Рет қаралды 1,157
Naat Sharif
Mujh khata kar sa insan Madine mein rahe
Kalam: Azam Chishti
Voice: Najeeb ur Rehman Naz
مجھ خطا کار سا انسان مدینے میں رہے
بن کے سرکار کا مہمان مدینے میں رہے
یوں ادا کرتے ہیں عشاق محبت کی نماز
سجدہ کعبے میں ہو اور دھیان مدینے میں رہے
اللہ اللہ سر افروزئِ صحرائے حجاز
ساری مخلوق کا سلطان مدینے میں رہے
ان کی شفقت غمِ کونین بھلا دیتی ہے
جتنے دن آپ کا مہمان مدینے میں رہے
یاد آتی ہے مجھے اہلِ مدینہ کی وہ بات
زندہ رہنا ہے تو انسان مدینے میں رہے
دور رہ کر بھی اٹھاتا ہوں حضوری کے مزے
میں یہاں اور میری جان مدینے میں رہے
چھوڑ آیا ہوں دل و جان یہ کہہ کر اعظم
آرہا ہوں میرا سامان مدینے میں رہے
#NajeebNaz
#AzamChishti
#naatsharif