انا فشلت في امريكا ؟!

[@ELMODER]

انت انسان محترم وصادق وبتفهم اكتر من ناس اكبر منك بكتير وفعلا انت جدع انك شاب بعمرك وترك امريكا وحابب يعيش في بلده انت محترم جدا جدا انا لسه ناوي اروح ابدا حياتي في امريكا وفرجينيا بالتحديد وحشوف فيديوهاتك عشان استفيد منها وبس اخد الجواز الامريكي حرجع على بلدي فلسطين اعيش فيها

[@AbdoEltalawy]

بالتوفيق

[@3dlanddesign946]

وليه اختار الاصعب و عندي السهل كلها فرحة يومين بالاهل و بعد كدا تشوف الناس على حقيقتها هي دي مصر يا عبلة 😂😂😂😂😂😂

[@ELMODER]

@@3dlanddesign946 انا من رايك بس هوا خلص مش خسران شي معاه الباسبور الامريكي لو ما عجبوا الوضع في مصر برجع امريكا عادي

[@a.j1029]

شوف ياباشا, انا مقيم في امريكا وتحديداً نفس المنطقة اللي انت كنت ساكن فيها اللي هي ( Northern Virginia ) وانا جيت بعدك لاني متابعك من قبل ماجي امريكا,واستفدت من ڤيدوهاتك ولما وصلت امريكا في ٢٠١٨ جيت هنا معرفش حد ومش معايه فلوس اصلا لا كتيره ولا قليلة, رحت المسجد اللي هو ادم سنتر في ستيرلينغ وحضرتك تعرف المسجد ده ، وجزاه الله خير الشخص اللي مسئول من المسجد امام سوداني دلني على جماعة اجرو ليا غرفة ب ٥٠٠ دولار مشكورين, رحت اشتغلت في مطعم بيزا من قبل ماخد ورقي وكنت شغال الساعة ب ٦ دولار حرفيا, ومع ذلك ضاعت مني شهادة الثانوية العامة اللي ماكان عندي غيرها اصلا ، رحلت قدمت لامتحان GED ، اللي هي تعادل الشهادة الثانوية ، خلصت قدمت علي community college, خلصتها واخذت مجال السايبر سيكيورتي ، كل ده وانا شغال في المطاعم من توصيل لاوبرا, والان الحمدلله ليا فترة شغال في شركة من اكبر شركات التكنولوجيا وراتبي ولله الحمد من ست ارقام ، وبحضر للبكالوريوس علي حساب الشركة في نفس المجال الهندسي, انا اختصرت المعاناة المريت بيها في سطور ولكن اللي عايز اوصلوا للناس ، امريكا بلد للمجتهدين فقط وتديك فرصة انك تتعلم كويس وتحسن من وضعك اذا انت شخص مجتهد وكافحت في البدايات واستغليت فرص التعليم الجيد, ، اما غير كده لو فضلت تشتغل ساعاتك في الاشغال الهامشية وفضلت الراحة مش حتعمل حاجه وبعد فترة حتكره البلد باللي فيها بالذات لو انت في الولايات اللي تعبر غالية ، ومافي حد يجي يقولي انت يمكن ذكي وتحب التعليم اقسم بالله انا لمن جيت لغتي الانجليزية صفر حتى ماكنت اقدر اعمل اوردر لما اروح مطعم , ربنا يرفقك بس كلامك كلوا تناقص وانت شكلك ماقدرت علي امريكا وصرحت من نفسك في بداياتك لغاية موصلت للقرار ده وده من حقك طبعاً, بس يُعاب عليك كلامك بالصور دي عن استاذ محمود وعن المقيمين اللي زي حالاتنا, ايه الكلام البيئة ده اغتصبوهم ومعرفش ايه ؟ اتمني من اي حد يقرا تعليقي ده انو ماياخد التجربة الفاشلة دي ك عموم, وانت خلي الجواز اللي بدون خبره ولا شهادات ينفعك بقى

[@MrSauske98]

ماشالله تبارك الله

[@Unknown-zc1bq]

Bravo 🎩, Hello from 🇩🇿

[@mohammad.Du93]

قصتك جدا ملهمه

[@Mohamed-Elnahas]

God bless america♥️ انا عشت في اوروبا سنين و عايش في امريكا من سنين و فعلا مفيش اعظم من امريكا ! امريكا في حتة تانية عن اي بلد في الدنيا

[@mohamedaly6913]

ممكن اتواصل مع حضرتك انا مصري مقيم في السعودية وعايز اسالك حضرتك علي أمريكا

[@newdailyvideos1946]

امريكا اللي بتعظم فيها دي قتلت اكتر من مليون عراقي برئ من غير ذنب عشان تاخد بترولها وقتلت اكتر من ٤٠٠٠٠ الف بني ادم ف هيروشيما، بلدك دي قايمه ع دم الناس عشان تبقي زي مانتا شايفها كدا ، وانا مش رجعي ومتخلف ودماغي مقفوله انا بحب امريكا بس مش لدرجه التعظيم دا

[@alyalum2e_zza7z86]

@@newdailyvideos1946 ماهي علشان كده عظيمه فعلا

[@rayden1717]

حلفتك بالله و بمحمدً ان تجيبني ، انا عايش في اوروبا بقالي سنين ، و فزت في اللوتري ، بس متردد ، هل حقيقة امريكا افضل من اوروبا ؟ بالله جاوبني بصراحة

[@Mohamed-Elnahas]

@@rayden1717 امريكا افضل في الفلوس والاستثمار بس اوربا امتع كا فسحة وخروجات بس لازم تبقي جي عارف حتعمل اية دي اهم حاجة

[@ahmedsaber4953]

