 عبالهم طبيه يعني فلوس .

[@En0la.313]

@@itl_597 بالضبط الطبية فرحانيين بالتعيين وان راتبهم يتراوح من ٨٠٠ الف الى مليون او اكثر وهذه مو راتب قوي لهاي الدرحة هاي غير سنوات الدراسة اللي تهد حيلهم وهمه مامحصلين شي هواي تخصصات تطلع ذهب بس لو الشخص يفك عقدة الوظيفة الحكومية والتعيين احس الطب اذا انته فعلاً شغوف بهاي المهنة و حابها من كل النواحي اتعب حته تدخللها مو بس حته يصيحولك دكتور او حته تكبر مكانتك بالمجتمع او حته ترضه قرايبك هنا انته راح تكون دكتور فاشل ضيع حياته بسبب معتقداته المتخلفة

[@-luffy17]

لازم بهذه وقتنا نركز على تكنولوجيا لأن راح تساعد تطوير البلد وحل مشكله الانترنت

[@Naruto_o32]

ما تتطور وانت مستعد تضيع اغلب اوقاتك على انك تبدأ فعلا

[@-luffy17]

@@Naruto_o32 شلون يعني

[@Naruto_o32]

@@-luffy17 انسى اخي 😢😢

[@ريحانةريحانة-س1خ]

همكم الانترنت

[@عباس-د9ه9ه]

​@@Naruto_o32 فعلاً هسه ابسط مثال أني كليوم اكول باجر اقره لو خلي فلان شغله تعدي يلا اقره بس مداتقدم خطوة بسبب فقداني لشغفي وماعرف شنو الحل

[@abbassamier]

إني ضد العمالة الأجنبية بس من تجي تقارن راح تشوف الأجنبي مستعد يطي روحة في سبيل يبقى بينما العراقي فوول تسخيت البعض طبعًا

[@الريبلزيمخضرم]

لا تنسئ يكول كرامتي اهم من شغل

[@عليعادل-و1ث]

العامل العراقي يسخت بشغل اقل شي مدته ١١ و براتب من ٣٥٠ إلى ٤٥٠

[@mohanad_98c]

ههههههه قمة العبودية والله ​@@عليعادل-و1ث

[@PNPN-i6o]

7:30 هاي سالفة المنتجات والله فد تغثني الاندومي سعودي معطر البيت أردني الاجبان إيرانية الحلويات تركية اما الأغراض غير الاكل تكون صينية شكد افرح من اشوف مثلا مشروبات عراقية او اي شي مكتوب صنع في العراق،...

[@AhMeD_oii7]

لان ماكو منتج وطني بي خير

[@dranj_666]

اشتريت عصير عراقي طلع طعمه زاهي (ربما الدولة ضحكت علي)😹💀🙏

[@Banafsage]

​@@AhMeD_oii7 لا اكو مرة اكلت ككو من عجبني طعمه عبالي ايراني قريت من وين مصنوع طلع من العراق واكو هم عصير ما اتذكر اسمه جان بطعم التوت يموت

[@NoAre-nz6nj]

​@@AhMeD_oii7 بالعكس ترا المقاطـ..ـعة خلتني أعرف منتجات بلدي ، عندك شركة جيكور وعندك المشروبات الغازية مثل زاكروس و الكفيل و روعة أفضل من ببسي و كوكاكولا و سڤن أب و ميرندا وغيرهن منتجاتهم أحسن من الشركات الأجنبية

[@PNPN-i6o]

لا والله اكو يعني مرة اكلت اندومي صدك طيب وطلع منتج عراقي احنا نحب التمر هند بس مااكدر اشتري الا من منتجات عربية او عراقية مو صنع في الهند لان شايفين فيديوهات الهنود،، لهذا اهلي دوم يجيبون تمر الهند المصنوع بالعراق هم انضف وأمانة أطيب .. @@AhMeD_oii7

[@مشموش-ح2ك]

الحل السريع هو صنع مصانع لتكرير النفط او فصل كل مكوناته الأساسية و بيعها بشكل منفصل بدل ما سعر البرميل الخام ٦٠ الى ٧٧ دولار اذا كررته راح يصبح سعره في المتوسط من ١٠٠ دولار الى ٢٠٠ دولار ملاحظه برميل النفط الواحد يقدر ب ١٥٠ الى ١٦٠ لتر خام و الخام هو ماده سوداء لزجه

[@MEDS-6]

لازم العشب يفهم و يبدي يدخل تخصصات يبدع بيها و يعرف انها تفيده و تفيد بلده بالمستقبل، نحتاج تكنلوجيا نحتاج زراعة و نحتاج صناعة بحيث نبدي احنا ننتج و نبيع للدول، نحتاج عقول تباوع للبعيد و مو سطحيةدمثل الي هسة كل همها تلبس سكراب مال طب علمود تتفاخر مو علمود تعالج الناس، يعني احنا هم عذنا هواي اطباء و هم من واحد يتمرض يسافر و يروح يتعالج برا، نتيجة العقول الي داخلة بس علمود السمعة

[@alione_00]

@@MEDS-6 حلمي ادرس هندسة ميكانيك وميكاترونكس علمود افيد بلدي.

[@Jaerot]

حلمي من طفولتي أدخل لأحد مجالات التنكلوجيا رغم حبي للطب وخاصة طب الأعصاب بس كثرة طلبة الطب غثتني وخلتني أكرهه

[@alione_00]

@@Jaerot اذا عندك واهس بطب الاعصاب وتحب تكنولوجيا انصحك بالهندسة طبية..

