Рет қаралды 87
«Qazaqstan» Ұлттық арнасы «Таңшолпан» таңғы ақпаратты-сазды бағдарламасында Қазақстан композиторлар одағының мүшесі, «Әншуақ» балалар әндері фестивалінің ұйымдастыру комитетінің мүшесі Алтын Маханбетова жобаның маңыздылығы мен қазақ тіліндегі балалар әндерінің репертуарын кеңейту туралы сұхбат берді.
📌Айта кетейік, «Әншуақ» балалар әндерінің фестивалі елімізде тұңғыш рет өтеді. Оның басты мақсаты - халқымыздың ұлттық ерекшелігі мен рухани мәдениетін дәріптеу.
📆 Фестиваль аясында 1 ақпаннан бастап еліміздің түкпір-түкпірінде балалар әндерінің челленджі басталды. Оған 6 жастан 18 жасқа дейінгі кез келген бала қатыса алады. Ол үшін TikTok әлеуметтік желісінде #ӘНШУАҚ ортақ хэштегінің астына балалар әнінің жанды орындалған бейнесін жүктеу қажет.
Қорытынды 1 маусым Халықаралық балаларды қорғау күнінде өтетін гала-концертте белгілі болады.