امو تضامن كيفاش نديرعملية بي بريز اونشارج في كلينيك ولا سبيطار الدولة ضمان اجتماعي AMO TADAMON CNSS

تسجلتوا في السجل الوطني والسجل الاجتماعي
مشيتوا او جيتوا للمقاطعة السيبير الكاتب العمومي كثرت لوراق
لمهم هاد الشي كامل باش في الاخير اللي عندوا المؤشر قل من العتبة ولات عندوا أمو
(تا الناس اللي كان عندهم راميد راه دازوا نيشان لاموا من بعد ما تسجلوا في السجل )
جاتكم الورقة ديال لاسينيسي أمو تضامن او كتسولوا كيفاش نخدموا بيها
هاد السلسلة خصصتها ليكم ، غادي نحاول نبسط ليكم اكثر كيفاش تستافدوا
تمشيو عند الطبيب
تديروا الراديو
تديروا التحاليل
العملية الجراحية في كلينيك
- القانون 65.00
bdj.mmsp.gov.ma/Ar/Document/46...
- المرسوم 02.05.733
bdj.mmsp.gov.ma/Ar/Document/42...
- المرسوم 02.05.736
bdj.mmsp.gov.ma/Ar/Document/42...
- المرسوم 02.05.737
www.sante.gov.ma/Reglementati...
الجريدة الرسمية التي تضم كل القوانين الواردة أعلاه :
www.sgg.gov.ma/BO/bo_ar/2005/B...
مواضيع مختلفة سبق طرحها :
1 - سلسلة تضم كثير من المواضيع حول علاجات الاسنان (لعمارة، قتيل العرق، ديتاغتغاج، الفيكس، الراديو بانوراميك ...)
• عند طبيب الأسنان
2 - سلسلة خاصة بالناس ديال امو تضامن (مواضيع مختلفة، تعمار لوراق، علاج الاسنان، الراديوات، العمليات، الولادة ...)
• سنلام اطلانطا تأمينات ...
3 - سلسلة حول العمليات الجراحية والتحمل وكل ما يخصها
• العمليات الجراحية
4 - سلسلة تتحدث عن الامراض المزمنة، كيفاش تقاد الملف، التعويضات 100% ايمتاش تاخذها
• الأمراض المزمنة وطويلة...
5 - سلسلة امراض العيون وتعويضاتها (الجلالة، الراديوات ديال العينين ... )
• عند طبيب العينين
6 - سلسلة التأمينات التكميلية سنلام، اطلالنطا (الشرطة، التعليم، الفلاحة، القوات المساعدة، الصحة، ...)
• سنلام اطلانطا تأمينات ...
7 - سلسلة خاصة بالطلبة وعلاقتهم بكنوبس (الاسنان، العمليات، العنوان البريدي، ...)
• الطلبة وكنوبس
8 - سلسلة حول الراديوات والاستكشافات الطبية (السكانير ، TDM ، IRM ... )
• الراديوات والاستكشافات...
9 - سلسلة حول التلاعبات الللي تحضي منهاعند الاطباء المصحات او الناس اللي كتبيع ليك الاجهزة الطبية (جهاز الادن، تلاعب INP ...)
• تلاعبات بعض الاطباء
10 - سلسلة مواضيع مختلفة حول التغطية الصحية
• مواضيع مختلفة حول التغ...
========================================================
فكرة بسيطة على شنوا الرسالة ديالي من خلال هاد المحتوى :
قناة "تعويضات كنوبس كمام" قناة متخصصة في التغطية الصحية (لامتيال) كنوبس وأيضا سنيسيس.
كنلقاو الصناديق تقتطع حصتها من المنبع، الطبيب ولا المصحة ولا المختبر كيتخلص كاش، او الحلقة الاضعف هو المنخرط اللي كيخلص رزقوا او خاصوا يتبعوا، او اذا اخطأ في شيء بسيط تضيع تعويضاته.
من هنا وواجبي كمندوب منخرطين (عن السككيين) كان لابد من التدخل من أجل تبسيط وتقريب الاجراءات من المنخرطين حتى لا يضيعوا في تعويضاتهم، ويستفيدوا لأقصى حد مم التعويضات الممكنة.
طلب للجميع، موضوع التعاضد (والتعويضات) موضوع معقد جدا، ونحتاج للتعاون جميعا من أجل توفير المعلومة وتصحيحها بما يخدمنا جميعا .
لنكن متخلقين في اختلافنا، واذا ما كان هناك ملاحظة بخصوص شيء ورد في المقاطع فمرحبا به، اقتراحاتكم، تصويباتكم، تشجيعاتكم، كلها مهمة للغاية من أجل صنع محتوى هادف ودقيق .
ملاحظة 1 : على اعتبار انني سككي فقد تجدون في بعض الأحيان حديث تفصيلي عن الخصوصية السككية، لكن هذا لا يمنع أن المعلومة عامة وتخص كل منخرطي كنوبس/كمام .
ملاحظة 2 : بمرور الوقت وبتفاعلاتكم، وتصويباتكم، وملاحظاتكم استطيع التطور اكثر، واعداد محتوى أشسع (يهم منخرطي كنوبس، امو تضامن، امو شامل، تأمينات تكميلية ...) وأكثر فائدة ودقة، لذلك أنتظر المزيد منها
ملاحظة 3 : اذا كنت تجد أن هذا المحتوى مفيد فساهم في نشره
=========================================
#تعويضات_كنوبس #تعاضدية_السككيين #كنوبس #تعاضدية #اومفام #موسح #طلبة #جامعة #omfam #mutuelle #CNOPS #mpsc #MGEN #MGPAP #MGPTT #amo #AMOE #etudiant #Faculté #oncf #CHU #طبيب _داخلي #INP #INPE