[@Abdullah_580]

شوف كلامك صح بس بالنسبة للزراعة والصناعة فهذا الشي شكليا يبين سهل اما بالحقيقة فهو صعب جدا لان لو انت طورت الزراعة والصناعة عندك فراح تقل مشترياتك من ايران ومن تقل مشترياتك من ايران ايران راح تزعل لان عليها حصار اقتصادي ومحد يشتري منها غير العراق لذلك اي مصنع ينبني راح تلكاه ورة فترة يصيرله شي ويخرب وما يكمل لان هيجي ايران راح تتضرر وهي عدها ايادي بالسلطة باعتبار السلطة اغلبها من الشيعة مع كامل التحيات وايضا من الشعب فأنت نجاحك ونجاح اقتصادك يعني فشل ايران واقتصادها ومصادر دخلها يعني نجاحك حيسبب بفشل ايران لذلك راح تنمنع من النجاح فالاولى هو التنظيف والتخلص من الايادي الخارجية (تنظيف السلطة) وبعدها كل هاي الامور الاقتصادية راح تصير بسهولة وبسرعة واكيد وحدة من الامور الي تفيد العراق يسويها ولازم يسويها وهي تنويع مصادر الدخل مو بس النفط هاي بحالة الاستمرار على هذا الحال وبما انه ما يكدر يصنع فيكدر مثلا يستغل تاريخه العريق واللي الناس من انحاء العالم تجيه علمود التاريخ فيكدر يعتني بالمواد التاريخية ومراح تكلف هواي ويسهل الفيزا للعراق لباقي الدول ولو يقلل من الفيزا ويكون الدخول بدون فيزا فهذا افضل وهاي امور مراح تكلفه هواي لكن بالمقابل حتجيبله شوية دخل لان لاحظنا بالفترات الاخيرة الكثير من الاجانب ديتوافدون للعراق وينقلون صورة جيدة عن العراق وايضا زيادة المؤتمرات والمعارض والشركات الي بيه الي دتجيب كومة اجانب للبلد مثل مدا نشوف بالشمال و وحدة من الامور الي العراق عاجلا ام اجلا مضطر يسويها الا وهي الضرائب نعم شي جدا مزعج والكل يكرهه لكنها مصدر دخل لدولة مثل امريكا بغض النظر انها دتوفر للمواطن الي يحتاجه مقابل اخذها للضرائب لكن ضرائب بنسبة جدا قليلة راح تعتبر مصدر دخل للدولة اكيد مع اعتبار انها تحسن الخدمات مقابل هذه الضرائب حتى ما تنقلب الطاولة على الحكومة والي مراح تاخذ وقت بالمناسبة وايضا استغلال خروج العراق من البند السابع وجلب الشركات العالمية بعد توفير لها ما تحتاج والي راح يرفع من سوق وقيمة العراق بالنسبة للشركات والمستثمرين مو تجي وزارة الاتصالات وتمنع استيراد اجهزة ستارلينك وبعدها بكم يوم تسجل شركة ستارلينك كشركة رسمية يعني هذا غباء لازم تتوقف عنه الحكومة صراحة اكو كومة امور ممكن خلال ايام تقلب العراق من حال الى حال لكن المشكلة الي ييجي يشوفها خربانه وما يتعب نفسه ويخليها عاللي موجود والا فالحلول موجودة لكن بالدرجة الاساس نحتاج الى من يطبقها وهنا ندخل بموضوع ان اقل من 30% من الشعب فقط ينتخب والباقيين مقاطعين يعني انت تخيل اغلب الشعب ما ينتخب فأكيد منو راح يصعد طبعا جماعتهم والتفكير الغبي الي يكلك انتخابي كلشي مراح يفيد وهالتمضرط الي ماله اي داعي فهنا احنا رجعنا لنقطة الاساس وهو الشعب نفسه ميريد يتعب نفسه ويصلح من واقعه فهي سلسلة مترابطة وطويلة جدا والاساس والي سببها هو الشعب مو غيره فكل تغيير من واقع اي امة ما يبدي الا بتغيير ما بالامة نفسها بسم الله الرحمن الرحيم : (ان الله لا يغير ما بقوم حتى يغيروا ما بأنفسهم) صددددددددق الله العلي العظيم خير الصدق سورة الرعد رقم آية احد عشر وشكرا لمن استثمر وقته بقراءة هذا الرد .

[@alione_00]

@@Abdullah_580 قريت اول كم سطر بس كلامك صحيح ولا تنسة انو ايران ترسل احزاب ومليشيات للعراق علمود توسع نفوذها

[@ji_kt0]

اني قررت، لازم اثبت وجودي ك ابنيه لازم اقدم شي لبلدي ،مو يجيني واحد بالردود يضل يضحك ،ترى هذا بلدنا واحنا الي نهدمه واحنه نبينه ، ليش ماضي العراق احله من الحاضر ، ليش شعب قبل ناس مثقفه ومبدعة ؟! لاحد يگول العراق مانريده ومدري شنو لاتخلي الدول الي تسوه والي ماتسوه تضحك علينه !!!! ان شاء الله ادخل مجال تكنولوجي وابدع بيهه لاجل بلدي 🫡🇮🇶

[@meoooooooooooooooooooooooooww]

اي والله مثل ما قلتي. المشكلة هواي من العراقيين (خصوصا المراهقين و البالغين في العشرينات من عمرهم) يضحكون و يستهزئ على اي شخص عنده طموح. افضل شي انكِ تتجنبي هاي النوعيات.

