نصيحة للي بيشتري فورد اكسبدشن ٢٠٢٢و٢٠٢٣ ford expedition

[@mlk3-ksa]

زورو القناه في مقطع اشمل وهذا سنابي للمزيد من الاستفسارات تشرفوني fsgh1

[@giantregent2662]

افضل سيارة .. .. لكن لازم تغير زيوت اصلية و في وقتها و لا اطامر بقوة تحسبها جيوب لأنها شاحنة عائلية إلا الرابتور و اكسبديشن تمبر لاين .. العالم رابحه لشفرلبة .. ليبييه ..؟؟!! أغلى و افل في جميع النواحي خاصة الأمان و الجودة .. معي 2008 أيدي بور أمريكي يعتبر فوق الفول في السعودية .. فيه تفتله بسبب جاء ماء على المويا مكائنها ما تنغسل .. تفتق بصيد اثر شوي بعد 6 سنوات و بسبب غسيل المكينة عند بترومين .. اعتقد زيتهم حار وإذا غسلة مكينه حط زيت عادي شغل المكينة فترة بسيطة ثم غيره .، نفسب في نمبر لاين .. بطاق .. لكن ب 280 ألف اعتقد ونزل سعره .. وحقين يوكون و تاهو … تااااااهو .. لا حد احد يعترض .. فورد سيارات محترمة 💚🌿🖖🏼

[@mlk3-ksa]

@@giantregent2662 اتفق معك والتمبر لاين فالمعارض ب٢٦٠ اظن والله يستاهل كل قرش مقارنه باسعار السيارات المنافسه حاليا

[@فهيدالسبيع]

@@giantregent2662

[@قناةالجودةالاسلامية]

السلام عليكم ورحمة الله وبركاته هل نقدر نشغل عليه الفلاش ميموري ونبغى الطريقة

[@nwf1976]

عندي ٢٠١٤ xlt ما شاء الله ولله الحمد ما اشتيك منه فوق الممتاز مقارنة مع اليوكن و التاهو من تجربة.

[@ryanhassan4806]

شريت واحد والله ، عز الله موتر تفاجات من اداءه وجودته وراحته بالخط ووسيع ما شاء الله ، ابدعت فورد صراحة بالجيل هذا مواصفاته متقدمه وسعره منافس ولازال يصنع داخل امريكا عكس المنافسين 👍🏻 الله يبارك لك بحلالك

[@mlk3-ksa]

الله يبارك لك في ما عطاك ويعطيك خيره ويكفاك شره احسن ما اخترت صراحه واتفق معك في كل حرف

[@Albloushi]

بكل شي يتوفق الاكسبدشن علي منافسينه خصوصن الراحه الوسع دبل الدفلوك السعر بس الناس عندها عقده نفسيه يقولون موتر شياب عساني اكون شايب واخذ موتر في هاذي موصفات الجميله تون تيربو ٦ سنلدر وصرفيه ممتازه عكس منافسينه الي ما فيهم دفلوك الله يعزك يالفورد

[@mlk3-ksa]

غير ان اي شي تغيره اقل من ال٨ سلندر مثل البواجي والزيوت وغيرها

[@mansour3994]

معي فورد اكسبديشن 2014 4*4 طلعته وكالة من عشر سنوات وحتى الان استخدمه سفر - بر - داخل الرياض ممتاز جدا وقطع غياره رخيصة ..

[@mishalalkhaldi5315]

السيارة عندي واخذتها بعد التاهو...والله انه موتر بطل وراحة موطبيعية في الخط وسلس كانه سيدان

[@mlk3-ksa]

الله يبارك لك ويعطيك خيره ويكفاك شره افضل ما اخترت واتفق معك بكل حرف

[@4cars10]

الصراحه الشكل اليوكن والتاهو يتفوق ولاكن المقصات النازله بالجمس تخلي الواحد يفكر قبل لايشتري والاكسبديشن حلو لاكن تحس ينقصه لمسات خصوصا الاضائه الخلفيه تمنيتها ليد اجمل وتعطي فخمه كذلك الجنوط تمنيتها افضل من كذا

[@mlk3-ksa]

صدقت من ناحية الاسطب الخلفي مفروض ليد اما بالنسبه للجنط الستاندر صح سيء لكن النص فل جميييل ورهيب بس كل الي ذكرته بالامكان استبداله يعني ما يعيبه تقدر تركب اسطب ليد الجنط فالستاندر فقط اما باقي الفئات جنوطها جميله جدا

[@abdulmonem88]

صحيح المقصات نازلة لكن للعلم ان المقصات ترتفع لما تدوس على شيء. بمعنى اذا دست حصاه بالاطار راح ترتفع معاه المقصات .. وفيه تجربه موجودة باليوتيوب

[@fathermoons2542]

الله يعطيها خيرها ويكفيك شر ويبارك فيها.. والله بخاطري هيك سيارة ماشاء الله.. لكن لازلت أنا وزوجتي بس.

[@mlk3-ksa]

الله يرزقك ويعطيك حتى يرضيك باذن الله تتيسر لك وتشتري الي افضل منها

[@ASEsrty]

الصراحة لو افكر اتوجه للأمريكي باخذ يوكن او تاهو لان سمعتها كويسه ومنتشره كثير واذا بغيت تعدل تلقا لها قطع لتعديل بسرعه

[@mlk3-ksa]

كل واحد وهواه الله يمهلك ويدلك للشي الي يخدمك اكثر 🌹

[@ASEsrty]

@@mlk3-ksa واياك

[@hmoood9218]

سمعه ليست دليل على الافضلية شوف نيسان اشهر من هوندا عندنا وهوندا افضل واجود بمراحل الفورد عندنا شبه مظلوم ولا في امريكا من اعلى المبيعات وميزة الاكسبدشن الاريح والاوسع والاعتماديه افضل بكثييييير ولا تنسى المقصات ماهي نازله زي اليوكن والدبل فيه اقوى عشان الدوفلوك وفوق هذا ارخص👍🏼

[@mlk3-ksa]

@@hmoood9218 عجزت اشرح لهم فالارقام ولغة المنطق والضمانات الفورد متفوق بكثيييير لكن الي يشتري عشان مسألة شكل هذا من ابسط حقوق الشخص يقول هذا اجمل ولا هذا لان انا بوجهة نظري التاهو كشكل من اجمل السيارات الكبيره لكن الفورد جمع كل شي شكل ومضمون وسعر ومواصفات وضمان عشان كذا اخترته

[@ASEsrty]

@@hmoood9218 انا ترا مالي في الامريكي كثير اصلاً لاكن انا شفت مقارنه بين اسكاليد ولنكون في قناه عرب جي تي ويقولون ان الأسكاليد اوسع واريح

[@raedsaad4152]

الله يبارك لك ما شاءالله

[@mlk3-ksa]

الله يجزاك خير يابعدي

[@qatarqat2413]

المشكله في التيربو يخرب علطول ويصرف بنزين كثير

[@charger121212]

كلام غير صحيح للأسف

[@saudkh280]

ما شا الله تبارك الله

[@mlk3-ksa]

الله يجزاك خير وربي يرزقك اضعاف ما تتمنى

[@sal4992]

مشكلة الإكسبدشن المكيف في الصيف اذا وقفت سيء جدا. اتكلم عن ٢٠١٣ من تجربة. لا اعلم عن الجديد؟

[@عبدالكريم-غ9ح6ن]

بالعكس وربي معنا واحد ٢٠١٢ صحيح اشتكينا من المكيف كان م يبرد بسرعه بس بعد م غيرنا الكمبروسر صار ثلاثه وربي طقه وحده بالكثير بعز الظهر ثلاجه رح حاول افحص الفريون شي تاكد الله يعافيك

[@sal4992]

@@عبدالكريم-غ9ح6ن شكرا .الله يعطيك العافية

[@user-we8bf1hy4p]

ينقصه اصطبات خلفيه ليد وحساسات امامية ولو فيه كاميرات ٣٦٠ يكون افضل

[@mislikemenot82]

اتفق وبقوه معايه إكسبديشن ٢٠١٣ ، مكمل ١٠ سنوات حولها ، ماشاء الله تبارك الله وحش في الطريق قوه ورحابه وسياره مرتفعه عن الأرض، غيرت أشياء استهلاكيه بسيطه لا تذكر والمحرك بفضل الله عمري ماسويت فيه شي،،. وجهة نظري وعن تجربه .