لا ياعبوده انتا الي عايش فمصر تانيه أو دماغك مغيبه أيهما أقرب ،،، أولا انتا مكنتش عاوز تسافر مكنتش سافرت ووجعت دماغ الناس الطموحه الي بتدور ع حياه أفضل فأمريكا ،، كافيهات ومطاعم جليم باي ايه الي نعرف ندخله ع الحلال من ديني القاعده هناك ياجدعان عايزه مرتب شهر كامل انا لسه كنا هناك فزياره من يومين ،، دليل فشل التعليم انك دارس حقوق ياعيني ولا شوفناك فمحكمه ولا حته خرابه روحت اخدت كورسين عااليوتيوب وواجع دماغنا بيهم وانتا ولا فاهم فيه اي بتنجان ، تعليمنا مبيأهلناش فعلا وحتي التوظيف فأماكن محترمه ورب الكعبه كله بالوسايط ،، نيجي عالمستشفيات انا واحد فمحيط بحيره ومنوفيه عشان ادخل مستشفى زي الناس محتاج مبلغ وقدره وللأسف برضه مفيش امكانيات يعني حتي الدكتاتره اخواتنا ملهمش زنب الفكره ان الطب عندنا متأخر بسنين ضوئيه عن أمريكا،،، سكن زي الي بتقول عليه دا عالبحر انا كشاب هدفعله ايجار الفين جنيه منين هو احنا فمصر مرتباتنا كام ،، ولا لو عايز بقا اشتري شقه مش هتقل عن نص مليون جنيه غير باقي الدنيا هتقفل المليون ازاي شاب فبدايه حياته يتحمل مبالغ زي دي وازاي النجاح الحقيقي هنا فمصر الي هو حرفياً كله بالواسطه والمحسوبية ياعبدو!!؟ هو من الواضح انك كسول ومش بتاع شغل ومدرستش فأمريكا ولا ركزت يومين ع بعض فمجال شغل فملقتش نفسك فالبلد فقررت انك ترجع الكونڤرتبل زون زي مبيقولو لأن أمريكا من الأول مكنتش ليك ،،، الخصوصيه فمصر فين بالشكل الي بتقول عليه دا انتا اكيد عايش فمصر تانيه غير بتاعتنا الخلاصه انا راجل متابعك من اول يوم فتحت فيه القناه والنهارده اليوم الي فقدت فيه واحد من متابعينك القدام بسبب خيبه ظني فيك وفي مصداقيتك والسلام عليكم ورحمه الله وبركاته تعديل صح* عيب عليك ترد ع استاذ محمود وطارق بالاسلوب المهزء دا وان حد اغتصبهم فالبلد وهما صغيرين والكلام البيئه دا

[@ahmedsaber4953]

@Sherif Seif يابرو اراهنك انه يكمل فمصر سنه واحده حتي ع وضعه دا

[@نرمينالشامي-و5م]

انت انسان ممتاز ربنا يوفقك وانت بتتكلم عن تجربتك انت انسان متصالح ومتسامح علشان كدة ربنا كرمك ووسوي في مصر أو في امريكا كلها بلاد الله ومتسمعش للانتقاد وكمل في طريقك ربنا معاك

[@عليالأمين-ذ4ب]

@@ahmedsaber4953 معلش ادخل اعلق عندكم .. الواضح أنه تعريفه للنجاح هو كمية الفلوس والفلوس عموما....!؟ اقسم بالله لو اخذ مليون دولار في بلدي ( بما يعادل عملت بلدي للشهر ) او اخذ عشر آلاف دولار في امريكا حفضل امريكا وبدون أي نقاش او شك أو تفكير .....اقلك اقسم بالله. القضية ليست بقضية فلوس ...القضية أعمق بكثير ومش قضية تكره بلدك او تحبها أو او ..

[@ahmedsaber4953]

@@عليالأمين-ذ4ب حقيقه والله فعلا

[@عليالأمين-ذ4ب]

@@ahmedsaber4953 للعلم هو يعرف ذلك جيدا لكن تشفعله انه عمل جنسية وشوية فلوس ويقبل بمستوى لا ينزل تحته في بلده ( انا لا أؤمن بأي مستوى في العالم الثالث.. حتى ولو كنت من عليت اليوم..يكفي كمثال لو يمرض فنان مشهور او وزير او رئيس او حتى ملك او او او ..اول طايرة وهو في مستشفيات لندن نيوورك و باريس ههه ) يعيش بدون جهد كبير ويقبل بمستوى في الخدمات انقص شويه ويعيش الرومانسية ..ههه

[@TipsNTripsii]

بص يا عبدو ، انا قاعد اسمع الڤيديو بتاعك عشان جميل انك تسمع لكل الناس ، رغم اني متفق مع ڤيديو محمود اللي رد عليك فيه ، بس انت وقعت نفسك في غلط كبير ، هو قييم التحربة كحد في امريكا و انكم الاتنين بتكلموا الناس عن نفس الشيء ، لكن ذكرك بكل احترام و قال انه بيحترمك لكن هو بيقيم الخطوة ، و ذكرك باسمك و يمكن لقب استاذ كمان ، انت كلمته باسلوب لا يليق و قولت في شخص و فقراء و عبودية و كلام كده لا يفترض تقع فيه لانك كبير ، تحياتي

[@KAREEM.SHEHATA.0306]

I agree 💯👏🏻

[@ahmedsaber4953]

محمود مين لو سمحت

[@TipsNTripsii]

محمود يعيد بتاع قناة Egy cast

[@ahmedsaber4953]

@@TipsNTripsii قله آدم وااله الرد بتاع عبدو عليه دا راجل محترم هو ولا طارق تيكو

[@zackbref5057]

لم يعجبني اسلوب عبده اطلاقا. لكن انا فهمت فكرته و هي بسيطة جدا . عبده ذهب لامريكا و تحصل على الجنسية و هي خطوة جيدة و في أثناء عيشه هناك اكتشف العمل اونلاين و رأى ان الدخل الذي يعود عليه من العدل اونلاين يسمح له ان يعيش حياة كريمة في مصر و دون تعب و اضافة الى انه في بلده التي يحبها و بين أهله . بالمختصر : - اذا كنت تعمل اونلاين و دخلك مثلا 3000$ . - اذا كنت تعيش بهذا المبلغ في أمريكا فستعيش حياة عادية لان هذا الراتب يعد عادي . - اما عشت بهذا الراتب في مصر فستعيش في مستوى احسن . - لكن الأخ عبدوا كي يبرر موقفه صور لنا مصر على أنها متقدمة و تغيرت جذريا و هذا منافي للحقيقة تماما . مصر اسوء منظومة تعليمية . مصر اسوء منظومة صحية . مصر اسوء نظام سياسي و قمع فكري و قمع للحريات و التعبير . و هي رائدة في السوء في عدة قطاعات و مجالات . ولكن هي بلده و في احباؤه و ناسه و ذكرياته و من حقه العودة إليها و الاستقرار فيها خاصة إذا كان عمله اونلاين و لايحتاج ان يتواجد في امريكا و ضغط الحياة الموجود فيها . - على كل حال لكل منا رأيه و يجب الرد بأحترام لأنه نقاش و صراع افكار و وجهات نظر - في الاخير شكرا للاخين على مجهوداتهما في مساعدة الآخرين و بالتوفيق للجميع.