[@rachidadhaibi3808]

شكرا لك أخي طريقة الشرح رائعة ومفهومة الله يحفطك ويكتر من من بحالك

[@CNOPS_CNSS]

بارك الله بك

[@Channel-sm9on]

الله يرحم الوالدين شكرا بزاف للشرح الاكتر من الواضح

[@CNOPS_CNSS]

واليدينا او واليديك

[@AhmadGouram]

جزاك الله خيرا على هذا المعلومات

[@CNOPS_CNSS]

❤️❤️❤️

[@halima5604]

شكرا اخي على هاد المعلومة

[@CNOPS_CNSS]

على الرحب 🙏❤️

[@user-qt6kx4mv2t]

جزاك الله خيرا

[@CNOPS_CNSS]

على الرحب 🙏❤️

[@AmiroNafssi]

تحياتي لك اخي الكريم

[@saiddias8903]

شكرا أخي

[@CNOPS_CNSS]

على الرحب 🙏❤️

[@hamahama1354]

الله انورك

[@CNOPS_CNSS]

أمين بارك الله فيك

[@yassinait924]

السلام عليكم سي عبد الرحيم. شكرا جزيلا على هاذ المجهودات. واحد الطلب من فضلك، الى ممكن تخصص شي حلقة على التأمين الصحي ديال القيمين الدينيين التابعين لوزارة الأوقاف (الأئمة و المؤذنين..) ، عاد حولوهم للضمان الاجتماعي فهاذ الشهر، بعدما كانو عند سنلام . مازال محتاجين للتوضيحات خاصة التحمل الكلي للعمليات.. وجزاكم الله خيرا أستاذي الكريم

[@CNOPS_CNSS]

كنت يا اخي وجدت ليهم موضوع منين كانوا في سنلام، او كانت عجباتني بزاف التغطية عندهم لكن للأسف في بداية السنة داروا انقلاب غير مفهوم غادي نحاول نزيد ندقق المعلومات خصوصا في علاقتهم ب سنلام اللي بقات عندهم تكميلي ، او غادي ندير ليهم فيديوا خاص إن شاء الله

[@yassinait924]

نعم تماما حولوهم للضمان بدون توضيحات، او غايضيعو في نسبة التعويضات.. بالنسبة للتغطية التكميلية مابقاتش سنلام، دارو ليهم تأمينات الوفاء. شكرا جزيلا على الاهتمام وبارك الله في جهدك

[@CNOPS_CNSS]

@@yassinait924 خويا ياسين واخا تدوز عندي للايمايل [e-mail]

[@SASUKEYT-dv3kj]

اخي الكريم هدشي كاين ولاكن الناس معرفينش عندهوم امو ومكيستفدوش منو

[@CNOPS_CNSS]

إن شاء الله نحاول نقرب ليهم الموضوع اكثر حيث فيهم كاين واليديا كاين خوتي (انحاول ما امكن نبسط الامر باش يفهموه اكثر )

[@kawtarghanama4513]

سلام خويا انا درت عملية او كلينك دفعوا ليا pris en charge او قبلوه او دفعت راحة مشيت contre visite نهار تلاتا ء او دبا ملي قلبت cnss لقيت طلب مرفوض مفهمتش

[@CNOPS_CNSS]

مرفوض غالبا شي وثيقة ناقصة من كلينيك ، نتا ما عندك مشكيل هنا لكلينيك غادي يصلحوا المشكل او غادي يبان ليك مقبول

[@kawtarghanama4513]

شكرا

[@khadijaettaib722]

ANDNA 3AMALIA DIAL CHABAKIA DAYRA 180000 CHHAL RADIN NKHALSSOU DIAL FARK 3NDNA AMO TADAMOUN ET CHOKRAN

[@CNOPS_CNSS]

الثمن اللي قالوا ليكم ماشي بالضرورة يكون صحيح ممكن يكونوا زادوا عليكم او هنا كيكون المشكل المهم القاعدة كتقول انهكم تخلصوا 30 في الميا من الثمن الكلي ولكن شوفوا هنا باش تفهموا لقوالب او الخداع اللي ممكن تتعوضوا ليه kzbin.info/www/bejne/aH6YpXaHZpeeaLssi=OapLlAT9wEC7AGJX kzbin.info/www/bejne/gHutmauJaMefqNksi=PRBteXvc6-2usY6Z kzbin.info/www/bejne/qYnJgaBqhKmWgpYsi=HpwkCNskuTwZkGd2

[@salimireda8033]

السلام عليكم خويا بالنسبه لعملية الجلالة للواليدة شحال القيمة الحقيقة ديالها في المصحة الخاصه وشحال الفرق لي كتخلص في prise en charge شكرا اخي

[@CNOPS_CNSS]

شوف هنا شرحت الاثمنة و أيضا لقوالب اللي ترد لهم البال اللي شرحتوا على سنيسيس راه هو نفسوا ديال أمو تضامن kzbin.info/www/bejne/eHbRd6VrnbZ0eNUsi=TNjhrxQnHIXKxGsn

[@AbdoNaima-fs7ih]

السلام عليكم الله يرحم والديك خويا حنا تابعين للكنوبس السيدة عندي خاصها عملية درنا التحمل لكن طلبوا منا ما سموه complément ما فهمت والو وبان لي هاد السلوك ما شي طبيعي هل من توضيح في هذا الباب شكرا

[@CNOPS_CNSS]

