ماتحيري ما تعيي روحك بعجينة وحدة ونتي كملتي ڨاطو العيد 50 حبة 5 انواع ب250غ مارغرين فقط كل شكل بذوق

[@mayamaya7900]

راني نستنى فڨلاصاج تاع الليمون تعيشي اللي معايا دير جام باه تشوف تعليقي

[@oum_adam3]

تاع ام يارا روعه

[@safazina3627]

مهتمة

[@Nor-dz1]

مطبخ سميرة Nailiya TV صابلي 5 انواع ب250غ زبدة (50 حبة) _250غ زبدة ، كاس سكر ناعم ، نصف كاس زيت ، رشة ملح ونخلط مليح بالباتور حتى يبياض _نضيف 3 بيض بالحبة ونخلط حتى يبياض ويختفي البيض تماما نضيف 2 م.ق فاني و نصف كاس نشاء ونخلط ثم نضيف نصف كاس فرينة مع كيس خمارة حلويات مغربلين و خلطي _اقسمي الخليط على 4 و نحي ربع خليه بجيهة وكملي لمي 3 ارباع بفرينة تكون عجينة طرية _اقسمي العجينة على نصفين وخذي النصف اقسميه على نصفين (يعني ربع وربع ونصف) _جزء (الربع) نضيفلو عطر الليمون ومبشور الليمون اذا كان موجود (اي عطر عندك) _وجزء (الربع) نضيفلو كوكاو محمص ومرحي رقيق (اي مكسرات مثلا جوز الهند او جلجلان ....الخ _والنصف نخليها سامبل كيما راها _ اما الجزء لي كنت نحيتو مع الاول (الربع) نضيفلو ملعقة اكل كاكاو بني مع عطر كرمال ونزيدلها الفرينة حتى تتلم تكون طرية ماتنشفيهاش التشكيل: _نجيب عجينة الكاكاو هيا الاولى لانها راح تزيد تنشف نحلها ماترقيهاش واطبعيها مثلثات (اي شكل) _ نزيد نجيب عجينة الكوكاو لانها ثاني تنشف نحلها ونطبعها اوفال (اي شكل) _ثم نجيب عجينة الليمون حليها واطبعيها اوفال (اي شكل) _نجيب العجينة السامبل قسمتها الى جزئين الجزء الاكبر نطبعها صابلي والجزء الاصغر نشكلها فمول تارتولات وماتنسيش تثقبيها بفرشيطة الطياب: سخني الفرن مليح ثم نقصيلو ل 160° ودخلي الحلوة تاعك طيب _الصابلي طيبيه من اسفل فقط اما الباقي اشعلي من فوق قيسما ينشفو التلساق: _الصابلي لسقتو بالمعجون والوجه ادهني النصف بلاجولي او معجون وذري عليه كوكاو افيلي محمص والنصف ذري عليه سكر ناعم وعمري الفراغ بالمعجون _اما تع المثلث تع الكاكاو لسقتو بكريمة الزبدة وخليت فراغ فالوسط درت كرمال وغطيت بحبة فوقها واقلاصيها بشوكولا حليب مع شوية شوكولا سوداء وخطوط بشوكولا حليب _اما تع الليمون نفس الشي لسقي بكريمة الزبدة وخلي فراغ فالوسط حطي سوبر كرام او (خليط لاجولي مع عطر الليمون) واقلاصيها بشوكولا بيضاء فيها ملون و عطر ليمون وخطوط بشوكولا حليب _اما تع الكوكاو لسقتو بكريمة (CHAMIA tartine) واقلاصيها بشوكولا بيضاء وقبل ماتنشف اعملي خطوط (بشوكولا حليب) _اما التارتولات عمرتهم بحشو بومبي (3 حبات بيمو مرحي مع كمية كوكاو محمص ومرحي وملعقة قهوة زبدة ونلم بالمعجون) ثم ادهني شوية الوجه بالمعجون ورمدي فالكوكاو محمص ومرحي بقشورو ملاحظة: ✓ف500غ زبدة ندير 5 بيض و ماتيبسيش العجينة باه ماتتفتتش وماتطلقش الزيت ✓نوعية الفرينة تكون مليحة وتكون مغربلة هيا والنشا ✓العجينة اقسميها كيما حبيتي ✓كل 100غ شوكولا كي تذوب نضيفولها ملعقة اكل زيت

[@amonanono2479]

بارك الله فيك.. ❤✨

[@Nor-dz1]

@@amonanono2479 وفيك بركة

[@chouchanachouchou180]

جربتها و للامانة رايحة تولي هادي هي عجينة الصابلي المعتمدة عندي روعة يعطيك الصحة والعافية على الصدق و المصداقية

