Conciertu n'apoyu a Radio Sele de 2002 (AMCA - Archivu de la Música Contemporánea Asturiana)

Рет қаралды 402

Күн бұрын

Esti documentu audiovisual recueye'l conciertu contra la retirada de la llicencia comercial a Radio Sele per parte del gobiernu d'Areces. Nesti actu solidariu tocaron Xentiquina, Felpeyu, N'Arba, Dixebra, Anabel Santiago, Adolfo Camilo Díaz, Héctor Braga, Delfín Valdés, Nel Amaro o Fernando Caldones, ente otros.
Radio Sele foi una emisora de les primeramente llamaes llibres y depués comunitaries qu'escomenzó a emitir nel añu 1986, facíalo íntegramente n'asturianu, con tola programación nesta llingua. Nos sos años d'actividá representó un preséu inmeyorable de normalización llingüística y espardimentu de la música asturiana. Sufragada poles cuotes y aportaciones de los sos socios y socies caltuvo una emisión ininterrumpida a lo llargo de varies décades, pasando per ella tol panorama artísticu, cultural, lliterariu y musical del país. Pente la so parrilla de programación podíen atopase espacios mui variaos, dende tertulies a retresmisiones deportives o informativos, y por supuestu tamién los que se centraben en dellos estilos musicales; ente estos últimos destacaben Tierres de lluz (presentáu pol ex miembru de Llan de Cubel Marcos Llope) o Rockmería (presentáu pol miembru de Dixebra Xune Elipe).
Depués de bien d'años funcionando de manera asociativa decide dar el pasu a la profesionalización y preséntase en 1998 (tando nel Gobiernu Asturianu de presidente Sergio Marqués) a un concursu abiertu pa la concesión de llicencies comerciales de radio, algamando la puntuación más alta y por consiguiente la llicencia que-y diba permitir aumentar el so espardimientu territorial y la posibilidá de sufragase al traviés de la publicidá. Sicasí, unos años más tarde, baxo'l gobiernu de Tini Areces, modifíquense les condiciones del concursu con efectu retroactivu y retíren-y la llicencia a Radio Sele, concediéndo-yla a otra emisora. Esta decisión foi recurrida por Radio Sele ante los tribunales, llogrando una sentencia nel añu 2005 al so favor na que'l xuez declaraba illegal la modificación del concursu y obligando a la devolución de la llicencia al so adxudicatariu orixinal. Naquellos momentos producióse una fola de solidaridá con Radio Sele y bona parte de la sociedá violo como un ataque directu a la llingua asturiana y al asturianismu en xeneral per parte del presidente del Gobiernu Asturianu, roceanu siempre a cualquier signu identitariu. Ente los actos que s'entamaron pa denunciar esta situación y mostrar l'apoyu a Radio Sele, tuvo especial importancia'l conciertu celebráu'l día 12 de xineru del 2002 nel Auditoriu d'Uviéu, qu'axuntó a una bona representación de la cultura y la música asturianes: Xentiquina, Felpeyu, N'Arba, Dixebra, Anabel Santiago, Adolfo Camilo Díaz, Héctor Braga, Delfín Valdés, Nel Amaro o Fernando Caldones, ente otros. Foron cásique cuatro hores d'espectáculu del que s'asoleyó un vídeu en formatu VHS con un resume, que ye'l documentu audiovisual que vos ufiertamos dende l'AMCA. Ye una mui bona muestra del panorama artístico-musical qu'había na Asturies de principios del sieglu XXI.
El Gobiernu Asturianu nunca cumplió la sentencia y nel añu 2011 un requerimientu de la Xefatura Provincial d'Inspección de Telecomunicaciones, dependiente del Ministeriu d'Industria, obligó a retirar l'antena que permitía a Radio Sele emitir al traviés de la Frecuencia Modulada (FM). Nel so escritu, Telecomunicaciones alvertía d'una posible multa de 500.000 euros a la comunidá de vecinos del edificiu onde taba asitiada l'antena. Depués d'un tiempu emitiendo per internet, la única emisora íntegramente en llingua asturiana dexaba de salir a les ondes.
🗞 Artículu completu en musicasturiana...
📌 SUSCRÍBITE en KZbin: bit.ly/CanalMus...
📢 Más Música Asturiana en Spotify: bit.ly/Playlist...
💙💛 SÍGUINOS EN:
www.musicasturi...
/ musicasturiana
/ musicasturiana
/ musicasturiana
open.spotify.c...