غاد تفرج في هاد ثلثاثة الفيديوات شرحت فيهم كل شيء حول العمليات الجراحية غادي تفهم تا الكومبليمون او شحال قيمتوا اذا بقا عندك شي سؤال ولا شي حاجة ما واضحاش رجع عندي في التعاليق كل ما يخص العمليات الجراحية kzbin.info/www/bejne/aH6YpXaHZpeeaLssi=OUl8AFiAQL5e25Eg kzbin.info/www/bejne/gHutmauJaMefqNksi=piL8QpV6P1B_qHRT kzbin.info/www/bejne/qYnJgaBqhKmWgpYsi=EqF7Za4hFuG1nqyB

[@SimoMajd]

السلام خويا. بالنسبة لتقويم الأسنان للأطفال واش يمكن نبدل الطبيب بعد 6 أشهر الأولى و نكمل مع طبيب آخر و مايكنش عندي مشكل في التعويض. وشكرا جزيلا

[@CNOPS_CNSS]

بي صراحة اخي ما سبقش زعما بحث في هاد الموضوع ولكن كاين بعض المبادئ نتشاركهم معاك او نعطيك في تسول على بالضبط المعلومة المنظومة الصحية مبنية على حرية الاختيار (يعني من حقي نختار عندمن نتعالج ) في حالات ديال طلب التحمل ممكن نطلب عند طبيب او نغيروا لكن نعود نطلب تحمل جديد نتا الحالة ديالك غالبا منين ستافدتي من الدورة الاولى غادي يبقا عندك الحق في خمس دورات ، اذا بغيتي تبدل الطبيب غادي يخصك تدير طلب موافقة جديد بالطريقة اللي درتي في الاول او تدفع تا يوافقوا ليك عاد تبدا معاه لكن كيف قلت ليك تأكد من احد المصدرين اذا كنتي كنوبس : 0538002020 اذا كنتي سنيسيس : سير لشي وكالة او سول فيها شي مسؤول

[@Hhhhhh-nd8wn]

أخي انا طالب فلافاك و دار عندهم امو تضامن وش لبغيت نعمر ضراس لمسوسين نفد نستافد من شي تعويض

[@CNOPS_CNSS]

تستافد من كنوبس ديال الطلبة شوف هاد السلسة خصصتها للطلبة kzbin.info/aero/PLqdL1QLLA1N-T9ncVIwQa3icssnHAsW-T&si=-umb-NtE6CODX-4I

[@mohamedsdg42]

خويا عدنا عملية مليون ونص واش الا درناها وخلصنا ودفعنا غيرجعونا نفس تمن prise en charge

[@CNOPS_CNSS]

لا غادي يغريسيوكم الى خلصتوا كلشي ، تلقا العملية دايرة غير 7000 درهم او يغريسكم تفرج هنا ضروري غادي تفهم السرقات الة طلب العملية بي البريز او نشارج kzbin.info/www/bejne/aH6YpXaHZpeeaLssi=E1-dB77O9Jinjg8Q

[@abdellahbouali6588]

شكرا اخي العروسي على المعلومات القيمة .سؤالي سي العروسي هل عملية استئصال الزوائد اللحمية بالقولون بالمنظار فيها التحمل المسبق أعني بريزون شارج لأنني مقبل على هذه العملية أن شاء الله ،وقال لي الطبيب ليس فيها بريزون شارج .ارجوك اجبني ورحم الله واليك ، ويبارك لك في صحتك .

[@CNOPS_CNSS]

أغلب العمليات فيها التحمل الطبيب هنا غير بغا يدير ليك القوالب باش تخلصوا حيث عارف انه غادي يدير ليك الثمن أكثر مما يجب شوف هنا تفهم بعض قوالبهم او الرقم اللي غادي نخلي ليك ديال كنوبس اتصل بهم او سولهم على العملية على القولون كم التعرفة المرجعية كل ما يخص العمليات الجراحية kzbin.info/www/bejne/aH6YpXaHZpeeaLssi=OUl8AFiAQL5e25Eg kzbin.info/www/bejne/gHutmauJaMefqNksi=piL8QpV6P1B_qHRT kzbin.info/www/bejne/qYnJgaBqhKmWgpYsi=EqF7Za4hFuG1nqyB 0538002020

[@saidamarwa5247]

Kntmana tchra7 lina mz1 had 9adya dyal 3amalya mafhmthach ana 3ndi 3amalya ms machi mista3jla chno khas ndir awalan

[@CNOPS_CNSS]

راه عطيتك الفيديوات في التعليق الاخر فيهم التفاصيل كاملة

[@saidamarwa5247]

Fin mal9itooch

[@Worldnet4]

وحد الدواء غالي بزاف واش كيرجع Tegeline ou octagam طلبوه نعلقو فلكنينيك ؟

[@CNOPS_CNSS]

حاولت نبحث واحد الشوية الدواء اللي عندك عندوا علاقة بمرض مزمن ونادر الى ما كيتعوضش ممكن تديري اجراءات واخا كتاخد الوقت او تولي تتعوض فيه غادي تدير ملف مرض مزمن ، في حالة ما قبلوش او قالوا ما كاينش في اللائحة، غادي داك الساع تدير شكاية ل ANAM او بعد دراسة الملف ممكن يعتارفوا بيه منين يغتارفوا بيه راه الدواء وخا غير قابل للتعويض كتدير واحد الاجراءات اخرى او تتعوض فيه شوف هنا شرحتم لكنوبس ، او راه نفس الامر تا عند امو و سنيسيس kzbin.info/www/bejne/qXSaYamodql4a8U

[@Worldnet4]

@@CNOPS_CNSS اه مزمن ، واش فالوكالة د الضمان الاجتماعي يقولولي واش كيتعوض عارفين ايكونو ؟

[@AbdouOubrka]

سلام عليكم خويا عبدو سؤال: واش دابا الى خلصتي الفارق واش ممكن تعاود دفع تستافد من هاد الفارق لي خلصتي لا سينيسيس ؟

[@CNOPS_CNSS]

لا أخي، الى خلصت عليك سنيسيس صافي ما بقا عندك ما تدفع

[@AbdouOubrka]

@@CNOPS_CNSS اوكي شكرا بززاف

[@user-to5ut8nk6q]

خويا واش طبيب اسنان حتى هو يقدار يدير ليا بخزون شارج?

