ناصر الفراعنة ، قصيدة التوجد الحزينة ، ليالي فبراير 2010

مع تحيات
fraanah.com/vb

[@shonSanon]

ياصعب القاف وياقو القصيدة وياوسع مخه مخه اللي جامع هذا الكم الغزير من المفردات العسيرة على اي واحد الزبدة والخلاصة في البيت الاخير .. اشهد بالله انه شاعر

[@user-ms8ju3gw5t]

اذكر ربك

[@abduabkr6054]

تنفع قصة لفيلم والله انها تبكي

[@rshrsh2129]

ماشاء الله تبارك الله قصيده كارثة أفضل قصائده اللي سمعتها إلى الآن من وجهة نظري الله لايظره

[@user-dd3cq1tj5h]

ماشاء الله تبارك الله هذا الرجل كارثه

[@user-wg5vp7vc2h]

يا من يمر من هنا.......ياحبيبى صل على محمد وآل محمد.....صلى الله عليه وسلم....ولك الأجر والثواب

[@user-fl6bj6pt5k]

صح لسانك ياناصر قصيدة تدرس ولو اي واحد يوصف غلاء امه الدنياء وما فيها ماتسواء ماطى قدمها انشهد انك كفو قصيدة معبره عن الظلم لاتسىء الظن ولا تسرع في قرارك حتى لو التعليق متأخر شيء غصبن عن يده واتوقع نهاية القصيده انه انظلم من اخوانه تعليق الظلم للقصيده والقصة

[@user-hg6jx1ov3t]

الله يهديك ياناصر قصيدتك موجعه ،،، ذكرتني بقصيدة الشاعر مقبل ابن حربان يوم قال : ون ابن حربان في مرقبه ونة يتيم عصبته نسوان وامه خذا ذباح ابوه 😣😔

[@ksa-jk5nh]

هي رد على ابن مدعث توجد ورد عليه ناصر قصيدة ابن مدعث قوية بعد بس اقوى توجد يوجودي وجد ربعن لهم عشرين يوم 💔

[@haifa6442]

ياربي القصه جميله وحزينه والقائه وصياغته اجمل

[@hilalfc]

شاعر عظيم وجارى له شاعر اعظم خالد بن مدعث وناصر الفراعنه مافيكم حيله وماشاء الله ابداع وشعر

[@shkshk868]

هذي توجد وكانت مجراه لقصيده مدعث الدوسري قصيدته الجميله الييييممه والشاعر ناصر جاراه بالقصيده هذي وجاراه كثير من الشعراء غير ناصر انصحكم تسمعونها

[@user-bb5fu8rp9n]

دكل خره احسنلك .. تسوي نفسك فاهم .. مبينه من العنوان

[@shkshk868]

يتيم ام واب هههههههههههههههههههه مستواك الاخلاقي مثل ألفاظك عزاه من رجال شرواك اي واللّـه 😂 وبعدين بالعنوان ي فاهم مو مكتوب انها مجاره ولا مكتوب ان فيه شعار غير ناصر جاروه

[@zafercom77]

والله انك شاعر الثقلين (الانس والجن)

[@yosef1983]

تصلح تكون فلم ... حزينة ,, صح لسانك

[@mr1980key]

هنا للخيال ولقدرة الشاعر الجباره في صيغة القصه والخيال دور شاعر يا بو فارس واعتبرك نابغة الشعر في هذا العصر من تاريخ الشعر واصل فلتاريخ مسجلينه ولشعر حافظينه

[@abusaqer7871]