[@gengerQ8]

يخسي الي يضحك عليج فوتي بزودج فخورة بيج

[@kadummhmd]

🤣🤣🤣🤣🤣🤣🤣🤣🤣🤣🤣🤣

[@Rushford1]

‏‪7:27‬‏ معليك هسه نسوي نستلة الديوانية

[@سجادالدون-ط5ل]

شغلته بسيطه بس الجماعه يحبون يستوردون

[@ali_oud3355]

العتب على اللي عدهم مشاريع وشغل وما يسهلون عملية توضيف ويحطون شروط تعجيزية وهم الشعب لازم يطورون نفسهم يعني لا يتوقع يتخرج ويدور تعيينات وهو برا إذا طلع يروح يشتغل غسل مواعين حتا يعيش🗿

[@En0la.313]

@@ali_oud3355 هاي النقطة اللي محد راضي يستوعبها ويقتنع بيها تكلة يابة طور من نفسك حته تحصل وظيفة بشركة زينة يكلك لا خل احصل الوظيفة بعدين اطور نفسي فاهم الموضوع بالمكلوب وشغلة اللي يريد بس يهاجر فرحان وهوه مايدري هناك يعاملوهم اسوء معاملة اللي يريد يعيش بالخارج يرتاح لازم هوه اصلاً عنده فلوس بحيث من يروح يشتغل بفلوسه

[@A_2024_I]

العراق محتاج تبديل شعب مو تبديل حكومة 🙂

[@working_working]

ياخي برغم اني اصلي مو عراقي ارمني بس شتحجي ويا العراقيين اغلبهم بنظام القطيع والموامر الكونيه والخريط يعني شعب يشوف الغلط بعينه ويسكت ولا يدافع عن الغلط بايد ورجله وهو كاتله الفگر والضيم اكرهم كره ما صاير بس بنفس الوقت انقهر عليهم كاتلهم الضيم والجهل اطلع للسوگ كل الناس تعبانة كلهم بؤس الله يفرجها علينا ونسوف هل بلد بي خير لان العراق ابدا مو قليله بس ال ناس ال تسيطر عليه وشعبة الى موصلينا لهل حالة بسبب جهلهم وتعصبهم

[@working_working]

@@Ali_mask13 ترى هذا مشكلتك انت تحستت وحسبت نفسك منهم واني هم عراقي كالوك هندي ترى محسوب عليكم ومن ضمنكم

[@Ali_mask13]

@@working_working برو ا اوكي ما مهتم

[@Beyondearth8]

اني نفس تفكيرك بالضبط حرفيًا اكر ههم كر ه

[@Mohmeadoo32-dy2dl]

لازم الحكومة تخلي بالها انو وره هاي النكسات والمشاكل وترك العراق بلا مصادر اقتصاد والاعتماد على النفط وترك الصناعه والزراعه راح يولد ثورة دموية نفس ما صار بفرنسا

[@MustafaJames-yb1qm]

اذا الشعب اخر همة شلون يروح تخصص بي تعين شتريد مثلا بهذا الشعب بلد متطور لو شني مثلا 😂

[@KKGK-Ninth]

مو تنسى الحجي ولحش الي يصير اذا رحت تخصص انت تحبه وتريده بس الي حولك رايدينك نفس ابن عمك أو خالك

[@MustafaJames-yb1qm]

@@KKGK-Ninth اوو سالفة الاهل بس الله يحله تحتار وي الحجي تكله هذا التخصص أريده و هذا خوش تخصص و حلو و الحجي توة يريد يقنع و يطبلك عمك من الباب و يحجي العبارة الشهير ( لا هذا التخصص ميفيدك ما بي تعين )😂 هنا سدد الضربة القاضية الاحلامك

[@KKGK-Ninth]

@MustafaJames-yb1qm واذا ما كفاك هذا البوكسي يجيك الاقوى لمن تريد تطب جامعه بحيث واحد ياخذ مكانك لئن هوا عنده واسطه وما احجيلك عن الفساد الواسطه

[@mu17y]

البركة بجماعة المقاولة

[@xa3761]

البلد بدا في تركيز القطاع الزراعي واخيرا والتقني فانشاء الله الى مستقبل باهر للعراق ❤

[@AliKatat24]

المشكلة ان الدولة عدها شيء بكل وزارة اسمه دائرة التخطيط، هذول شنو شغلهم؟ 🙂

[@BlackFF-sg3qn]

ابوحسين الجسور الي جاي تمشي عليها بسيارتك منو مسويها ابو الاسواق

[@user-zozo-y9d]

@@BlackFF-sg3qnالجسور هنا اكو ناس اغنياء مسويتها اذا مشايف 😂

[@En0la.313]

@@user-zozo-y9d زين هذه الغني هلكد وطني ويحب بلده لدرجة يبقه يبني جسور بلاش غير الدولة تنطي مشروع يستثمر بي وهذه الشي اكيد مو بلاش

[@shwanemad]

3:18 unexpected GET OUT 11/10

[@NoorAlshamary-m7v]

والله انتَ مضلوم لان محد يصعد قناتك تجنن وبيهه فوائد وتطرح مواضيع جميله ومفيده💞

[@redsus6671]

دائمن الي ينزلون محتوى حلو او مفيد حينضلمون عكس الي محتواهم ما منه فائده أو بنات متبرجات ازياده همه الي يصعدون بل يوتيوب فه لهاذه لتستغرب

[@عباس-د9ه9ه]