[@foufabouakel7204]

صراحة هاد العام 2022جربت وصفاتك تع عجينة الصابلي وزينتها خرجت عدة انواع لعجينة واحدة روووووووعة الله يعطيك الصحة

[@TaimHarbouche-es5sk]

احسن وصفة جربتها في حياتي بارك الله فيك دعواتكم لابي واخي وجدتي بالرحمة عيد اضحى مبارك

[@hichembouchahdane]

جربت الوصفة ناجحة ماشاء الله اصبحت وصفتي المعتمدة اللي يذوقها يطلب الوصفة بالتوفيق نشالله

[@nadianaiiim9808]

في ميزان حسناتك بنتي هذي الوصفة لجات على خاطري جربتها حالا وجاتني ماشاء الله.. راني مع التزيين ربي يفرحك.. 💕🌹

[@bessekriff9158]

هذه الوصفة مجربتها ناجحة ماشاء الله في ميزان حسناتك

[@yayoumimi9566]

Khti f 500 ch7al khmira

[@amiraamira9922]

@@yayoumimi9566 باكي واحد نتاع خميرة لوكان تكتري تطلعلك كي كعك

[@ahlamfirass4455]

شحال قطعلك من حبة

[@yaminamina5311]

- å

[@daliadalia5508]

سلام درت وصفة هاذي ونجحتلي ماشاءالله ودرت اليوم دزيريات كوكو خرجولي توب الله يبارك ربي يبارك في صحتك ويعطيك واش متمنية يارب

[@TajouKalef]

وصفة ناجحة حنونة جاوبيني

[@oummalak7936]

راني جربتو وزيدت جربت المشوك نتاعك واش نقولك جربت جربت مي كيما نتاعك يهبل دوقا وشكلا وصفاتك مضمونة وخدمتك نقية ربي يبارك فيك نايلية

[@أمجواد-م3ض2ه]

الوصفة : 250 مارغريين+كاس سكر ناعم+نص كاس زيت +رشة ملح 3بيضات +ملعقتين صغار فانيلا+نصف كاس نشاء +كيس خميرة كيميائية+فرينة

[@beutifurgirl971]

شكرا🥰

[@abdouabdou6584]

شكرا

[@1983yasmina]

هذا نفسو صابلي الكيلة

[@abdelyounes1900]

🎉

[@أمفيصل-ر1ي]

السلام عليكم ورحمة الله وبركاته ❤مبروك المولود🎉🎉كم في الكاس من غرام من فضلك؟ة

[@aichaserrai5667]

صدقيني انتي احسن وحدة في الحلويات بدون منازع

[@lolimari9717]

مقادير:250 زبدة كاس سكر نص زيت رشة ملح نخلط بالباتور مليح نضيف البيض بالحبة 3 حبات مغرف فاني نص كاس نشاء وحدة فرفارة مع فرينة

[@aminamosta2739]

بوركت

[@mohamedcheklat6036]

الله يحفضك راكي درتي الحلويات لي كانو في خاطري هنيتينا من تكسار الراس ربي يهنيك في دويرتك ويحفضلك عايلتك اختك امونة من دلس

[@fatifatouhadz7625]

يعطيك الصحة ماشاءالله حبيبتي

[@chahrazedmekati1410]

يعطيك الصحة أختي سميرة أبدعتي يعطيك الصحة ككل مرة متألقة. جربت معظم حلوياتك جاتني روعة صح فطورك و صح رمضانك.

[@قلبالجزائر-ض6م]

3 حبات بيض ولا 2 صفار بيض بيضة

[@راجيهالرحمان]

بارك الله فيك والله تستاهلي1000 جام على الافكار صدقيني تفرجتو وبعثتو لبنتي متزوجه قلتلها يالله هاوليك الحل كيله ونوعي بلا ماتكسري راسك شكرا لكي وانا راح نعتمدها ان شاء الله بارك الله فيك وفي ميزان حسناتك

[@sarahlatendress6918]

يعطيك الصحة حنونتي على الوصفة راني جربتها اليوم ب500غ قطعتلي 122 حبة درت خمس انواع روعة روعة روعة بقالي ديكور برك ربي يحفظك على هذي الوصفة صح سلاكت الحاصلين

[@sabahsaboha331]

ختي درتي 500غ شحال درتي البيض وشحال الخميرة

[@ميلالولوميلالولو-د1ر]

راها دايرة وصفة في القناة والبيض ديري خمسة

[@sarahlatendress6918]

@@sabahsaboha331 درت خمسة بيض وزوج خمارة

[@meriemrima1242]