[@qotbadel6972]

انا معاك يا عبده سؤال بصراحه تقدر تتنازل عن الجنسيه الامركيه انت ليه منجحتش في بلدك كل لي انت فيه من امريكا أليس كذالك امريكا ستظل متقدمه وأفضل من اي دوله

[@qotbadel6972]

@@aimnick9106 عبده مفكرنا هبل 😄😄

[@qotbadel6972]

@@aimnick9106 هههههه والله اني كلامك عسل أبعت رقمك اتواصل معاك

[@SOMEONE-bh7fl]

معاك ان ممكن تكون مصر خير (ليك) اكتر من امريكا بس متعممش بمعنى أن المواطن المصرى المتوسط بيقبض ٣ آلاف جنيه ده اذا لقى شغل و م بتكفى لكن فى امريكا الشغل متوفر جدا اه وبتطحن نفسك اه بس ده مقابل العيشه الكريمه اللى هتاخدها..ومينفعش تقارن الصحه فى مصر ب امريكا او التعليم لان مفيش مقارنه اصلا..ودى وجهة نظرى..ومحترم جدا وجهة نظرك..تحياتى

[@KAREEM.SHEHATA.0306]

I agree 💯👏🏻

[@صلاح-ش7ف]

النظام الصحه والتعلم في امريكا صحيح انه ممتاز ولكن نظامهم رأس مالي بحت وفوق منه غالي جداء👈 واغلب الامريكان ما يكمل الجامعه علي شان التعلم غالي👈وايضاء اغلب الامريكان يتعالج ويعمل في عمليات في كنداء لي ان العالج عندهم مكلف جداء متل التعليم وفي النهايه الله اعلم انا ليس مقيم في امريكا اتيت بيا كلام من ناس مقيم ومهاجره فيه

[@moesalah6175]

مع احترامي ليك متابعك من زمان وسكندراني هتطلع قريب بفيديو وتبتدي تتكلم عن الحاجات السيئة اللي هتحصل معاك ف مصر وهترجع امريكا تاني وبكرا تفتكر كلامي عشان شايفك للأسف ياعبده بتتكلم عن حاجات احنا مش شايفنها ياجدع ده انا حلمي ومستقبلي مش شايفة اصلا ف البلد دي ومسيري انشاءالله هسافر امريكا وهنجح بس مش هرجع كفاية احنا ولا عندنا حقوق انسان ولا حيوان حتي انا ههاجر عشان ابقي انسان بس مش اكتر عشان كدا هختار امريكا الوجهه اللي هكمل فيها حياتي ومستقبلي تحياتي ليك ياعبده واتمني من كل قلبي بجد التوفيق والنجاح ليك ف اي مكان وتحقق احلامك♥️♥️♥️

[@ShaimaNada]

كل اللي اقدر اقوله ربنا يوفقك للي فيه الخير ليك ..وكويس ان ليك اللي يخليك ترجع اي وقت ..ربنا يصلح احوالك

[@عليالأمين-ذ4ب]

معرفش تقيمكم ازاي لمعنى النجاح..النجاح ايه ..وحدوده ايه ..ولما انجح( حسبكم) هل هو ابدي او ظرفي او ماذا اصلا ..!!؟ انا شخصيا لما أصل لدولة مثل امريكا وأعمل إقامة او جنسية هذا في حد ذاته نجاح...لما اخرج من قارة اسمها القارة السوداء هذا في حد ذاته نجاح ..لما اطلع من دولة تابعة للعالم المتخلف البائس الثالث هذا في حد ذاته اختراق..لما افتح عيني مع الصبح واجد عمل سكن زوجة سيارة اكل.. كلهم مضمونين ده في حد ذاته انجاز وحلم يكاد يكون مستحيل في بلدانا....وانتي كلامي بمقولة مشهورة: الحقيقة دائما تؤلم من تعود على الأوهام... والسلام عليكم ورحمة الله وبركاته.

[@KAREEM.SHEHATA.0306]

I agree 💯👏🏻

[@hussameldinmansour720]

انا رايي تعمل الفيديو ده بعد سنه ولا سنتين كمان مرة وتشوف هتفضل على رايك ده ولا هتغيرة موفق فيما هو قادم .. ربنا معاك .

[@AbdoEltalawy]

ما هو ده اللي بغكر فيه احكى تجربتي

[@amirmohammed3869]

اتمنى يكون رأيك زي ماهوا .. بعد تعويم الجنيه والاسعار اللي بتغلى كل يوم والبلد في طريقها للافلاس . وبالتوفيق ان شاء الله .. انا حطيت نقطة اهه عشان تعرف اني كملت للاخر 😅

[@AbdoEltalawy]

الحمدلله في نعمة بفضل الله ❤️

[@NasserRady1]

على فكره محمود سعيد اتكلم عنك بكل خير وحاول يوصل الناس اللى عايزه تهاجر امريكا انها ماتخفش مهما كانت الزياده برضوا هيعيشو عيشه كريمه وبعدين البنزين 4 دولار للجالون يعنى اللتر بدولار كأنه جنيه فى مصر لانك بتقبض بالدولار ولو الدنيا زنقت مع الشخص فا بيقوله ممكن تشتغل ساعه زياده يعنى مفيش ازمه للرجاله اللى عايزه تكون نفسها وتعيش عيشه كريمه بس رد عليه فيه قله زوق منك الصراحه لان محمود شخص محترم وراجل كان مهندس ودلوقتى مستثمر وبعيد عن كل ده هو شخص محترم بشهاده كل الناس اللى فى امريكا على العموم من حقك تعمل اى حاجه انت عايزها بس متلعبش على مشاعر المتابعين اللى عندهم طموح ونفسهم فى حد يعلى من معنوياتهم مش واحد عايز يركب التريند ويعمل مشاهدات

[@ramyhandak8190]

احسنت وفعلا هندسه محمود مغلطش

[@AhmadAli-fy5bc]

منطق ضعيف للغاية، هل القوة الشرائية للجنية المصري لسلعة ما تساوي القوة الشرائية للدولار الأمريكي أو الدينار الكويتي لشراء نفس السلعة. ... المقارنة غير صحيحة حسابيا أو منطقيا. .. أي كلام في رغيف كما يقول الشعب المصري الشقيق

[@kkoo1675]

بتقارن دوله عظمي بزريبه ؟

[@ageniusone6405]

الله يستمحك والله ينتقم من الظالمين و يبعدهم عننا

[@naderemam2871]