[@CNOPS_CNSS]

لا ما كاسنش التحمل في طبيب الاسنان الا في حالات قليلة هاد الحالات اغلبية هاصة بي الناس ديال كنوبس اما الناس ديال امو ولا ديال سنيسيس بشكل عام لا ما عندهمش غير هو اذا كانت شي حاجة غليا راه الاطباء كيديروا تسهيلات في الاداء

[@karimrogi1993]

بنتي تدربت فوجه ديلهة بغيت نديرليهة عملية تجميل فكلينيك واش نستفيد من امو

[@CNOPS_CNSS]

الى تجميل لا ما تستافدش شوفي شي جراح تقويم ممكن تحتاج لتقويم عظام الوجه، او هذا ممكن تتعوض عليه

[@user-bw3tc8ex4t]

اخي الكريم ولدي عندو ختانة وداخلة فيھا عملية عندنا لامو واش ممكن ندفعو ھاد لبرزوشارج

[@CNOPS_CNSS]

بلاتي لختانة بوحدها او العملية بوحدها العملية راه قابلة للتحمل يعني اه يديروا ليكم لبريز اونشارج لختانة ما غالياش شوف هنا سبق شرحتها kzbin.info/www/bejne/eXqQpqCbh9iKeqssi=5GEoih67_3rze8Nl العمليات بشكل عام شوف هنا باش ما تقولبش kzbin.info/www/bejne/aH6YpXaHZpeeaLssi=q1Xmtb-IbMQ56kf1 راه اللي قلتوا على سنيسي صالح ل AMO

[@mohsinkadorichouiyakh4156]

سلام عليكم خويا الله يجازيك بغيت نسولك انا درت ولدي التحمل المسبق لجزء من مصاريف العلاج فالكلينيك و تعطلوا مزال ما جاوبني عندو عملية ديال الخصية المعلقة

[@CNOPS_CNSS]

دخل شوف وضعية الملف في الموقع ، راه بعض االحيان المصحات كتعمدوا يرسلوا الوثائق ناقصين باش منين نتا تجي تدير العملية يقولوا ليك راه باقي ما جات او يشدوا منك الشيك شوف الوضعية في السيت او تاصل بي كنوبس يقولوا ليك المشكل بالضبط 0538002020

[@mohsinkadorichouiyakh4156]

دخلت خويا لقيت الملف رجعوه لمصلحة انا عندي امو تضامن

[@najinfisk1117]

واش إلا تسجلتي فامو تضامن تستافد مباشرة من العمليات الجراحية والولادة القيصرية أولا بعد مرور 6اشهر شكرا

[@CNOPS_CNSS]

مباشرة ، غير يقبلوك تبدا تستافد

[@hn3439]

واش امو الشامل فيه prise en charge?

[@CNOPS_CNSS]

اه فيه بحال جميع الناس ديال سنيسيس

[@soufianemrebto362]

انا دفعت دوصي ولكن رقم حساب دفعتولم وسجلتو من موقع ولكن ملي كندخول ن موقع كنلقه مزال مدخلش عندي رقم حساب في يمكن يرجعولي فلوس فهذ الحالة

[@CNOPS_CNSS]

كياخد شوية الوقت عاد يبان تأكد فقط في الايمايل واش رسلو ليك انك درتي طلب اضافة رقم الحساب

[@soufianemrebto362]

@@CNOPS_CNSS اه صفطولي واحد مساج ولكن كندخل نموقع كنلقا ديك موطع ريب خوي

[@CNOPS_CNSS]

@@soufianemrebto362 اه غير صبر واحد السيمانة او غادي يبان ليك تبدل

[@Cupworld-gi5vn]

واش امو تضامن تقدر تستافد من كلشي حتى لا بغيت نقاد اسناني

[@CNOPS_CNSS]

اه عندك تا السنان غادي ندير ليكم فيدوات على القضية كيفاش تعوضو

[@ayoubbouserg3440]

السلام عليكم ورحمة الله.انا خدام فالتعليم والزوجة ديالي داخلا معايا.ودابا جاتها فرصة عمل في القطاع الخاص وغيصرحو بيها ف cnss سؤال: واش مغاتبقاش تستافد معايا ف cnops غيحيدوها؟

[@CNOPS_CNSS]

اه غادي تولي عندها سنيسيس وبالتالي تخرج من عندك في كنوبس

[@rajawichichaoui5849]

بالنسبة للناس لي عندهم أمو الشامل . واش فالمستشفيات العمومية مكايخلصو والو بحال لي عندهم امو تضامن ولا كايخلصو ويدفعو الدوسي ل cnss . وشكرا جزيلا

[@CNOPS_CNSS]

لا للأسف امو الشامل بحال الناس ديال سنيسيس العاديين ضروري يخلصوا عاد يعمروا باش يتعوضوا غير في سبيطارات الدولة حضي ديما مع الطبيب يكون عندوا الرقم الاستدلالي Inp كاين بزاف ما عندهمش

[@arwaarij4681]