ختي ضاعفتي باقي مكونات كيما سكر قداه درتي

[@KheraiBenzain]

​ط ❤@@sabahsaboha331

[@kimomari3876]

جربتها اليوم وجاني القاطو يهبل وخفيف وهشيش ويذوب في الفم قطعلي 41 حبة حبة فوق ختها استعملت بيضات صغار ربي يحفظك ويعطيك ما تتمناي

[@hossnalaya6682]

ختي 41 حبة بعدما تلصقيها و لا منفردة؟

[@kimomari3876]

لالا حبتين مع لعض حبة لاصقة في ختها

[@mounamina5194]

ختي ستعملتي خمارة وحدة كاملة ولا غير مغرف صغيرة منها؟؟ واذا مخسىتش لافوغم نتع الحبة؟

[@kimomari3876]

@@mounamina5194 أستعملت باكي كاملة مي كنت نحطها في فريجيدار باش يحكملي شكل تاع صابلي

[@mounamina5194]

كي تشكليهم تديريهم في كونجيلاتوغ ولا كيفاه؟

[@صليعلىاانبي]

جربت الوصفة والله ناجحة 100/1000بارك الله فيك

[@hossnalaya6682]

جاوك 50 حبة و لا أقل

[@fatimahafi472]

قناة كوني بخير تابعونا

[@fatimahafi472]

قناة كوني بخير تابعونا

[@أولادينعمتي]

من اول مرة درتيها قبل سنتين وانا معتامدتعا في كل حلوياتي وحتا اهلي اعتمدوها الله يفرحك ويهنيك كما هنيتينا

[@malotkimalak8755]

انا هاد وصفة تاعك راني معتمدتها في كامل وصفات الصابلي هايلة هايلة يعطيك الصحة ورمضان كريم وصحا عيدك حنونة

[@ishakmichel7929]

شحال طيحلك

[@malotkimalak8755]

@@ishakmichel7929 قصدك شعال تخرجلي من حبة ؟

[@fatimahafi472]

قناة كوني بخير تابعونا

[@أمتقوى-ق1ع]

راني جربتهم اليوم جاو روعة غير شوي ناقصة سكر لعجينة بصح ربحت نهار خدمت فيه 4انواع

[@hildisam9966]

كنت رح ندير وصفتك القديمة ركي عاودتيها ولات وصفتي المعتمدة فالصابلي و نوع فيه 👌🏻

[@oumatawam1636]

هاذي هي وصفتي المعتمده في الصابلي ناجحه مئه بالمئة

[@medkharroubi197]

درتلك ابوني شا نقولك والله مكملت الفيديو روحت بديت فيها انا درتها بالكاكاو بني عجينه وحده ديركت وخرجت تهبل وكميه كبيييره شكراً

[@maramdor2514]

حبيت نشكرك بزاف بزاف على هاد الوصفة أنا قسمت العجينة على إثنين درت صابلي عادي بالمعجون و النصف الثاني بالكاكاو ولسقتو بكريمة الزبدة ودرتلو ڨلاساج بشكولا جات حلوى روعة ،بزاف بنينة و ذوب فالفم كامل عجبتهم حمرتيلي وجهي هاد الوصفة منستغناش عليها مشكورة ليك حبيبتي وصحا عيدك ومزيدًا من التفوق والنجاح 😘😘👏🏻👏🏻👏🏻

[@zinazizi6337]

يعطيك الصحة جربتها لعام لي فات و خرجتلي رووووووووووعة🥰🥰😘😘

[@نورجنه-ر6ن]

ههههههههه ندور نحوس على فيديو كما هاك قلت نروح خيتي نايلة تسلكني لقيت الفيديو نزل ربي يحفظك وساريه مرت من هنا

[@أستغفرالله-ش9ث8م]

رانا كيف كيف ههه

[@fatimahafi472]

قتاة كوني بخير تابعونا

[@fatimahafi472]

قناة كوني بخير تابعونا

[@GheAek]

جربتو خرج شباب .بصح مكانش منها يقطع 50 حبة ..ماتفوتش 35 حبة وشكراا على مجهوداتك

[@TajouKalef]

حنونة عجينة صادقة تعيشي جاوبيني

[@MaMa-d4i9e]

اخدمي الله يبارك ناجح ​@@TajouKalef

[@amarirachid4342]

ولات و صفتي المعتمدة صابلي الكيلة و لا أروع هشيش يهبل و يقطع ربي يجعلها في ميزان حسناتك

[@ghezouzoumadame222]

ختي عيشك جاوبيني هادي هي الوصفة اللي تعتامدي عليها

[@fatimahafi472]