شكلك ماشوفتش الكومنت بتاعى على الفيديو اللى فات فا هكتبهولك هنا تانى وياريت حضرتك ترد عليا وتشرحلى ليه غيرت كلامك ! _____________________________________________________________________________ فى بداية الكلام كدة انا مش جاى اهاجمك, بص انا اعرفك ومتابعك من ايام ما كنت بتنزل بوستات وبتطلع لايف على جروب (American Dream) ومن اوائل المتابعين ليك لما عملت قناة على اليوتيوب فيه لايف إنت كنت طالع فيه على الجروب بالتحديد يوم 22 /4/ 2017 , عايزك تسمع نفسك كنت بتقول ايه فى اللايف ده وبالتحديد اخر دقيقتين, كنت بتقول ان فى بلادنا مفيش أدمية وإن ابسط حقوقك انت مش لاقيها, والحقوق دى انت حصلت عليها فى امريكا, ولقيتها حاجة عادية هناك انك تحصل عليها (زى انك تتعلم كويس, تاكل كويس, زى انك تتعالج حتى لو مش معاك فلوس, زى انك تلبس كويس, زى انك تجيب عربية, زى انك شايف الشرطة فى كل مكان ومطمن) وإن اد ايه امريكا دى فيها أدمية لدرجة انك لما عملت الحادثة اتفاجئت بسرعة الإسعاف والشرطة والمطافى رغم انك مش معاك جنسية البلد وإن اد ايه امريكا فيها تقدم وفيها رُقي وفيها أمان , وان اد ايه امريكا دى جنة ربنا على الارض وانك بتنصح بيها ومش عايز حد يتردد انه يهاجر ليها وإن اد ايه انت صعبان عليك قرايبك وصحابك اللى فى مصر انهم مش عايشين اللى انت عايشه وشايفه فى امريكا , وإن لو فيه طريقه تقدر تجيب بيها الناس دى هتجيبهم ,فـا مينفعش تيجى دلوقتى تعكس الكلام وتوصل للناس اللى حلمهم الهجرة ان اد ايه امريكا وحشة ومش مناسبة وان اد ايه مصر افضل لأن ده مش حقيقى ممكن تكون إنت معرفتش تتأقلم او معرفتش تنجح هناك , لكن فى ناس هتقدر انها تنجح وتوصل , فا ليه تخليهم يخافوا لو جت لهم الفرصة ؟! ليك كامل الحرية فى أختياراتك وقراراتك اللى انت شايف انها هتبسطك , لَكن بلاش تضلل الناس وتصدرلهم الوهم أتمنى متاخدش كلامى ده على انه هجوم , خالص والله انا زى ما قولتلك ان انا من اوائل الناس اللى بتتابعك فا من حقى ان انا انتقدك, وبكل إحترام فى النهاية بتمنالك التوفيق فى إختياراتك وفى حياتك, وحمدالله على سلامتك ...

[@KAREEM.SHEHATA.0306]

I agree 💯👏🏻

[@AbdoEltalawy]

انا فعلاً قولت الكلام ده و هرد عليك باذن الله لك كل الاحترام و التقدير و شكراً لنقدك المحترم ❤

[@naderemam2871]

@@AbdoEltalawy ♥

[@AhmadAli-fy5bc]

تساؤلاتك كلها مشروعة وأعتقد أنني أستطيع الإجابة على بعض منها. .. أولا الأمر ليس له علاقة بتضليل الناس أو خداعهم بأي شكل ولكن الأمر مرتبط بفتح قناة على اليوتيوب وتسويقها بمحتوى جذاب للناس مثل السفر والهجرة والحياة في الغربة وما شابه ذلك .. وبالتالي المحتوى كان مرتبط بمدى انحذاب الناس له والمحتوى لم يكن مضلل او مخادع لانه كان مأخوذ من مصادر علنية ويمكن للناس الذهاب الى الانترنت بنفسها والتأكد من المعلومات بشكل مستقل. وتم تقديم المحتوى في سياق إيجابي ومحفز للناس بغرض تسويق القناة فقط والدليل على ذلك ، تجد الكثيرين يفعلون نفس الشيء بصور مختلفة ومتنوعة للأسف معظمها مزيف خاصة الكثير منهم يدعي بأنه كذا وكذا لتحقيق نفس الهدف وهو تسويق القناة. وتسويق القناة مرتبط بارباح مالية جزء صغير منها يأتي من اليوتيوب وجزء كبير يأتي من الاعلانات وهذه الاليه جعلت الكثيرين من أصحاب القنوات أن يقوموا بتوفيق محتواهم وتغيره للحصول على أكبر قدر ممكن من الاعلانات والمشاهدة والأرباح. .. هذا الأمر أصبح مجال عمل للكثيرين في كل مكان وأنه عمل مشروع وليس عليه غبار. . باختصار المحتوى المعروض في أي قناة هو محتوى يعكس فقط وجهة نظر صاحبها أو تجربته الذاتية ولا يعكس حقائق أو خارطة طريق للناس نحو النجاح. ..

[@naderemam2871]

@@AhmadAli-fy5bcاولاً : انا بشكرك على وجهة نظرك جداً ثانيا : المقصود من الكومنت بتاعى مش القناة او محتوى القتاة, المقصود من الكومنت هى نقطة واحدة, هى ان انا متابع عبده من زمان ومن قبل القناة وبالتالى انا شوفت وسمعت ان قد ايه هو كان شايف مصر بلد غير ادمية ومعدومة الامان ومكان لا يصلُح للعيش فيه, وإن هو شايف امريكا دى بلد فيها كل مواصفات الحياة الكريمة والأدمية وبينصح بالهجرة ليها, وبعد كدة يعكس الكلام 180 درجة, فا يخلينى انا كـ متابع ليه بحلم بالهجرة والسفر استغرب وابقى عايز افهم بس كدة هو ده كل المقصود

[@dragonsoul5760]

بدون اطاله وكلام فاضي..انت فشلت في أمريكا وارجع للمصر ولكن لا تبرر فشلك وتطلع سلبيات امريكا والخ وتعمل مصر جنه وما فيها مشاكل ......المختصر ما يحتاج تتكلم نصف ساعه وتبرر فشلك..انت فشلت في أمريكا ولا اعتقد راح تعمل شي قي مصر وراح ترجع لأمريكا وتبقى تدور في دائرة فشلك..انا لو من الحكومة الأمريكية اسحب الإقامة منك لانك غير محتاجه لها وابقى عيشك في بلدك حبيبتك ..لو انت صادق استغنى عن اقامتك او جواز او گرين كارد .. بدون ما تبيع وطنيات لتبرر فشلك..لو مصر ما فيها سلبيات ليس تركتها اصلا..قرات تعليق جميل واحد وصفك احمد موسى الصغير فعلا نفس التربيه هههههه...

[@الجنرال-د7م]

اتمني تتكلم عن تجربتك في الشغل بتاع امريكا اللي ممكن تشتغله من مصر عشان اللي مايقدرش يسافر يستفاد من. الموضوع و تمنياتي لك بالتوفيق 💗💗💗

[@mohammedahmed849]

كلامك غير صحيح مافيش تعليم ايوه فاشل الاسعار نار مافيش وظايف والبلد رايحه ناحيه الانهيار انتا شايف البلد ازاي ??? احمد موسي نفسه ماقلش الكلام دا 😏😏

[@ramyhandak8190]

مسخره

[@adamyeahy5331]

بكره ينصدم بالواقع ويصوت زي النسوان

[@mkhalid4083]

احمد موسي بس علي صغير👍

[@AhmedOsman.]

