أنا عارف المفروض أكون بعمل إيه.... بس مش بقوم أعمله! أعمل إيه في نفسي؟؟ أسلوب في دقيقة 34 OsLoop

تقدر تتعلم من الصفر تعمل فيديوهات كارتون أنيميشن زي فيديوهات قناة أسلوب بالظبط و تشترك في مجموعة الدروس المجانية من كورس تعلم صناعة فيديوهات كارتون أنيميشن وطرق الربح منها مثل قنوات أسلوب من الرابط التالي:
bit.ly/osloop-...
مجموعة الدروس المجانية مناسبة جدا لمن يريد إستكشاف تعلم صناعة فيديوهات كارتون أنيميشن قبل الإلتزام بكورس إحترافي كامل متخصص
سؤال النهاردة: أنا عارف مصلحتي فين… وعارف المفروض أكون بعمل إيه دلوقتي حاالا… بس ببساطة كده وبكل بساطة مش بعمله.
مصدقينك والله
وعارفين إن إنت بتعمل كده…
بس عندنا خبر جميل أوي ليك
إن مش إنت لواحدك اللي بتعمل كده
ده الغالبية العظمى من الناس اللي على الكوكب المدور ده, بتعمل زيك كده بالظبط
بس ده مش معناه إن ده الصح…
ده معنا ببساطة, إنك لما تتعلم إزاي تقوم تعمل اللي المفروض تكون بتعمله دلوقتي, سواء لك نفس تعمله أو مالكش نفس تعمله, هو اللي هايخليك تعدي كل الناس اللي في الدنيا دي في النجاح والسعادة
لما بس… تتعلم إنك تقوم تعمل اللي المفروض تعمله, سواء لك نفس, أو مالكش نفس
وإحنا النهاردة هانتكلم بالتفصيل, على إنك إزاي تعلم وتهذب وتربي وتعود نفسك على إنك تعمل الحاجات اللي المفروض تعملها… سواء لك نفس أو مالكش نفس
عندنا للموضوع ده, شوية أدوات… وكلهم مختلفين… وكلهم فعلا مهمين
بس تعالى الأول كده نتأكد من حاجة
إنت عارف كويس أوي إنك وإنت بتضيع وقتك ومش راضي تقوم الشغل اللي وراك بحجة الكسل أوي غيرها.. هو قرار ضد العقل والمنطق وضد رغبتك إنت نفسك… صح؟
يعني… إنت مش عاوز تكون قاعد بتضيع وقت ونفسك فعلا تقوم
والعقل والمنطق بيقولوا… إن أي شغل تعمله مهما كان, هو أفضل من إنك تقعد تضيع وقتك على سوشيال ميديا بكل تأكيد
وكمان إنت بعد لما بتضيع وقتك … إنت بتكون متضايق و مخنوق؟
صح؟
صح؟
صح؟
أكيييد صح… وأكيد إنت بتكره من نفسك إنك بتعمل في نفسك كده
يعني إنت أكتر شخص في الدنيا دي كلها بتضر نفسك باللي إنت بتعمله ده
و لو حد بيكرهك أصلا ونفسه يضرك… مش هايعرف يضرك زي ما إنت ماشاء الله عليك بتضر نفسك بتضييع وقتك الجميل ده
صح؟
صح؟
طيب جميل أوي إننا واضحين مع نفسنا وبنتكلم بجد بكل صراحة كده وعلى المكشوف
إنت في أوقات معينة… بتكون أكتر واحد في الدنيا بتضر نفسك
و لو إنت موافقني في اللي أنا بقوله ده… يبقى بجد اللحظة دي من أجمل لحظات حياتك
لأنك مش بس هاتتعلم إزاي تقوم وتعمل الشغل اللي وراك
إنت كمان هاتتعلم إزاي تكون سعيد في حياتك
و كمان هاتكون بدأت تعمل خير في نفسك… و بجد هاتستمتع بإنك تعيش مع إنسان جميل بيقوم يعمل اللي المفروض يعمله
الحل اللي إحنا جايين نقوله لك النهاردة هو حاجتين واضحين و بكل بساطة في الدنيا
١- ماتفكرش… وقوم إعمل اللي المفروض تعمله من غير ما تفكر خالص
بدون ما تفكر إنك المفروض تقوم ولا لأه
قبل ما تفكر… قوم وإتحرك
يعني مثلا… أول لما تسمع أذان الصلاة… ماتفكرش إنك تقوم وتتوضى وتصلي ولسه ساعتين ولا تلاتة تصلي فيهم براحتك
قوم من غير تفكير حالا … وإتحرك
بس كده…
As easy it really sounds
قوم بس وإتحرك… بس كده
عندك دلوقتي مذاكرة المفروض تعملها
قوم وهات أي مادة مش هاتفرق, وإبدأ إكتب صفحة وإنقلها كتابة
بس كده
فاتح الفايس زفت وقاعد تضيع وقتك… إتحرك وإمسحه بجد من على موبايلك… وبعدين ماتخافش أوي كده… هاتنزله تاني بعدين
بس إتحرك
ملايين وملايين وملاييين من الناس غيرت حياتها فقط بالخدعة البسيطة دي… إنك بس تقوم وتتحرك
وإحنا إتكلمنا بالتفصيل عن الموضوع ده في حلقة مكتبة أسلوب, بتاع كتاب قاعدة الخمس ثواني
إنك لما يكون عندك حاجة وإنت قاعد بتضيع وقتك
تعد بصوت مسموع
خمسة
أربعة
تلاتة
أتنين
واحد
وبعدين تقوم تتحرك فورا
بس يا سيدي… قوم وإتحرك فورا
هات ورقة وإكتب على وقة بخط كبير أوي
قوم وإتحرك فورا
وعلقها أدامك في حتة…
في أوضة مذاكرتك
فوق التليفيزيون
في المطبخ
في مكتبك في الشغل
في أي مكان
المهم لازم تعلق الورقة دي.
الجزء التاني والمهم جدا من حل المعضلة دي
هي إنك تفكر نفسك كل شوية
لأنك ببساطة هاتسمع كلامي ده… وهاتقوم فعلا وتتشجع وتمسح الفايسبوك و هاتقوم وتبدأ في الشغل اللي وراك
لكن و بكل تأكيد… هاتعمل كده النهاردة بس
وبكرة… هاترجع تاني ل نفس النقطة
و هو ده الطبيعي في الحياة والله
ولما تزهق منها… هاتلاقي ألف حاجة تشجيعية تانية تتفرج عليها
إتفرج عليها وكررها وإشحن نفس تشجيع
وأكتر من كده كمان… إشحن نفسك تشجيع من نوع الحاجة اللي بتكسل فيها
يعني لو بتكسل مثلا تقوم للصلااة… يبقى بكل بساطة بس, إسمع كل يوم فيديو عن الصلاة من حد جميل وحبوب كده
هايخليك تقوم وتصلي بدون أي مجهود منك… بالعكس…. هاتبتسم وتبقى مبسوط
لو بتكسل تقوم تلعب رياضة
يبقى تتفرج على فيديو لواحد بيلعب رياضة يعقدك في حياتك كده… ويخليك تقوم تلعب رياضة بكل حماس
لو بتكسل تذاكر…. تقوم وتشوف فيديو تحفيزي عن المذاكرة
الحل بتاع النهاردة بكل بساطة:
١- قوم من غير ما تفكر… وإعمل الشغل اللي وراك
على ورقة مكتوب عليها بخط كبير قوي: قوم وإتحرك فورا
٢- لازم ترجع تشحن نفسك حماس وطاقة تاني كل يوم… لأنك بدون أي شك لازم هاتنسى
لازم تشحن نفسك تاني… زي بالظبط لما بتاكل النهاردة…. لازم كمان هاتاكل تاني بكرة… لأن أكل إمبارح… مش هايشبعك النهاردة
نفس الموضوع في الطاقة الإيجابية والحماس والحركة
تشجيع إمبارح… مش كفاية إنه يخليك تتحرك النهاردة… إنت محتاج النهاردة وبكرة وبعده وكل يوم طاقة تشجيع وحماس
ممكن يجوا من أصدقاء صالحين, من ورقة تقرأها تفكرك باللي المفروض تعمله وتشجعك.. أو حتى فيديو تحفيزي وتشجيعي
قوم بقى وإتحرك فورا مش عاوزه كلام
وياريت تمسح فايس بوك وأي لعبة بتعطلك من على موبايلك بدون أي تفكير دلوقتي حالا
وماتخافش أوي… هاتبقى تنزلهم تاني لما تحتاجهم
بس عود نفسك بس إنك مش بتشتغل خدام عندهم… وممكن تمسحهم وتدوس عليهم برجلك في أي وقت