[@mlk3-ksa]

ما شاء الله تبارك الرحمن

[@Abdullahh55]

ياغالي الله يبارك لك حصلت ١٤ فل كامل وودي اشتريه هل هو مثل النص فل والاستاندر ولا كهربته معقده وحساس جنطه عشرين جلد بس مدري فيه فتحه ولالا جيته اليوم وشكيته ولا دققت فالفتحه لكنه جلد وعاج على الطاره هل هو حساس ولا اتبارك واشتريه

[@zzsxzzzxc6000]

أنا ادور نفس موديلك لكن ابي نصيحتك سريع

[@نادرالعتيبي-ج3ن]

استفسار لاهنت القير عند التبديل من P الى R او D يكون فيه ضربه شنو الحل معاه للعلم الوكيل يقول طبيعي

[@mlk3-ksa]

@@نادرالعتيبي-ج3ن فعلا طبيعي بس شبه اختفى عندي السبب صرت اشغل عن بعد واخليه يحتمي فتره وما عاد رجع لي ابد من سنه تقريبا ما عاد سمعته ابدا

[@نادرالعتيبي-ج3ن]

@@mlk3-ksaتسلم يالحبيب وجزاك الله خير

[@rejaalhajri7831]

اذا صوت الطقه عندك للحين فيه خطا عندك في الوقوف ماعلم عن طريقة الهاند بريك فالاكسبدشن لكن اذا الصوت عندك لا زال موجود هل تقدر تسحب هاند بريك والسياره في ال d اذا تقدر اسحب بعدها تحطها n وبعدها p جرب وبلغني

[@Andalosy55]

@@rejaalhajri7831ليش اخوي انا فعلاً صار يطلع عندي بالبرادو طبعاً اعشق مباشرة بدون طريقتك هل الطريقة اللي ذكرتها مهمه وهل لو طبقتها الان بيتغير او خلاص ما ينفع

[@عبداللهالحربي-و7ح1ك]

ما شاء الله الله يبارك لك ، لكن يالشيخ بسألك كيف جودة الديكورات وتماسكها في الخطوط المكسره والبر ؟ فيها اصوات خفيفه ولا متماسكه ؟

[@mlk3-ksa]

متماسكه جدا بس حصل معي صوت في سقف البانوراما مو القزاز في احد القطع مدري وشهي وديته الوكاله وصلحوه على الضمان وبعدها ما شاء الله مضبوط واتوقع ان السبب طعست بالموتر اكثر من ٤ مرات وتوه جديد وقتها وبدون ما ((انسم)) + نوعية الكفرات نصف حجريه وارتفاعها ٥٥ تكون اقسى وامتصاصها للصدمات مزعج المفروض اركب كفرات عاديه ارتفاعها ٦٠ سألت كذا شخص مغير الكفرات يقول بتحس فرق مو طبيعي لكن انا بكرف كفر الوكاله حسره اغيره🤣

[@king__9690]

@@mlk3-ksaغير كفرات الوكاله بدنلوب او تويو (كفرات لينه وممتازه وهواء الكفرات خله على 35 بالبدايه كم يوم بعدين نزله الى 25 اذا سواقتك راكد وبتشوف فرق السماء عن الارض باي سياره بشكل عام والكفرات اذا نظيف اعرضها بموقع حراج وتنباع ماتطول اغلب سياراتي اذا شريتها مايكمل الكفر اسبوع الا مغيره وبايعه حقات الوكاله وخاصه كفرات برجستون ممتازه كاعتماديه لكن سيء بالقساوه واصوات الارض

[@nnasmari]

ما شاء الله تبارك الله، الله يبارك لك ويرزقك من أوسع أبواب فضله. صراحة السيارة في بالي لكن ناس خوفوني من ناحية القير قالوا فيه مشاكل و تعليق وغيره... مدري هل لاحظت هذا الشيء.

[@mlk3-ksa]

ابدا مافيه اي خلاف قيره ١٠ سرعات وسلس وناعم فالتعشيقات ما شاء الله تبارك الله من ابدع ما يكون

[@mlk3-ksa]

جربته فالبر فوق ٥ مرات وفالخط اكثر من ٨ مرات ورجلي حاره وما ارحم السيارات والدليل قناتي ادخل شيك عليها احب العن خير السياره لكني احافظ على الزيوت اول باول واغير زيوت تخليقيه بالكامل تتحمل التيربو وتتحمل الاحتراق العالي

[@mo7madali]

ركب مبرد قير للسيارات الامريكية عموما دائما حرارة القير ترتفع مع الكرف في السيارات الأمريكية

[@charger121212]

قيره نفس اليوكن و التاهو

[@mohsenalabbas7866]

هل عانيت من اصوات الهوا خصوصا مع البانوراما؟

[@انسالغامدي-م9ح]

ما شاء الله تبارك الله. وأحسن ماخترت صراحه 🤍✅

[@NZYZNGH14]

الاكسبيديشن بطل ويفوز على اي سياره من فئتها ، خفيف نفس وصرفيه اقل وخدمة مابعد البيع موجوده وأفضل من غيره وقطعه متوفره وفئاتها كثيره واللي استخدم يفهم ايش اتكلم عنه ، عنصرية اهل الجموس هم نفسهم حقين تايوتا شيك بالجيب والعزاء للمغفلين

[@solimanabbas4501]

الاكسبدشن مواصفات راحة متعة قياده قوة افضل من الشفر و جي ام

[@Ahmed-bn5sx]

حنا مشكلتنا بالمملكه ان الغالب يبي يشتري سياره وتجلس معاه اقل شي خمس سنوات . فالناس دايما تبحث عن الجوده وقلة الخرابات . انا ودي بتاهو او اكسبيدشن بس الاسعار فوق ال٢٠٠ الف ، والله كثير وفوق المستطاع للشخص الي معاه عايلة ويبي سيارة اوسع . الله يرزق كل صاحب نيه بنيته ويلاقي الخير ويشتري

[@mlk3-ksa]

طيب وانا اخوك الشكل الي قبل من ٢٠١٨ الى ٢٠٢١ واسعار المستعمل نظييف ممشاه قليل من ١٠٠ الى ١٣٥ الف وبتعيش معك اكثر من ٥ سنوات انا ما ابرر للغلا والله انه يفقع الكبد وتقهر الاسعار لكن انا بس اعطيك حل بسيط وعسى الله يرزقنا ويرزقك وجميع المسلمين من واسع فضله

[@Ahmed-bn5sx]

@@mlk3-ksaصحيح بس مافي مثل الموتر تفكه على يدك وكاله وتحافظ عليه ، الله يرفع قدرك على الرد ويرزقك من حيث لاتحتسب . 🌹♥️

[@sultanmohamed1642]

والله الأسعار نار وانسب البدائل (دورانقو-اكسبلورر-جيب هونداي باليسيد-مونتيرو)

[@mlk3-ksa]

@@sultanmohamed1642 اخوي ماهي بنفس الفئه بعدين حتى الي ذكرتهم بحجمهم وفئتهم غاليين جداا

[@j.txn1]

اللهم امين يارب

[@swaji8638]

الي راعي خطوط عز اله موتر وحراره ثابته ومكيف ثلج بكل الظروف كان معي اكسبيدشن الشكل القديم لكن غير عملي بالبر يتعلق بسرعه والدبل غير عملي لاغرز يدور بوش ووزنه ثقيل ونظام الدبل يعمل بالهو واحينا يفلت

[@abdullahalajmi4724]

كيف مكيفه في الصيف افضل من اليوكن؟

[@mlk3-ksa]

ممتاز جدا الامريكي بشكل عام ينافس نفسه فالتبريد

[@Alsulaimani_mss]

الله يبارك لك.. ماشاء الله تبارك الله.. سؤال .. الكاميرات ٣٦٠ في XLT ولا الليميتد؟ ايضا الحساسات الأمامية موجودة؟

[@mlk3-ksa]

الله يجزاك خير هذي المواصفات فاللمتد والتمبر لاين يابعدي

[@Alsulaimani_mss]

تسلم يا غالي

[@j00kar]

ماتقدر تركب كمرات ٣٦٠ وحساسات أمامية في محلات الزينة على افياش الوكالة ​@@mlk3-ksa

[@mlk3-ksa]

@@j00kar والله مدري وانا اخوك بس ما احتجت الكاميرات ممكن حساسات اماميه مهمه اما الكاميرا ٣٦٠ درجه ماهي مهمه بالنسبه لي

[@j00kar]

@@mlk3-ksa الله يسعدك ويعطيك خيرها ويكفيك شرها أنا كنت افكر في تمبرلاين بس وجدت الفئة اكس ال تي قوتها كافية بس ابغى أستفسر منك عن ابعاد السيارة صراحة لانه سيارتي افالون والقراج حقي تدخل فيه سيارة وحدة فمدري الاكسبدشن يدخل لايكون عريض بزيادة ومقدر افتح الباب 🤣 انتظر موديل ٢٥ وعاجبني الشكل الحالي بس ماني مستعجل حاليا بصير فترة بسيطة لاني ارغب في سيارة كبيرة مرتفعة وفيه خيارات كثير جيوب صغيرة واسعارها قريبة من الاكسبدشن فيعتبر الاكسبدشن خيار ممتاز سعريا وقوة وراحة حسب ماشفت

[@abdullahal-obaidan3697]

كنت قاب قوسين او ادنى من شرائه ولكن منعني الشكل الخارجي ماتقبلته بالمرة وعجزت اهضمه، صحيح هي مسألة اذواق لكن في النهاية الشكل هو المحدد بالنسبة لي، اضافة الى اني ابغى الطويل ولامؤاخذة الفئة الطويلة على الاكسبدشن شكلها ما ينبلع. امر اخر في صف اليوكن والتاهو وهو الحضور والهيبة والشعبية الجارفة.

