နေ့စဉ်ခွန်အား ၂၀၂၅ ခုနှစ်၊ ဖေဖေါ်ဝါရီလ ၂ ရက်

ခရစ်တော်၏အမြင်ဆိုင်ရာ ဝိရောဓိများ
myanmar-odb.or...
/ myanmar.odb
/ ourdailybreadmyanmar
ယနေ့ဖတ်ရန်ကျမ်းချက် - ရှင်မဿဲခရစ်ဝင် ၅:၁-၁၂
odb-ministries...
ထင်ဟပ်ဖော်ပြချက်
ခရစ်တော်၏အမြင်ဆိုင်ရာ ဝိရောဓိများ
မင်္ဂလာတရားတော်၏ ပထမအချက်နှင့် နောက်ဆုံးအချက်တွင် “အကြောင်းမူကား ကောင်းကင် နိုင်ငံတော်သည် ထိုသူတို့၏နိုင်ငံဖြစ်၏” (ရှင်မဿဲခရစ်ဝင် ၅:၃၊ ၁၀) ဟု ဖော်ပြ ပါရှိသည်။ သမ္မာကျမ်းစာသင်ကြားပို့ချသူ ဓမ္မကထိက D. Martyn Lloyd-Jones (ဒီမာတီလွိုက်ဂျုန်းစ်)က ခရစ်တော်သည် အထက်ပါစကားဖြင့် အစပြုခြင်း၊ အဆုံးသတ်ခြင်းသည် (သခင်ယေရှုကို ယုံကြည်သူများနေဖြင့်) ထိုအချက်ကို ပထမဦးဆုံး နားလည်သဘောပေါက်ရန် လိုကြောင်း၊ ၎င်းတို့သည် အခြားသော နိုင်ငံတော်တစ်ခုနှင့် သက်ဆိုင်သူများဖြစ်ကြောင်း မိန့်ကြားသည့် သူ၏နည်းလမ်းတစ်ခုဖြစ်သည်” ဟု ကောက်ချက်ချခဲ့သည်။ ယုံကြည်သူတို့သည် မတူညီသော လောကနှစ်ခု၌ နေထိုင်နေကြရသည်။ ကျွန်ုပ်တို့သည် ဤလောက၌ ကျင်လည်ရှင်သန်နေရသော်လည်း ကျွန်ုပ်တို့သည် ကောင်းကင် နိုင်ငံတော်သားများဖြစ်ကြသည်။ “ငါတို့ကျင့်သောအကျင့်မူကား ကောင်းကင်ဘုံနှင့် စပ်ဆိုင်လျက်ရှိသည်” (ဖိလိပ္ပိဩဝါဒစာ ၃:၂၀)။ ရှင်မဿဲခရစ်ဝင် ၅:၁၀-၁၂ နှင့် ပတ်သက်၍ ခရစ်တော်က ရှင်ယောဟန်ခရစ်ဝင် ၁၅:၁၉-၂၀ တွင် မီးမောင်းထိုး ရှင်းလင်းဖော်ပြခဲ့သည်။ “သင်တို့သည် လောကီနှင့်ဆက်ဆံလျှင် လောကီသားတို့သည် မိမိတို့နှင့်ဆက်ဆံသော သင်တို့ကို ချစ်ကြလိမ့်မည်။ သင်တို့သည် လောကီနှင့် မဆက်ဆံ၊ လောကီထဲက ငါရွေးကောက်သောသူ ဖြစ်သောကြောင့် လောကီသားတို့သည် သင်တို့ကို မုန်းကြ၏။ ကျွန်သည် မိမိသခင်ထက် သာ၍ကြီးမြတ်သောသူ မဟုတ်ဟု ငါပြောခဲ့ပြီးသော စကားကို အောက်မေ့ကြလော့။ သူတို့သည် ငါ့ကို ညှဥ်းဆဲလျှင် သင်တို့ကို ညှဥ်းဆဲကြလိမ့်မည်”။
စာရေးသူ - အယ်လီဆန်ကီဒါ