[@osloop]

الحلقة الجديدة من أفكار أسلوب: في عشق المذاكرة - قصتي مع سحر المذاكرة kzbin.info/www/bejne/hnvNanqZlKemhqs

[@Fatma-un9vd]

عايزة اتخلص من ادمان المسلسلات

[@عرفنىمعلومة]

اول مجيت الدقيقة 3.01 حضرتك بتقول اول متسمع الاذان متفكرش و قوم .. وقفت الفيديو لان لقيت الاذان بيأذن والله اتوضيت فعلا وصليت الظهر و بعدين رجعت كملت الفيديو .. ربنا يكتبه ف ميزان حسانتك

[@yousseftv9688]

جزاك الله خيرا ❤

[@اللهأكبر-ق6ت4ز]

جزاك الله خيرا

[@nadatota9068]

وانا كمان العشاء أذنت دلوقتى حالا وهقوم أعمل كده 🥰

[@يحيىيحيى-ض2ن]

واللهى انا حياتى اتغيرت بفضل ربنا وحضرتك ربنا يجعله فى ميزان حسناتك

[@rehamaly2003]

@@يحيىيحيى-ض2ن والله* بفضل الله ثم حضرتك*

[@0mriyadola722]

1 متفكرش 2. قوم واتحرك 3. فكر نفسك كل شوية 4.اشحن نفسك كل يوم 5. شجع نفسك

[@bassamhossam51]

أم أولادي ام رياض ايوه يعني اعمل ايه😂😂😂😂😂

[@hanadihejazi4658]

هي دي الخطوات ؟ طب نعمل ايه بالزبط؟ وهو فيه حاجة اسمها ما تفكرش ؟ نشتغل ازاي من غير تفكير ؟

[@0mriyadola722]

Hanadi Hejazi يا حبيبتي ده اختصار للخطوات بس التفاصيل تفهميها من خلال المتابعة الدقيقة للفيديو وشغلي خيالك بقي ومش معني اني قلت متفكرش يعني متفكريش في اي حاجة في حياتك لا معناها انك متفكريش تقومي ولا لا لانك لو فكرتي تقومي تصلي ولا لا هتسوفي وقت الصلاة ويضحك عليكي الشيطان

[@enasali8861]

Hanadi Hejazi ايوا عشان لما بنفضل مكانا ونفكر مثلا أفضل اقول انا المفروض اقوم اصلى اكسل اكتر إنما اول ما اكون عاوزة اصلى اتحرك على طول بتبقى أسهل ولأن العقل عاوز الراحة لما بيحس أن فيه شغل بيخليك تأجل تأخر تسوف

[@قناةابومازنالصخرةالتعليمية]

روعه روعه

[@shoshoalharbi7647]

بعد شفائك من هوسك الالكترونى ، ستنصدم بان الاخرين قطعو الاف الاميال فى مضمار الحياه الواقعيه بينما لاتزال انت عالق فى مكانك اسيير للشاشات

[@mostafanasef2024]

جميل

[@saeedooo7]

عبارة مرعبة

[@Ahmed-sx8ve]

يااااا لطيف !!!!!!