[@mlk3-ksa]

حقك يابعدي ومسألة الحضور والهيبه والشعبيه مسألة وقت وتندفن سبب شعبية الجمس كان مهيمن ٧٠ سنه لان الفورد كان ممنوع فالسعوديه من الستينات وهذا الي خلى جنرال موترز تستفرد بالساحه في الفئه هذي

[@نديمالجرح]

الرفرف الخلفي النور مخرب شكله. غلط.

[@adelalsaedi1785]

السلام عليكم ، انا معاي 2022 بالبدايه كنت احس بقساوه غير طبيعيه وامتصاص السياره للشارع واضح علي كسائق ، غيرت الكفرات الي العاديه و خفت القساوه ولكن موجوده هل هذا بسبب جنط xlt ويعتبر طبيعي ام لا ، مع العلم وديتها الوكاله وفحصوها مافيها شيء

[@mlk3-ksa]

الكفرات لازم يكون ارتفاعها ٦٠ لان الجنط كبير والسياره ثقيله طبيعي القساوه لكن اول ما تغير ارتفاع الكفر راح يفرق معك بشكل كبيررر جدا فيه كفرات رادستون ممتازه جدا

[@adelalsaedi1785]

@@mlk3-ksaمقاس الكفر الان 275/55 هل اغيره الى 275/60 او 65 ?! وهل حياثر على السياره

[@mlk3-ksa]

@@adelalsaedi1785 الستاندر عليه كفرات ارتفاعها ٦٥ لان جنطه ١٨ اصغر اما الجنط العشرين افضل شي له ٦٠

[@adelalsaedi1785]

هل حياثر على الضمان والسياره لان مواصفات المصنع 55 واعتذر لكثره الاسئله

[@mlk3-ksa]

وش دعوه يابعدي خذ راحتك بالنسبه للضمان ما اتوقع له دخل نهائيا الصراحه ماقد جربت لكن تقدر تستفسر عن طريق وكيلك بالموقع الالكتروني تحط استفسارك ويردون عليك باذن الله

[@omarturkostani680]

توني راجع من عند فورد الناغي كنت بشوف الاكسبلورر عليها عروض ولا لأ لقيت الاكسبلورر 2023 ليميتد ب224 تقريبا والاسكبدشن XLT 2024 جلد تبريد مقاعد وبانوراما عليها عرض ب227 بصراحة بدأت احك راسي هل اقدر استخدمها سيارة يومية للدوام وتوصيل مدارس او متعبة واضطر اشتري سيارة صغيرة جمبها ؟ وهل اسعار الصيانة معقولة او مرتفعة مالي في البر الا فيما ندر واستخدمه وسط البلد وخطوط حاليا عندي دورانجو 8 سلندربدأ يفك فمه

[@mlk3-ksa]

والله العرض مغري جدا لكن طش الدورانجو وخذ الاكسبدشن وشف لك موتر حوله صغير انا خذيت امجي ٢٣ اصفار ب٣٩ شامل كل شي حتى التأمين

[@omarturkostani680]

@@mlk3-ksa ركبت اليوكون عجبني اكثر شكل افخم واريحومع انه ستاندرد بس سعره مبالغ فيه. بس عموما ماافضل سيارتين لانه امام بيتنا ٦ سيارات زحمة سيارات

[@mlk3-ksa]

@@omarturkostani680 عز الله هههههههههههههههههههههههههههههههههههههههههههههههههههههههههههههههههههههه🤣💔

[@maserati2130]

تصلح استخدام يومي السياره على حجمها بتحس خفيفه وناعمه لكن انتبه ترى عليه تغيير قوي في 2025 يشمل الداخليه وتحسينات خارجيه

[@fares5794]

@@maserati2130متى يعلنون عن الجديد

[@MrShabab1000]

تتوقع الموتر عملي و يصمل ، جوده الديكورات و غيرها

[@malghader]

الفورد بس لو معدلين بالشكل الخارجي يتفوقون بكثير

[@mlk3-ksa]

ينقصه ترا خلفيه فقط اما الوجهيه جباره ووحشيه وجميله بنفس الوقت تبغى وحشيه تمبر لاين واكس ال تي تبغى رايقه خذ لك ليمتد لكن الخلفيه اتفق معك ماهي قد المقام باقي السياره رهيبه

[@ashalghafri2955]

الشكل الجديد جاي

[@FAISAL15S]

الله يبارك لك ✅

[@نوافالسبيعي-ظ7ر]

عندي سوال كم ياخذ علبة زيت مع سيفون

[@gslll322]

حبيبي الفورد جودة الصناعة افضل بكثير من جنرال موتر عز الفورد الله يباركلك ويرزقنا

[@mlk3-ksa]

امين ياحبيب اخوه 🌹

[@MiX7889]

نصيحة الاي بيخذ قرض ومامعه فلوس ياخذ ستاندر كله بانهيه بتوديك

[@mlk3-ksa]

اتفق معك وسعر الستاندر الجديد معقول جداا فالمعارض وفالوكيل

[@MiX7889]

باكم بحصله كاشش

[@MiX7889]

ويجار تملك

[@Omar-ALyaf3i]

هل مقصاتها نازلة نفس الجمس ولا لا؟

[@Tiger-je1pf]

ماشاء الله ، ترى سعره بسعر تاهو LS دبل ومواصفاته أكثر بكثير .....

[@mlk3-ksa]

من الاكثر ياعيني

[@Tiger-je1pf]

أقصد الاكسبدشن افضل مواصفات .

[@mlk3-ksa]

@@Tiger-je1pf بكثيررر غير كذا الاسعار يارجل قبل شوي مشيك على الاسعار التاهو بدون دبل اقل سعر ب٢٣٣ الف واليوكن ب٢٤٧ تخيل هذي بدون دبل وفالوكالات اغلى الاكسبدشن فالوكالة فل كامل دبل ودفلوك ب٢٤٩ الف وفوقها صيانات مجانيه ودلع

[@lonter3694]

بيض الله وجهك ماقصرت الموتر مظلوم فعلا لكن ها حبة حبة بدا ياكل السوق معي 2008 ليمتد وارد امريكا ماشاءالله الكريم جودة واعتمادية ومكيف قوي جدا وشاشة خلفية وامامية وشنطة كهرب ودواسات او الوطايات كهرب جنوط 20 فخامة بمعنى الكلمة ولا انسى ايضا فتحة السقف وايضا مرايات الجانبية فيها تسخين حراري تلقائي للضباب وايضا في البر والدبل مع انه مافيه دف لوك ولا وضعيات قيادة وجنط 20 لكن في البر يجمل معك قد دخلت عليه بر في الشرقية والتراب انعم من الحرير ويمشي وامورك طيبة ومواصفات عد واغلط ماشاءالله الكريم

[@mlk3-ksa]

صراحه فورد من ٢٠١٤ وفوق قاعده تبدع وشراكتها مع الصين كانت مثمره تكنلوجيا + فالسعر احنا المستفيدين ودي الاكسبدشن الجديد يصنع فالصين مو عشان شي عشان السعر ينقص فقط اما الجوده مافيه شركه بحجم فورد بترضى جودتها تنزل حتى لو تصنعت في تايوان

[@mlk3-ksa]

بخصوص الموديلات القديمه كان معنا ٢٠٠٧ من انعم ماركبت في حياتي وتنافس نعومة السيارات الفارهه يشهد الله ما انسى الخطوط عليها ومسرحيات عام ٢٠٠٧ كنت اشوفها فالمرتبه الخلفيه حتى تصميم الداخليه كان جميل وسابق عصره وال١٨ وفوق نقلة نوعيه لفورد اكسبدشن واتوقع له نجاااح باهر خصوصا انها زادت مبيعاته في امريكا ٣٧ بالميه هذا دليل انه شافو تغيير ملموس وتعبو على تسويقه 👍

[@انسالجعفري-ن5ظ]

شاكر ومقدّر لك اخوي ابو جولي على التغطيه الجميله والمفيده الله يوفقك🌹👍🏻

[@mlk3-ksa]

الشكر لله يا بعد راسي وباذن الله ترقب المزيد والتنوع فالايام القادمة

[@user-we8bf1hy4p]

اقول التاهو وبس استخدمته ٢٠١٦ لمدة خمس سنين والله ياهو وحش وطرب وقوة وصيانته بلاااااااش من اي سي ديلكو موتر بمعنى الكلمه

[@mlk3-ksa]

ما شاء الله التاهو جميل ويعجبني شكله من ٢٠٠٧ لين وقتنا الحاضر لكن الشكل الجديد مقصاته تغبن ولا شكله جميل جدا

[@pi743ach]

السلام عليكم. اخوي ابوجولي هل الاكسبديشن باقي موجود معك وكيف السياره معك بعد استخدام الفتره هذي. هل ظهرت لك مشاكل او اعطال هل السياره عمليه. عطني بالله رأيك بصراحة. تحياتي

[@mlk3-ksa]

عليكم السلام ورحمة الله وبركاته السياره موجوده ومن ابدع ما يكون يارب لك الحمد ما واجهت اي مشاكل

[@pi743ach]

@mlk3-ksa ماشاءالله الله يبارك لك

[@دندوندندون-ز9ف]

وين النصيحه

[@ابومحمد-ذ1و3ذ]

الفورد مشكلته في الكهرباء أعطاله كثيره التاهو واليوكن جوده اعلي

[@hp15132]

