❤️"موال النهار " أجمل ماغُني في نكسة ٦٧ (الأبنودي/الطويل/حليم)❤️

عدى النهار
عبد الرحمن الأبنودي
بليغ حمدي
عبد الحليم حافظ
---------
عدى النهار والمغربية جاية
تتخفى ورا ظهر الشجر
وعشان نتوه فى السكة
شالت من ليالينا القمر
وبلدنا ع الترعة بتغسل شعرها
جانا نهار مقدرش يدفع مهرها
ياهل ترى الليل الحزين
أبو النجوم الدبلانين
ابو الغناوي المجروحيين
يقدر ينسيها الصباح
ابو شمس بترش الحنين
ابدا بلدنا للنهار بتحب موال النهار
لما يعدي فى الدروب
ويغني قدام كل دار
***
وعلى النغم تحلم بلدنا بالسنابل والكيزان
تحلم ببكرة واللى ح يجيبه معاه
تنده عليه فى الظلمة وبتسمع نداه
تصحى له من قبل الادان
تروح تقابله فى الغيطان
في المتاجر فى المصانع
فى المدارس و الساحات
طالعة صحبة صفوف جنود
طالعة له رجال اطفال بنات
كل الدروب واخدة بلدنا للنهار
واحنا بلدنا للنهار بتحب موال النهار
لما يعدي فى الدروب
ويغني قدام كل دار

[@amanielnoamani8250]

طبعا ذكريات في ذاكرتنا رهيبه المشاعر وايام عصيبه عدت ياه احنا شفنا كتير قوي بس كانت اغاني الفتره دي مافيش اروع منها

[@magynegm4842]

اغنية جميلة ومحفورة في وجدانا

[@azzakamel1774]

حضور رائع وسرد ممتع كعادتك ياعدول.. أغنيه محفوره في الوجدان رغم فترة النكسه القاسيه في تاريخ مصر.. تعيش وتمتعنا بروائع الزمن الجميل يافنان ❤⚘🎵❤⚘🎶

[@emadelrashidy9657]

من أجمل الأعمال

[@HadeethAlrouh]

الله ينور ياباشا ❤

[@hakimaaskari8117]

الله يخليكم لبعض

[@Foosam77]

مقدمة شجية بس جميلة، ربنا يحفظ مصر ويبارك. فى حضرتك وفى اصحابك الحلوين.. والى مزيد من إبداعات حضرتك❤

[@magynegm4842]

الدكتور كريم منور

[@user-oh2qg4is3d]

ما اجمله من شرح وتحليل يسلم كلامك وشرحك . . . ولا ننسئ الشكر موصول للاخ المصور لهذا الفديو الجميل

[@samahshawky2547]

❤❤❤❤❤

[@omarsaleh9455]

ياريت تاخد بالك من الصوت

[@ashrafnegm9030]

الصوت واطى شويه فى الفيديو

[@pepoelhadary]

الاغنية من الحان بليغ حمدي مش كمال الطويل

[@user-ty1tx5bg6d]

طبعا من الحان بليغ حمدي وانا لم اقل انه كمال الطويل .. انا فقط ذكرت يعض الحان كمال الطويل الحاده للمقارنة وابراز ان بليغ حمدي استخدم الطبقة الشجية اللي احنا بنحبها في صوت حليم .. حضرتك ممكن تسمع التعليق كمان مره .. وشكرا علي التعليق