[@عبيرأدم-ث8غ]

برافو كلام مشجع

[@shroukbadr1523]

آه والله يا بنتى ربنا يسترها على ولايانا 😂😂😂😂😂😂 إنت خوفتينى أوى والله😨😨 بس جميل يا شوشو جملك عسل زيك

[@ammarmamdoh9960]

صدق او لا تصدق انا معنديش فيس بوك ولا اى شئ تانى لانى عرفت انه هيضيع وقتى..... فقط اليوتيوب فانا اللى بختار الفيديوهات المفيده والتعليمية ..عشان كده عمرى ما اشنكيت من ضياع الوقت على النت...ربنا يكرم الجميع ويبصرهم بمصلحتهم ..

[@العلموالايمان-م2ض]

وانا كمان

[@shroukbadr1523]

أنا برده مش عندى غير اليوتيوب بس مضيعه وقتى عليه بس إن شاء الله همشى على نصيحه الفيديو

[@khenouchekh6778]

ماشاءالله عليك لاحول ولا قوة الا بالله

[@latifaalshiba4974]

والله شاطر انت

[@عبيرنور-ر8س]

بس الفيس بنشوف منه أخبار الدنيا؟؟؟

[@doniamustafa8667]

بقالي 21يوم بفتح فيس وواتس كل يوم لمدة ساعة بس بظبط التايمر قبل مافتحهم ولو فاحتهم تاني يوم بفتح نص ساعه و مش بفتح خالص كعقاب... شجعوني😍

[@dlovankawa5274]

Donia Mostafa استمرررررري 💐💐💐

[@dr.nadakhaled1177]

يارب ابقى زيك ❤

[@jihanabed6580]

دايما ما يكون افضل شيء بالنسبة لك اقل شيء بالنسبة لاشخاص متقدمين عليك مثلا لما ما تفتح الفيس الا ساعة بالنسبة للمتقدمين اللذين لا يفتحونه الا خمس دقائق و يفعلون بباقى الوقت اشياء مفيدة دائما اذا وصلت الى اقصى امكانياتك شجع نفسك وقل هذا قليل

[@nadamujahed4170]

Donia Mostafa استمرى وادعيلى ربنا يهدينى علشان اعمل زى ما بتعملى 👊😁

[@imanelbahay]

شطورة والأجمل لما تقللى اوى لغاية مايبقى مفيش خالص ايام الامتحانات 👏👏👏

[@osloop]

إعلان مهم جدا من أسلوب بمناسبة الوصول ل مليون مشترك kzbin.info/www/bejne/mWLIXmihd8t_qbc

[@salwasalah3338]

اعمل نصايح لتنظيم الوقت في رمضان وازاي اقرءه المصحف واذاكر ليله الامتحان علشان فعلا مش عارفه انظم الوقت

[@hajarsh3694]

لو سمحت ممكن تخدمني وتقلي كيف ممكن اتعلم انو اعمل فيديو هاد او يلي متلو ومتحرك

[@lila.elmsre]

من طرقي عشان احمس نفسي مثلاً لو مكسلة انظف؟💗اشوف فيديو وحدة بتنظف بتحمس جداً وأقوم وأنجز وغير كدا ممكن الهي نفسي واشغل محاصرة او حلقة مفيدة او برنامج ايجابي واسمعو وانا بشتغل بنسى وبيبقى تفكيري في اللي بسمعو 💞مع تمانياتي لكم بغسيل مواعين سعيد😂

[@Abdowali60]

😂😂😂

[@ehabalshafi3216]

ليلا يا ليلاااا انا احبك 😍

[@amanyponna7522]

شكرا المفروض نغسل دمغنا الاول وبعدين الموعين

[@shroukbadr1523]

😂😂😂

[@فردوس-ر8ت]

😂😂😂

[@eslamkhalf389]

ملخص الحلقه _ قوم اتحرك بدون تفكير _ علق ورقه مكتوب عليها " قوم واتحرك فورا " _ حفز نفسك كل ما تهبط

[@rahmabourouis9727]

شكرا 😭أنا عندي امتحانات ادعيلي وانشاله نقوم كلنا 🤣

[@AbdallahMohamed-pz2kw]

@@rahmabourouis9727 إن شاء الله ربنا هيوفقك

[@رضويالشيخ-د2ر]

الحمد لله انا ملتزم بالمذاكرة وكمان بالعب بوكس وبصلي وانا مبسوط جدا اني شوفت الفيديو دا اعطاني حماس اكتر وقوة اكتر شكرا جدا

[@osloop]

تقدر تتعلم تعمل فيديوهات كارتون أنيميشن زي فيديوهات قناة أسلوب بالظبط و تشترك في مجموعة الدروس المجانية من كورس تعلم صناعة فيديوهات كارتون أنيميشن وطرق الربح منها مثل قنوات أسلوب من الرابط التالي: bit.ly/osloop-animation-lndpg مجموعة الدروس المجانية مناسبة جدا لمن يريد إستكشاف تعلم صناعة فيديوهات كارتون أنيميشن قبل الإلتزام بكورس إحترافي كامل متخصص

[@malaksameh6158]

انا كأن مقدرش اسيب الموبيل 😮 وياريت حد يقول اتخلص 🗣 من المشكله العميقه دي ازاي 😢

[@ملاذيالوحيد-غ9ب]