كل مافاضت عيوني نجر بن حربان دنا في ضلوعي يسمع اللي من ورى بغداد دنه يوم ابن مدعث لنا سن الوجود الحق سنا وا فوادي كن دود الارض يرعى في مسنه وا فوادي لو تظنا أبن مدعث ماتظنا كنه المجدور عقب الجور مرميٍ بعنه اشعل التنمباك من خلجته ماشبه وكنا مير كنه من عجاج فاح من صدره يكنه وا وجودي .. وجد منهو عض بابهامه وحنا واحد شاف الثلاث البيض سود مستجنه شاف قدام الخيام خشيف ريمٍ مرجهنا وثور البندق يبي صيده وراغ الخشف عنه اطلق اربع عقبه اربع ثم سمع صوت يونا اثرها امه صابها طلقة وطار العقل منه واتهموه بذبحة أمه ليلة العيد وتجنا اتهمته الناس وصدوف المقادير اتهمنه قالوا: أخوانه ترى منا بمنك ولا انت منا يفرق الله بيننا وبينك وعسى مالك مظنا لك ثلاث أيام من ذاالحين وارحل عن وطنا عقبها تخطر على راسك مضاريب الاسنه ودع مريته وتو بنته صغيرة ما تحنا توها ام اربع شهور وفي لحمها زود لنه ركب غوجه وانقلب قبله بليل ماتونا والحمايا من خلافه ارخوا حبال الاعنه المطايا والسبايا من خلافه عمدنا والمنايا سجدا قدام عينه يرقبنه كل ماعنز على قوم وطن الراس طنا قالوا: اذلف ذابح امه لعنبونا لو نحنه ذابح امه لوزبنا عده انه مازبنا لعنبوتس بيوت قوم ذابح امه زبننه الجمالة ما تجمل في ولد حر تدنا مير دور غيرنا وانحش بقلبك لاندنه وانقلب من عندهم كنه على محماس بنا يمته اهل الغوص عجلات الركايب وجهنه ركب بابور البحر ودموع عينه يذرفنا فوق خده كنهن اذواد بدو مرثعنه ويوم حل الليل اشرعة السفينة دودلنا والهبايب ما يخّلن محبل ما دودلنه قام ربان السفينة قال: ياناس امتحنا قوموا ادعوا ربكم علام ماوسط الأجنه قال: شيخ منهم الا عندي الراي المطنا ضحوا بواحد عسى الله ينقذ ايدين رجنه وطاحت القرعة على اللي ذابح امه ماتثنا ثم رموبه في ظلامات البحور المستكنه وادبحوا عنه وهو في غبة الموج يتثنا ثم عارض له من وحوش القرش جرجور وصنه عض جرجور البحر ساقه وصايح واستجنا ابك لولا الله كلاه القرش مايسلم مطنه وفي ديار من بلاد الهند بين انسٍ وجنا من فضل ربي عليه اطراف الامواج احذفنه ومثل ماقبل امس متهومٍ بذبح أمه امعنا اتهموه بذبح سلطان البلاد المطمئنه وفي السجون المظلمة خمسة عشر عام قضنا مع ثلاث ما قضنا الا مع عقب حاله قضنه لاسمع ورقى تغني جر مسحوبه وغنا كل مغنى يزعجه غصب يجي تاليه ونه لاطرت بيوت قوم في الخلايا يرفعنا دار دولاب الدبا الدالوب دولابه و زنه وكل مابرق سرى شرق صدوق الغيث شنا كن قلبه فوق سبق طيور بر شطرنه عقب مدة جاه من داره نذير مرثعنا قال انا جيتك بعلمٍ والله انه .. والله انه حرمتك ماتت لها عشر سنوات قد مضنا والبنية معمس تقرع عليك قراع شنه عمها عزر بها في وسط بيته ماتهنا خادمة نسوانه الثنتين واللي يضيفنه ثم زوجها لابو سبعين عام ما نقصنا شايب يطرب خفوقه لاسمع للقرش رنه ويوم سمع هروجهم فاضت عيونه وازحرنا وسط سجنه كنه اللي ساكنٍ له في مجنه قال: ياربعي افزعوا لي من سجون غيضنا وقبر قلب الدم دمة غادي ايديكم يظهرنه قالوا: انا وش لننا والله انا ما شحنا غير بنتك والا مثلك ما بقربه قرب جنه وانتحوا عيون قايدهم جنوب خايلنا وهو من ورى سجنه عيونه كل نجم خايلنه وعقب عام من مجي ربعه وسنن عض سنا اعفوا الكفار عنه من عقب سود دهنه يوم فكوا قيد رجله وانطلق خاطره منا وانفلت يبغى ديار من ورى نجد اشحننه حث ساقه مايشوف الابنيته يوم قنا من عقب عشرين عام في وطن قوم مصنه ومن رداء حظه نهار اغمن عيونه وارقدنا فز من نومه عقب عضة حنش داب بسنه ومن اثر سم الحنش يونس ضلوعه يطبخنا طاح وعزيّ لواحد سود الافاعي طيحنه ويوم هو فكر الا فوقه نجوم يبرقنا شاف بكيت بنته اللي جاء يبيها بينهنه قال: يا نجوم السماء تكفين روحي صوب اهلنا علمي بنتي عن اللي صاب ابوها واستسنه اشهد انا ما بحلنا في الليالي اشهدنا مير حظي خانني ثم مات مابه من يقنه ذاك وجده وجد حالي في وطنا من عطنا من هنوف ٍ خدرها ابيض الهنادي يحتمنه تبليغ عن مشكلة في القصيدة