ما شاءالله تبارك لله الله يرزقنا

[@AbuMaher-vl1ip]

كيف ميلان السيارة مع المنعطفات بالطريق؟

[@mlk3-ksa]

@@AbuMaher-vl1ip ممتاز جدا ما تحس به نهائيا

[@Azooz-Lx570]

ماشاء الله تبارك الله اختيارك موفق وناجح عندك ثلاجة دوميتيك تركب مكان الثلاجة سو بحث عنها في قوقل عشان تقارن الاسعار وتاخذها باقل سعر وحسب تجربة ابو بندر لفورد f150 تانكيه ١٣٦ يمشي ١٠٠٠ تقريبا خط

[@mlk3-ksa]

الله يجزاك خير ياحبيب اخوه ليه اركب ثلاجه يابعدي ثلاجة الوكاله ممتازه جدا ما يحتاج اركب + موتري ٩٠ لتر تقريبا يمشيني ٧٥٠ كيلو الى ٨٠٠ على سرعة الشارع لين تولع اللمبه يمدي اكثر لكن تتعب السياره مع الوقت وتخرب طرمبة البنزين

[@Azooz-Lx570]

@@mlk3-ksa ماشاء الله اجل هي نفس النوع اللي راكبه على موترك وكاله ماشاء الله توقعت موترك بدون زي الموديلات اللي قبله و صرفيته زينه على سعة التانكي ممتازه جداً

[@mlk3-ksa]

@@Azooz-Lx570 اي اللهم لك الحمد الثلاجه كبيره مره وممتازه جدااا تخلي المشروبب يثلج واذا طفيتها تحافظ على البروده فتره طويله اذا بتحط ادويه وانت ماسك خط صراحه مهمه للي عنده كبار سن ومعهم ادويه الله يعطينا وياهم الصحه والعافيه

[@محمدالضمريالكناني]

السياره عن الصيانه والاهتمام

[@mlk3-ksa]

بالذات القير والمكينه اذا تغيرهم بوقتهم وزيوت تخليقيه بالكامل وكل ١٠٠ الف تبخ بخاخ مع تغيير الزيت ينفض الرواسب اضمن لك تعيش المكينه فترات طويله

[@نايفالعتيبي-ل3ث]

اخوي ياليت تصور لنا الاضائه الاماميه بالليل لاني ناوي عليه وخايف من الاضائه ضعيفه

[@mlk3-ksa]

الاضائه قويه جدا ولا بتحتاج للعالي ابدا ما شاء الله تبارك الله

[@AS-kf7mu]

يعني تبطل تشتري سياره انت حااابه تغير قرارك عشان اضأه أماميه ضعيفه باكثر المحلات تسويلك اضأه حتى ما تحتاج للعالي الا لضروره كلامك مش منطقي

[@montherali8543]

نوره ممتاز والله وبعدين ليش تكنسل شرائك لسيارة عشان نور مثلا؟ ياكثر المحلات الي تركبلك نور يعمي الي قدامك ركب لك زينونن وخلاص مع ان نوره قوي والله

[@OmarTwo8]

​@@montherali8543 كلامه صحيح للي يمسك خطوط اكيد بتهم الاضاءة الامامية تراك دافع مبلغ كبير وفي الاخير سيارة اضاءتها ابوكلب !!!

[@MORNING18]

ليش الجير كذا ياخي، لو مسوينه علاق، أو أزرار فوق، ترى إلا أفياش، حاليا هو مأخذ مساحة على الفاضي تحت.

[@عبداللهال-ط5م]

اخوي تنصحني اشتريه موديل 2021 فورد اكسبدشن ابي سياره عائليه انا هل فيه عيوب

[@mlk3-ksa]

انصحك بال٢٢ اذا تقدر عليه ما عندك مشكله حتى لو كندي ممتاز جدا خذ لك لمتد كندي او امريكي بتلقى سعره رخيص جدا ال٢١ والله ما اعلم عنه لكن ٢٠ وتحت كان فيها عيوب مصنعيه وتعدلت في ٢٠٢١ وفوق

[@عبداللهال-ط5م]

الله يجزاك خير ويطول بعمرك ويرزقك من واسع فضله ويحقق لك الي تتمناه ​@@mlk3-ksa

[@king__9690]

ماشاء لله تبارك الرحمن فورد لو تشد حيلها بالمنافسه بالاسعار اكثر بتضرب الفئه هذي لان اللاند سعر فلكي والباترول لحق اللاند الان المنافسه بين جي ام وفورد امامه جربت فورد 2011 لميتد مستعمل جلس معي شهرين وكان فيه مشاكل ومنها كهربائيه المهم حساسا القير تعطل عندي اشغل القير على الاول مايبدل تطفي تشغل يرجع يبدل عادي ياجماعه قسسم بالله انه من الشرقيه للقصيم بالاول مابدا معي وبعته على رجال وله شهرين معه ماصلحه رايح جاي عقب الشي هذا ارتفع بعيني الفورد امامه والامريكي بشكل عام سيارات عائليه بامتياز لما تتكلم عن الفئه هذي تركات قبل نقول تيربو و6 سلندر الان الاند نفسه والباترول الجديد بيصر نفسهم وجي ام قريباً سنتين ثلاث بالكثير بتشوفه 6 سلندر تيربو مع اني من عشاق الثمانيه سلندر صوته طرب وصرفيته جداً ممتاز تخيل معي صني 2023 كل اسبوع اعبيه فل ونفس المشاوير مع الاكسبدشن اعبي نص التانكي ويجلس معي اسبوع كامل كلهم 100 اعبيهم فاللي يقولك خذ صغيره واقتصاديه كلام فاضي تحشر نفسك وعيالك كانك بقبر على اساس بتوفر صرفيه والواقع عكس الله يرزقنا بموت اصفااار سواء اكسبدشن ولا تاهو ولا يكون (ملاحظه 2025 يوكون وتاهو القير تغير عصاء كهرباء زي المرسيدس افضل من الان وجاهيه الجمس والشفر احلى من الفورد ولكن تحديث فور الاخير للاكسبدشن امانه يستاهل تفكر فيه خاصه اذا نزلو بالاسعار راح تشوفه بكل زاويه

[@mlk3-ksa]

يعطيك العافيه على شرح تجربتك المثريه ازيدك من الشعر بيت في اخر نقطه حقت المبيعات تدري ان اكسبدشن اخر سنه فقط زادت مبيعاتها ٣٨ بالميه وهذا رقم خيالي

[@king__9690]

@@mlk3-ksa ماشاء لله يستاهل بعد تجربتي له بس الوكيل عندنا لو ياخذ من الشركه الام عروض قويه ان تلقاه بكل بيت لانه موتر عائلي بامتيار وحنا كعرب وخليجيين بالذات ههههه عوايلنا كبيره ماشاء لله مالك غنى عن سياره عائليه سواء استخدام يومي او نهايه الاسبوع

[@mlk3-ksa]

@@king__9690 اتفق ترا اول ما نزل سوا صيانات مجانيه الى ١٠٠ الف واقصاد بسعر الكاش صدقني ما زادت مبيعاته الا بسبب العروض الناس الميزانيه معدهي مثل اول عشان كذا هو افضل خيار لين ١٠٠ الف ما تدفع ولا ريال وسعر الموتر يعتبر رخيص عشان كذا صار خيار العوايل متوسطة الدخل بامتياز

[@ahmedalshamrani3218]

استهلاك الوقود عالي جداً اليومن والتاهو اقب بكثير تقريباً لكل ١٠٠ كم / ١٠ لتر

[@mlk3-ksa]

غير صحيح افضل من التاهو واليوكن بكثير

[@ahmedalshamrani3218]

بلغة الأرقام واضح الفورد اكثر

[@mlk3-ksa]

@@ahmedalshamrani3218 اخوي الله يسعدك بالارقام وبالواقع الفورد افضل وعندك بطاقة كفائة الطاقه وعندك اكثر من مشهور يملكون تاهو ومجربين صرفيته يالله يالله يمشيك ٤٥٠ داخل المدينه

[@زيودي-ش1ع]

@@mlk3-ksaكم يمشيك الفل و بكم الفل بي المدينه

[@Ablitee]

كم لتر وكم يمشي كيلو؟ الله يبارك لك

[@dode1984]

كم يمشيك التانكي ؟

[@mlk3-ksa]

وسط المدينه من ٦٠٠ الى ٧٥٠ حسب الدعسه وفالخط اذا معك عفوش والمراتب جميعها مليانه والهواء مو معك ٧٥٠ لين تولع اللمبه واذا الهواء معك امورك طيبه لان الار بي يكون مريح على الاخير

[@saad-wb4zg]

@@mlk3-ksaكم سعه التانكي و هل واجهتك مشاكل و القير فيه نتعات او لا 😊

[@RYAN.1996]

كيف استهلاك البنزين اهم شي

[@mlk3-ksa]

ممتاز جدا

[@kljhn]

ابو جولي الله يسعدك ايش يفرق اكسبديشن 2024 عن 2023 ، مستعجل ناوي اطلعه ولا التاهو ؟ من ناحية أعطال لأني مستهلك سيء وما اهتم بالصيانة ، هل في حل للحساسات الأمامية أقدر اركب له ؟ ناوي شاص طويل تنصح ولا لا ؟

