နေ့စဉ်ခွန်အား | ၂၀၂၄ ခုနှစ်၊ နိုဝင်ဘာလ (၁၇) ရက်

ဝိညာဥ်ရေးရာကြံ့ခိုင်ခြင်း
myanmar-odb.or...
/ myanmar.odb
/ ourdailybreadmyanmar
ယနေ့ဖတ်ရန်ကျမ်းချက် - တိမောသေဩဝါဒစာပထမစောင် ၄:၆-၁၀
odb-ministries...
ထင်ဟပ်ဖော်ပြချက်
ဝိညာဥ်ရေးရာကြံ့ခိုင်ခြင်း
ရှင်ပေါလုက တိမောသေအား “ဤစကားများကို သင်သည် ညီအစ်ကိုတို့အား ကြားပြောလျှင် ... ယေရှုခရစ်၏ ဓမ္မဆရာကောင်းဖြစ်လိမ့်မည်” (တိမောသေဩဝါဒစာပထမစောင် ၄:၆)ဟု မှာကြားရာ၌ မည်သည့်စကားများကို သူရည်ညွှန်းပါသနည်း။ တမန်တော်ကြီးက သူ၏ဩဝါဒစာကို “ခြားနားသောအယူဝါဒသစ်ကို မသွန်သင်ကြနှင့်” (၁:၃) ဟုဆိုလျက် အစချီခဲ့သည်။ ယခုတွင် ထိုခေါင်းစဥ်ကို သူပြန်လည်ရည်ညွှန်းသည်။ “လူအချို့တို့သည် ယုံကြည်ခြင်းကို စွန့်ပယ်၍၊ လှည့်ဖျားတတ်သော စိတ်ဝိညာဥ်တို့၌လည်းကောင်း၊ နတ်ဘုရားတို့နှင့်စပ်ဆိုင်သော ဩဝါဒတို့၌လည်းကောင်း မှီဝဲဆည်းကပ်ကြလိမ့်မည်” (၄:၁-၂)။ “နတ်ဘုရားတို့နှင့်စပ်ဆိုင်သော ဩဝါဒ”ကား အဘယ်နည်း။ “မင်္ဂလာဆောင်ခြင်းအမှုကို မပြုရ၊ … အစာမျိုးကို ရှောင်ရမည်” (:၃) စသည်ဖြင့် တားမြစ်ခြင်းမျိုး ဖြစ်ကြောင်း ရှင်ပေါလုက အကျယ်တဝင့်ရှင်းပြသည်။ အစောပိုင်းနှစ်အတန်ကြာက ကောလောသဲမြို့ရှိ ယုံကြည်သူတို့အားလည်း ထိုသတိပေးချက်မျိုးကို ရှင်ပေါလုထုတ်ပြန်ခဲ့သည်။ “သင်တို့သည် ခရစ်တော်နှင့် အတူသေပြီဖြစ်သဖြင့် ... သင်တို့သည် အဘယ်ကြောင့် ဤလောကနှင့်သက်ဆိုင်သူများကဲ့သို့ ပြုကျင့်နေကြသနည်း။ အဘယ်ကြောင့် “ဤအရာကို မကိုင်နှင့်၊ ထိုအရာကို မမြည်းမစမ်းနှင့်၊ မတို့မထိနှင့်” အစရှိသည့် ဥပဒေများကို လိုက်လျှောက်နေကြသနည်း။ ထိုဥပဒေများသည် လူလုပ်သည့် ဥပဒေများ၊ သွန်သင်ချက် များသာဖြစ်သည်” (ကောလောသဲဩဝါဒစာ ၂:၂၀-၂၂ - ခေတ်သုံး)။ စစ်မှန်သော ယုံကြည်ခြင်းကို ဖျက်ဆီးမည့် မှားယွင်းသော ဘာသာတရားသွန်သင်ချက်များကို သတိပြုပါလေ။
စာရေးသူ - တင်မ်ဂပ်စ်ထက်ဖ်ဆန်