[@Ahmed-0.2_]

الله يكتتب اجرك شكرًا

[@Cielomeowwwww]

الله يسعدك شكرًا

[@user-gz5nj5zd3z]

هذا مسلسل ملحن بقصيده اشهد انه شاعر ووصل بالشعر شي ماوصل كل شعار العالم

[@Ws3_]

عندي احساس لو ان هالشاعر الكبير : ناصر الفراعنه ، في زمن المتنبي ، لا اصبح افضل من المتنبي بعشرين مره ، هذا الشاعر يعجز التوصيف ماحد يقدر يوصفه بقصائدة ، معجزة الشعر تلقاها عند ناصر الفراعنه ، الى درجه لي سنع وانا ما ادخل اليوتيوب الا لازم اسمع قصيدة من قصائدة شاعر خطير خطير خطير جداً

[@Noor_36]

😮

[@user-so8ns6bq1r]

ولو انه كاتب قصص سنمائيه له دور.

[@antisa7ali]

ابو فارس وابو مدعث زملاء في السلك العسكري بل هم أكثر من أخوان وجميعهم شعراء كبار ما شاء الله عليهم وهذه القصيده مجاراة لقصيدة التوجد لخالد بن مدعث

[@user-og7pe3ho3i]

sultan alsa اذا جاك ردي رد علي 😂😂💔

[@user-qz8sw3lk3u]

عبدالله محمد مثلك والله يجيني فضول حول الناس القدام

[@Alkaabi-a]

بأختصار القصيدة هذي لو يا واحد يكتب القصه كتابة مش قصيد ما بيطلعها بهاذي الجمالية

[@Ra.wan6444]

صح و انا جربت اكتبها و اعترف بعظمة القصيدة هاذي

[@user-fq2fr1wd7s]

اعظم من قصيدة الدوسري

[@tm.2576]

اللهم صلِّ وسلم على نبينا محمد

[@hassanalmolawahi7909]

ما شاء تبارك الله اللهم صل على سيدنا محمد الله لايضرك

[@almostaheeel]

لو اقعد سنه احفظ الشعر هدَا مأحفظه مشاء الله عليه

[@tm.2576]

لك 9 سنين بشر حفظتها والا

[@err5148]

ما شاء الله*

[@err5148]

@@tm.2576 😂😂😂😂😂

[@user-gf1ir2nk5k]

ماشالله تبارك الله اتعبت الشعراء عگبك

[@alfirooz8626]

شاعر مبدع ماشاء خلوق

[@SKSAl965]

فرعون الشعر ي روحي ي بو فارس

[@mjoo2010oody]

كلاااااااااااااااااااااااااااااااااااام جامد ........................ قمة الحزن والآسى وضعف الحيلة كل من آتى يكتب قصيدة عليه بسماع ناصر الفراعنة , إذا استطاع أن يكتب أحسن فعليه فعل ذلك , وإلا من الأفضل أن يصمت .

