Рет қаралды 29,279
Mujhe apne zabt pe naaz tha | Iqbal Azeem | Heart Touching Poetry In Urdu | sad Urdu poetry | sad Urdu ghazal
This channel is especially made for poetry and information.
Please subscribe this channel and get best collection of poetry and information.
Here you can get the collection of sad poetry, 2 line poetry, 4 line poetry, Urdu ghazal, Sad shayari, Romantic shayari Information videos, Quotes, Islamic quotes and much more.
Mujhe apne zabt pe naaz tha , sar e bazm raat ye kya hua
Meri aankh kaise chalak gayi , mujhe ranj hai ye bura hua
Meri zindagi ke charagh ka ye mizaaj koi naya nahi
Abhi roshni abhi teergi , na jala hua na bujha hua
Mujhe jo bhi dushman e jaan mila , wohi pukhta kaar e jafa mila
Na kisi ki zarb galat pari , na kisi ka teer khata hua
Mujhe aap kiun samajh na sake kabhi apne dil se bhi pochiye
Meri daastan e hayaat ka to warq warq hai khula hua
Jo nazar bacha k guzar gaye mere saamne se abhi abhi
Ye mere hi shehr k log thay mere ghar se ghar hai mila hua
Hamain is ka koi bhi haq nahi k shareeq e bazm e khuloos hon
Na hamare paas naqaab hai na kuch aasteen mai chupa hua
Mere ek gosha e fikr mai meri zindagi se azeez tar
Mera ek aisa bhi dost hai jo kabhi mila na juda hua
Mujhe ik gali mai para hua kisi badnaseeb ka khat mila
Kahin khoon e dil se likha hua kahin aansuon se mita hua
Mujhe hamsafar bhi mila koi to shikasta haal meri tarha
Koi manzilon ka thaka hua kahin raaste mai luta hua
Hamai apne ghar se chalay hue Sar e raah umr guzar gai
Koi justuju ka sila mila na safar ka haq hi ada hua