كيفاش نحضيو مع طبيب يكون عندو الرقم الاستدلالي inp ...مامعنى هذا ؟ وناس خاصها غير توصل لطبيب ويشرح لها ...عاد زعم تقدر تعرف وتحضي واش عندو ؟؟ مكرهناش خويا تشرح بالنسبة لامو الشامل ...وحاجة خرى واش للي عندو مؤشر طالع ضروري يطلب الاستفادة من امو ولا هما كيرسلو له وقتاش غيخلص وشحال ؟؟؟ وشكرا اخي جزاك الله خيرا

[@CNOPS_CNSS]

@@arwaarij4681 لا المؤشر الطالع نتي اللي غادي تسجلي في امو الشامل التسجيل من خلال موقع Ma cnss الطبيب كاين طرق تقلبي قبل ما تمشي عندوا او تعرف واش عندوا inp شرف هنا سبق شرحت واحد الحالة kzbin.info/www/bejne/rqCpoJ2satGcjZIsi=1Ugkohahs2n4wiAJ

[@mehdigaming7486]

بغايت نسولك عفاك واحد المشكيل دبا درنا العملية ديال الجلالة ف23فشهر 1وامو تضامن مخرجات حتال 29فشهر 1 واش معندناش شيء طريقة باش نتعوضو ولا مستحيل حنت الطبيب قال لينا ميمكنش عفاك جاوبني

[@CNOPS_CNSS]

لا للأسف ما يمكنش ، حيث تاريخ الاستفادة بدا من بعد العملية الطبيب عندوا الرباح ما تكونش عندك لاموا حيث ما يبغيش يدير الفاتورة اللي غادي تبعوا عليها ضرائب دبروا ليهم تنتوما لصقة يعطيكم الفواتير او اي ريال حطيتوه يعطيكم عليه تفاصيل

[@-Sara_official2023-]

سلام على سلامتك عافاك بغيت نسولك بشحال تيديرو العملية ديال الجلالة واش صعيبة عافاك راه خايفة

[@mehdigaming7486]

شكرا الله يسهل عليك

[@kawtaraz9127]

انا كنمشي مستشفى ابن سينا و عندي amo مبغيتش نخلص صندوق شنو إجراءات لي خصني ندير واش ندير فطوكوبي على شي وراق وشكرا

[@CNOPS_CNSS]

الى عندك اموا تضامن اه عندك اموا ولا اموا الشامل ضروري تخلص الصندوق ، او بعض الاشياء تقول ليهم يديروا ليك التحمل اوتخلص فقط الفرق (أي حاجة فاتت 200 درهم عندك حق التحمل )

[@kawtaraz9127]

@@CNOPS_CNSS صندوق فقط عليه 60 درهم ممكن نعطيهم بطاقة امو ومنخلصش هادشي لي بغيت نقصد و الش ندي معيا فطوكوبي ديالي وعلى اموا

[@CNOPS_CNSS]

@@kawtaraz9127 اه غير البطاقة الوطنية او ما تخلص والوا تعطيها ليه في الصندوق او هوا كيخرج ليك ورقة بحالي مخلص

[@kawtaraz9127]

@@CNOPS_CNSS شكرا بزاف الله يرحم والديك بالنسبه لدفعة تحاليل شحال باش عوضوني مثال شهر ولا شهرين

[@CNOPS_CNSS]

@@kawtaraz9127 سنيسيس سريعة 15 ولا 20 يوم يعوضوك

[@MariameAdam-sr8qb]

السلام عليكم عفاك انا تسجلت مع واليديا في دعم باش يستافدو وكنت غندخل مع راجلي فلاسينيسيس ولكن دابا ولا عندي امو تضامن واش نقدر نستافد في ولادة قيصرية في مصحة خاصة يعني بحال بحال

[@CNOPS_CNSS]

بلاتي هنا راه كاين تداخل راه فاش تسجلتي مع الواليدين اذا كان عمرك اقل من 21 سنة راك غادي يتدخلي معاهم اذا كنتي فايتة 21 سنة راه هوما تكون عندهم امو لكن نتي لا او غالبا هاد الشي اللي واقع ، راك داخلة مع الزوج ديالك في سنيسيس ، يعني كون كاع كني اقل من 21 فاش تبغي تسجلي معاهم اموا غادي يترفض ليك الملف لانك غادي تطلعي مسجلة مع الزوج اللي تديري دابا قلبي في التطبيق مع الزوج واش الحقوق مفتوحة عندك

[@MariameAdam-sr8qb]

@@CNOPS_CNSS الله يجزيك بخير اخويا شكراا بزاف على توضيحات

[@moradmr7982]

سلام خويا أنا خدام فالشركة مدة 3أشهر وشركة مديكلاريا بيا مي أنا باقي مذخلتش معايا الزوجة والطفل ديالي واش ممكن نستافذ من دعم الاجتماعي

[@CNOPS_CNSS]

لا الخدمة ديالك غادي تعطيك المؤشر طالع تسجل في السجل الاجتماعي والسجل الوطني او شوف المؤشر ديالك شحال غادي يجيك اذا كان اقل من 9,74 راه تستافد من الدعم على الابن

[@moradmr7982]

@@CNOPS_CNSS أنا راني خدام دابا في شركة مدة ديال 3 اشهر ولاكن كنت مزال ممسجلش الزوجة والطفل ديالي في اسنسيس ولاكن تسجلت في الدعم الاجتماعي وستافذت بغيت نعرف واش غادي نبقى نتخلص فالدعم ولا لا مدام ممسجلش معايا الزوجة والطفل في اسنسيس على حساب شركة مع انا مسجل مي الزوجة والطفل مزال مذخلتهمش مدة 3 اشهر

[@moradmr7982]