[@abdullahku]

صح السانه والله

[@user-de5sy6pv4c]

بري حالي عنكنه قصد 😔

[@ofaisal100]

عز الله انك كفوووووووووووووووووووو ومحد مثلك رواية جميلة جداً

[@user-qo8js2bl5r]

هذي أظن قصيده شخصيه والله أعلم لأنها مؤثره عليه جدآ الله يثيبه

[@user-sz3to2ng2m]

العذر حلو يخل ارجع قبل اتمه

[@ghomodh]

@SuperAzoozi اسمع البيت الثاني من هذه القصيدة وتعرف أن المسألة مجاراة وليس تقليد

[@SALEH1428]

ماشاء الله تبارك الله على هذه الشاعرية التي انعدمت عند شعراء العصر الحالي إلى الأمام ياشاعر مضر والله يوفقك ويكفيك شر الحساد

[@z43t]

بشر انت حي

[@tm.2576]

@@z43t ان شاءالله

[@ksa-dr7ip]

المتنبي الجديد

[@kingkrize5158]

ياخون هاذي قصيده لحاله غير عن الي جارا خالد بن مدعث فيها

[@alajmi5083]

King Krize لا هذي مجاراه لقصيده ثانيه لخالد بن مدعث اللي هي كل مافاضت عيوني باشة الاضلاع غنا

[@SuperAzoozi]

@ghomodh شكراً لتوضيح واعتذر لكل محبين ناصر الفراعن واعتذر عن جهلي بسبب عدم تركيزي في ذكر ابن مدعث في قصيدة الفراعنه اوكرر اعتذاري واشكرك اخي على التوضيح

[@Mohamed_suobiy]

كفو ي ولد عمي

[@user-jq3um5ph2z]

تنفع فلم حزينه جدا

[@user-qe2xo9pi8n]

صح السانك ياابوفارس

[@user-xv2sf5jy8l]

وفي ديار من بلاد الهند بين انس وجنا من فضل ربي عليه اطراف الامواج احذفنه ومثل ما ( قبل امس ) متهوم بذبح امه معنا اتهموه بذبح سلطان البلاد المطمئنه قبل امس ملاحظه مني ولاناصر اكبر من الانتقاد وصح الله لسانه✋🏻

[@abonaif5537]

نفل بن فهد المصارير قصدك كاسر البيت

[@user-cc7ew3ku3j]

الوضع سهل جدًّا..الرجال أخطأ في الإلقاء وأضاف (ما) احذف ( ما ) ويستقيم البيت: قل : ومثل قبل أمس متهوم بذبحة أمه معنا.. البيت كذا سليم..أشكرك على الملاحظة القوية جدًّا..وعلك شاعر فحل..

[@user-oi3bp2zh6t]

@@user-cc7ew3ku3j غلط البيت ليس مثل ما اجمعها مره وحده مثلما هذا تنطق افصح من كتابتها

[@almanasmvvv]

ذبحني رسم الآلم في هذا البيت.. ((اشعل التنباك من خلقته ما شبه و كنا مير كنه من عجاج فاح من صدره يكنه))

[@ali10162]

اشرحه بالله

[@Ggdd386]

واضح معناه ولع له زقاره وعمرّها وهو اصلاً مايدخن ولا قد جربه وكنّها في صدره من حر مايونس من هموم ومصايب

[@omar560100]

أبوفارس وبن مدعث من كبار الشعار لكن قصيدة بن مدعث مجنونه ولاقصور في قصيدة بوفارس الــدحــيـمي الـــقــرنـي

[@fahdmajid5040]

ابن فطيس ملك والفراعنه أمير وعلوش عمده والباقي سلملي عليهم

[@user-xq9tj4dh8w]

ماذكرت ابن الذيب😅

[@user-de5sy6pv4c]

انت تقارن ابن فطيس في الفراعنه ي والله المنتهي ما وراء ابن جدلان الله يرحمه الا الفراعنه ابن فطيس شاعر ولا فيه كلام بس الشعر له عمالقه والمشكله ما ذكرت منهم احد مير بين من اختيارك انك رجال تحب الشعر الكلاسيكي اللي هو الغزل عشان كذا اختر اهل الغزل .

[@ABURK.]