اية دة انا طلعت ف التيلفزيون 😄😄😄 حبيبي يا عبدو ربنا يديم المحبة بينا 💙💙 كويس انك عملت فيديو وضحت فيه كل حاجه عشان الناس تفهم وجهه نظرك 🤝

[@AbdoEltalawy]

حبيبى يا صاحبي ربنا يوفقك ❤

[@TipsNTripsii]

كلامك بقى عن الدنيا في مصر كانها زبادي في الخلاط انا مش مستوعبه بس تمام اوك 😂 Enjoy it 😁 بس انت بتقول ليه الباسبور معايا اسافر للعلاج ، متنزل المستشفى اللي جنب البيت يا اخي 😂

[@KAREEM.SHEHATA.0306]

I agree 💯👏🏻

[@ramyhandak8190]

هى حلوه المصرين مش ليه 😄

[@muhamedsabbah9316]

الفيديو قلب تتطبيل في الاخر 😂😂😂

[@daliaelghoul8391]

للأسف كلامك متناقض تماما عن آخر فيديو بقالي ١٦ سنه في أمريكا عندي ٣ أولاد ونفسي انزل بيهم مصر بس آخر فيديو ليك نفس إحساسي لما بنزل اجازة للأسف إنت رجعت تآني لأنك مش استحملت العيشه في مصر ودي مشكلتنا كلنا ربنا يوفقك لما في هو خير دايما

[@hamedyoussef9181]

مع احترامي الشديد ليك يا عبدو اقعد مش اقل من سنه ومر بكل المواقف اللي بيمر بيها الشعب وبعدين احكم براحتك و علي العموم انا مش ضدك ربنا يوفقك وتحقق كل اللي انت عايزو في اي حته ❤️

[@محمدعلي-ق9ع3ق]

للأسف حتى المصريين اللي سافروا إلي الخارج لا يتقبلوا ثقافة الاختلاف، أية المشكلة ان الراجل شايف سلبيات في أمريكا، أمريكا أسعارها وفواتيرها غالية جدا، العلاج والمستشفيات خراب بيوت، التعليم ليس كما تتخيلوا، والعنصرية متفشية سواء بشكل ظاهر او خفي، الأمان لا يوجد السلاح والمخدرات في كل مكان، لكن الايجابيات هي توفر فرص العمل فقط، واللي بيتكلم على العدالة ياريت يشوف قناة ياسر البحري. ولما مصر جهنم ليه بينتظروا اللحظة انهم ينزلوا اجازة فيها.

[@محمدعلي-ق9ع3ق]

@ahmed ayman اية طريقة كلامك دي، اطرح وجهة نظرك بادب، هو ده اللي اتعلمته من امريكا، ومصر دي ام الدنيا.

[@checkcheck4375]

انت مش فاشل انت ياعبده ناجح جدا والله. كنت عايز البسبور الامريكي وكان دا حلمك وحققته وبس وحمدلله علي السلامه

[@nadermoustafa464]

شوف انا واحد عندى ٦٠ سنة . منذ سنة ١٩٨٨ وانا رياح جاى . اولا ١٩٨٨ الى ١٩٩٧ السعودية رجعت مصر حبيبتى . ١٩٩٨ الى ٢٠٠٠ المغرب واسبانيا ورجعت مصر حبيبتى . ٢٠٠٢ الى ٢٠٠٧ امريكا ورجعت مصر حبيبتى . من ٢٠٠٨ الى ٢٠١٦ فى مصر حبيبتى الان فى امريكا . دايما مصر كبيرة جدا . لكن عايزك تجلس فى مصر خمس سنوات او عشر وبعدين نشجع الناس على العودة الى مصر . مصر الغالية الحبيبة . لو نظبط شوية كلوا هيبقى كويس . واحسن من امريكا . كلمة فى سرك . بينى وبينك . ابعد عن الجواز من مصرية . خلاص صفر الحكم انتهت المباراة . لا تسأل لماذا .

[@hhhhhhnh4240]

انا بحب دماغك بس متزعلش من كلامي انت حسستني ان مفيش سلبيات خلاص من كلامك زي ما في إيجابيات في سلبيات مصر

[@KAREEM.SHEHATA.0306]

I agree 💯👏🏻

[@AbdoEltalawy]

لا طبعاً في سلبيات بس الواحد بيعديها

[@hassannegmelden1753]

استاذ عبدالرحمن ... التجربة بتاعتك دي أنا عملتها من 5 سنين ونص وندمت جدا جدا جدا جدا أنا كنت شغال في السعودية وبعدين رجعت مصر في 2016 وكل اصدقائي قالولي بلاش تنزل مصر وانا صممت وكنت مفكر اني هعمل مشروع وهنجح في مصر ... وطبعا فشلت وندمت جدا

[@عليالأمين-ذ4ب]

الدنيا فرصة ..تضيعها من الصعب ترجعلك الصراحة .

[@AhmadAli-fy5bc]

@@عليالأمين-ذ4ب انا اتفق مع وجهة نظرك واحب ان اضيف أن الناس عموما تبحث عن شخص ما في الفضاء الافتراضي لكي تسير على خطاه بالحرف الواحد طالما وافق ذلك هواهم واحلامهم ولكن نجدهم يغضبون وينتقدون نفس الشخص لو فعل شيء ما لا يتوافق معهم . الواقع الحياتي يقول إن لكل إنسان طريقه المستقل في الحياه يمشيه بشكل فردي ومستقل وفي هذا المسار سوف يحتاج أن يعتمد على نفسه في اتخاذ قرارات حاسمة لمواجهة الصعوبات والتحديات والعقبات ولحظات الفشل. وفقا لذلك ، لا ينبغي على الإنسان الفطن أن ينظر ما يفعله غيره وينتقده على أمور لا يعلم تفاصيلها وظروفها. .. في الغالب، يبدو لنا من الظاهر أن الأمور تبدو غير منطقية وغير عقلانية ولكن لو عرفنا تفاصيل هذه الأمور ، قناعاتنا سوف تتغير بصورة كاملة. . مختصر القول التركيز على الذات وتطويرها وفق احتياجات الإنسان وقدراته وامكانياته أفضل ألف مره من محاولة تطبيق ما قام به الآخرين في ظروف أو مواقف تبدو مشابهة

[@عمروالمبروك]

ربنا يوفقك في ما هو قادم اي حاجه لازم هتلاقي التناقض مستحيل الناس تتواحد في الرأي بس التنمر ده داء في دم المصريين

[@_amal8002]

هو مش علشان حضرتك عملت حاجة الباقي معملهاش يبقى حضرتك غلط و هم صح ، ولا هم غلط برضو. و أكيد حضرتك مرتاح كدا لإن طبيعتك و شخصيتك مش بتحب الغربة. يعني أنا لما سمعت كلام الناس اللي بترد على حضرتك و أحترمت كلامهم و وجهة نظرهم. و برضو لما شوفت الڤيديو بتاعك دا أحترمت كلامك. و في الآخر شكرًا لتوضيحك لنا كمُتابعين رغم إنه مكنش فرض علشان أنت حر في حياتك و قرارك لكن شكرًا لتقديرنا. ربنا يكرمك و يحقق لك آمالك و يجعل لك النجاح في خطوتك الجاية

[@AbdoEltalawy]