@@malaksameh6158 اقفلي وخبي عشان تنسي واما تكملي الحاجه اللازم تعمليها يبقى ارجعي وشغلي بسيطه اووي انا عملت كده ونجحت وتعودت ولاهممني الاصدقاء ورسايلهم ولايهمني اليوتيوب ولا الفيسبوك انجز مهماتي الاول وبعدين افتح الموبايل لان التطبيقات والاصدقاء مش هيطيروا مني ولكن الوقت وعمري يطير ويضيع مني فهمتي

[@rose2307]

هو المصاريف الخاصة بالكورس ده مستوى واحد ولا كل المستويات

[@lailamoualima4243]

السلام عليكم ورحمة الله وبركاته أنا جد مهتمة بهذا العرض لكني أود أن أعرف هل هو عبارة عن تكوين خلال مدة معينة محدودة أو سيكون لي حق امتلاك الدروس التي اشتريتها و لي الصلاحية في الاطلاع عليها متى شئت و أحتفظ بها كمرجع دائم لي أثناء تطوير مهاراتي أرجو الرد لأني أريد استغلال التخفيظ المقترح حاليا بارك الله فيكم

[@afnangazzar5137]

لو سمحت كلمة اشتراك في قناة أسلوب الي بتظهر في الكورس كل شويه من فوق وتحت دي مستفزه وبتخض منها دا غير انها بتشتتني بس بجد كور س رائع تسلم

[@TheFirstLady1997]

من نحن لولا المصريين؟ سادة العرب واللهي تحية اجلال وتقدير من السعودية لارض مصر ارض العلم والعلماء جميع القنوات التعليمية والمفيدة يكون خلفها فريق اعداد مصري بارك الله في جهودكم شكرا من اعماق قلبي احبكم 🌹🌹🌹❤️❤️❤️❤️

[@Amiradiytv]

♥️♥️♥️♥️♥️♥️♥️

[@خيريةبدرانحسنفزع]

فعلاً كنت اطبق قاعدة الخمس ثواني واتحرك لكن مر وقت طويل على الموضوع وصرت مااطبقه هالفترة ان شاءالله راجعه ع هالقاعدة وبحماس كبير وحاافكر نفسي كل يوم وحااشجع نفسي كل يوم شكراً اسلوب ♥️

[@جوديعبدالشافي]

بليز يا اسلوب اعمل فديو الانتظام على الصلاة

[@سميةصالح-ص7ز]

الحلقة جت ع الجرح😂😂جميييلة اوووي😍❤❤ممكن تعمله حلقة عن إزاي أحبب الأطفال في العبادات وخاصة الصلاة؟؟

[@mohsenomar6465]

أنا بحفظ قران

[@meeme5965]

وين وصلتي

[@TrdFdd-t9w]

ربنا يوفقك ويجبر بخاطرك ❤

[@fedaawael3723]

اللهم زد و بارك

[@osloop]

شوف الحلقة دي kzbin.info/www/bejne/fpvSZIWdZptogMU

[@mohamedshalan3215]

Osloop أسلوب حاضر

[@gehadibrahim1091]

Osloop أسلوب انا مش عارفة انته بتفكرو فايه! !! وليه ماخرين الحلقات 😫

[@عائشة-ح9ض]

Osloop أسلوب الصراحة الفيديو ماشاءالله جميل جدا بس رجاءا رجاءا رجاءا احذف الموسيقى اللى فى أول الفيديو وآخره أنا كتيييير بقول لحضرتك تحذفها أتمنى إن حضرتك تقرأ تعليقى وتستجيب وربنا يكرمكم ويوفقكم 👍👍👍

[@daughterthemaster2834]

Osloop أسلوب انا عايزة حل .. لأني بعد ما تخرجت جالي احباط كبير جدا جدا جدا لاني ما لقتش وظيفة ولا في اي حتة وغير كده قعدة البيت وكمان كل الي حولي لقتهم محظوظين في منهم قدموا تربوا ومنهم الي قدم ماستر ومنهم الي لقى وظيفة دوام جزئي بواسطة .. وانا بعد ما مر ستة شهور ع التخرج أصبحت بضيع وقتي في النوم والمسلسلات لاني بشعر بالوحدة والاكتئاب لدرجة فكرت في الانتحار .. انا كنت طالبة مجتهدة جدا في الكلية وتعبت جدا وشكرا كثير .. بس مش عارفة ليه اصبح وضعي كده بعد التخرج

[@daughterthemaster2834]

أسلوبي ضروري تتكلموا ع معاناة المتخرجين

[@alhakar1024]

تصدق بالله لما قلت الاذان لما يأذن اقوم اصلي ف نفس الجمله الاذان إذن وقمت فعلا وسمعت كلامك ، ربنا يحفظك و يجازيك خير علي اللي بتعملو

[@fatmakhaledothman3529]

والله الفيديو جيه ف وقته شكرا يا احلي اسلوب ;-)

[@mostafasultan3049]

Bata Khaled فعلا

[@غادةمحمود-س6ذ]

فعلا احنا محتاجين زى كدة عطول👍😍

[@SalmaMohamed-jn1zv]

اسلوب بقت جزء من حياتى ، تقريبا كل يوم لازم فيديو او اتنين من اسلوب و فعلا بتشجعوني جدا جزاكم الله خيرا

[@dinaabdel-hafez2764]

الحمد لله انا تغلبت من فتره على ادمان الفيس عملتله دي اكتيفيشن و مسحته خالص واستبدلت وقته بفيديوهات مفيده من اليوتيوب فرق معايا جدا ورجعته بعد تقريبا شهر بس الحمد لله بقى حاجه مش مهمه مبدخلش عليه الا كل فين وفين وبستغرب انا كنت مدمناه ازاى لازم تكسرو الدايره الى بنلف فيها بسبب الفيس بوك بالذات

[@dlovankawa5274]

Dina Abdel-hafez احسنتي 💐💐💐

[@Kenzy_Madbouly333]

زيي والله

[@امريم-ك6س]

فعلا الفيس ده مهما تبعدي عنه وترجعي تلاقي الناس لسه بتهري في نفس الحوارات

[@elkacemiamal8173]

أنا عملت نفس الحاجة فالواتساب و الحمد لله

[@self_awareness1]

Dina Abdel-hafez ياريت تشجعيني انا نفسي الغيه بس خايفه ارجع له ...ياما حذفته ورجعت.فتحته

[@Abdulrahman-x3d8d]

ممكن تعملوا فيديو ازاي نواجه اليأس و الاحباط .. و المثبطين .. و ضغوط الحياة .. اللي تخلي الواحد مش قادر و يكمل في اتجاه هدفه.