[@mlk3-ksa]

@@kljhn مافيه فرق ابدا + انصح به وبقوه اشوفه افضل موتر فالفئه هذي من ناحية اعطال اللاند شفت استدعائاتهم والجمس نفس الكلام مافيه الا فورد الشكل الجديد تبارك الله مافيه ولا استدعاء وموترر تحطه على يمناك بر ومدينه وخطوط والحساسات نعم تقدر تركب فالوكاله او فالغرابي الي ودك

[@kljhn]

@@mlk3-ksa جزاك الله خير على سرعة جوابك ما قصرت ، والله يعطيك خيره ويكفيك شره 💐💐💐💐

[@maaa1233]

اليوكن مكينته 5,3 و ٨ سلندر معروفه جدا من ٨ سنوات لا تقارن ابدا بمكينة الاكسبدشن وانت تعرف مشاكل التيربو غير انه ٦ سلندر القير مشترك واشوفه ممتاز جدا

[@mlk3-ksa]

@@maaa1233 شخبار التكايات من ٨ سنوات ؟ بخصوص التيربو ترا فورد تستخدمها من ١٤ سنه الله يحفظك وعلى الاكسبدشن بالذات من ٩ سنوات والمشاكل لا تذكر مقارنه بعيب التكايات المتكرر فاليوكن

[@maaa1233]

@@mlk3-ksa التكايات ما تصير الا بالدفع الاولى ومشكلتها بسيطة ومعروفه مثل ما قلت اما التيربو وانا اخوك صيانة مكلفة جدا ولا يعيش معك لا تقارن ابدا 8 سلندر ب 6

[@NZYZNGH14]

الاكسبيديشن يفوز ولامقارنه

[@abdull340]

السلام عليكم سؤال هل من الممكن أن تمشي سيارة فورد 700الف كيلو متر تحياتي لكل من يجيبني

[@mlk3-ksa]

@@abdull340 اذا مواضب على الصيانه نعم راح تمشي

[@abdull340]

@@mlk3-ksa شكرا بارك الله فيك

[@mlk3-ksa]

@@abdull340 وفيك يارب ياكريم

[@saudiforce4191]

تقصد صرفيه البنزين؟ ايه تقدر تمشي عليه اكثر من ٧٠٠

[@DVU40]

كيف الجلد الصناعي مع الحراره؟ اظن الجلد اللي عندك ActiveX

[@mlk3-ksa]

والله معلم عن نوعه بس انه ممتاز وانا مظلل لومار بحدود ٥ الاف ما شاء الله ما احس بالحراره ابد

[@DVU40]

يعطيك العافيه

[@mlk3-ksa]

@@DVU40 الله يعافيك ياحبيبي وفعليا الجلد ممتاز جدا ومريح ويبرد بسرعه

[@DVU40]

يبرد لما تشغل التبريد ولا ما يكون حار من الأساس؟ لان سيارتي جلد ونادر اشغل تبريد المقاعد ​@@mlk3-ksa

[@mlk3-ksa]

@@DVU40 ما يكون حار واذا شغلت المكيف بسرعه تبرد المراتب ما شاء الله نظام التبريد فيه اسطوري بشكل ما تتخيل ومراتب الجلد حقته رهيبه

[@سبحاناللهوبحمدهسبحاناللهال-ن4ذ]

افضل السيارات العائليه الامريكيه جمس واليابانيه باترول

[@user-pu8ys7ck9f]

فورد صراحة جودته كويسه كان معي فيوجن 2010 وقبلها كان مع السواق يوم استلمته كان ماشي 80 الف وتعرف اول ماتعلم السواقه رجالك نار على الموتر المهم الموتر مارحمته الين وصل ممشى 240 اول خراب القير بطل يرجع ريوس وعزمه بداء يطيح من ممشى 80 الف ما افتح الكبوت الا عشان الزيت والفلتر فقط والى يومك هذا استخدمه كا موتر بديل بس عزمه مره طاح وشكلي ببداء اصينه لأنه يستاهل كل ريال وهذي تجربت مع فورد

[@mlk3-ksa]

دامك ما صينته لا تلومه مفروض اضعف الايمان تبدل زيت قيره كل ٨٠ ولا كل ١٠٠ الف عشان يعيش معك لكن الله يبارك لك في حلالك

[@user-pu8ys7ck9f]

​@@mlk3-ksaاجمعين يارب

[@abobasam19]

يتفوق حتى بالشكل بالنسبة لي .. مو صحيح ان (التنفيخ) اجمل !! اللي يقول تحت ابعد عن الفورد خرابات .. فاكه 2013 بعد عشر سنين ..الاسبوع اللي راح طلب شريحة قير .. هذا اللي خرب خلال (عشر) سنوات والثاني يقول لاتدور غير التويوتا .. يوم اودي الموتر للصناعية الاسبوع اللي راح وصلني اوبر كامري 2019 يقول قبل شهر موضب مكينة .. واشوف نصف الصناعية تويوتا سيارات جيوب بموديل سيارة صاحبنا .. اشوف انها سمعه غير حقيقة يالغالي ناويلي على واحد بإذن الله زي اللي معك الله يبارك لك وش نوعه بالضبط اللي يجي دفلك .. مابي التمبرلاين ابي قصير ويجي دفلك وش نوعه كرماً ؟

[@mlk3-ksa]

XLT فل كامل يجي دبل وسقف بانوراما ومراتب جلد

[@mlk3-ksa]

+ اذا ما يهمك سقف بانوراما وجلد فيه فئه XLT بدون سقف وبدون جلد لكن فيه دبل ودفلوك

[@abobasam19]

ألف شكر @@mlk3-ksa

[@mlk3-ksa]

@@abobasam19 وترا سعره فالمعارض حدود ٢١٥ الف دبل ودفلوك وجنط ٢٠ رهيبه هذي الفئه اشوفها ممتازه للي بيجلد الموتر خطوط وتطعيس اما الي يبغى فخامه وروقان وتطعيس خفييييف ياخذ نفس الي معي

[@xwz10000]

@@mlk3-ksaمافيه جنط اصغر من العشرين ، مايهمني شكل الجنط ابي جنط صغير يريحني فالمشي ؟

[@jeddaaah]

يا الربع انا اشتغلت في السيارات.. وداري ان تعليقي مابيعجب الكل.. تبغي راحة بال؟ لاتدور غير التيوتا.. انا ما اتكلم عن سعر.. اتكلم عن جوده.. اشتر اللي تبي لكن الجوده تتكلم عن نفسها.. الاكسبديشن افضل من اليوكن في وجهة نظري من ناحية جوده وانه يعيش.. عموما ليس كل ياباني ممتاز.. ابعد عن النيسان مثلاً.. افضل الشركات تيوتا ثم هوندا.. واليوكن القديم افضل.. اتكلم عن ٢٠٠٦ ونازل.. انا ان مدحت التيوتا مو معناه الاكسبديشن سيئ.. الاكسبيديشن احطه بعد التيوتا تقريبا ك سياره جيب.. انا ماذكرت اللكزس لان اللكزس موضوعها ثاني وجودتها لاتقارن مع اي سياره.. هذي وجهة نظر مبنيه على خبره.. وكل واحد يشتري اللي نفسه ترتاح لها.. والله يرزقنا ويرزقكم باللي تتمنون

[@mlk3-ksa]

اتفق معك معك خدمة وكيل لصالح تويوتا لكن المبلغ عالي والمواصفات شحيحه فالتويوتا + مكاين التيربو الجديده الي على التويوتا ما اثبتت نفسها الاكسبدشن له ٨ سنوات في مكاين التيربو وناجح

[@السكب-ظ4ق]

خذ لك جولة باليوتيوب واكتب بمحرك البحث (توضيب لاندكروزر 2022) وشوف بعينك الفضائح .. او اكتب (توضيب لكزس 2022) وراح تطلع لك بلاوي .. تويوتا بالموديلات الجديدة واضح انها اهملت موضوع الاعتمادية والمتانة وركزت على تقليل استهلاك الوقود وتقليل الانبعاثات الكربونية، ولذلك صنعت سيارات أي كلام اقرب ماتكون صناعة صينية .. وليست يابانية .. حتى العزل (الضوضاء) بسيارات لكزس الجديدة أي كلام .. سيء جداً جداً .. لكزس التي لطالما كانت مضرب مثل بالهدوء داخل المقصورة، لكن الجيل الاخير كارثة .. بالنسبة لهوندا، نعم هوندا لاتزال محافظة على موضوع الاعتمادية وهي افضل الخيارات في السوق لمن يبحث عن الاعتمادية والموثوقية وراحة البال من الاعطال .. شكراً شكراً..

