ميمثلون الحسين الرادود ماهر الشبلي هيئه خدام الحسن المجتبى ع محرم الحرام 1444ه‍

_______________________________
|| للتواصل مع الحسابات الرسمية للرادود الحسيني ماهر الشبلي ||
●الفيسبوك || / alsheblyy. .
●قناة اليوتيوب || / @maher.alshibli
● قناة التلجرام
t.me/maher_als...
●الأنستغرام || / maher.alshe. .
●التيك توك||tiktok.com/@mahertok1
القصيدة ( ميمثلون الحسين )
الشاعر / #حيدر_محمد_الشمس
بسم حسين صاروا و العقيده
وهاي الناس عن دربه بعيده
بالسلطه فراعين
ميمثلون الحسين
هاي الناس عن دربه بعيده
…. 1
عنها ياتاريخ اكتب وادم الصعدت باسمه
ناس ماتعرف حسين وبري منهم ابو اليمه
ناس تشبه للحوافر هالزمن كامت تهشمه
المنبر رساله موثقه
تضل للاجيال اللاحقه
هذي الحكومه الآبقه
عليه مينحسبون همه
حتى لاتجي فد ناس بعدين
ويكولون شوفوا ربع الحسين
نكلهم احنه حاچين
ميمثلون الحسين
هاي الناس عن دربه بعيده
….. 2
والله لو يرجع حسين يشوف مثل الشمر وابشع
ومايكلوله ان اقدم لا يكلوله ان ارجع
بطونها انترست حرام شكثر ماتاكل متشبع
من ال اميه بيها رس
والنجس شيخلف نجس
ما أشبه اليوم بأمس
بالحك الباطل تقنع
صيت الراقصه من عدهم انضف
واقذر عاهره من عدهم اشرف
لاذمه ولادين
ميمثلون الحسين
هاي الناس عن دربه بعيده
….. 3
من يصير الشعب ضامي اعرف التحكم اميه
من يصير الشعب جايع سلك درب العبوديه
الصبح مَن ينلجم حلگه ينسرج ظَهره عشيه
عيون العداله لو غفن
عيون الظلم يستيقضن
وخد السياسي لو سمن
تضعف بطون الرعيه
لسان الشعب يمته نسمعه ينطُق
تره مخلوق مو بس للتذووق
ولو سكتوا الواعين
ميمثلون الحسين
هاي الناس عن دربه بعيده
…… 4
كان ياماكان زمره اتسلمت كرسي الرئاسه
منها وانشق الاسلام وصارت اعظم انتكاسه
الام سقيفه الاب يهودي الخلفه اشد منهم نجاسه
كرسي الحكم ماعافته
ابليس هو وزمرته
للان تحكم ترثته
لذا ملعونه السياسه
ومنهم يدعي مذهب تشيع
وهو ذيل لاصحاب التطبع
البالتطبيع راضين
ميمثلون الحسين
هاي الناس عن دربه بعيده
……5
ناس عدهم كلمة الله من بعد كلمة الدرهم
وهي متره بمتره باجر ولك اصحه المن تلم
وقاصة البواگ مشجب يجي يوم وعليه تهجم
محد على السلطه لبث
والحدث ينعاد الحدث
باجر مثل حزب البعث
انتو وجه بوجه يردم
ماميزتوا بين الخطأ والصح
ودرب حسين من الشمس اوضح
واللي عكس ماشين
ميمثلون الحسين
…. 6 الذروه
اذا ضل الصمت سائد محد اليعرف مصيره
وخاتمة كل المشاهد تره بالحلقه الاخيره
كون نتوحد عشيره وشيخها حسين العشيره
ياناس افيقو مالكم
مادامنه صم وبكم
ماينتهي هذا الحكم
كون تتحرك الغيره
بإصبعنا الصعد بإيدينا ينزل
لمشكلتك تره ماغيرك يحل
فلتسقط الطاغين
ميمثلون الحسين
هاي الناس عن دربه بعيده

[@nassrataloubaidi928]