​@@redsus6671وهنا تكتشف انو اغلب الشعب مو واعي لذلك بلدنه غير متطور لأن شعبه سطحي وماعدهم وعي

[@nasrallh-1520]

3:00 بربك منو بعده معتمد على القطاع الحكومي 😂😂😂

[@kk_mo236]

‏‪3:10‬‏ مبين حته من وجهه خجلان يطلع يحجي هيج تصريح كدام أمة العراق 🗿

[@inodiq]

موقف يقهر ويبجي بس هو الي حكومته متورطة بسرقة القرن والفساد اكيد ما راح ينقهر ولا يتفشل

[@Taqi_Yeager]

خوية هذا حلك منو يمشي بي؟ الأحزاب؟ الكتل السياسية؟ المليشيات؟ إيران؟ اميرچا ؟ الشيعة؟ السنة؟ العراق؟

[@Mechul-17A]

ولا واحد

[@الرافضي]

ماله دخل شفتلك يوم ايراني بلعراق لا ونفس شي عل شيعه وسنه ماكو مشاكل بس انتم شعب همجي ويبقه همجي بكل طواءفكم

[@hansstreete2150]

كلهم صوچ الشعب ساكت

[@Taqi_Yeager]

@@hansstreete2150 هو اني ذكرتهم بإعبار السنة و الشيعة يشكلون الغالبية

[@ريانرمضان-س8ه]

@@Taqi_Yeager🤔

[@MariamAlaa7]

فرحتي و أنا لقيت يوتيوبر عراقي محتواه ممتاز و بعده بداياته ;)

[@Black-zx7qd]

منزمان هوه جان القطاع الخاص وتنشيط المجال الزراعي والصناعي هوه الحل بس محد مهتم اله رغم انو احنى متوفره البيئه المناسبه الها بس محد منطي اهميه لهذي الاشياء لان الوضع صاير بيك حظ عيش يومك سلامات ( الاقتصاد بالعراق معطوب لا تحاول )

[@poi-N]

الحل تجي دولة تحتلنة ✨✨

[@الشعلة-الزرقاء]

هههه قول يا الله 😂

[@Kbgvhvhjgkhhkhjhiujhjbjbjb]

😂

[@kmllml]

والله حتى الغريب راح يشفق علينا ويطورنا

[@KKGK-Ninth]

يا دوله بلضبط؟ هيا يا إيران أو تركيه لن اي دوله عربيه تجي للعراق الشعب يقومون عليها لن تروح لخوك واخوك الثاني كاعد يموت؟(فلسطين)

[@fkup]

انت اصلا محتل

[@اشهدان_لا_اله_الا_الله]

( وَذَكَرْ فَإِنَّ الذِّكْرَىٰ تَنفَعُ الْمُؤْمِنِينَ ) - سبحان الله - الحمد لله - لا إله إلا الله - الله أكبر - أستغفر الله العظيم وأتوب إليه - لا حول و لا قوة إلا بالله - سبحان الله و بحمده - سبحان الله العظيم

[@ابنالطي-غ9ت]

مستقبل العراق المظلم الله على أساس حاضر العراق وماضية مشرق 😂

[@حسينعلي-ت5ز9ع]

تنوع الاقتصادي هو ان نعتمد على الزرعة و الصناعة و السياحة و لاستثمار و جذب راس المال لاجنبي للعراق و تفعيل القطاع الخاص بكل اشكال و الوان .

[@sitdown_iq]

حاليا العراق وحكومته موجودة فقط بالإسم، الموضوع حاليا مو موضوع فساد اقتصادي وسرقة اموال، الموضوع هو موضوع مصالح خارجية متجذِّرة بالعراق، الموضوع اعمق من انو نكدر نغيره بأنوا نروح ندرس تخصصات، اي نعم اذا صارت ضجة كافية ممكن تتوفر كم فرصة عمل زيادة، لكن السبب الرئيسي مثل ما ذكرت المصالح الخارجية ما اريد ادخلك بالسياسة بما انك ذكرت انك ما تحب الموضوع، بس ببساطة المصالح الامريكية بالعراق مغطية جوانب كبيرة بشكل مو طبيعي، وهي حاليا الها القدرة حتى على منع المستثمرين اللي يحاولون ينعشون القطاع الخاص، ونجي للموضوع الثاني اللي هو دول الجوار، وخصوصا ايران، الخلل مو بإيران نفسها، وانما ب العنصرية الموجهة نحو المسلمين وخصوصا الشيعة، واللي نلاحظها بالحصار اللي صاير على ايران هسه انا لا اقول انو ايران مسوية شي غلط ولا ابرئها، مواقف ايران ويانا وخصوصا بفترة داعش ما نكدر نتجاهلها، بنفس الوقت محد يكدر ينكر انو ايران حاليا عايشة على العراق، من ناحية استيراد وشراء بضائع وغيرها ف العراق كاعد يساعد ايران بشكل جبير اقتصاديا، صح حاليا اقتصادهم متدمر، بس بدون العراق ما ابالغ اذا قلت انو ممكن يتدمر الاقتصاد تماما، زين شلون كاعد تأثر ايران علينا؟ ايران حاليا كاعد تنزل بضائع من فاكهة وخضار ومنتجات واقمشة وغيرها باسعار رخيصة وبضرائب قليلة، الشي اللي يؤدي الى منافسة قوية ضد المنتج العراقي، بهالطريقة لمن يجي المزارع العراقي والشركة العراقية تبيع منتجاتها بالسوق تلكة فائض من المنتجات المقاربة بالجودة بس ارخص بهواي، بالتالي كاعد يتضائل التنوع الاقتصادي بالعراق يوم ورة يوم، واكو اسباب هواي اكثر تتعلق باشياء من ماضي العراق بس بعد تعبت واتمنى يكون التعليق كافي لهنا 🦣