قناة كوني بخير تابعونا

[@abdelkaderabdalleh6673]

حبيبتي انا غير انشوف الفيديوهات تاعك ندخل لانك في القمة وكل وصفاتك ناجحة الف شكر صح فطورك

[@oumtasnim1611]

حتى انا رايحة ندير هكذا عجينة واحدة ونوع ونوض لغلا ولواحد صحتو على قدو المهم فال

[@nessrinaridje4506]

ولغير عندك الحق مانا قدرين

[@oumelin4367]

صح والله انا مع الحمل والوجايع بصح لازم ندير فال العيد لبنتي وراجلي

[@jxlrbfnkglfnckkd7696]

عندك.حق انا تاني راح ندير هاذي ونوض والله ماني قادرة ولغلا داير حالة صحة عيدكم لبنات

[@samirdebbahi551]

يعطيك الصحة

[@omsifo6507]

@@oumelin4367 ربي يكملك مام انا راني نافس ندير هكدا زوج انواع وخلاص مع لغلا هداك هو ربي معانا وخلاص

[@bousali5120]

جربتها البارح جات هايلة مبسسة وتڨرمش شكرا لك

[@bepositive0307]

العجينة 250 غرام مارغرين كاس سكر قلاص نصف كاس زيت قرصة ملح 3 بيض تدريجيا حبة حبة نخلط جيدا حتى يصبح كريمي ملعقتين فانيلا نصف كاس مايزينة نشاء كيس خميرة مع نصف كاس فرينة نقسم العجينة الى أربعة

[@rawnaklali3146]

الله يعطيك ويمنيك الله يفتح عليك ياختي هدي لابات اخدمت بيها لختي مسكينة نافسة كموندات قاطو والمرا لعبت بيها دقيقة لخرة درت زوج سوايع وخدمتلها 100حبة علي 12نتاع الليل وفرحو ولادها يا سلاكة الحاصلين شكراً

[@imenben8666]

حبيت نشكرك على حلوه الطابع جربتو اول مره يجيني طري وزدت حبيت نجرب كروكي من قناتك جربتها لي درتي اربع انواع عجينه هشه مع نتبع كامل ارشادات ضرك نجرب عجينه الصابلي هكا قاطو العيد برعايه النايليه الفحله

[@linalona3824]

معتمدة وصفتك نتاع صابلي الكيلة عندي عامين منبدلهاش وصفة ناجحة 100%

[@wowhh7897]

شكرا سميرة روعة كالعادة أنا نخدم بالعجينة تاع الكيلة اللي درتيها من قبل روعة تهبل وزاكية

[@عائشةعائشة-ذ7ف2خ]

ممكن تقوليلي عليها العجينة

[@oummouhemd4034]

@@عائشةعائشة-ذ7ف2خ ديري صابلي كيلة يخرجلك

[@a19860808]

ج

[@عائشةعائشة-ذ7ف2خ]

شكرا بارك الله فيك جعلها في ميزان حسناتك وصحة رمضانك😍😍

[@عائشةعائشة-ذ7ف2خ]

@@oummouhemd4034شكرا بارك الله فيك جعلها في ميزان حسناتك وصحة رمضانك😍😍

[@hadiakouachi907]

صح رمضانكم العام الماضي جربتها وخدمت و جات روعة

[@semsemsemsem5829]

و شحال خرجتلك من حبة؟؟

[@semsemsemsem5829]

ملصقين بيانسوغ

[@rahafrahaf9865]

لبنات جربو هاد الوصفه وماتخافوش جاتني روعه ودرت منها حتى هليلات ياشوكولا والكوكاو وجاو بزاف شابين برك انا نقصت الخماره

[@hmoumasma4622]

شحال درت مقدار الخمارة

[@lifesmotiv987]

يعطيك الصحة يا الفحلة 😍ربي يبارك فيك و في عائلتك🤲 هدا ما كنت نحوس مع ضيق الوقت و قيمة الليالي💯اللهم بلغنا ليله القدر و آتي كل وحدة سؤالها يا رب🤲

[@salma_style_dz5418]

ابوني عندي بنت عمي

[@khadidjaabir9149]

اللهم آمين يارب

[@MamaPapa-cz2qo]

انا ملي اشتركت في قناتك ونا نخدم بعجنتك روعة روعة انا واخواتي رانا كامل من محبيك ونضلو نهدرو على وصفاتك شكرااااا

[@assiaahmed8181]

وعليكم السلام ورحمة الله وبركاته جزاك الله خيرا جربت وصفاتك انتاع العام الماضي وسأجرب هذه ان شاء الله

[@alitaib5967]

