Рет қаралды 9,501
စစ်အာဏာသိမ်းပြီးနောက် မြန်မာ့ဘောလုံးအားကစားကို ပရိသတ်အားပေးမှု သိသိသာသာကျဆင်းသွားပါတယ်။ အာဏာသိမ်းကာလအတွင်း ကျင်းပတဲ့ဘောလုံးအားကစားပြိုင်ပွဲတွေမှာ ပါဝင်ယှဥ်ပြိုင်တဲ့ အားကစားသမားတွေလည်း ဝေဖန်ခံရတာတွေရှိပါတယ်။ ဒါ့အပြင် ကပ်ရောဂါနဲ့ အထွေထွေအကျပ်အတည်းကြား စတာတွေကြောင့် နာမည်ရကစားသမားအများစု ပြည်ပထွက်ကစားဖို့ ပိုပြီးစိတ်အားထက်သန်လာကြပါတယ်။ အထူးသဖြင့် မြန်မာနဲ့ အနီးကပ်ဆုံးရှိနေသလို ဘောလုံးသမားစျေးကွက်ကျယ်ပြန့်တဲ့ ထိုင်းနိုင်ငံမှာ ကစားခွင့်ရကြဖို့ ကြိုးစားလာကြပါတယ်။ ထိုင်းလိဂ် လို့ အများသိကြတဲ့ ထိုင်းနိုင်ငံက ပြည်တွင်းဘောလုံးကလပ်စျေးကွက်ဟာ အာဆီယံမှာ ကစားသမားစျေးကွက်ကြီးတဲ့ အနေအထားပါ။ ထိုင်းလိဂ် ၁ ၊ ၂ ၊ ၃ ဆိုပြီး ပြိုင်ပွဲ ၃ ခုရှိတဲ့အနက် လိဂ် ၁ ကတော့ ထိုင်းနိုင်ငံက အကောင်းဆုံး ကလပ်အသင်းတွေစုနေပါတယ်။
ထိုင်းလိဂ်တွေကလည်း အာဆီယံကစားသမားခေါ်ယူခွင့်ရှိတဲ့ ခွဲတမ်းထဲမှာ မြန်မာကစားသမားတွေကို မျက်စိကျလာတဲ့အခြေအနေမှာရှိနေပါတယ်။ ဘာကြောင့်ပါလဲ။ ပြည်ပထွက်ကစားဖို့အတွက် မြန်မာဘောလုံးသမားတွေ အဓိက လိုအပ်ချက်တွေကဘာတွေပါလဲ။ ရုပ်သံမှာကြည့်ပါ။
#ဘီဘီစီမြန်မာပိုင်း #အားကစား #ဘောလုံး #ထိုင်း #မြန်မာ