[@malshamry8726]

أصبحنا مدمنين على اشياء ليس لها أي قيمة... سوى أن تهدر وقتنا.... مع الأسف

[@as66_ma]

يالله قد ايش كنت مضااايقه من هذا الموضوع وحسبت ماله الحل الحمد لله شكرا لانكم ساعدتوني ان شاء الله بسمع نصيحتكم وبرجع اذاكر ودعواتكم لي بتوفيق 🌹

[@NoorNoor-bt3rh]

شكرا ❤️❤️ سؤالى :اذا كان فى حد بيكره الخير ليا ودايما عايز هو يبقى احسن منى ومحبط وممل وبيشع طاقه سلبيه🌚وصدف اننا ف ٣ثانوى مع بعض ف كذا درس ...أغير مواعيد دروسى ولا اروح عادى ،،،وازاى أتجنب الشخصية دى؟

[@ألوانالطيف-ك3د]

الكلام الوحيد اللي بيغير حاجه جواي كلام اسلوب ❤

[@AhmedAlbremoAlShami]

بحييك على الطريقه والأسلوب اللي بتتكلم بيهم أقل ما يقال عنك إنك مبدع 👏🏼❤️

[@amrtarek235]

شكرا بجد كنتم سبب في تغيري

[@nourmoustafa3914]

جميل ماشاء الله .. انا فعلا مجربه الحل دا .. بفضل الله اكتر حاجه بتنفع معاياا.. يعني باخد الموضوع ببساطة .. مثلا ف الصلاة بقول لنفسي 5 دقايق وهرجع.. 5 دقايق حاجه صغيرة جدا وهرجع للي كنت بعمله .. وهعمل بإذن الله الورقه دي "قوم واتحرك " لأن في بعض الأوقات ببقي لازقه ف مكاني وحرفيا الموضوع بيكون استعباد لاي حاجه بتسيطر عليا ف الوقت دا .. جزاكم الله خيرًا كثيرا 💜

[@alifahdelalshami5394]

حكيتوا كل ما في داخلي من مشاكل وشكراً جزيلاً من القلب 💚 على الحلول الجميله دي أخوكم من العراق 🇮🇶

[@شويةواجي]

بشر بعدك زين لو رجعت تضيع وقتك

[@waseemmohamed1520]

علي فكره صح حلقه تحفه بجد انهرده وسؤالي ليكم.ازاي ابقي قائد محبوب وابدأ وانهي اللقاء ازاي (اديني سألت ومستني اجابه)

[@justaguy3799]

فقط لو أتحرك!

[@joudyheeba2133]

كل فترة برجع بشوف الحلقة وكانو أول مرة بشوفها ..تخلصت من ادمان فيسبوك الحمدلله ، وهلا مسحت التلغرام .. عندي فحص بعد ٤٠ يوم تقريبا وتحضيراتي مو تمام ، لح صير أن شاء الله بلا تفكير بهالايام هي ضل ادرس وحضر منيح 😁 دعواتكم ☁️

[@laithissa2230]

يا الله ما اجملكن يا جماعة اسلوب صرلو هالسؤال بدور ببالي سنين بس ما قدرت اوجد فديو بتكلم عن الموضوع بالدقة يلي طالبها انا شكرا كتير ❤️

[@mohamedshalan3215]

يا من ترا التعليق سلام الله ورحمته وفضله وهداه عليك :-)

[@mohammadworld1490]

Mohamed Shalan و عليك السلام

[@نانانانااا]

وعليكم السلام ورحمه الله .

[@shroukbadr1523]

وعليك السلام ورحمة وبركاته

[@غروبالشمس-ل1ت]

سبحان الله كل حاجة انتة بتقولها صح احنا دايما بنحب نعمل الحاجات اللي بتكون نتيجتها سلبية علينا ومش بنحب نخليها ايجابية والله انتة فيك الخير وربنا هايجازيك علي كل حاجة خير انتة بتعملها

[@ahmedtantawy8001]

كلامك صح عن تجربه انا عملتها

[@faroukmohamed6313]

جزاكم الله خير 🤍

[@rashaamrousy8617]

‏اللهم أرنا الحق حقا وارزقنا تبعه وأرنا الباطل باطلًا وارزقنا اجتناب

[@زينبيةحسينية-ف6ش]

Thanks a lot الله يجزيكم ألف خير والله....

