Рет қаралды 24,227
بمناسبه زواج : عبدالله بن محمد بن فيحان بن شعفه ال خميسه
كلمات الشاعر : محمد ابن مانع ابن صنيج ال خميسه
اداء المنشد : محمد ال نجم
كلمات الشيلة :
يالله ياللي ماعلى غرّاتنا غيرك رقيب
انت الولي اللي على عرشك ولا غيرك ولي
ياغافر الزلات جرني من عذابك يامجيب
ولاتجازيني ياعلّام الخفايا بعملي
شرد القرايح لابدعت القاف لبداعي اتجيب
اختار في ندّر بنات الفكر وانقض وافتلي
اطوع الابيات والعبها على الطّرق الصعيب
واقوم في شان ابن عمي قبل مايندب علي
عبدالله اللي في الوفاء والطيب له ساسن عريب
من روس ربعي درع جنبي والحزام الممتلي
يبو محمد وانت تجمل جعل لك حظ ونصيب
والطيّب اللي مثلك وشرواك همه ينجلي
يامرحبا باللي تعنّو من بعيد ومن قريب
في حفل عبدالله نرحب باسم ابن شعفه علي
شيخٍ على هقوة بني عمه يطيب ومايخيب
باسمه نرحب بالضيوف اللي علينا تقبلي
زعامته على شداد دون شك ودون ريب
من ورث ابوه اللي كسبها في الزمان الاولي
عبدالله اللي طيب ذكره في المجالس مايغيب
يالله عسا له في جنان الخلد دار ومنزلي
يامرحبا وعداد مالاحت بروقه من مغيب
بضيوفنا والبنّ في الرسلان يطبخ ويغلي
نقوم في الماجوب ونقدم على اهل الطيب طيب
ذا فالها وعقالها سنام مفرود وطلي
ترحيبنا سلمن يصان وحن هل السلم التعيب
على النقاء سلمن بيبنّى بالوفاء مايجهلي
عوايد ال خميسه ربعي ملاذ المستصيب
لاهل الوفاء تجمل وللعدوان شرّن منزلي
ذيداننا ماحن نقرعها من القفر العشيب
ترعى بهيبة وسمنا المعروف بالقاع الخلي
في ضفّنا تشرب قراح الجم وتلز الشريب
تدحم على مطوية المعطان ماتستجفلي
حنا ال سعد حنا الجحادر حن مدلهة الغريب
في نجد لنجد قد حكمنا قبل حكم الفيصلي
قوم ابن هادي وابن هادي نور مجده مايغيب
يبرق على سطح النجوم المدبحات الزحّلي
من حل في نجدن يسوق المال له غصب غصيب
اما سلاحن يدفعه ولا حصانن يصهلي
شيخ قحطان اللي يفكون الطليب من الطليب
وقفاتهم يفرح بها المضهود لامنه بلي
ولا على كل القبايل زود وافهم يالبيب
وختامها صلوا على وجه الرسول المرسلي
..
للتواصل والاستفسارات :
الحسابات الرسمية لـ منصة بصمة الابداع .
Official Whatsapp :
الرابط محادثة الواتساب المباشر :
wa.me/message/...
+966562778026
Official Snapchat :
/ a_thane2
Official Twitter :
/ a_thane2
Official Instagram :
/ a_thane2
ـــــــــــــــــــ