[@asir42]

عاشت ايدك على الشرح

[@gengerQ8]

عاشت ايدك

[@sitdown_iq]

@@asir42 ♥️

[@sitdown_iq]

@@gengerQ8 ♥️

[@jahfaribraham7558]

شرح ولا غلطه ❤❤

[@_yagamilighto7597]

إذا ضربو خزانات النفط بالعراق فراح يسددونه ضربه قاضية

[@Conan_313]

مبروك على كل الي شافوا هذا المقطع واشتركوا بالقناة، لانكم لگيتو جوهرة باليوتيوب العراقي حب استمر عاشت ايدك المونتاج كلش حلو والصوت حلو وترتيب الأحداث منظم استمر الله يوفقك 🌹

[@Conan_313]

بس اكو سلبية وحده اكو ببعض اللقطات موسيقى يا حبيبي عوفك من الموسيقى والاغاني لأنها حرام الله يوفقك 🌹

[@ahmedabdel-d5p]

لهذا لخاطر ربكم عوفوا الطب لا بيه مستقبل و لا تعيين و لايفيد البلد سمعت الناس يصير عدهم فائض بكلشي بس فائض طب ما سامعه

[@mohammedalhasanie1152]

كله من جماعة المقاومة رحمه لوالديكم عيفونه من الحرب كلشي قدموا لأخوتنا من اللبنانيين والفلسطينيين بس عيفو الصواريخ والمسيرات من العراق الي يستهدفون بيه زربه🇮🇱

[@ISOF_IQ1]

‏‪4:10‬‏ نسبيا هاي مقارنه مو عادلة امريكا حكومة رأسمالية 100% ف شي اكيد مراح يعينون هواي ناس بوضائف حكومية من تقارن قارن بدولة نظامخا الاقتصادي شبيه بالعراق(يعني نص اشتراكي ونص رأسمالي).

[@بࢪوسلي]

احنا ننقهر كوننا احنا هو جيل مسقبل العراق شلون نطوره شلون يقل والشعب ما يصير ثوري بزيادة ونبعد عن الحروب اي محد ينكر العراق وشعبه ميركز للمسقبل لا يرجع للماضي علمود يرجع فخرنا 😔🥷🏻🇮🇶.

[@ThanksGol-ul2wt]

ياجيل عبالك رايح حرب ومحسود مواليد ٢٠٠٠ ولك عبالك اعمارنه ٤٠ وي ٩٠ كلشي ماكو فكور كلشي ماشفنه لاتعين لاشغل لامشاريع وكلشي ماكو ونوب حتى الجواز العراقي مامعترف بي حتى نشرد🦍 وعلي عبالك مربوط بسلسله ومتكدر محدوديه وين نروح وين نولي تسمعني 🗿🗿😂

[@hinatashoio1768]

العراق دولة شابة تخيل بس الطلاب فقط عددهم 12 مليون اغلبهم تحت العشرين سنة

[@AhMeD_oii7]

هاي وي حظي من ردت اروح هندسة نفط 😆

[@ETS0]

ميحتاج تبرر ان الفيديو مو سياسي ، اصلا جمال قناتك التنويع ومو غلط اذا حجيت بمواضيع تخص المستقبل العام الاجتماعي + احلة اضافة جانت لقطة العميل 007 😆 GG جنت متوقعك حتخليها اقسم بالله

[@qaedalameer]

احسنت وبارك الله بيك اخي مون على التركيز بهذا الموضوع الحساس المصيري لشعبنا العراقي المسكين الله أرحم الراحمين

[@Bto_al]

‏‪4:13‬‏ يمة

[@oozeks6586]

بلد امواله تأتي من النفط واغلبها يتم سرقتها ف انت تخيل ان النفط ينهار بعد عشر او خمس عشر سنه العراق وكتها يختفي كليا نصير مثل لبنان 🇱🇧

[@محمد-وعلي-الخالقين-الرازقين]

وهسه دخلنه نفسنه بحرب مالهة دخل بينه وراح نزرب

[@شهدابواحمد-ض1ف]

‏‪7:48‬‏ هاي شنو والله اليوم المقطع رهيب كل مقطع اخلى من الثاني استمر خوية بنشر هذا الوعي ❤

[@mkmhsf]

سبحان الله العظيم واتوب اليه ❤

[@Hasenali-xk4xh]

حبيت تنوع المحتوى، الانسان يمل من طرح الاخبار بشكل تقليدي ف شكراً واستمر ❤❤❤❤

[@redsus6671]

مون ممكن تحجي عن المحتوى المقدم للاطفال الي من ضمنه محتوى (التحشيش ) الي ديشوفو الاطفال او ديخربون الي حته ديحجي شغلات غلط او عن الزواج وهواي اشياء غلط فه ممكن تحجي عليه ؟

[@ali_oud3355]

ميناء الفاو وطريق الحرير والسياحة كل هذني بدائل جيدة وبعد عدنا مصادر زراعية وكل هذني الحكومة جاي تشتغل حتا تسويهن هسة بقا الشعب يبدي يشتغل على نفسة حتا تنجح هذي الأمور

[@ياسر-ت6ك1ق]

هاي الشغلات كلها ما راح تعوض بس نسبة بسيطة جداً من الميزانية وتبقى الأغلبية العظمى للنفط