@@CNOPS_CNSS شركة مديكلاريا بيا أنا مدة 3 اشهر مي طفل والزوجة باقي مدخلتهمش معايا وتسجلت فالدعم وستافدت بغيت نعرف واش غادي نبقى نستافذ من الدعم مدام مزال مدخلتش الزوجة والطفل ديالي في اسنسيس على حساب شركة مع شركة مديكلاريا بيا 3 اشهر دابا

[@CNOPS_CNSS]

@@moradmr7982 لا الدعم غالبا غادي يتحبس ليك نتا في السجل الاجتماعي الموحد واش ديلاريتي الخدمة ولا لا ؟ خاصك تمشي تدير تحيين او تديكلاري الخدمة او لمرا او لوليد غادي تدخلهم معاك باش تجيك ديك 300 درهم ديال لوليد او باش يستافدوا معاك من التغطية الصحية

[@CNOPS_CNSS]

@@moradmr7982 شوف التغليق الاخر

[@marouanemst242]

خوية عبد الرحيم الواليد عندي عنود 3 لحيصات ديال شيميو في بمستشفى محمد سادس مراكش أمو تضامن عندو كالو ليه خاصك تخلص 3شهور عاد يتطلق ليك ودوا غالي الحصة الأولى شرينا ليه دوا بي 900dh من الفرماصيان عاد خلصنا في الصندوق ديال صبيطار دوا أخر 632dh وزيد تحاليل وسكانيرات أخويا كوليا شي حل راني تالف الله يرحم الوالدين

[@CNOPS_CNSS]

الله يشافيه او يعافيه هنا ماشي امو تضامن هنا عندكم امو الشامل او المشكلة هادا خاصك تخلص او تسنا 3 اشهر او اللي درتيه في ديك 3 اشهر لا يعوض غادي تشوف ليه المقاطعة رجع دير ليه تحيين لعل وعسى المؤشر يهبط او داك الساع تطلب ليه امو تضامن هادي في ساع يطلفقوا ليه التعويض او تتعالج في المستشفى مجانا (الى شريتي شي دوا تتعوض عليه )

[@user-jv3wl8mp3s]

السلام عليكم سماحلي اسي عبدالرحيم سؤال ديالي خارج على الموضوع ولكن اذا كان ممكن تفيدني الله يجزيك بخير انا عندي amo الخاص بالقطاع غير المهيكل السؤال، واش عندي حق نستفد من العلاج في المستشفى الجامعي ديال الدولة مجانا ولا كنخلص 30% ؟؟ كنتمنى تجوبني وجزاك الله خيرا

[@CNOPS_CNSS]

لا كتخلص 30 في لميا ، جميع منخرطي الضمان الاجتماعي كيف ما كانوا كيخلصوا الوحيدين اللي ما كيخلصوش هوما الناس ديال امو تضامن

[@user-jv3wl8mp3s]

@@CNOPS_CNSS بارك الله فيك وجزاك الله خيرا

[@AbdouOubrka]

خويا انا دفعت présente charge ف سبيطار شيخ زايد على ود الفتق دفعو 12000 وخلصت عليا SNSs 8400 لاحضت الفارق كبير 3600 درهم واش منطقي هدا المبلغ ؟ ولا نقلب فشي كنينيك اخر وشكرا

[@CNOPS_CNSS]

بالنسبة للثمن اللي قلتي راه 30 في لميا ديالك نتا هيا هاديك 3600 درهم المشكل اللي كاين هنا هو أنه لفتق العملية ما كاينش شي وحدة ب 12000 درهم ، كاين ثلاثة الاثمنة على حساب النوع والحجم الاثمنة اما 4000 ولا 6400 ولا 9600 درهم هنا حاول تتأكد ، او لبريز اونشارج راه فيها كيكون الثمن اللي غادي تخلص يعني شوف الورقة اللي فيها خلصوا أكثر من ذلك بدل لكلينيك

[@AbdouOubrka]

@@CNOPS_CNSS شكرا خويا عبدو الله يجزاك بخير

[@user-cc7ff1bi3m]

قلوب النصارى حنات يا لخراءف الاوقات

[@CNOPS_CNSS]

للأسف

[@user-pp4tp9xn4i]

خويا الله يرحم والديك بغيت نسولك أنا بديت لخلاص فلاسينيسيس نهار واحد فشهر خمسة وفآخر شهر سبعة عندي ولادة والمشكل هوا عرفت بلي معنديش حق نستافذ قبل متكمل تلاث أشهر جاوبني عافاك أخويا واش بصح منستافدش من العملية

[@CNOPS_CNSS]

للأسف ما غاديش تستافدي ضروري 3 أشهر ولكن ديري قضية حاولي تسولي في شي وكالة سنيسيس ، شوفي المدير الى لقيتيه

[@user-pp4tp9xn4i]

@@CNOPS_CNSS شكرا خويا على الإجابة الله يحفضك اوكي نسول المدير ٱنشاء الله

[@ilyavloge1831]

عافاك انا دفعت و راق ديال التعويض عن الامومة و التاريخ لي ولدت فيه هو 14 في شهر و لكن الشركة دارو ليا نهار 15 هو لي حبست فيه الخدمة للعلم انا علمتهم يومين قبل ما ندير العملية القيصرية واش يقدر يكون هدا هو السبب باش رفضو ليا الضوسي؟ واش نقدر نعاودو؟ نهار 25 في شهر كان رفض واش باقي ليا الوقت باش نعاودو و لا لا عافاك لما جاوبني

[@CNOPS_CNSS]