كنت بقول صح ابن فطيس أشعر من الفراعنة ولكن من يشفت أسم ابن علوش بينهم أيقنت أنك لا تعي معيار الشعراء

[@King-td8ib]

الفراعنة خثروقي ولاعندة سالفة سلملي عل بن مدعث

[@user-gk4wq7wv2t]

طيب يابو فارس

[@ALMASTROOO]

والله انها القصيده هاذي هبال وولا تقارن بقصيده ابومدعث والناس فضلت قصيده خالد مدعث عشان الشيله فقط

[@FotttRabeae]

اسهد انه دندون

[@user-vy3ry8py2h]

ناصر لاتم تم تح الحنا الحر حرف ا

[@i1ei]

يعيال القصه هاذي لواحد من الانبياء اذا ماخاب ظني بس ماعرف اسمه

[@Mm7t]

لم يكن هناكــ بندقيه

[@khkhg1309]

ماصارت توجد هذي ، قصيدة ابن مدعث توجد عن قصه وحده لكن الفراعنه حط عشرين قصه ، خلاص قصه وحده بالقصيده تكفي

[@alkhaldi.7557]

قصيده الفراغنه اقوى من قصيد الدوسري

[@user-gx2ff9fg2x]

اي والله قصيدة الفراعنة أقوى من قصيدة الدوسري

[@Someone-eg9ge]

طيب هي قصة وحدة

[@h.yh.1111]

لأن الوجد في "وطنا"

[@mmssm883]

أظن راع القصه هو يونس عليه السلام يوم انطلوه في البحر والتهمه الحوت ومكث في بطنه أيام عده بعدها امر الله الحوت برمي يونس في اليابسه

[@noorahalnoorah6624]

MMSS M ممكن يكون اقتبس منها فكره لكن مستحيل يكون صاحب القصة يونس عليه السلام يونس خرج من عند قومه ولم يقتل أمه ولم يتهم بقتل السلطان ويونس عاد إلى قومه فآمنوا ويونس أكله الحوت ولم تهشن له عظم ولم تقطع له لحم والشاعر ذكر أنه عض رجل الرجل

[@user-vq6dy9pq6t]

لاتتفلسف الله يرضى عليك😂

[@suuwvshss2052]

احسسسنت وانا اقول مو غريبة علي القصة صح الله لسان الفراعنة قصيدة مجنونة واقتباس جميل

[@zzzzz7458]

@SuperAzoozi الشعر مدارس وقلد ماشئت من المدارس كل الشعراء يقلدون مدرسة معينة في الشعر مالمشكلة؟ المشكلة كيف تقول شعرا

[@nawaf22552]

انت ماتفهم هذا رد ومجاراه لقصيده خالد

[@farahq8328]

وش ذا ما فهمت شي

[@ALARMER1000]

هيه يالاخو هد هد وطف العالي هذي مجاراة لبن مدعث وقال بالابيات الاولى حرام انك مدرعم ولا داري وش الطبخة ههههههههه والله انك ضحكتني

[@DevArabs]

القصيده هذي .. يتكلم عن قصه الزير سالم ( يوم حطوه في البحر , ونساء قبيله الزير . كانوا يخدمونهم .. ناسي قصه الزير سالم ) بس القصيده على قصه الزير سالم ..

[@rs055232]

لاتفتي من راسك 😂.. هذا يسمونه توجد يعني بالنهايه ليس بحقيقه بالنهايه ان حاله زي حال الرجال اللي بالقصه

[@DevArabs]

ايه ادري انها توجد لاكن هو تكلم عن قصه الزير سالم كـ قصيده توجد .. انا ماقلت لك يتكلم عن حاله ولا حال قرابته ..

[@saud1211x]