[@USER-omar555]

تويوتا أنتهت عام 2006 ... أما الآن جوده أبو كلب 😮‍💨

[@USER-omar555]

​@@mlk3-ksa هل ناوي تعدّل على مبرد القير ... لأنه تبريد مائي عن طريق الرديتر ؟

[@Khaled91901]

@@USER-omar555 كل الشركات جوده ابو كلب بدون استثناء لاكن افضل شي تويوتا

[@خالدمحمدالعبدالقادر-ظ9ه]

مشكلة الفورد ينقصه يكون قير علاق وكرسي امامي ٣ ركاب عشان يتفوق على الجمس هذي من اهم الاشياء

[@mlk3-ksa]

انا مثلك احب العلاق بس استبدلوها بثلاجه تفتح النفس وديكور جميل للمشروبات واماكن تخزين كثير كل واحد ورغباته

[@خالدمحمدالعبدالقادر-ظ9ه]

@@mlk3-ksa لا والله انا احب يكون فالوسط كرسي واحط عليه مخدات تقدر حتى تنام على جنب وتقدر تجلس اربع اشخاص فالامام

[@mlk3-ksa]

@@خالدمحمدالعبدالقادر-ظ9ه انت تفضل يكون مرتبه غيرك كثير يفضل يكون مفصول فالموضوع اختلاف اراء واذواق

[@m.salemss8402]

ياخي الفورد يازينه بس ياخي البلاستيك الي ف الديكورات رديء لدرجة رخيصه جداً اقصد الي حوالين الدركسون وتحت عند ادراج الابواب ياخي احسه صيني

[@naifalahmari1572]

علشان كذا السعر يجيك منخفض مقارنة بمنافسينه

[@adelaak1183]

240 الف العادية دبل@@naifalahmari1572

[@جبرنيالوقت-ك2ط]

اجود داخلية في الأمريكي الفورد

[@إبراهيمالقربان]

الشكل يبقى فورد سيى والشي الثاني القطع غيار جنرال موترز ارخص واكثر انتشار

[@mlk3-ksa]

الشكل وانا اخوك مسألة ذوق انا اشوفه ممتاز قطع غيار غير صحيح تجيب لي قطعه ماهي اصليه وتنسبها لجنرال موترز لا ابي سعر الوكاله مستعد اجيب دفتر وقلم وانا وانت نسعرها قطعه قطعه اذا ما لقيت جنرال موترز اغلى بفرق كبيرر احلق شنبي بالنسبه للانتشار اتفق لان الجمس له وكيلين شف فورد الان الناغي صار وكيل له سنه وبتشوف الانتشار على اصوله صار الناغي والجزيره مع بعض مثل الجميح والتوكيلات العالميه

[@إبراهيمالقربان]

@@mlk3-ksaالدليل جنرال موترز اكثر شركات معتمده من جنرال تصنع قطع وارخص فورد البودي نار سعره واسهل بصيانه والدليل شف المكاين توخذ للمرهمات تبقى جنرال فخر ما صنعت إمريكا

[@mlk3-ksa]

@@إبراهيمالقربان ما نختلف جنرال موترز شركة عريقه وشفني منزل مقطع كابرس قبل شوي لكن انا اقاران بالارقام والمنطق ما تسوقني العاطفه

[@saeedaldmami]

وش افضل جنوط للاكسبدشن؟

[@mlk3-ksa]

اذا تبغى الراحه جنوط ١٨ وكفرات ارتفاعها عالي من ٥٥ الى ٦٠

[@tendyhmoody6434]

كم سعر الموتر ما شاء الله

[@mlk3-ksa]

الان ٢٠٢٣ ب٢٤٠ الف اصفار نفس الفئه الي معي

[@Fahad-th5ws]

أغلى من باترول 2023

[@mlk3-ksa]

@@Fahad-th5ws طيب حدد الباترول فئاته كثيرر طبيعي يكون اغلى من احد الفئات + من ٢٠١٠ الباترول نفس الهيكل حتى لمستين اقدر اعدله اخر شكل وبلاتينيوم بعد توهم يصحصحون ٢٠٢٤ وغيرو شكله كامل

[@Fahad-th5ws]

@@mlk3-ksa Se2 ب 230 شامل

[@Fahad-th5ws]

@@mlk3-ksa وشكل الباترول و اعتماديته و راحته افضل حتى لو موديله قديم

[@abdullahal-obaidan3697]

هذي الفئة تعتبر نصف فل الا ان فورد بخلت عليها بلمسات المفترض توفرها فيه مثل الحساسات الامامية والاربع كاميرات و الاثني عشر سماعة واصطبات الليد الخلفية، ومن يريد هذه المواصفات اصبح لازما عليه دفع مبلغ يقارب ثلاث مائة الف للتمبرلاين او اكثر من ثلاثمائة الف ريال لليمتيد، وبطبيعة الحال الليمتيد فيها مواصفات اضافية ولكنها رفاهية وليست اساسية.

[@mlk3-ksa]

اتفق في موضوع الليد والحساسات الامامية اما السماعات الصدق ما احتجت نهائيا ل١٢ سماعه لكن عوضوك بدالها بمواصفات ممتازه جدا وماهي موجوده في اعلى فئات بعض المنافسين المنافسين

[@ksa_1325.]

تجربتي مع سيارات فورد سيئة جدا جدا جدا وانا اتكلم عن سيارات شريتها من الوكالة واكلت خابور ومنها اكسبلورر ولا الوكيل خدمني في مشاكل المصنع ولا المكتب الإقليمي.

[@HellcaaT]

اي موديل ؟؟

[@mlk3-ksa]

اذا الكلام قديم اتفق معك مو بس فورد كل الشركات اذا حصل عيب مصنعي يلحفونك ويجحدونك اما الوقت الحالي والله متجاوبين ويخافون من الغرامات ويحلون المشاكل غصب ((ما اتكلم عن فورد فقط عن الجمييع )) اما اذا المشكله حاصله معك الان ولا حلوها لك فهو عيب منك مليار بالميه

[@ksa_1325.]

@@mlk3-ksa الكلام قديم ولكن ماهو قديم مره . كان على وقت توكيلات الجزيرة. انا كنت اشتكي للشركة الام في امريكا بسبب مشاكل القير . بعد كذا يحولوني لمكتبهم الإقليمي في دبي ويسمعون الشكوى ولا يعملون شي . ثم اتفاجأ بأن الوكيل يتصل علي ويسألني عن المشكلة . اقول لهم انتم المشكلة ومع كذا يعطوني وضعية "ضرع العير" وبعدين بعت السيارة بخسارة وشريت ياباني ولن اغير عن السيارات اليابانية إلى الأبد

[@alhaym2010]

​@@ksa_1325..

[@6.2_]

@@ksa_1325.الله يعوضك وفعلاً اكسبلور الشكل القديم وخصوصاً 2010 وتحت عيوبه كانت بالقير واتوقع انه الموديل اللي استخدمته كان من 2010 وتحت

[@haiderj5965]

كم سلندر وكم سعرها بالدولار

[@mlk3-ksa]

٦ سلندر تون تيربو سعره حاليا بالريال ٢٢٨ الف ريال ما اعرف دم بالدولار

[@غنيعنالتعريف-ض8ف]

والله للاسف الموديلات الحديثه مافيه اعتماديه ! الورش مليانه

[@mlk3-ksa]

غير صحيح

[@montherali8543]

جبلي بالدلايل لاتتكلم كلام من عندك

[@mlk3-ksa]

@@montherali8543 اتفق معك يفتون بدون ادله

[@anthar177]

ياجماعه افهمو تكفون هذا الموتر لايصلح لأصحاب المشاوير اليوميه والكرف والي استعمله اكثر من خمس سنوات يفهم كلامي

[@mlk3-ksa]

غير صحيح موتر استعمال يومي وخطوط وفالبر والصخور يجملك فالمكان الي تبي

[@anthar177]

@@mlk3-ksa انا ياخوي مستعمله واثنين من الاصدقاء مستعملينه الاكسبديشن اذا تضرب خطوط ومشاوير يوميا دوام وغيره وفالصيف وعلى مدى سنوات تظهرلك مشاكل عديده ،،، اذا مشاوير خفيفه مع الاهتمام يصمل معاك

[@mogramalasmari8311]

سيارتي الشخصيه فورد اكسبدشن 2011 استخدام يومي اكثر من 12 سنه ماشي اكثر من 400 الف كل الي صلحت فيه قطع استهلاكيه فقط . الموتر عن تجربه اعتمادي بكل ماتحمله الكلمه من معنى . تجربه شخصيه

[@Nothing.124]

صادق كل واحد واستخدامه، واكيد الي مشاوريه اليومية في الزحمة بتظهر اعطال الحرارة

[@محمدعبدالله-ث8خ9د]

عندي ٢٠١١ اكرفه كرف الحمار انا واولادي اربعه ماشاءالله بس المشكله في الفرامل غير جيده

[@abduazizallahim3808]

السقف البانورما فيه اصوات طقطقه وتنسيم

[@mlk3-ksa]

حصل معي صوت طقطقه خفيفه فالقماش مو فالقزاز ووديته الوكاله وصلحوه على الضمان والان ممتاز جدا

[@وليدالقرشي-ط2ن]

@@mlk3-ksa الفرمله الذاتيه لازم افعلها ولا شغاله على طول ؟

[@mlk3-ksa]

@@وليدالقرشي-ط2ن انا عندي من الوكاله مفعله بس اذا ماهي مفعله عندك تقدر تفعلها من اعدادات المركبه

[@smrzq]

طيب على فكره كل المواصفات الي قلتها ف اليوكن الاستاندر الي مهي موجوده المراتب جلد و الفتحهه