[@ahmedammar7248]

هاي المشاريع بالزايد راح تسوي ايرادات النفط يعتمد بالنسبة 70% خطة الاستغناء على النفط لدولة صارله 60 معتمدة عليه مو بالشي السهل ومراح تحل حكومة مدته 4 سنوات ولا 8 الموضوع يحتاج دراسة طويلة ومعمقة جداً وهذا الشي ما اعتقد دا يصير بالعراق

[@SaraZORO-p2o]

المشكله عدنه هواي اطباء بس ماكو طبيب كفوء بعمله كلهم علمود الفلوس زين و المواطن المسكين يطلع خارج العراق و الي ما عنده فلوس الله يعينه

[@karar_aliraqi22]

مصيبه عارمه تحل بالبلد اذا قل سعر النفط واعرم اذ تم قصفه من قبل اسرائيل

[@ibrahim-8455]

احسن شي واحد يطلع من هاي الرقعة الجغرافية الملعونة

[@بسيط-ب1ع]

العراق الى التخلف بسبب الاحزاب ازرب على الاحزاب وياكم اخوكم من العراق المسروق

[@sky_shadow-66]

الي يكدر يبني جسور و عمارات بكد عباد الله ما يكدر يسوي كهرباء وطن ؟ + محتواك حلو 🦦

[@ramywaqed6979]

7:00 صحيح طبعا الحمد لله، بس الضغط الاعلامي على الحكومة كلش هواي راح يساعد.

[@Pyre_iui]

7:28 صح

[@n6vx11]

حتى تمريض بعد كم سنه هم راح ينلغي تعين المركزي

[@mahdi-o6w]

مبروك عليكم حكومة الذيول إنشاالله متونسين 😊

[@Aklsome]

الله يوفقك هسة سوي مقطع عن ألي يدورون هجرة

[@Beyondearth8]

انتظر تصير حزب بالعراق حتى تنفتح الهجرة

[@Mustafa-99.86]

احلا شي هو اللقطات الموجوده بالفديو الماخوذه من الافلام الرهيبه

[@محمدجميلل]

3:19 Get out 10/10 ماتوقعتها اقيمها

[@باقرالساعدي-ل1ج]

خويني بس كون ما تنسانه احنه تابعناك من الحلقه الاوله بالقناه وعرفنه ان هاي القناه مشروع مليون متابع بسهوله

[@almolah1]

يخوي كلامك صحيح +البنكلادش غزو البصره 😂💔صار الشغل كله الهم بحكم انو هما يشتغلون اكثر من المواطن العراقي 💔وانا ضال اشتغل عمالة

[@Sirin-san]

‏‪7:20‬‏ فديتة حمودي خوش يشتغل 😂😂😂

[@قهغ]

مراء شفت لقاء بودكاست ويه احمد البشير يكول اني هسه توقع 2030 أن يدمر الاقتصاد العراقي بسبب عدم دولة صنع الامشاريع غير نفط همين ذكر أن إيران جاي تهرب دولار إيران سبب لحفاه موجودين بل العراق حجه هواي عن مستقبل الاقتصاد العراقي هواه جاي شلون يدمر . اني هسه تكلمت ويه ابوي عن هذه دمار لي صير بل مستقبل كال 2026 نطلع خراج العراق وكلك اخي منو يكول هاي الامشاريع راح صير ذا اسرئيل را تضربه أو إيران عاشيه على دولار مالته همين راح سوي كلشي بس ما صير بل العراق مشاريع ذا صارت الامشاريع جيب يشتري من إيران بعد .

[@here.a7med]

طلعت جوازي الالكتروني استعداداً للشردة أين يجد الإنسان كرامته فذلك هو الوطن. ❤

[@Beyondearth8]

شلون طلعته

[@En0la.313]

@@here.a7med اشرد وشوف الكرامة على اصولها تره اغلب اللي مهاجرين للخارج ما مستفادين شي ويشتغلون بابشع المهن في سبيل يعيشون هذه غير الغرامات والفواتير اللي ماخذه كل فلوسهم اذا انته مو غني ببلدك او انته من الاساس عندك فلوس فمستحيل تطلع للخراج وتصير عندك فلوس راح تعيش نفس عيشة العراق بس الفرق الاجواء او المناخ يختلف

[@Banafsage]

شلون طلعته؟؟

[@3ate_5]

فديو حلو، تنطي مشكلة وحلها، مونتاج مرتب، شغلك هادئ مبي صخب، كلشي حلو، وياريت لو تخلي غواش على مقاطع أو صور المتبرجات حتى ما تكسب ذنوب ويكدر المشاهد يشارك مقاطعك براحته، والثنين يستفادون، وأسأل الله التوفيق الك حبيبي استمر بمحتواك ❤

[@RezaY7m]

أنا من🇮🇶❤ ذي قار

[@freecnt]

استمر ياطيب . بس ملاحظة تنوع الاقتصاد هو منو يخليك تبني مصنع غير الاحزاب تجي تاخذ منك اتاوات واذا ما تقبل يغتالوك لو يعزلون المصنع

[@zayanbahmad2956]

انا لو مئجله الفيديو لورى السادس افضل "حاليا المشاعر في دمار"

[@vestog2179]

العراق يرادلة دك الأرض

[@Sec0nd11]

استمر هذي هي صناعه المحتوى الي نريدة ينتشر

[@اثمارنصير]

بس اخلص سادس وزوج اليظل بالعراق عود اروح ادرس وتصير عندي فلوس ذيج الساعه يالله افكر ارجع للعراق لو ما ارجع اصلاً