أه التعويض على الامومة خاصك تكوني باقا خدامة الشركة ما خاصهاش توقف ليك الاشتراكات باش تقدري تستافدي منها غادي تشوفي شي وكالة سنيسيس او سولي المدير ممكن يلقا ليك شي حل

[@user-bq4bb9wl5j]

السلام عليكم نسولك الله يرحم ليك الوالدين. الواليذة عندها عملية ذيال الجلالة عندها لامو واش تستافد من طلب التحمل

[@CNOPS_CNSS]

اه تستافد غادي تقول ليها تديرها بالتحمل عند كلينيك ولا سبيطار الدولة شوف هاد الفيديوا اي حاجة شرحتها للناس ديال سنيسيس راها هيا نفسها ديال الناس امو تضامن kzbin.info/www/bejne/eHbRd6VrnbZ0eNU&lc=UgwATrwwBI54ONt_B3t4AaABAg

[@profskls6463]

سلام خويا أنا عودي 21 سنة بغيت ندير سلك ديال اسنان تقويم وخدام عندي cnss وفاش مشيت عند طبيب قاليا يلا بيتي تعوض خاصك تكون قل من 16 سنة ونا كبر منها دب وش مكيناش شي طريقة نتعوض علما انه أنا عندي تشوه خلقي في فمي هو لي خلا ليا سناني عوجين والطبيب الجراح طالب ليا 20 الف درهم

[@soukaworld2502]

عندو حق خويا تقويم راه مكيتعوضش لي قل 16 عام حتا انا عندي مشكل كبير فمي بسبب مرض وحيدت فوق ركبت بريدج تقام عليا بجوح مليون دفعت ضوسي لول وتاني تحياد وعمارة رجعو ليا فيه 1300درهم عاد دفعت ضوسي ديال تعويض فيه 4500درهم ونشوف شحال يرجعوو ليا فيه لا كان عندك مشكل كبير خويا دير بريدج سيراميك لفمك عل اقل بتحياد وعمارة و..يتقام عليك فوق 8سنان بشي مليون ونص وعاد بتعويض داكشي يتقام عليك غا نص

[@CNOPS_CNSS]

الله يشافيك اخي فعلا ملام الطبيب صحيح كاين فقط حالة وحدة ممكن تتعوض ولكن فقط لمرة واحدة ب 1050 درهم على تقويم ستة اشهر شوف هاد الفيديوا هضرت وخا غير عابر على هاد الحالة kzbin.info/www/bejne/eJLWZKyqjdaMm6csi=0lQ3zWpgb3gPx-an

[@CNOPS_CNSS]

@@soukaworld2502 واحد المعلومة اضافية ليك وللأخ ايضا ردوا لبال سنيسيس كتعطي فقط 3000 درهم كحد اقصى في التعويض خلال سنتين شوف هنا سبق شرحت هاد لبلان kzbin.info/www/bejne/p5faZHepl6t6b5Isi=uNv9HJy56SAZtNAf

[@Omfatimaezzahra]

اخوي واش يمكن ندير العملية. تصحيح النضر مع العلم ان الطبيب طلب لي 180 الف ريال للعين الواحدة حيت عندي امو ومعرفتش واش يقدر الطبيب يقبل يدير لي العملية واش غنخلص عاد يرجع لي التعويض

[@CNOPS_CNSS]

بلاتي نتفاهموا هاد تصحيح النظر اللي غادي تديري عندوا علاقة باش ؟ واش غير الشوف ناقص ؟ ولا عندك القرنية المخروطية ؟ ولا عندك الجلالة ؟ يعني سولي بعدا اشنوا اللي عاطيك نقص النظر في كل الاحوال طلبي ليهم كيف قبت في الفيديوا يديروا ليك التحمل حيث بيه غادي يبان ليك الثمن ، واش الفرق اللي غادي تخلصي معقول ولا باغي ينصبوا عليك او حاجة راه ممكن تكون ما كتعوضش او تولي ضايعة في 180 الف كاملة سولي قبل ذلك

[@simoiceland6072]

خويا الله يرحم الوالدين. انا عندي amo مشيت كلينيك على حساب فتق. قالو لي عملية 160 الف ريال. ولكن قالو ليا غنخلص 72الف ريال. انا خويا لاحظت ان اقل من 70في المائة لي بغاو يدعمو بها . حنت في فديو ديالك قلت الي كانت عملية 160الف ريال خص تخلص48الف ريال. فيدني بنصائح الله يرحم الولدين

[@CNOPS_CNSS]

هنا زادوا عليك شوية لأنهم بغاو يكريسيوك قول ليهم ياك كنخلص غير 30 في لميا حاول تقلب على راسك في شي كلينيك اخر الفتق الثمن ديتالوا باش خاصوا يكون راه على حساب نوع لفتق او الحجم ديالوا نتا اللي يهمك ديما تخلص فقط 30 في لميا الى قريب ليك شيش كلينيك ديال سنيسيس سير ليه راهم كيحتارموا الاثمنة

[@simoiceland6072]

@@CNOPS_CNSS الله يرحم والديك خويا. غادي ندير لي قلت ليا ونطلب الله تيسر عندي الأمور. ربي يحفظك ويوفقك. وربي يشافني ويشفى جميع مرضى المسلمين

[@user-cc7ff1bi3m]

هدا هو الفرق بين النصارى والمسلمين

[@CNOPS_CNSS]

الله يصاوب

[@istafd]

