မူလတန်းသင်ရိုးသစ်၏ သက်ရောက်မှု (သင်္ချာသင်ခန်းစာ ဥပမာ)

ပြည်ထောင်စုသမ္မတ မြန်မာနိုင်ငံတော်အစိုးရ၊ ပညာရေးဝန်ကြီးဌာနသည် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) ၏ နည်းပညာပံ့ပိုးမှုဖြင့် မူလတန်းသင်ရိုးညွှန်းတမ်းအသစ်ကို ရေးဆွဲပြုစု အကောင်အထည်ဖော် ဆောင်ရွက်လျက် ရှိပါသည်။ အဆိုပါ မူလတန်း သင်ရိုးညွှန်းတမ်းအသစ်သည် ကလေးများ၏ ကိုယ်ပိုင်စဉ်းစားတွေးခေါ်နိုင်မှု၊ နက်နက်နဲနဲ နားလည်သဘောပေါက်မှု၊ တီထွင်ဖန်တီးနိုင်မှု၊ ကိုယ်ကျင့်တရားနှင့် ကျင့်ဝတ်များ တန်ဖိုးထားလေးစားနိုင်မှု နှင့် အများနှင့် ထိရောက်စွာဆက်သွယ်နိုင်မှုတို့ကို အထောက်အပံ့ဖြစ်စေရန် ရေးဆွဲထားခြင်း ဖြစ်ပါသည်။ မူလတန်းသင်ရိုးညွှန်းတမ်းသစ်၏ အပြုသဘောဆောင်သည့် ရလဒ်များနှင့်အတူ သင်ရိုးသစ်ပါ သင်ကြားသင်ယူမှုလုပ်ငန်းစဉ်များက အထက်ပါရည်ရွယ်ချက်များကို မည်သို့အောင်မြင်ပေါက်မြောက်စေသည်ကို ယခုဗီဒီယိုတွင် ကြည့်ရှုရမည်ဖြစ်ပါသည်။ ကလေးများသည် အမျိုးမျိုးသော နည်းလမ်းသစ်များနှင့် စဉ်းစားတွေးခေါ်နိုင်လာပုံကို ဗီဒီယိုပါ သင်ရိုးသစ်သင်္ချာသင်ခန်းစာ ဥပမာတွင် တွေ့မြင်နိုင်ပါသည်။
အခြေခံပညာမူလတန်းအဆင့် သင်ရိုးညွှန်းတမ်းပြုပြင်ပြောင်းလဲရေးစီမံချက် - CREATE Project မှ ထုတ်လုပ်တင်ဆက်ထားပြီး ဒေါင်းဝေ၊ ဟန်နီခေတ်၊ ပြည့်ပြည့်၊ မုဏ်း၊ နွယ်နွယ်ဦး တို့နှင့်အတူ သော်ဇင်မင်းထက်၊ ဘိုဘိုကျော်၊ ဇူးဇူးဝတီနှင့် မုဒိတာတို့က ပါဝင်သရုပ်ဆောင်ထားပါသည်။