[@turkishseries259]

شكراً كتير اجى بوقته لانه علي امتحانات نظرية وعملية ادعولي اتفوق بسنة رابعة طب❤️

[@نحبرسولاللهصلىاللهعليهوسلم]

شكرا جدا انا كل مازهق من المذاكره اتفرج عليكوا وبتدونى طاقه حلوه اوى

[@lostdemon5195]

انا هذاكر لما يخلص الفيديو اقسم بالله 😊

[@shaimaa823]

جزاك الله كل خير وبارك الله فيك اخي الكريم على هذا الموضوع المفيد

[@shr_ouk65]

دي المرة رقم ٢٠ الي اشوف فيها الحلقة بتشجعني شكرا اسلوب و كمان بتشجع على الرسم 😂

[@raghadsamara5206]

بصراحه انا بعرف ارسم بس بقااليي كتيير اوي (داخله في سنه) مش برسم وكل ما اشوف كراسة رسم ولا الوان بفتكر مواقف بتكرهني فيه اكتر ونفسي ارجع ارسم بس مش عارفه اعمل ايه

[@shr_ouk65]

@@raghadsamara5206 اهم شي الممارسه بس الدراسه واخده كل الوقت او بصراحه التيليفون 😂😂

[@ملاذيالوحيد-غ9ب]

اكتر فيديوهات محفزه هي فديوهات .الدكتور ابراهيم الفقي الله يرحمه حاجه تحفه بجد

[@barry7590]

🇴🇲💛 كالعادة لايك قبل لا اشوف الفيديو ..معي فاينل وفعلا اضيع وقت كثير 😔 شكرا اسلوب ع الحلقة الي ع الجرح، بروح اطبقه حالا

[@mohammedamer3525]

رمضان كريم من اليمن لأهل عمان

[@barry7590]

Mohammed Amer 😘💛رمضان كريم اخي ..تقبل الله منا ومنكم صالح الاعمال

[@Tikalll789]

شكرا شكرا شكرا بجد خلتني اقوم اصلي خلتني اذاكر ٥ دروس حالا بعد ما سمعت الفيديو و خلتني اقوى واقوم اعمل رياضة ربنا يبارك و يكرمك استمر

[@shams.c5]

وضعك عامل ايه دلوقتي

[@nadafathy8795]

قووووووووووووووووووووووووووووووم و اتحرك فوراااا

[@معلوماتمارادونا]

والله العظيم احلي قناة في الدنيا انتم فعلا بتقروا افكارنا وتعلمونا الصح شكرا علي هذه القناة الجميلة وانا فعلا شجعت نفسي وبقيت اذاكر اكتر من الاول وطلعت كمان الخامس علي مدرستي الف شكر لكم

[@abdallahsaaed6936]

دائما بتيجوا فى الوقت المناسب 👌👌👌

[@hishamesa3371]

والله جتلي راحة نفسية أما سمعت الفيديو وانا هعمل الحجتين

[@mohamedshalan3215]

جاي في وقته 💗

[@gailyshehata8120]

يا اسلوب بشكرك جدا عشان انا كنت بعاني من كده وكنت بدور علي فيديو بنفس الاسم وانت جيت في وقتك اشكرك جدا 🤩😘😘

[@sooshope4life]

أحيانا بحس انو فريق أسلوب بيعرفني أكتر من حالي 🤣🤣🤣

[@فاطمةلبطيمي]

أحبكم...شكرااا بزاااف فكل مرحلة مهمة فحياتي كتنفعونييي ،💕💕

[@عمرالسيد-ب5د]

سؤال من فضلكم ي اسلوبيين 👆😅😅 -: لما أقارن نفسي بشخص آخر..أحسن مني.... بيجيلي اكتئاب و حزن ايه الحل ؟! و ازاي أتغلب عليهم !!

[@esraaabdelrhman6372]

مش تقارن نفسك بحد هو ده الحل 😂😂

[@ahmedwafa6764]

متقارنش بينك و بين غيرك تحدى نفسك و قارن بين حالك دلوقتى و ايه اللى المفروض تعمله النهارده و بين حالك زمان و عايز تبقى فين فى المستقبل و ده اللى هيخليك تطور من ذاتك

[@hadeerkamal9289]

انا زيك كده بالظبط وكتير لحد لما سمعت الكلام الجميل ده "سئل الحسن البصرى عن سر زهده فى الدنيا فقال أربعة أشياء: علمت أن رزقى لا يأخذه غيرى فاطمأن قلبى، وعلمت أن عملى لا يقوم به غيرى فاشتغلت به وحدى، وعلمت أن الله مطلع علي فاستحييت أن يرانى عاصيا، وعلمت أن الموت ينتظرنى فأعددت الزاد للقاء ربى" اول لما بنسى ارجع تانى لنفس الفكرالسىء ده بفتكر الكلام دا وطمن قلبلى .

[@shahdsobhi821]

قارن نفسك بنفسك قبل سنه ، وانت فعلا اتحسنت ولا لا ! ده اهم من انك تقارن نفسك بغيرك 😉 قارن نفسك بنفسك وبس ، طور نفسك واشتغل ع نفسك بعدين قارن نفسك بنفسك قدام هتعرف انك اتحسنت وهيبقى الموضوع سبب سعادتك مش حزنك 💜 سعادتك بإيدك ، محدش يهزك 💫💜

[@reemibrahim5607]

لما ها تقارن نفسك بحد ها تحس أنك فاشل ومتقدرش تيجيب درجات عاليه جدا زيوا مثلا إنما لما تحاول أنك تزاكر حاول تقنع نفسك أنك تقدر تيجيب الدرجه النهائية في الماده دى ها تحس بحماس ولو زاكرت وعملت إلى عليك ها تقفل الماده فعلا وساعتها ممكن تقارن نفسك بالشخص ده وساعتها ها تحس أنك فخور بنفسك بس نصيحه حاول تشيل فكره المقارنه من دماغك ها ترتاح

[@abdallahhelal3423]

hard work beats talent when talent doesnt work hard عاوزين فيديو عن الحكمة دي

[@HibaHiba-eu5nx]

ياريت العالم بتفرج ع هيك شي وتترك كل برامج النت💛

[@TokaHashibira-v6m]

يااااه يا أسلوب الفيديو صارلو ٦ سنوات و أنا تابعتو من ٤ سنوات و بعيدو الآن شكرا عنجد❤ متابعتكم من سوريا🇸🇾