سلامات! في الرواية التي تذكر هذا عن الزير ، ذكروا أن الزير قاتل قتلة أخيه ، ثم أصيب غدرا إصابة قاتلة ، فأخذته أخته إلى البحر على نعش ، و سبح به النعش إلى أن ألقاه في ديار اليهود ، ثم عاد بعد ذلك و قاتل قتلة أخيه مرة أخرى. و القصة التي ذكرها أبو فارس تتحدث عن شخص قتل أمه خطأً(رميًا بالرصاص)-أطلق أربع عقبه أربع- ، ثم طرده إخوته ، ثم سافر في ديار العرب و لم يستقبله أحد ، ثم سافر عبر البحر و ثقلت بهم السفينة فاقترعوا على أحدهم يلقى في البحر فوقعت عليه القرعة و ألقي في البحر ، و ألقت به الأمواج في الهند فاتهموه بأنه هو قاتل سلطان البلاد-و واضحٌ أن الشاعر يقصد أنه اتهم بهذا لغربته- فسجن عشرون عامًا خلالها أتاه نبأ ابنته التي أساء لها عمها ، ثم لما خرج و أراد الذهاب إلى ابنته لدغه ثعبان فمات. # كيف تقول أن القصة التي أوردها ناصر هي قصة الزير؟!! و أنت تقول أنك لاتعرف قصة الزير ، فكيف حكمت أنها هي القصة؟ الفرق كبير جدًّا جدًّا بين القصتين ، و القصة التي ذكرها ناصر الفراعنة محض خيال ، و أبدع في هذا الخيال إبداعًا منقطع النظير .

[@fahadalhaqbani6097]

انا من بني تغلب ومسلسل الزير سالم محرف نصه

[@fahadalhaqbani6097]

والرد على سعود الشمري الزير راح عند قوم يوم تدفه اخته في البحر وعالجوه ولاراح للهند وبعد ماعالجو كان فاقد الذاكره وكان يردد كليب وهو فوق الجدار وعلمو انه اخ كليب وانه من بني تغلب ورجعوه وكمل الحرب ظد ابناء عمه الي هم البكريين

[@ksa-jk5nh]

اخر بيت عجزت عنه له ٦ سنوات أسمعها هنوف من دونه خدر الهنادي يحتفنا اتوقع الهنادي جمع المهند لي هو السف لي يقول فيه عنتر بن شداد وبذابلي ومهندي نلتو العلاء لا بقرابتي و العديد الخيولي مدري الوكاد الظاهر على التوحيد بس هذي توجد !

[@nawaf1176]

احمد ksa البيت واضح وضوح الشمس يقول : من هنوفن خدرها بيض الهنادي يحتمنه) والهنادي هي السيوف

[@h.yh.1111]

يعني اصحاب الراي في بيتها يحتمون ويسألونها ،،اخر الوقت

[@S717.]

قوم الخلاه

[@fahadnasser9454]

احسها اسطوريه بس للاسف مافهمت شي

[@Alkaabi-a]

Fahad Nasser انصحك تقرا كلماتها قصيده حزينه جداً

[@user-cc7ew3ku3j]

بتفهم إذا قرأتها..والمشكلة قلة المفردات..عليك بحفظ الكلمات والمعاجم..

[@user-nw2ev1tc6f]

هذا المصيبه كيف سرمدها صعبه قافيتها وصعب بحرها وصعبه كلماتها وكاتبها على البحر المديد (فاعلتن فاعلن فاعلتن فاعلن ) هذي شكلها من قصص الجن جايب القصيده عليها 🤔🤔 الزبده ان هذا الشاعر ماله حل شاعر بصراحه يختلف عن كل شعراء الساحه في كل شئ في المفردات في المدرسه في الطريقه في الحضور المسرحي

[@SuperAzoozi]

تقليد واضح لقصيدة الشاعر خالد مدعث الدوسري مع العلم ماني دواسري ونعم بالدواسر وانعم بسبيع ارجعو لقصيدة الدوسري كل مافاضت دموعي باشت الاضلاع غنا من اروع ماسمعت في التوجد

[@user-bs6wx4nf4m]

abdulaziz alanazi هذي مجاراه للشاعر

[@hdhhdhshshsh8304]

abdulaziz alanazi هذي مجاره لازم نفس القافيه

[@user-fq2fr1wd7s]

اهم شي ينتقد حقين شكشكة

[@abonaif5537]

هذي مجاراه وذكر فيها ابن مدعث بالقصيده

[@user-gj9vv2zq2l]

خثاريق حث ساقه اجل ماتقول احد سيقانه اكله القرش يع يع يع

[@saaaaaaadful]

والله بنسبه لقصيده مو مقبول عندي اتكلم عن نفسي

[@kingkrize5158]

ياخون هاذي قصيده لحاله غير عن الي جارا خالد بن مدعث فيها