ياحسين بضمايرنا صحنا بيك آمنا هاهي مبادئ الحسين كونوا احرارا في دنياكم أبطال هاهي رسالة الحسين الحقيقية

[@user-ve2dd1wq2f]

بطل بطل بطل بطل أموت عليك يا مله الله يوفقك دنيه وآخره

[@فاتنفاضل-ط7س]

فدوا اروح لهيج مجلس اللي صدك يأدي رسالة الأمام الحسين عليه السلام بكل مصداقيه الأمام الحسين عليه السلام ثورة ومبدأ وليس تمن وقيمه ولطم أفهمو أيها الناس عوفو تاج روسكم واحزابكم وارجعو لرب العالمين وللحسين الثائر ابن طويريج ❤

[@JassimAbdulameer]

السلام على الحسين وعلى علي بن الحسين وعلى اولاد الحسين وعلى أصحاب الحسين 😢😢😢

[@عليالزيدي-ض6ب]

من اجمل القصائد شاعر واديب الله يبارك بهكذا شاعر حقيقة من اجمل القصائد والله يبارك بالقاريء جداً ممتاز الله يبارك بيكم ويوفقكم عاشت ايدكم..

[@sondosalkinani9656]

موفق ملا ماهر قصائد مو طبيعية 🙏🙏🙏🙏💔💔💔

[@aliaa5566]

سبحانك اللهم وبحمدك، أشهد أن لا إله إلا أنت، أستغفرك وأتوب إليك، لا إله إلا الله وحدهُ لا شريك له، لهُ الملك وله الحمد وهو على كل شيء قدير =-=-=-=-=-- افلح من صل على محمد وال محمد =-=-----

[@user-ju7ew5iw6j]

أحسنت بارك الله بيك و بالشاعر المفروض يكون المتر هكذا مستواه يليق باسم الحسين وال الحسين

[@user-nx3yv3fq6s]

اَلسَّــــلامُ عَلَيْكَ يا اَبا عَبْدِاللهِ وَعَلَى الاَْرْواحِ الَّتي حَلَّتْ بِفِنائِكَ عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ وَلا جَعَلَهُ اللهُ آخِرَ الْعَهْدِ مِنّي لِزِيارَتِكُمْ ، السلام على الحسين وعلى علي ابن الحُسِـــــ﷽ـــــــــيَنَ وعلى اولاد الحُسِـــــ﷽ـــــــــيَنَ وعلى اصحاب ااحُسِـــــ﷽ـــــــــيَنَ

[@user-nx3yv3fq6s]

# صبـأّآٍْآٍٍْْآٍْح آٍٍْْآٍْلََـٍّخِــٍّيِّر🌸 صـبــأّح آٍٍٍٍْْْآٍٍْْآٍْ آٍٍْْآٍْلَأمًلَ🌸 صــــــــبــــأّآٍْآٍٍْْآٍٍٍْْْآٍٍْْآٍْح أّآٍْآٍٍْْآٍٍٍْْْآٍٍْْآٍْلَسِـعٌأّدٍةّ صــــــــبـــأّآٍْآٍٍْْآٍٍٍْْْآٍٍْْآٍْح🌸أّآٍْآٍٍْْآٍٍٍْْْآٍٍْْآٍْلَوٌردٍ..🌸

[@حسنحسن-ي8ف]

شاعرنا.رادودنا..مو.كل.لاحزاب..

[@user-gc3sx1dz8e]

أفضل قصيدة على المنبر الحسيني متعب لم يقتل الشاعر الرادود. والله كلمة حق بحق سراق الشيعة من لبسة العمايم وحكم العراق بعد ادم إلى الاجيال اللاحقة...

[@حسنحسن-ي8ف]

@@user-gc3sx1dz8e الشيعه.ليس.سراق...اريد.منك.تتكلم.على.المشاركين.في.الحكومه.من.الاكراد.والسنه..وبعض.من.الشيعه.عندهم.فساد.ليس.الكل.