[@kmllml]

بارك الله بيك اخونا مبدع ومحتواك بعد كلش مرتب ومفيد بس اتمنى تشيل الموسيقى حتى نكدر ننشر الفيديو

[@Conan_313]

7:40 فطست 😂🤣

[@عباسعبد-ض8ن]

المونتاج و التقديم اطور ما شاء الله

[@علي-ن5ث4ص]

احتمال حرب اي ويخرط العراق الدولار يكمز وناكلها واذا صعد اكثر من 200 بعد مينزل وناكلها مثل فلسطين و لبنان وسوريا

[@library10000]

برئي يعينون البنات والولد يشتغلون بقطاع خاص 🦦

[@احمدمحمد-ك1ط9خ]

الله يكون بعوننا

[@گيتو_يُعاني]

1:57 اصدق شيء بالفيديو😂

[@زمزمفارساحمد]

بعيدا عن النفط وكل شيء الوضائف والتعيين مهم جدا يعني اغلب العراقيين مو متعينيين ببلدهم ليش؟لان الحكومة ماتوضف بس الاجانب احنا محتاجين تعيين قبل كل شيء لان اكو ناس ممكن او اكيد اذا انطوهم تعيين او مجرد فرصة راح يخترع او يسوي شيء جديد واحتمال يفيد العراق او يساعده وهذا غير انه لاتلومون الاشخاص الي يريددون يدخلون طب علمود فلوس وتعيين يعني اذا ماكو الاشغل ولاعمل ولاتعيين بغير قسم شيسوون؟الحكومة لازم تفكر بالناس مثل الاوادم ترا اذا انت عندك اكل وفلوس وشغل غيرك ماعنده الحكومة ارجوكم فكروا بالشعب مثل الاوادم ترا احنا هم بشر مثلكم مو حيوانات والله ارجوكمم ترا مو جاي نطلب شيء چبير حتى تگولون صعبة ارجوكمم ترا هذا شغلكمم شوي فكرواا بالشعب لا بس كلام وراح نسوي ونسوي ترا ملينا نريد افعالل

[@بتس_ممهدين_الطريق]

صح هسه عندك السعوديه بلدهم كله فلبين واندونيسيين وأجانب بس همه عادي عدهم لأن عدهم تعين

[@problems_solver]

​@@بتس_ممهدين_الطريقلا ياخي السعوديين ما معتمدين على التعيين، بالسعودية القطاع الخاص منتعش جدا لدرجة انه يكفي ابناء البلد والاجانب

[@حسن_كيمنك481]

اصلن احنا خسرنا كل شيء من سبب امريكا وبريطانيا

[@91n_o]

وايران

[@SajjadSaad-b2x]

وايران

[@شينوبو-سان_عمتكم]

ايران اكبر سبب حرب ايران وحرب الخليج الاولى والثانية دمرت العراق اكثر من الاجانب بريطانيا وامريكا صح هم دمرو العراق وخربوه بس اللي خرب اكثر ايران

[@حسن_كيمنك481]

يب وايران

[@ياسر-ت6ك1ق]

وبلاد فارس

[@منوعاتمصطفىوزيوني]

رائع

[@SongXmusic-yj3rg]

قناتك فكرتها رهيبة احييك استمر

[@انتونيكريزمان]

عيني شلون بس 4.5مليون موظف حكومي؟ هم بس العسكريين وقوات الداخلية من الشرطة وغيرهم فوك الخمس ملايين، والي يشتغلون بالقطاعات الحكومية بحسب تصريح السوداني نفسه من 7--9 مليون موظف، العراق عايش بكارثة مو بوضع، والله اليستر بعدين شحيصير

[@muneAKX]

السوداني بنفسه يجذب، تريد تصدك بحصاياتة

[@عليالبصري-ج2ق]

الله يفرج عنا 😢

[@Al_shamari555]

واهسي راح وانا مقبله ع السادس وتاركه كل شي احبه من ملسلسلات وانميات واللعاب وحتى التيك حذفته وقطعت علاقتي مع الناس عشان اطلع معدل عالي وبعد هاض الخبر تبخر الشغف

[@dragonamvs1027]

لا تخلين هيج اخبار ادمر شغفچ للدراسة ما نعرف شراح يصير بالمستقبل انتي بس اقري وجيبي معدل يرضيچ وعود بذاك الوكت شوفي الوضع وقرري يا قسم تختارين وعلى اساسة تبنين مستقبلچ ما نعرف شراح يصير بالمستقبل بس دورنة الحالي انكمل دراسة وخري شكو شي يدمر واهسچ وابتعدي عنة لان انتي بمرحلة مهمةةةةةة كلش

[@Yl_90l]

ترا المعدل يعتبر أنجاز الچ مو الا أطلعين شي بي

[@Al_shamari555]

منطقي فعلا م ندري شنو يصير بالمستقبل ان شاء الله احاول اطلع معدل والي يصير يصير بعدين شكرا ع كلامك ​@@dragonamvs1027

[@dragonamvs1027]

@@Al_shamari555 ان شاء الله تدللين

[@Hatem_69]