اكتر كومنت راقي شوفته

[@inasnhor]

لجان إليكترونية هدفها فقط نشر الكآبة و الإحباط و السوداوية يا عبده-خصوصآ لصغار السن دي شغلانة بجد

[@amrahmed761]

انت عارف اكتر حاجة اكدتلي انك مش عايش في الواقع الي بيعيشه المصري بعيد عن الهبد في حاجات كتير هيا الدراسة اولا ان طالب في الدراسة دي وفي تانية ثانوي قسما بالله مدرستي الحصة الوحيدة الي بتتدرس فيها هي التربية العسكرية غير كدا اعتمادنا الكامل علي الدروس وبالنسبة للصحة انا المركز بتاعي مفيهوش الا مستشفي واحدة والله غير آدمية علي القطط والكلاب مش الإنسان انت لسه عايش باالدولارات الي معاك والباسبور الامريكي في ايدك يعني في امان فبلاش الهبد كتير والنبي ولانص مليان ولافاضي لما ناخد حقوقنا الأساسية الاول نبقي نبص للنص المليان

[@yuyy2927]

هل المكفوفين بيلاقو عمل؟ما هي المساعدات لدوي للاحتياجات الخاصه? اعمل موضوع خاص بهده الفي ة لانو ما لقيت ولا حد اتكلم عليهم حرام

[@themoderator334]

رد وقال متوفر ان شاء الله بتمنالك النجاح باذن الله

[@AbdoEltalawy]

متوفر باذن الله

[@mohamednageeb7432]

ربنا يوفقك عبدالرحمن

[@Kfdfhkofjobb]

يعني واحد عمل في أمريكا ٢٠٠ألف دولار أمريكي يبقى كده بنى مستقبله يبقى مفيش مشكله يرجع مصر يعمل مشروع أما واحد مش لاقي أي حاجه في بلده يبقى مفيش مشكله يسافر ويعمل قرشين

[@themoderator334]

ربنا يوفقك يا عبدو باشا والحياة تجارب جرب وعافر واجري ورا حلمك وخبط علي كل الابواب لحد ما توصل لباب حلمك في امريكا في مصر في اوروبا في افريقيا المهم اوعي توقف ولا تياس ربنا معاك ويوفقك ويقويك بتمنالك كل النجاح وكل الخير بالتوفيق بس في سوال اتسال في الكومنتات بالنسبة للمساعدات لاخواتنا من ذوي الهمم والعمل متوفر ليهم في امريكا اووووعي تنسي بالتوفيق ياغالي

[@AbdoEltalawy]

حبيبى ربنا يخليك على الكومنت الايجابي و اه العمل متوفر باذن الله

[@themoderator334]

@@AbdoEltalawy العفو تستاهل كل خير يا عبدو وبتمنالك كل الخير اهم حاجه اوعي توقف مهما حصل وفكر نفسك دايما there is no end until I win كمان ربنا بيحب الي بيسعي وبيجري ورا حلمه 💪👍

[@تيكتوك-ث5ف]

لا في مرتبات في مصر ١٢ الف و١٤ الف لسوقين معدات تقيله زي لودر حفارات وبلدوزر وغيرهم من معدات التقيله

[@toystory_7477]

أصل التعريض حلو اوي 😂

[@AdelAdel-hf1eh]

كلام جميل جدا.......تحياتي من مدينة وهران بالجزائر ❤❤❤👍

[@ashrafnabil9722]

الناس بقت ناااايس.. ومفيش تنمر ... داحنا لما بيحصل خناقه ودم الشرطه مبتجيش ... دا ف أمريكا لما طفله اختفت الحكومه كانت بتفتش البيوت إنما عندنا ممكن يبقي شايل ابنك ويتخطف برضو والحكومه متهتمش... المسأله مش مسألة فلوس بالنسبه للعايش هناك هي مسأله امان هوا نضيف ناس ناااايس عيالي يتعلموا كويس علاج كويس .. لكن انت سافرت علشان الدخل دليل ع ذالك انك لقيت ٤٥ الف ده مبلغ هنا وهتعيش بيهم ... مع كل احترامي هتلف الايام وترجع

[@rafatsukhni2943]

انت لو ما حصلت عالجنسيه عمرك ما ترجع لمصر ورح تنزل مصر كم شهر وترجع هون . لا تبزق بالصحن الي اكلت منو وبذكرك السنه الجايه رح ترجع اميركا 🤣🤣🤣🤣🤣

[@ormax8]

ابن ادم لا يعلم اين رزقه سواء كان في مصر او في امريكا او غيرها. قال سول الله صلى الله عليه وسلم لرجل اتى له وشكى حاله فقال له الم تكن ارض الله واسعه فتهاجرو . وحثه ع تغير المكان. يعني ممكن تكون ببلد وحالك واقف تسافر بلد رزقك يمشي هي الفكره ان رزقك هناك

[@AbdoEltalawy]

و نعم بالله

[@mahmoudraafat9534]

انا متابعك من زمان وشكلك راجل محترم بس متدخلش رهان ف ان العيشة هنا احسن من هناك وانت بتتكلم مع ناس عايشة هنا عمرها كلها وانت سايب البلد من سنين ومتعرفش عنها حاجه حتى لو انت كنت بتنزل اجازت عمرها ما هتبقى زى ناس عايشة ومستقرة هنا وعارفه اللى فيها كويس, لك الحرية فى كل حاجه ده أكيد ومحدش له حق يتدخل فى حياتك بس متنيمش الناس عن الحقيقة وتقارن دولة عالم أول بدولة عالم تالت ابداً ربنا يوفقك ويكتبلك الخير فيما هو قادم

[@tamermohaseb9582]

رايك يهمني ان شاء الله بعد سنه ربنا يدينا ويديك طوله العمر ان شاء الله

[@scarlow9409]

كلامك منطقي جدا 👍🏻

[@PLUS22003]

مصر بقيت كيووووت للدرجاادى 😂😂😂😂

[@hussameldinmansour720]

مثلا يعني

[@dalidamohamed2892]

اقعد ف مصر كده سنتين تلاته وهتغير رايك ياعبد الرحمن

[@KIRAx2000]

انت غلبان اوي بجد، كلام فاضي ولا يدخل العقل بجنيه اصلا، طريقه تفكير رجعيه مفيش فيها أي ابداع ولا استخدام قدرات العقل من الأساس ، وقرارات حمقاء مبنيه علي وهم ، والرضا بدونيه الحياه وفعلا والله عقليه الفقر ، ربنا ادلك نعمه ميزك بيها عن غيرك وانت رفصتها، ولو فاكر التطبيل للبلد هينفعك بكره تشوف.. وهتتصدم لما يزول الاهتمام اللي حواليك ،وترجع تركب اتوبيسات تاني

[@lewa369]