*تحياتي سي عبدالرحيم..💜 أحدثك بصدق نهار 7 مارس درت عملية جراحية الفتق فأگادير، عندي أمو تضامن، المصحة دفعاتليا بريز أون شارج (6500درهم) تقبل خلصت ٪30 + 300درهم للبناج + 600درهم شبكة، والطبيب ملي غندير معاه موعد للعملية قالولي ضروري تخلص 1500درهم نوار بدون توصيل، شديت معاهوم فلهضرة فاستقبال وخلصتها معندي مندير ومغاديش نسمح فيها، ومع ذلك تكرفصت فالمصحة فليلة مابغانيش نعاس بكثرة البول حشاكوم.. ما رأيك صديقي فهادشي؟* 😥

[@CNOPS_CNSS]

البناج يعمروا ليك ورقة بوحدوا او يكون نهار او يومين قبل العملية، او غادي تتعوض كزيارة طبية ترجع ليك 105 درهم الشبكة غلاو عليك بزاف، الى كان لكلينيك اللي باعها ليك مزيان غادي نوريك كيفاش تعلق ايماهم قانونيا الطبيب هداك قصة أخرى، الى كاين شي كامرا في المصحة فين خلصتي راه مزيان حيث غادي تبع المصحة ماشي الطبيب ، خاص دليل أنك عطيتي المبلغ ، حيث الشكاية غادي يطلبوا ليك الوثائق غادي ترجع للطبيب او اللي خلصتي ليه 1500 درهم تقول ليه ترد ليا فلوسي ما تردها غادي نتابعكم او عندي تسجيل (خلعهم بيه واخا ما كاينش) كانت كاميرا قول ليهم شتوها ، غادي ندير شكاية عند وكيل الملك او غادي تجبدوا التسجيلات او دير بيهم شكاية عند anam بي هاد الطريقة kzbin.info/www/bejne/q2LTfJprh9-Vp6csi=qOSKzgiUI0rTGGGk الطبيب دير بيه شكاية للهيئة ديال الاطباء والطبيبات او دير شكاية حتى ل سنيسيس بأنك تعرضت للنصب من طرف المصحة منين غادي تحرك عليهم هاد لمجامر راه غادي يشدوا معاك الطريق او ربما يردوا ليك 1500 درهم

[@jihanea1240]

سلام عليكم أنا أمي كان عندها مرض مزمن 5 سنين وهي مريضة راها توفاة الله ارحمها ولكن المشكل كان مقبلها الأخت اديالي احنا دور اديالنا كنا نرسلوا لفلوس باهضة الان مكنتوحدوش بالمغرب امي كان عندها لسنيسس ورتاه من الاب اديالي الله ارحموا المشكل في كل عملية كنرسلوا خمسة المنيول هادي هي لقليلة في اي عملية عملتها الوليدة وهي عندها برزوا شارج او في خلل في صرقة المال من جهة اختي وزوجا انا محتارة الله اجازيكم بخير بغيت نعرف

[@CNOPS_CNSS]

هنا خاص تفاصيل اكثر باش نقدر نعرف حيث قلتي كتخلصوا او قلتي بريز اونشارج ؟ او واش الام كان عندها حساب بنكي ولا كتوصلها لفلوس في حوالة ؟ او ممكن نمن خلال تطبيق ma cnss تاعبعي هاد الشي كامل او تعرفي الملفات اللي تعوضوا او شحال تعوضوا او فين تعوضوا بغيتي نشوف معاك الامر رسلي ليا في اليمايل [e-mail]

[@jihanea1240]

تقدر ترسل ليا وتساب اديالك احسن

[@jihanea1240]

سلام اخي الله احفطك اعلي الرد امي عندها لمتيل cnss المشكل اختي كتقول باان العملية تقامت 5 اديال المنيول وانا عند بالي العملية هداك هو التمن اديالها لان الام كانت مريضة بالسرطان مالي سمعت اديووات اديولك حالوا ليا عقلي بزاف الله اجازيك بخير فأما اختي مكانتش كتوضح لينا والوا ميمكنش امي عندها لمتيل وتخلص هاد المبلغ كامل في العملية بانسبة لكانت برزو شارج مكتخلش هاد التمن كامل والمشكل ماشي ها عملية وحدة بزاف العمليات لداروا اكنا مقولبين احنا كنا كرسلوا ها لفلوس صافي معرفين والوا لبغيت تجوبني باش نعرف الله اخليك

[@user-ux5uj2pi5p]

سلام... عندي AMO واش عندي "الإختيار" نمشي لمستشفى ديال الدولة أو نختار كلينيك إلى بغيت ؟. أو مفروض عليا صبيطار الدولة هو الأول ❓️🤔

[@abderahimelhmaidi690]

بغيت نتصل بيك اخويا ممكن رقم هاتف ديالك

[@CNOPS_CNSS]

مرحبا على الايمايل [e-mail]

[@abderahimelhmaidi690]

@@CNOPS_CNSS معنديش اخي ممكن رقم هاتف ديالك

[@simoiceland6072]

خويا الله يرحم الوالدين. انا عندي amo مشيت كلينيك على حساب فتق. قالو لي عملية 160 الف ريال. ولكن قالو ليا غنخلص 72الف ريال. انا خويا لاحظت ان اقل من 70في المائة لي بغاو يدعمو بها . حنت في فديو ديالك قلت الي كانت عملية 160الف ريال خص تخلص48الف ريال. فيدني بنصائح الله يرحم الولدين

[@CNOPS_CNSS]

هنا زادوا عليك شوية لأنهم بغاو يكريسيوك قول ليهم ياك كنخلص غير 30 في لميا حاول تقلب على راسك في شي كلينيك اخر الفتق الثمن ديتالوا باش خاصوا يكون راه على حساب نوع لفتق او الحجم ديالوا نتا اللي يهمك ديما تخلص فقط 30 في لميا الى قريب ليك شيش كلينيك ديال سنيسيس سير ليه راهم كيحتارموا الاثمنة