الصراحة لو بايدي ابقى وحدي بعزله بس المشكله ان انته تحتاج اكل يوميه ونت وبيت علمود تعيش كانسان و المشكله تحتاج فلوس الفلوس تجي بشغل وطبعا الشغل بالعراق شبه مستحيل اذا ما عندك واسطه وعندك الشغل الوحيد الي تشتغله هوه عامل نظافة ومع الاسف عمل عامل النظافة ما بيه اي فلوس يعني بالهواي تطلع 50 بالشهر وهاي يمكن اقل يعني 50 هاي اذا تريد تعيش بيهه 40 الف مال نت و 10 هاي اذا تريد تعيش تبقى تشتري اندومي واذا كلش عجبك تشتري فلافل ف اي العمل بالعراق ما منه فايده لاسيما بسبب العمالة الاجنبيه الي اني مو ضدهم ولكن مع الأسف بسبب وضع العراق صارو يسببون أذية مع الأسف

[@Harry-z7j9q]

مراح انتضر حل من الحكومة العراقية الغبية الي ماتكدر توفر ابسط الأمور منها كهرباء مستقرة و24 ساعة و انترنت سريع ومتعدد المصادر كماااااااااااااااان راح نوصل 2100 وبعدنا نتحسر على الأنترنيت والكهرباء واللة ال/عن ابو هيج بلد يحكمونة ناس اغ/بياء غير مؤهلين يارب افوز باللوتري وأطلع لأمريكا وأخلص من هيج جحيم يااااااااااااااارب افووووز

[@library10000]

شنو الوتري

[@Gpm5cs]

‏‪3:19‬‏ 😂😂😂😂😂😂😂😂😂😂😂😂

[@حسومةالمحسومة]

اكو ثوره جايه؟ يعني اكو امل اسوي حزبي واستغل الثوره واصعد بالحكومه 🐸

[@شهدابواحمد-ض1ف]

وعلي تعبنا

[@oe_qi]

‏‪3:32‬‏ يمعودين چا شدخل تخصص مو مليت والله 🤣

[@n6vx11]

هندسه تفيد

[@dragonamvs1027]

​@@n6vx11مثل يا قسم ؟

[@SA-18-RA]

هندسه معماري بيها مستقبل​@@n6vx11

[@-luffy17]

احسن شي كل محافظه تستقل عن العراق

[@Bto_al]

لا ما اعتقد هاذا حل

[@L_hhe]

حتى نديح 😂

[@Maera_iqari2000]

تصير مذابح وعركات مالنا خلگ الها

[@ThanksGol-ul2wt]

ا😮 حلوه بس ياهو ليسويها؟😂😂

[@L_hhe]

@@ThanksGol-ul2wt 🤣🤣🤣

[@Eric1-y]

❤ استتتتتتتمرررر

[@sadiq8512]

كبير، المونتاج رهيب ❤

[@meoooooooooooooooooooooooooww]

مو بس قلة الوظائف و التعيينات و كثرة الطلاب الي يدخلون تخصص الطبية. المشكلة في مجتمعنا ايضاً. اي، أوافق وياك حكومتنا فاسدة بس لما تعرف انت دخلك ضعيف و ماعندك مستقبل مشرق، ليش تتزوج و تجيب اطفال؟؟ مو بس انت رح اتعب نفسك جسدياً و نفسياً، انت رح تورط اطفالك يعيشون حياة غير كريمة. الناس تتزوج، تجيب اطفال، ما تربيهم عدل، و بعدين يطلقون. ليش اهيج؟ ليش ما تاخذ قرار الزواج على محمل الجد بدلا ما تبرر أفعالك الغير عقلانية ب "الاسلام سمح لي". لا اخي، انت ١٠٠% تستعمل الإسلام كحجة و عذر، بدلا من إيمان و احترام للدين. اصبر، اتعين، اشتغل، جمع فلوس لحد ما تشوف انك مكتفي مادياً لمسؤولية الزواج و تربية الأطفال. لا تصير اناني و تجيب اطفال بحياة انت بنفسك تتعاجز بيها مادياً. لهذا السبب هواي عراقيين قاعدين يطلعون برا البلد بسبب بعض من هاي العادات و التقاليد الي تأذي مجتمعنا. و لا ننسى ظاهرة رمي القمامة في الشوارع و التحرش بالنساء و البنات.

[@ThanksGol-ul2wt]

اعتقد العراق شغلة وهاي المحلات والاسواق كله جعلوها دولة بينهم (يعني ليعرفه وكرايبه و حتى لو قبل غريب حيحطلة شروط يخلي يكره ام شغله وهو تشوفه شغل بسيط ميسوه ) بالاخص انتوا مامتعاونين واذا ماتصلوا مافي انفسكم ف ان رب سبحانه وتعالى مايغيركم لو تموتون 😂❤

[@Ali-rw6to]

فيديو اسطوري كالعادة يابة🙏🏻

[@aliqasm1094]

يمعود هي راح تصير حرب والمنطقة كلها تشتعل يا نفط يا اقتصاد يا بطيخ

[@Beyondearth8]

واني ناجحه واريد اعيد السادس حتى اطلع طب مابقالي واهس بسببك

[@Hatem_69]

​@@Beyondearth8نصيحة قدمي هجرة لان وضع العراق تعبان

[@Banafsage]

​@@Hatem_69 شلون نقدم هجرة ويصير عائلة لو بس نفر؟؟

[@1205s-o3c]

يا حرب دكولوا يا الله لا تخافون الناس كلشي ماكو

[@تأملاتقرآنية-ج5ه]

هلا والله السلام عليكم ورحمة الله وبركاته

[@m_w_p9734]

ع اقل نتمنى الخير

[@Pizza4mee]

7:42 هو هذا الحل الوحيد للعراق

[@كلنا-العراق]

لهذا هجرت لي القصيم

[@Beyondearth8]

هنيالك

[@Banafsage]

شلون هاجرت؟