موفق ان شاء الله وكنت حاسس ان ليك خطة المهم ايآ كانت ربنا يوفقك استمر حبيبي عبده احلي شيء قولته والله بجد ال هو التسويق الاكتروني وانا كنت بفكر فيه وان شاء الله راح نتعلم منك لو نزلت فيديوهات جديد عن التسويق وان شاء الله ممكن استفيد منك يارب وربنا يصلح حالك وحلنا يااارب. اهم شيء النقطه زي ما قولت 😂

[@ahmedal-sayegh2272]

Disagree, but U R free

[@THEBEST-rv2ts]

عبده انت عايش في اسكندريه في المعمورة شارع ٢٥ ولا ايه ؟؟؟ انا من هناك اصلي

[@AbdoEltalawy]

المستشارين 25

[@THEBEST-rv2ts]

@@AbdoEltalawy لما انزل هزورك انا في دبي حاليا

[@AbdoEltalawy]

@@THEBEST-rv2ts ان شاء الله

[@mohamedhafez5469]

سوإل ي عبد الرحمن انت بتاخد الجواز السفر بتاع المريكا بعد الجنسيه ولا قبل الجنسيه يا ريت ترد عليه

[@AbdoEltalawy]

بعد الجنسية طبعا

[@omarkhairy3540]

يا جماعه هو بيتكلم على مصر ولا على فيينا 😅

[@AbdoEltalawy]

Egypt

[@walaamoustafa6469]

أمريكا احسن من هنا طبعا

[@user-qv6eq7xz5i]

..انا عايش في امريكا صارلي سنين اقسم بالله كلامك صحيح جدا ..وانا تارك امريكا قريبا باذن الله..جزاك الله خير

[@khaledfayed7199]

Inspiring video .. very well done.. best regards 👍

[@nourhan7780]

مصر حلوة؟...مصر عظيمة لكن جزء كبير من شعبها حرفيا بيدمرها ودا على مرأى الجميع..مفيش تنمر لكن في نفوس مريضة كتير مليانة عقد وبتخرج عقدها على كل حد واي حد..في مستشفيات كويسة لكن خلينا متفقين ان المواطن ملوش قيمة يعني عادي جدا بوسطة انجحك واخليك دكتور كبير في مستشفى "محترمة" مش مهم بقى عندك علم يأهلك تبقى في المستشفى "المحترمة" المهم تبقى الدكتور الفلاني اللي بيشتغل في المستشفى "المحترمة" التعليم بدأ يتحسن مش هنكر لكن لسة في البداية والتعليم قبل دلوقتي كان نظامه لأ يتماشى مع كل الطلاب ومفيش فئة واعية من التربية والتعليم بتوعي الطلاب وبتساعدهم يكتشفوا نقاط القوة والضعف كان نظام واحد اللي النظام دا بيمثل بالنسباله نقطة من نقاط القوة هيبقى ناجح واللي بيمثل بالنسبالة أحد نقاط الضعف ومش فاهمه ولا قادر يتعامل معاه يبقى فاشل مالوش مستقبل بالنسبالة للخدمات البسيطة اللي المفروض تبقى متوفرة حوالين اي إنسان هتلاقيها عالية جدا في أماكن ومتدهورة في أماكن فا عشان تلاقي الخدمات الطبيعية لازم تسيب المكان اللي في خدمات متدهورة مع إن اللي هنا واللي هناك بشر وعندهم نفس الإحتياجات لذلك جزئية الخدمات غير متزنة وبالنسبة للمصالح الحكومية مش علطول هتبقى واقفة ومش علطول هتبقى ماشية لكن في أساسيات مفقودة زي توفر المعلومات أونلاين وتحديثها أول بأول..بعض الموظفين غير ملمين بجميع المعلومات اللي بتتطلبها الوظيفة مش علطول في نظام جزء مش بسيط في تخليص المصلحة بيعتمد على الرشوة أحيانا هتحتاج تروح وتيجي كام مرة ودي مش الكل يقدر عليها من الآخر مصر ولا اي بلد تعاملك كإنسان وتوفرلك فرص؟ بكل بساطة الأمر يرجعلك بس في رأيي الشخصي الإتنين قضي جزء من شبابك في بلد تعاملك كإنسان وتوفرلك فرص أيا كانت البلد ..كون نفسك..خلي ليك مصدر دخل سلبي حلال برا البلد وأنزل بلدك عيش ومصر تستاهل إن يتسابلها بلاد دا بالنسبة لعمل دخل في الخارج لكن بعد توفر العمل أونلاين والقبض بالدولار مبقتش مضطر تسافر إلا لكماليات زي دراسة شئ عندك شغف بي يحتاج جامعة..او إكتشاف ثقافات جديدة..تقضيه إجازة مختلفة..تغير جو..إلخ

[@mohamedkhalil7857]

نقطه بس كفايه انا. شهرين ونزلك اسكندريه عشان نشوف التطورات اللي حصلت وكمان عشان وحشتني .............

[@AbdoEltalawy]

حبيبى ربنا يخليك و ان شاء الله اشوفك على خير ❤

[@ggaygfs2712]

الامر حرية شخصية ، ممكن تكون نجحت بزيادة لدرجة بقيت قادر تعيش في مصر بمستوى جيد، وانا لم اتوقع فشلك بس ازاي الراجل رجع من 10 سنين مصر وسلم على ترامب مع ان ترامب ما بقالوش 10 سنين

[@AbdoEltalawy]

سلم عليه في ايفنت لرجال الاعمال قبل ما يكون رئيس

[@ah.f.elkassem2818]

ي سيدي ربنا يوفقك بس الكوالتي للحياه افضل مليار مره ف امريكا

[@Mohamed-bf6ug]

هتندم ندم السنين

[@mahmoudramadan9043]

استاذ عبدة ممكن حل لمشكلة الضامن

[@98.Shaban]

😂😂😂😂😂 هو فعلا عندو عقده وهو صغير اقسم بالله بلدنا حلوه

[@muhamedsabbah9316]

يعني والدك ووالدتك لسه في امريكا ؟؟

[@AbdoEltalawy]

بالظبط

[@muhamedsabbah9316]

علي العموم كل واحد وله ظروفه بس انا لو والدي ووالدتي معاي في امريكا عمري ما كنت ابدا افكر في النزول لمصر !!! ربنا معاك

[@AbdoEltalawy]

@@muhamedsabbah9316 هي شخصيات و حالات

[@hossil6729]

مافيش مشكلة تقعد في امريكا تقعد في مصر انا مش شايف مشكلة عادي يعني

[@AhmadAli-fy5bc]