[@user-gc3sx1dz8e]

@@حسنحسن-ي8ف حبيبي الاضافة في اللغة العربية تفيد التخصيص اي بعض الشيعة سراق وهي منطقية اي حكام الشيعة بعد ٢٠٠٣ سراق(ليس كل الشيعة سراق)،. الدليل الثاني راية الإمام الحسين في ميناء الفاو ٩٣ مليون دينار عراقي مدير فرحان الفرطوسي تابع إلى الصدر حرامي مشترك مع نور زهير اي مقتدى حرامي عمار حرامي المالكي حرامي الجعفري حرامي........ سلام

[@user-gc3sx1dz8e]

@@حسنحسن-ي8ف اما السنة والاكراد اقلية. الشيعة تدير الحكومة والمفترض نحن متسلطين عليهم. الواقع البارزاني هو من يدير الحكومة وهي صهيوني سارق للنفط البصرة لا يعطي دينار إلى الشيعة والمغترض يسجن ويسدد أموال النفط المنافذ وووووو، السنة حالهم كلام وكلام فقط ياخذون من البصرة أموال ويقتلونا ولا نحاسبهم حفاظا على مشاعر الخليج. النتيجة حكام الشيعة الدعوة والصدر وغيرهم سراق فقط دمى بيد البارزاني والخليج والإمام المفترض الطاعة أمريكا وبريطانيا.

[@Mustaf-nd9zd]

بارك الله فيك ملا ماهر الشبلي وربي يحفظ الشاعر حيدر الشمس النجفي عاصمة الشعائر النجف الاشرف

[@XcD-e4q]

ماهر والشاعر خير من مثل رسالة وشهادة الحسين انتم ثورة الحسين الصحيحة وترظي الله ورسوله والأمام لا تطبير وتشبية ومشي علجمر اللهم عجل لوليك الفرج والعافية والنصر... ثبت في الاعلى

[@hussaingamingg2g854]

رادود الحق والعراق ماهر الشبلي احسنت انت والشاعر 🤍

[@طالبالمحمداوي-ب7ت]

أفضل رادود حسيني يحجي واقع حال

[@أنيقبكلامي-ت8ز]

احسنت ربي يحفظك بحق الامام الحسين عليه السلام

[@user-lz3fc2sy5u]

صاحب القضيه الحسينيه الحقيقيه الرادود ماهر الشبلي وفقك الله

[@nasemalganem2745]

طيب الله انفاسك وحفظك بمحمد وال محمد لأنك صوت الحق

[@hussainjabar8240]

الله الله بارك الله بيك مثال عن المنبر الحسيني الحقيقي

[@mahdiali4859]

كم انت رائع من كلام ومن صوت ، جمعك الله مع الحسين ان شاء الله

[@ابوسجادالعبادي-ش4ذ]

الله الله ياصوت الثورة الحسينية الله يوفقك ويحفظك

[@وليدالخطيب-ل1ر]

طيب الله انفاسك انت والشاعر

[@Karrar-r5t]

ربي يحفظك مله ❤️

[@hassanabdullah1594]

طيب الله انفاسكم قصيده رائعه

[@أمجدفؤادعبد]

احسنت ملة طيب الله انفاسك

[@احلامضبابية]

عشتو 🌱

[@عباسالجبورس]

احسنتم موفقين

[@عليعلي-ت3ت7ن]

احسنت موفق انشاء لله

[@مهيمننيمار-ر9ح]

هاذ صدك منبر الحسين. عاشت ثورت تشرين

[@mohammedjoudah514]

ثورة تشرين بيها رقص ودعارة وتعدي على الحرمات ماتمثل ثورة الحسين

[@مهيمننيمار-ر9ح]

@@mohammedjoudah514 بله ما تنجب الرقص اشو كل العالم تكص حته بعض الزينين لئن بيهه اغاني وطينيه ودعاره ماكو بس عد الحزاب ومقتدى

[@احلامضبابية]

اتمنی ان تستمر في هذا المنهج من القصائد

[@طالبالمحمداوي-ب7ت]

أفضل رادود حسيني يحجي واقع حال