[@anyuncassiopeia9829]

جزاكم الله كل خير

[@user-cp1yh8iy9b]

انتم بجد قناة عبقرية بدرجة رهييييييييبة شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا

[@Faat00]

واشتركت في القناة من أجل رمزية الرجل الملتحي الإيجابية وأمثلة التحفيز النابعة من إيمان عميق .. ثبتكم الله ونفع بكم

[@merohussam642]

انا طالبة و كل الحلقات الأنا شفتها كنت عن مشاكل الطلاب كانت عندي فعلا و من كتر الفيديوهات الأنا شفتها بدءت فعلا أشجع ... شكرا لكم بجد

[@sososalmeen8373]

هقوم دلوقتي واتحرك💪✌👍

[@omidkoye6140]

الفديو اجه بلوقت اللي احتاجه حاليا شكرا😓😣 سؤالي: كيف تقدر تلتزم بلدراسة يوميا وطول السنة بدون تقطيع ضمن الجدول الموضوع

[@rewansafy2035]

omid koye سؤال مهم جدا جدا فعلا 🤔🤔🤔🤔

[@mostafaalatrash3031]

omid koye ؟؟

[@ابوالاكبر-م1ط]

omid koye هذا حلم 😂😭

[@omidkoye6140]

ابو الاكبر هو صح في اوقات تقطع عن الدراسة وتتركه لفترة بس افكارةاسلوب حلوة ومفيدة جدا وسهل تطبيقها ويمكن فيه....

[@rojyhamada4446]

omid koye 😭😭💔

[@alaaelbosraty3103]

انا مش هسألكم بس هشكركم ربنا يجازيكم خير ويجعله فى ميزان حسناتكم انا بفضلك بعد ربنا كانت همتى بتزيد ودخلت كلية الطب شكرا جدا جدا

[@naglaataha2338]

شكراً ليكم على المجهودات إللي بتعملوها علشان تساعدوا الناس إنها تكون أفضل

[@samarshaban9316]

جزاك الله خيرا 🌹

[@totataha3336]

بحس انك ضميري اوي 😂😂♥️

[@hasanelzend8052]

كلام ممتاز جدا وجزاك الله خيرا

[@smokeweed4582]

انا عرفت سر الدقايق في البرنامج دا، الحلقة 34 و 4+3=7 لازم تكون 7دقايق لا داعي للتصفيق ✋✋

[@alaamatani290]

smoke weed 😂😂😂😂😂😂😂

[@alaamatani290]

smoke weed تاكسي شيل انت وددي يابان 😂

[@ahmedmagdy4803]

😂😂😂😂

[@shadydallah6442]

بجد؟

[@محمدبدر-ش9ب]

لا فى الحلقة ٣٢ المفروض حسب نظريتك ٣+٢ = ٥ دقايق بس هى ٨ دقايق

[@manaralsabbagh5344]

تقبروا قلبي ما احلاكون ... انتوا اكتر شي بيعطيني تحفيز وامل والله .... الله يجزيكون الخير يا اكابر .... تحياتي من سوريا

[@AhmedNegmLawyer]

هما اللي عاملين ديس لايك دول بني ادمين طبيعيين !

[@totataha3336]

بحب البرنامج دا والفيديوهات كلها الخاصه بالمذاكره بجد بشكركوا بتغيرو فيا كتير والفيديو بيجيب نتيجه هايله

[@amanitahon9597]

قوم واتحرك فورا اكتب على ورقه بخط كبير :((قوم واتحرك فورا)) اشحن نفسك كل يوم بفيديو ايجابي تحفيزي

[@wardamo2262]

ربنا يبارك فيك بجدددد

[@raniaabutaleb4392]

اولا هنشر الفيديو دة ثانيا هكتب اهدافي للسنة الجديدة بإذن الله و أعيشها و احددها SMART أتابع اهدافي و أفصلها علي أيام الأسبوع و الشهر أنا عامة بخاف كنت طول عمري من التخطيط و التفكير و دة رجعني لورا ...بكل أسف لكن و بكل أمل الي جاي أفضل لأني قررت أكسب الخبرة من الكبوات أتمني الي يشوف الكومنت يكومنت هيعمل ايه و نفيد بعض و نفضل مربوطين بالنجاح و الحماس و العمل شكرا للفيديو دع

[@eslamkhairy2728]

بعد اربع سنوات ممكن تقولليلي هل حدث تغيير فعلا وفرق معاكي ولا لا؟

[@ملاذيالوحيد-غ9ب]

شفت الفيديو وحفزني لازم اليوم اقوم اتقدم خطوات نحو هدفي لازم لازم لازم

[@mahmoudragab6907]

يارب في وقته محتاح دعواتكم لاني مش قادر اذاكر حرفيا الفترة ديه مع العلم اني كنت بذاكر جامد جدا من بداية السنه الدراسية ث.ع

[@saradonya3969]

هقوم واتحرك بسرعة ان شاء الله

[@asmaaalnaggar5651]

أسلوووووووب كل سنة وانتم بالف خير وسعادة ... طلب صغنن خالص انا خلصت امتحانات و بصراحة حاسة ان انا متنحة أوى ... كنت بقول هذاكر انجليزي و أحفظ و أراجع قرآن بس والله معرف فى ايه ... انا متنحة أوى بجد ...... عايزة حل للموضوع دا ضرورى و كمان نصايحكم علشان أغتنم وقت الأجازة ..... 🙂🙂

[@eslamshaban6886]