[@mlk3-ksa]

الي ماهي موجود مراتب جلد سقف بانوراما مراتب كهرب بالكامل تبريد تسخين مراتب تسخين الطاره دبل دفلوك كل هذي المواصفات الزايده على اليوكن وارخص من قيمة اليوكن الستاندر

[@alialhrazi4844]

@@mlk3-ksa لا تنسى التحكم بالمراتب الخلفيه يدوي في الجمس

[@3adel2222]

انا محتار الصدق بين التيمبر لاين ٢٠٢٣ و اليوكن ٢٠٢٣ SLT التميبر عليه عرض ب 288 واليوكن ب 305 مشكلتي الاعتماديه يعني انا متأكد باذن الله ان الجمس يعيش ١٥ سنه بالراحه هذي من تجربه شخصيه. الفورد ماعرف عن وضعه ولا عندي اي تجربه بس شادني ان التيمبر مكينته ميكنة الرابتر

[@mlk3-ksa]

التيمبر مقارنته مع AT4 تبي نصيحتي خذ ليمتد ستيلث افخم وارقى ومكينته مكينة رابتر بس التمبر ترا شوي ستاندر من برا ومساعداته فوكس خاصه بالبر لكن خذ ليمتد فخامه ومكينه كبيره واذا احتجته بر ما يقصر كل المواصفات فيه ما عدا المساعدات حقت الرابتر

[@3adel2222]

@@mlk3-ksa التيمبر مكينته موب نفس الرابتر؟ وهل تنصح فورد والا يوكن؟ وشكرا

[@mlk3-ksa]

@@3adel2222 صحيح التيمبر مكينة رابتر وعلى فكره سعره مو ٢٨٨ سعره فل كامل ب٢٦٥ شامل الضريبه في معرض دار النخبه فالرياض اذا تخيرني بينه وبين اليوكن باخذ التمبر لانه متعدد الاستخدامات بتفوق وجداره مواصفات اهم واعلا والسياره بشكل عام ارخص بحدود ٤٠ الف ريال الاعتمادية جدا ممتاز والصيانات مجانيه الى ٢٤ الف واحيانا الى ٦٠ الف حسب الوكيل بعدها استمر في كويك لين التابعه لفورد وباذن الله بيعيشك عمر طوييل

[@3adel2222]

@@mlk3-ksa جزاك الله خير ردك جدا جدا افادني في اتخاذ القرار الله يكتب اللي فيه الخير ويعطيك خير اللي معك ويكفيك شره

[@mlk3-ksa]

@@3adel2222 وياك ياحبيبي انا ليش اخترت لك اللميتد اول شي لمباته الخلفيه ليد + الدعاسات الجانبيه الكترونيه وجنوطه ووجهيته فخمه واذا تبيه وحش عز الله وحش لكن التيمبر لاين وحش بكل ما تعنيه الكلمه ومن داخل ومن خارج فل كامل ما عدا الدعسات الكهربائيه والليد الخلفي الباقي تقريبا نفس مواصفات الليمتد

[@Rakan21-h7g]

ادور سيارة لسواقنا يصلح يا جماعة مشاوير

[@abo_brhooom]

انتبه من ثلاجة المكيف (( اكبر عيب في الاكسبدشن ))

[@عبداللهالعبدلي-ذ1ب]

انت تفلسف. عن جيل سابق الامريكي كل جيل عن جيل يفرق 180درجه

[@احمدالصاعدي-ز8ج]

ثلاجة المكيف اكبر عيب في سيارات تويوتا وبعض الناس مايعترف بانه عيب رئيسي ف تويوتا

[@sal4992]

انا معي اكسبدشن ٢٠١٣ المكيف سيء عند الوقوف. غيرت الثلاجة وغيرت كل شيء. مافيه فايده. كرهت السيارة بسبب المكيف. غيرت مضخة البنزين ووضبت المكينة (طلع فيها صوت) يبدو انت الزيت تبع ابو يمن مغشوش لابارك الله فيهم.

[@عبداللهالنجمي-ض8ي]

أخوي كيف اتواصل معاك؟

[@mlk3-ksa]

حياك الله سنابي fsgh1

[@bo7mody1]

سيارة جودة داخلية سيئة جدا البلاستك كله مبطل والديكورات خفيفة ناهيك عن بدي السيارة حدث ولاحرج اللي مومصدق كلامي يروح الوكالة ويدقق عليه ويشوف .. من وجهة نظري اليوكن والتاهو افضل

[@mlk3-ksa]

وجهة نظر تحترم ولولا اختلاف الاذواق لبارت السلع شاكر مرورك 🌹🙏

[@مجهول5251]

اليوكن والتاهو والاكسبدشن والاندكروزر الموديلات الجديده كلهم المنيوم البدي

[@charger121212]

اليوكن و التاهو فيه مشكلة القزازة الخلفية تطلع أصوات

[@bonhar1023]

الاكسبديش الجديد ممتاز جدا اما الاكسبديش من ٢٠٠٥ الى ٢٠١٨ دمار

[@mlk3-ksa]

حرام عليك والله كان ممتاز بس مظلوم كان معي ٢٠٠٧ والله ياهو مريح وعملي ومواصفاته كانت عاليه بس ذيك الايام الصوره النمطيه السائده تاهو ويوكن ويعتبر وقتها الاكسبدشن دخييل ولا اسأل مجربينه صدقني لو بيشرون الحين راح ياخذون اكسبدشن

[@pkiix]

بالعكس حنا كان معنا موديل ٢٠١٣ ما شاء الله مابعناه الا قريب بحكم صار يطلب شوي موتر ما شاء الله راحه وسع خطوط وعزم

[@yazeedalqahtany5526]

معاي اكسبدشن ٢٠١٢ ماشي ٥٥٠ الف كيلو كارف امه كرف والله ما فكيت مكينته فيه نقص بسيط من جلد البلوف بس والله انه موتر جبار وحمار مكده قال ايش قال تويوتا

[@mlk3-ksa]

الله يبارك لك في حلالك ومالك الحال من بعضه كان معي اكسبدشن ٢٠٠٧ من شريته لين بعته ما شكى من شي

[@hamedalharthi9927]

اليوكن والتاهو افضل واجمل الفورد تعبان

[@mlk3-ksa]

افضل لا لكن اجمل ممكن لانه وجهة نظرك والجمال يختلف من شخص لشخص لكن تقول تعبان غير صحيح بتاتا ومن اكثر المبيعات فالعالم

[@j.txn1]

بكم ما شاء الله اخذته

[@mlk3-ksa]

ب٢٤٠ كاش

[@pandorf4380]

اي فئة 240 ألف بالاكسبيدسن؟

[@mlk3-ksa]

@@pandorf4380 xlt دبل وسقف بانوراما يسمونه نص فل

[@pandorf4380]

@@mlk3-ksa الله يعطيك خيره

[@j.txn1]

@@mlk3-ksa يساتر يعني لو ابيه نظام اقساط يطلع علي حول 300 الف😫

[@خارجالصندوق-ب4ف]

ومن خلال تجاربي وخبره أكثر من 20سنه أتابع مجلات واخبار السيارات وعن تجربه شخصيه تايوتا سكويا الخلاصه حق العائله الكبيره جرب جمس وفورد وتايوتا الأفضل سكويا وأقطع كامري بس جيب اشترها ونت مغمض أنا مع 2008 أقسم بالله بطل قولو مشاء الله تبارك الله الاكسبديشن مايمر شهرين او ثلاثة أو ريحت راتب يرجف ابن الحرام😂😂

[@Nothing.124]

😂😂😂😂😂

[@giantregent2662]

افضل سيارة .. .. لكن لازم تغير زيوت اصلية و في وقتها و لا اطامر بقوة تحسبها جيوب لأنها شاحنة عائلية إلا الرابتور و اكسبديشن تمبر لاين .. العالم رابحه لشفرلبة .. ليبييه ..؟؟!! أغلى و افل في جميع النواحي خاصة الأمان و الجودة .. معي 2008 أيدي بور أمريكي يعتبر فوق الفول في السعودية .. فيه تفتله بسبب جاء ماء على المويا مكائنها ما تنغسل .. تفتق بصيد اثر شوي بعد 6 سنوات و بسبب غسيل المكينة عند بترومين .. اعتقد زيتهم حار وإذا غسلة مكينه حط زيت عادي شغل المكينة فترة بسيطة ثم غيره .، نفسب في نمبر لاين .. بطاق .. لكن ب 280 ألف اعتقد ونزل سعره .. وحقين يوكون و تاهو … تااااااهو .. لا حد احد يعترض .. 💚🌿🖖🏼

[@فيديوهاتمنوعة-ح2ث]

فورد سياراتهم جميله ولهم الطابع الخاص ولكن بالسوق السعودي اليوكن والتاهو انتشاره اكثر بكثير من الاكسبديشن وهذا ماهو معناته ان الاكسبديشن سئ ولكن الناس تعودت على هالسياراتين بسوقنا من السبعينيات الميلاديه ومن انتاجه بشكل عام له اكثر من ٧٠ سنه عمرا جداً طويل بالمقارنه مع الاكسبديشن من موديل ٩٦ و الاكسبديشن غالي اغلاء من التاهو ولكن انا افضل الاكسبديشن سياره ممتازه

