ظنا لسلوم ⚡️ بمناسبة زواج نايف عبدالعزيز عبدالرحمن بن قعوان ⚡️ كلمات بدر لسلوم - اداء خالد ال فروان

ظنا لسلوم
بمناسبة زواج
نايف بن عبدالعزيز بن عبدالرحمن بن قعوان
كلمات بدر لسلوم
اداء خالد ال فروان
كلمات العمل
عليك أتكلنا يالله الواحد المعبود
إله ن عبيده لا غشى الليل يدعونه
أخايل طواريق ن تكاشف ودوي رعود
شعتني وهمت بوادي الشعر ولحونه
معي هاجس ن ما يقنع إلا بخيار الذود
ولا يبْرق بعينه سوا كل مزيونه
زهمته وجاب اللي تخطى بدون قيود
تقدم لشيخ ن نعقل الروح من دونه
هلا بالضيوف ومرحبا للشحم والعود
تراحيب قوم ن تكرم الضيف وتصونه
ألا مرحبا ن ترحيبة ن فوق كل حدود
صدى صوتها كل المخاليق يوحونه
تراحيبنا عاد الظما والفقر موجود
نعز الرجال وكرمة الضيف مضمونه
هذا حفل ابن قعوان شيخ الكرم والجود
يمين المكارم متعب اللي يجارونه
رصيده بفعل الطيب مع كل يوم يزود
يوم إن أرصدت بعض الرجاجيل مديونه
على عد عرف ن من قديم الزمن مشهود
وعاد القبايل والمطاليق يردونه
وريث الشداد اللي مقدر من ابن سعود
خذاه بولاه لدولته وأسس اركونه
ركونه ظنا لسلوم عاد البرا مردود
يا كم من خصيم ن ضربهم هزع متونه
أهل فزعت ن يفرح بها الحاين المضهود
ليا من زهمهم ضامي الحلق يروونه
تواريخنا ماهي بتذهب هبوب النود
تواريخنا مثل الشواهيق مرصونه
ومبروك يانايف ودرب السعد ممدود
عسى ليلتك بالحظ و الخير مقرونه
يانسل الشيوخ اللي عن أمجادهم بتذود
بفعل ن يجملهم وذكرن يطرونه
تخيرت قرب اللي لهم فالجدود عدود
بني عمنا ال حويل والنعم يزهونه
..
للتواصل والاستفسارات :
الحسابات الرسمية لـ منصة بصمة الابداع .
‏Official Whatsapp :
الرابط محادثة الواتساب المباشر :
wa.me/message/...
[phone]
‏Official Snapchat :
/ a_thane2
‏Official Twitter :
/ a_thane2
‏Official Instagram :
/ a_thane2
ـــــــــــــــــــ