Asmaa Alnaggar انا عندي نفس المشكله ..بس بحاول اعمل كنترول ع نفسي وطريقة الانجاز يعني مثلا ..ناخد هدف صغير بسيط ..ونبدا نشتغل عليه ونحطله وقت معين ولو ربنا كرمك وانجزتيه .. نكتبه فنوته ونعمل عليه صح ..وناخد الهدف التاني وهاكذا ...بس المشكله هنا ان الكلام حلو بس الفعل صعب 😂✌ واهم حاجه الدعاء والاستعانه بالله ..ونسيب بقا المغريات التانيه دي بعدين واحسن حاجه اسمعي فديوهات عن تنظيم اولوياتك ..ووقتك 👍✌

[@asmaaalnaggar5651]

Eslam Shaban شكرا كتير جدا

[@eslamshaban6886]

عفوا لحضرتك...💙☺

[@esraa4213]

فعلا انا بتفرج على اسلوب من زمان وحتى اما روحت الحمد لله الكلية اللى انا عاوزاها لسه بتفرج عليه 💙 استمر يا أسلوبى❤🌸

[@alhaggaraby4312]

نفسي أطلع الاولي علي الجمهوريه السنه دي انا في 3 ثانوي بس بقيت مقصرة جدا في المذكرة ادعولي يا جماعه علشان افرح بابا السنه دي

[@نور-ج7ب9ق]

عملتى اى ف تالته

[@mohamedbadry6304]

محتاجة جدا حلقة عن تنظيم الوقت بالنسبة للامهات وكمان بيحضروا ماجستير ودكتوراه وجزاكم الله خيرا عن كل نصيحة بتقدموها

[@emamelsayed2596]

يارب ادخل كلية الطب بمجموع 100% واعرف اذاكر صح انا وكل من قال امين يا حي يا قيوم 💪💪

[@salmasaber5861]

انتو فيديوهاتكوا دي من ضمن احلى الحاجات اللي في الحياه ربنا يجازيكوا كل خير ومن نجاح لنجاح يارب🌸🌸🌸

[@bodymostafa9621]

ملخص الحلقه... قوم و اتحرك فورا😂😂😂

[@setralsetr1804]

لا أملك إلا أن أقول لكم : جزاكم الله خير .. من أعمااااق قلبي حلقة من أروع و أهم و أبسط ما رأيت هذا العمل .. و عند الله الموعد

[@osloop]

ربنا يفرحك يارب 😍

[@ibrahimmohamed605]

هو انتو بتقرءوا أفكارنا ولا ايه...الفيديو جاي في وقته😂😂😂

[@mawadaraafat]

بحبكم جدا بجد كلامكم دايما بيفرق معايا

[@aaa8007]

زي ما اكتسبت عادة سلبية من غير تفكير، برضو.. هنكتسب العادة الايجابية بالشغل مباشرة من غير تفكير،، خللي واجباتك ممتعة او اسلوب تنفيذها مشوّق وممتع هتنجذب ليها ونعملها وتحب تقضي فيها وقتك.. بالنسبة للشحن وتشجيع الذات بالطاقة الايجابية اسلوب جدول لتقسيم وقت اليوم مفيد جدا،، اعمل جدول اسبوعي او شهري تقسّم فيه اليوم الي تلات فترات (مش ساعات) فترة اولي من الفجر الظهر مثلا، ومن بعد الظهر للمغرب او العشا، ومن بعد العشا لوقت النوم ، المفيد في الجدول دا ان توزيع الاعمال مش بالاسلوب النمطي بتاع الساعات، وهو اسلوب دايما بيحسسنا بالالتزام التقيل ع نفوسنا، اما اسلوب الفترات هو واقعي اكتر مع حركة اليوم السريعة وتآكل الساعات.. اخيرا لو اليوم ما كفّاش توزيع الواجبات اعمل ترحيل للتاسكات اللي سقطت لليوم التالي.. حاجة مهمة اوي ، اعمل فترات فراغ ساعة او اتنين بين كل فترة ف الفترات الاساسية التلاتة وما تعطيهاش مهمات ولا تاسكات ولا حتي تسميها فترة راحة،، دي فترات عشان نفسك تتخلص من احساس الالتزام الضاغط،، مهم جدا تكون حازم في ميعاد نومك لان دي ساعة الاستعداد لليوم الجديد، وماتنامش الا لما تقرا تاسكات اليوم الجديد . عقلك الباطن هيشتغل ع ترتيب ولراحة مجهودك وتوزيعه بشكل نظري كده هيعمل لك استعداد نفسي لطيف تاني يوم وانت بتستقبل تاسكات جديدة

[@amiramohamed7053]

الله يباركلك

[@الدنيابحروالصديقطوقالنجاة]

انا حاسه أن إللى بيفتح نت هم الطلاب 😂😂

[@rojyhamada4446]

الدنيا بحر و الصديق طوق النجاة 😂😂😂😂😂

[@Es-_-raa]

اه فعلا 😭

[@سمسمةخاطر]

اه صحيح

[@afnangazzar5137]

والستات الي زهقانه من شغل البيت

[@WalaaRady-l4l]

صلاة +مجهود = نجاح ❤😊

[@rehabsalama1690]

اعمل ڨيديو لطلاب تالتة ثانوى اللى امتحاناتهم فى رمضان يظبطو نومهم و مذاكرتهم و دروسهم

[@ammarahmed5831]

Rehab Salama عندك حق وبتوع الجامعه كمان ولا راحت علينا

[@issabouzeyeh947]

بارك الله فيكم وجزاكم احسن الجزاء ❤❤

[@0001-z7i]

أقسم بالله انت قلت كل اللي ف دماغي 😂💜

[@kareemhassan082]

+1

[@israal_salih9640]

يالله اديش عم ادعيلكن ، الله يجزيكن الف خير

[@itssana1036]

حنفي قايم يعمل جدول لرمضان وحيطبقو ان شاء الله اهوه 🌚🚶🏻‍♀️✊