[@mlk3-ksa]

اتفق معك وكان السبب منع حكومتنا لشركة فورد بسبب دعمها لاسرائيل لكن موضوع السعر متأكد منه ؟ لان الي نشوفه عكس الكلام ذا بمراحل كان معي اكسبدشن ٢٠٠٧ اصفار اكس ال تي دبل ب١١٥ شريته على وقته واليوكن كان اغلى والان ٢٠٢٣ اذا الجميع ستاندر اليوكن اغلى باكثر من ٣٠ الف ريال

[@فيديوهاتمنوعة-ح2ث]

@@mlk3-ksa ايه الجيل الاول كان رخيص انا اذكر ٢٠١٤ نص فل دبل ب١٣٠ الف الان الاستاندر موديل ٢٣ فوق ال٢٠٠ الف وفيه فئات من الاكسبديشن اغلا من اليوكن بكثير

[@عام1992]

ناس تمدح وناس تذم ماندري وين الحقيقه

[@enhxne2822]

الي يذم فيه ما جربه + اكسبديشن افضل جيب امريكي

[@drbeell]

كيف الانوار الأمامية في الخط ؟ تجاربي السابقة مع سيارات فورد كلها أنوارها الامامية ابو 60 كلب

[@mlk3-ksa]

الاضائه لا يعلو عليها لدرجة ما احتاج العالي نهائيا شف في فورد مافيه الا سيارتين اضائتها سيئه التورس ٢٠١٩ وتحت والفكتوريا والماركيز بجميع انواعها اما الباقي ممتازه جداا

[@mlk3-ksa]

فالمقطع قدامك شف كيف فارش النور الكت اوف حقه جميل الانتشار والمدى فوق الممتاز لدرجة والله ما احس بفرق العالي نهائيا لاني استخدمه بس اذا احد ما انتبه اما استخدمه عشان اشوف ذي ما حصلت ما شاء الله تبارك الله

[@drbeell]

هي عدسات والا من الجديدة ذي رحت شفته بالوكالة امس الخميس ماشفت عدسة مدري وش هي

[@mlk3-ksa]

@@drbeell من الجديده LED ترا السيارات الي تصنع عدسات بعد ٢٠٢٠ تنعد على الاصابع كل الوكالات توجهو لليد

[@hmoood9218]

اي سيارة فورد تجيك نور هالوجين اصفر اعرف ان اضاءتها سيئة جدا جدا وابو كلب معي اكسبدشن ٢٠١٣ اسوأ نور خاصه العالي مايفرق كانك مشغل الواطي لكن لما تجيك ال اي دي اعرف انها اضاءه قويه ممتازة

[@bonooraldamkhi7916]

اليوكن والتاهو افضل منه بمراحل كثيرة

[@mlk3-ksa]

كل وذوقه ورأيه

[@عبداللهابنأبيه-ض9ز]

أكيد. ولكن نبعده عن المقارنة لفارق السعر

[@vent698]

الاكسبيدشن افضل واقوى وفي البر افضل من التاهو واليوكن

[@sMoKer_1982]

كان عندي يوكن مرمطني في لورش طرمبات وغيرها الاكسبديشن من شريته مديل ٢٠١٢ الى اليوم مشيته ٣٢٥ الف مادخلت ورشه الا تبديل قماشات واشياء استهلاكية وللحين اسافر فيه موتر بطل

[@typicallyqonty2959]

​@@sMoKer_1982 موديل كم اليوكن الي كان عندك؟

[@bonooraldamkhi7916]

أخذت واحد 2018 اكبر صدمة خرابات لي بكره كل شوي دافع مبلغ وآخر شي القير اخترب التباديل والموتر يطفي وتصليحه مبلغ وقدره موتر غير عملي افشل موتر بتاريخ السيارات آخذ وسع وفخامة ومواصفات على الفاضي ابتعدو عنه يااخوان تراه خسارة فلوس وغير عملي المعنى الصحيح لكلمة خسارة أموال فاشل بس أنا أتكلم عن 2018 نفسه قير فرار ونفس وضعيات القيادة اللهم الشاشة والليتات الأمامية والخلفية غير

[@عائلةعُمرخالد]

انا ناوي اخذ مستعمل ٢٠١٩ ماشي ٨٠ …هل تنصح فيه ولا لا ….ولا تاهو ؟

[@aboodA-k4s]

شكلك ماخذها مزاد وعدد الملاك 87 ، هذي المشكلة خذ وكالة على يدك وتعال قارن

[@arefchelsea]

والله التيربو يخرع وبعد ما ظهرت كل مشاكله

[@mlk3-ksa]

التيربو من سنيين يستخدم والاكسبدشن من ٢٠١٦ تيربو يعني ٨ سنوات اموره طيبه وقاعدين يتطورون كل فتره الي صدمني اكثر فيه سلفرادو ٤ سلندر تيربو في امريكا والخليج

[@Manypeople-x9x]

فورد التيربو عندها ناجح شوف الناس الي جربته ماحد يشكي منه

[@عليالغامدي-ذ9ذ2ع]

@@mlk3-ksa2015

[@إبراهيمالقربان]

وغير صحيح السعر ارخص من التاهو

[@mlk3-ksa]

التاهو ls ثلاجه بدون دبل ب٢٢٨ الي معي ثلاجه ودبل وبانوراما ودفلوك الان سعره ب٢٤٠ موتري يتقارن ب ال تي جب كل فئه مع فئتها بتشوف حتى التاهو اغلى

[@mlk3-ksa]

لا تمشي بعاطفتك انا اتكلم بالارقام الاكسبدشن والنافقيتر ارخص من جنرال موترز كامله يوكن وتاهو وسكاليد التاهو يبدا من ٢٢٨ الف الاكسبدشن يبدا من ٢١٦ الف اليوكن يبدا من ٢٤٨ الف كيف تقول ارخص

[@جابرالكثيري-ش6خ]

غسل السيارة اللة يهديك

[@Foobiaa]

الله وليس اللة

[@sreh.alabarah]

طيب اختم المقطع 😂😂😂

[@mlk3-ksa]

كنت بكمل لين المرتبه الاخيره بس الموتر قريب من القراج وتكيسلت افتح الشنطه🤣

[@ابوطلال-ج5خ]

اشترو صيني افضل بلا أمريكي او ياباني او كوري في الأصل هم يخذون قطعهم من الصين 😂😂😂😂😂

[@93d5]

لا بالله؟ والمكاين قلي انها بالصين؟

[@11aa11aaful]

انحش عن الفورد ويرزقك الله. حتى اذا جيت تبيع. ماحد يبييه وسعرره رخييص مرره كا مستعمل مع الاستخداام تبدا مشاكل الفورد. واذا دخل الصناعيه. خلاص ماعد يصلح. اابد. والا تلقا ورش تتقن الشغل في الفورد. عكس التيويتا. ركب اي قطعه وانس ،، من وجهت نظري الخاصه. عليك بتويتا اذا لم تستطيع شراء التيوتا والخيااار امامك امريكي. لااا تطلع عن جي ام سي او شفروليت تاهو. باقي الامريكي. حكي فاااضي

[@mlk3-ksa]

حكي فاضي ؟ سياره من اكثر السيارات مبيعا تسحت تاريخها بكلمتين 🤣 الاكسبدشن جاي وبقوه ولو استمر على نفس الاسعار صدقني ما راح تشوف ذكر للجي ام سبب ابتعاد عن الناس عن الفورد مقاطعتها من الستينات لين التسعينات هذا خلى جنرال موترز ياخذ حصه كبيره فالسوق السعودي لكن رجع الفورد في بداية التسعين وبدا يحشر جنرال موترز فاللقمه

[@ahmedhomrani8941]

اكسبديشن ٢٠١١ جلست معي ١٠ سنين .. ما خرب الا اللديتر مرة واحدة فقط

[@mlk3-ksa]

@@ahmedhomrani8941 ما شاء الله كان معي ٢٠٠٧ اكس ال تي والله ياكان موتر مستمتع فيه بشكككلل كان مرييييح وناعم وعزمه جبارر وسماعاته لا تنسى والله ياعليه صوت يردددح وصافيي بشكل مو طبيعي

[@mahammadalqahtany3664]

انا راح انحاش منك ومن نصيحتك 😂😂

[@faidi9786]

عقليات عشاق تايوتا مشكله

[@مديراليوتيوبالحقيقي-ه6ض1ظ]

وين الي زحف ومدري ايش واضح ان الرجال ما درى عنك والقهر قاعد تحلف بالله كذب عشان خردة قد انا قصيتها بمكسيمتي ٢٠١٧ قال سكاي لاين قال ريح بس 😂

[@B.N.T700]

حقين طيوطا سلق

[@عشاقتويوتا-ح6ه]

هد على عمرك ترى تويوتا مليان مواصفات شف سكويا اللمتد كيف فخم عندي واحد ٢٠٠٩ اقسم مواصفاته جباره وهو ٢٠٠٩ ويصمل غير تويوتا لاتدور

[@Fahad-Al-Anzi]

@@عشاقتويوتا-ح6ه هذا قبل الان تيوتا سيئ