Nadzom Syahadatain - Miftahul Huda Nurul Yaqin

tonton juga • SYI'IRAN AKHIR ZAMAN (...
ruang studio • HUWANUR- COVER BY (RSTD)
Nadzom Syahadatain
Syahadat dua bagian
Kahiji syahadat syar’an
Kadua syahadat munjin
Kade kudu telik pisan
Ta’rifna syahadat syar’an
Kadar-kadar nu ngucapkeun
Kalimah syahadataen
Henteu nilik pateqadan
Manfa’at syahadat syar’an
Bisa disebut mu’minin
Mungguh hukum kadunyaan
Kaya halal peupeuncitan
Halal ditikahkeunana
Ka jalma anu islamna
Jeung halal nama waritsna
Ti jalma anu islamna
Ari mungguhing Alloh na
Jeung mungguhing akheratna
Kudu terus jeung munjina
Engke penjelasannana
Kangjeng nabi tos nyaurkeun
Anjeun kudu ngahukuman
Ku dzohirna caritaan
Jeung dzohirna kalakuan
Jeung teu kudu ngahukuman
Nu dina hate disimpen
Da taya nu uningaeun
Salian ti dzat pangeran
Lamun dzohir kalakuan
Atawa dzohir ucapan
Aya anu ngabatalkeun
Nu disebut pamurtadan
Batal syahadat syar’ana
Sanajan ngucapkeunnana
Kana kecap syahadatna
Laku ucap nu murtadna
Kaya asup ka gareja
Dibarengan ku ngahaja
Atawa nyembah berhala
Kaya patung nu baheula
Ta’rifna syahadat munjin
Eta jalma nu ngucapkeun
Kalimah syahadataen
Dibarengan pateqadan
Teqad anu ma’rifatna
Jeung teqad anu tashdeqna
Netepan kana syaratna
Ma’rifat reujeung tashdeqna
Ari syarat ma’rifatna
Kudu kumpul nu opatna
Kahiji teqad jazimna
Pateqadan nu yaqinna
Lain teqad nu raguna
Atawa dugaannana
Anu teu aya mangmangna
Tapi gilig jeung yaqinna
Ari syarat ka duana
Teu keunah owah gingsirna
Moal barobah teqadna
Hingga dugi ka maotna
Lamun neqadkeun ayeuna
Sabot usum jeung baturna
Jaga mah kumaha engkena
Mumkin teqad rek robahna
Kafirna teh ti ayeuna
Da arek owah gingsirna
Henteu jadi ma’rifatna
Mungguhing Gusti Alloh na
Syarat anu katiluna
Anu diteqadkeunnana
Kudu akur jeung buktina
Henteu nyalahan shifatna
Sifat ceuk ahli sunnahna
Nu aya Qur’an haditsna
Teu salah metakeunnana
Akur reujeung Aqo’idna
Margi kitu diwajibkeun
Nu hayang syahadat munjin
Nyaho kana aqo’id iman
Bisi jeung aqo’id nyalahan
Lamun jazim jeung teqadna
Yen Alloh pangerannana
Yen Muhammad teh Rosulna
Ngan teu akur jeung buktina
Alloh nu nyurupna badan
Bumi langit panyurupan
Didinya Alloh nyicingan
Atawana dihijikeun
Eta teqad nyulayaan
Reujeung buktina pangeran
Da Alloh henteu butuheun
Kana tempat pingancikeun
Nu kitu salah teqadna
Henteu akur jeung buktina
Henteu sah iman islamna
Mungguhing gusti Alloh na
Syarat anu ka opatna
Kudu terang kana dalilna
Anu teu terang dalilna
Eta teu sah ma’rifatna
Eta ceuk ibnu Arobiy
Jeung pendapat syeh Sanusi
Anapon ceuk syeh Dasuki
Taya dalil ma’rift jadi
Dalil kadar kawajiban
Lain syarat ka ma’rifatan
Pikeun jalma nu kadugaeun
Kana dalilna mikirkeun
Kadua syahadat munjin
Kudu tashdeq nu ngucapkeun
Tashdeq aya dua rukun
Kahiji rukun idz dzia’n
Idz dzia’n eta ngakukeun
Ka Alloh kuring mangeran
Ku Muhammad di Nabian
Muhammad teh Rosul kuring
Rukun tashdeq ka duana
Nyaeta kudu qobulna
Narima ajarannana
Ti Alloh jeung ti Rosulna
Mun can bisa ngalakonan
Tapi hate mah nampanan
Rumaos kalelepatan
Eta qobul sahna iman
jangan lupa like, share, comment & subscribe
#syahadatain
#syahadatainuwaajengan
#syahadataen
#syahadatainmiftahulhuda
#syahadatainbahasasunda
#hafalansantri
#pupujiansunda

[@174NK_M]

Berkah

[@ahmadfauzy6489]

Subhanallah alhamdulillah

[@enyuhsumarna2888]

Teringat ketika di miptahul huda

[@satriazero4809]

✊🙏

[@j2primeemail406]

yaalloh .. emuut baheula hayang balik dai ka waktu harita

[@j2primeemail406]

kirang panjang kang durasi na ..