النجاح أو الفشل هو مسألة نسبية ويختلف مفهومه من انسان إلى إنسان آخر وهذا الاختلاف النسبي يشير إلى عدم صحة المقارنات والمعلومات والنقاشات التي تحاول إثبات النجاح أو الفشل أو إثبات العكس. وعندما يتكلم الإنسان عن النجاح أو الفشل في مرحلة ما في حياته، فهو يتحدث عن تجربه ذاتيه التي تشمل الجانب العاطفي والفكري والنفسي منها ويشاركها مع الاخرين لتبادل الخبرات الحياتية من وجهات نظر مختلف . هذه التجربة الذاتية ليس بالضرورة تتوافق مع الآخرين أو قناعاتهم أو مسلماتهم الفكرية . عبد الرحمن شخص رائع ونواياه طيبه في مساعدة الآخرين بما يعرفه عن الحياة في امريكا منذ قدومه لها منذ سنوات ويستحق التقدير والثناء من الجميع، شخصيا أنني فوجئت بظهور بعض الأشخاص بعمل حلقات تنتقده بشكل مستتر بخصوص موضوع العودة إلى الوطن أو حلقات تحاول إثبات المعلومات التي يطرحها خاطئة من خلال الإيحاء بأنهم مقيمون في أمريكا سنوات طويلة ويحملون أكبر الشهادات والخبرات المهنية التي لا يمكن التأكد منها. والغريب انهم يستخدمون ذلك للحصول على مصداقية أعلى وإثبات أن معلوماتهم أكثر دقة أو أكثر عمقا من المنافسين لهم على الساحة. مختصر القول أن كافة المعلومات متاحة على الانترنت ولكن المشكلة في فهمها بشكل صحيح والتأكد منها ومن صلاحيتها للمتلقي بشكل خاص.

[@AbdoEltalawy]

انت شخص ذكي جداً ❤❤

[@AhmadAli-fy5bc]

@@AbdoEltalawy شكرا على ذوقك والسماح لنا بالتعليق عندك

[@beshrahmed8507]

انت عايش فين في اسكندرية

[@AbdoEltalawy]

طوسون

[@احمدمحمد-ح1ص6ش]

كلامك متناقد جدا ومعظم الي بتتكلمي فيه عن مصر مش موجود

[@karemhussien]

فيديو تحفه يا عبدو و بجد كلامك محترم جدا و عاجبني فيك الطاقه الايجابيه الي انت بتتكلم معانا فيها ❤️✌️ بالتوفيق يا صديقي و تحقق النجاح الي انت عايزو في مصر ❤️🇪🇬

[@AbdoEltalawy]

حبيبي يا صاحبي ❤

[@mohamedmegahed3604]

عاوزين تجمع في اسكندرية

[@AbdoEltalawy]

لازم ❤❤

[@adamyeahy5331]

انت مغيب يا حبيبي ومش فاهم حاجة للاسف وبكره تشوف

[@-mostafaeldmarany1190]

بمناسبه الإسعاف اللي بتيجي ف وقتها انا والدي كان تعبان جدا و المفروض انو يعمل استرة و دعامه ف القلب فجاءة تعب جدا بليل كانت الساعه ٢ و اتصلنا ب الاسعاف عشان يخدونا المستشفي المهم بعد ساعتين الاسعاف جت اخيرا و كل شويه نتصل بيهم يقولو ايوا احنا ف السكه و كنا بليل جدا يعني الشوارع فاضيه و مفيش زحمه ولا اي حاجه و بالمناسبه احنا ف اسكندريه بعد م جت الاسعاف سالونا مالو قولتلهم عنده كذا كذا و المفروض هنروح مستشفي معينة المفاجأة بقا قالولنا احنا مش الشيف بتاعنا ف المستشفي دي و مش هينفع نروح ولو روحنا مش هيرضو يدخلونا من باب المستشفي اصلا بتوع الاسعاف بيقولو الامن بتاع المستشفي مش هيدخلو عربيه اسعاف من باب المستشفي 😂 و اصلا المستشفي مش بعيد عننا دول هما ١٠دقايق و هنوصل و سبونا و ميشيو بعد م فضلنا مستنين ساعتتين

[@ShaimaNada]

نفس اللي حصل مع اخت زوجي حرفيا وكانت مكسورة وعندها كانسر ...قعدت ساعتين مابنحركهاش على ارض الحمام علشان البهوات يشرفوا..احنا بقى كنا وقت الحظر بتاع الكورونا في القاهرة ومرفق الاسعاف كان جمبنا كمان..لك ان تتخيل يعني ايه ساعتين في الحظر يعني مافيش نملة ماشية في الشارع وجمبنا ..ربنا ينتقم منهم

[@tariqmohammed6205]

بتزعلك كلمت يا فاشل طب يا فاشل يا فاشل 😂😂😂😂

[@AbdoEltalawy]

😂😂😂😂😂

[@mahmoudfl5097]

وحش يا عبدووو أحلا رد 😍😍😍😍😍😍

[@AbdoEltalawy]

حبيبى ياريس ❤

[@98.Shaban]

اضرب يابن جهتي الكلام علي محمود سعيد ومعجبنيش والله أنا امنيتي اوصل للي انت في الله يحفظك

[@AbdoEltalawy]

ربنا يوفقك يارب و توصل لكل ما تتمناه من اهداف ❤❤

[@plantsvszombieshack7531]

انسان ناجح انت تحياتي الك من العراق 🇮🇶

[@AbdoEltalawy]

تحيا لاهل العراق الكرام ❤

[@جلالالديب-ح4و]

المشكله بقا ياعبد الرحمن ان في عيال متلعطش من البيضه ١٤ و١٥ و١٦ سنة. يقولك انا تعبان وانا قرفان وانا مش لقى نفسي وهو لااشتغل ولا شاف حاجه وفي ناس ذي حالتي عندهم ١٨ سنة ذيي وحبين يخلصوا تعلمهم ويجربوا حظم لو نجح في بلدة خيرا وبركة ولو منجحش في بلدة ساعتها يسافر

[@AbdoEltalawy]

لك مني كل الاحترام

[@جلالالديب-ح4و]

@@AbdoEltalawy حبيبي الله يخليك دة من زوق ♥️

[@amrahmed761]

١٨سنة لسه في البيضة برضوا يابيضة

[@جلالالديب-ح4و]

@@amrahmed761 خليك في حالك يا حبيبي

[@amrahmed761]

@@جلالالديب-ح4و بنعرفك انك لسه في البيضة برضوا

[@MrHassanboys]

كل حاجه فلوس ياسطا في مصر

[@mohammedalhamamy]

ذاكر يا عبدو برمجه وتعيش برنس

[@boba52598]

بحترمك جدا وبالتوفيق ليك فمصر .

[@mohamedhafez5469]

مصر ام الدنياا

[@boodyhatem5756]

بالتوفيق ان شاء الله

[@A.KH747]

.

[@hosamhmedeh6470]

زينة العقل الله يفتح عليك ويهدي الجمسع

[@ziad9407]

أنت شاب من وسط مليون اللي حابب البلد و شايفها حلوة و مشفتش منها حاجة وحشة

[@ahmedbadi1325]

بالتوفيق اخي عبدو