Nüsrət Həsən - fayda yox (peşmanlığın şeiri)

FAYDA YOX
Məni səndən ayrı saldı səhvlərim.
İndi yüz il peşman olsam fayda yox.
Birdəfəlik bağlandı eşq dəftərim,
Həsrətindən viran olsam fayda yox.
Uzaqlardan uzaq oldu məsafə.
Öz sevgimi qurban etdim bir səhvə.
Sevən ürək qırıldısa bir dəfə
Ən müqəddəs insan olsam fayda yox.
Səni geri gətirərmi gümanlar?
İçimdəki bu acını kim anlar?
Gözümdə yaş, dilimdə and-amanlar,
Bir əlimdə Quran olsam fayda yox.
Həyat bir də güldürərmi üzümü?
Fələk sənə yetirərmi sözümü?
Gecə-gündüz danlayaraq özümü
Öz-özümlə düşmən olsam fayda yox.
müəllif: Nüsrət Həsən
06.06.2023

[@sadiqeliyev615]

Var ol şair gözəl şerlərə görə təşəkkür edirəm

[@nrgizumudova9085]

Lirikanı sevirəm, gözəl paylaşmdı. Uğurlar

[@uzaqlarnqadn-1719]

_Salam eziz insan xoş geldiz.Gözel paylaşım.Uğur ve şans sizin olsun_

[@meleklerim2338]

Elbetde fayda yox.İndi nə qədər peşmanam desin ki...