يعطيك الصحة اختي دائما مبدعه تعيشي زيديلنا من هذا الأنواع راني جربتها العام الماضي جاتني روعة بارك الله فيك

[@حلوياتمغربية-ه6ج]

الله يعطيك الصحة مغربية معجبة بالحلويات الجزائريه

[@imaneimane7401]

ياسميرة راني فارحة اكثر منك كي قريب تلحقي المليون متابعة قديمة اول مره نعلق ربي يوفقك ويستاهل ألف خير

[@achwaksara9086]

والله روعة انا موالف ندير هادي العجينة بصح طريقتك في التنويع اعطاتني فكرة يعطيك الصحة

[@mimisousou8969]

الله يعيشك ويرزقك من حظوظ الدنيا أجملها رب يسهل امورك ويسخر لك من عباده الصالحين الطيبين امثالك بالتوفيق ان شاء الله نسقصيك اشحال نضرب بالباتور البيض والزبدة

[@hassounanina7376]

انا معتمده وصفتك هاذي تاع صابلي كيله نخدم بيها روعه العتم اللي فات درت بيها 4ليمودال صابلي خرجت توووب يعطيك الصحه ❤❤❤

[@yahiaouikhadouj3809]

ختي تاع الزيت ميخرجليش

[@fatimahafi472]

قناة كوني بخير تابعونا

[@mamamariem6676]

,عجبوني كامل روعة نقدر نخدمهم اليوم مروحش السكر قلاصي. واللون الاصفر كيفاش تحصلتي عليه بالكيردو

[@MohamedBengharbi-y4h]

يعطيك صحة جربتها وجاتني هايلة

[@هبةاللهالجزائرية-ط8ك]

أنا مشتركة جديدة هاذاوين إشتركت وكي دخلت للقناة باش نفعل الجرس شفت 1 مليون مشترك فرحتلك من قلبي تستاهلي كل خير بنت بلادي الشاطرة ربي يزيدك وتوصلي لأعلى المراتب الف الف الف مبروك 🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉

[@dz5590]

يعطيك الصحة اختي وصفاتك دائما روووعة 🌺🌺🌺🌺🌺🌺❤️❤️❤️❤️❤️

[@micha1626]

حتى وصفاتك الله يبارك ختي والله جربت شحال من وحدة ولا أروع ربي يعيطك على قد نيتك ❤تحياتي متتبعة دائمة لك هيلدا dz

[@wowhh7897]

حتى وصفاتك هيلدا روعة وخدمتك متقونة

[@aminabrika4172]

راكي هنا حتى انت وصفاتك دائما قمة

[@ishakisacson1124]

وصفاتك لايعلو عليها 😘😘

[@mayar2283]

كي شفت نايليلية دخلت تفكرت حبيبتي بختة عين وسارة b4 والايام الشابة انشاء الله تكون بالف خير ختي وصحبتي العزيزة ٠

[@latifamath158]

درت التشاراك المسكر الي حطيتيه جا رووووعة يعطيك الصحة حبيبتي

[@omsalahhana6687]

يعطيك الصحة انا راني معتمدتها من اول مرة درتيها وحتي البقلاوة جاتني تهبل القاطو نتاع لفلو والاخر بذوق النيسكافي قاع من عندك جاوني يحمرو الوجه ربي يقدرك ويعطيك على قد نيتك

[@chikhaberrehail4237]

شكرالك بفضلك تعلمت ندير الصابلي والحبة مايتبدلش شكلها بعد الطياب

[@fouziaboulal5879]

واش هي حلوة الشام ؟؟؟درتها اليوم وصفة ولا اروع يعطيك الصحة

[@MOHMEDaminDIFALAH]

حلوة الترك اختي

[@lobenalobena5895]

الله يبارك مشاء الله تبارك الرحمن روعه يعطيك الصحه والعافيه حبيت برك تعطيني وصفة نتع 125غ واش ندير فيها زيت وسكر ولمايزينة ولبيض وجزاك الله خيرا وصحا عيدكم مسبقا

[@hasnabe5651]

الف الف مبروك الوصول لمليون مشرك هذ أول قناة نحط فيها تعليق ربي يوفقك دائما

[@raoufgr6]

يعطيك الصحة حلوى شكلا ومذاقا باينة ناجحة وبنينة حبيت نسالك حلوة الشام ما صبتهاش وين تتباع في الجلفة وشحال السعر ارجوك الرد

[@RaniaRania-mh7pw]

شابين يعطيك الصحة هذا واش يسلك هذالعام مع غلاء الاسعار ونقصو على روحنا التعب

[@vitreuxqureshi5683]

يعطيك الصحة أنا خدمت بيها القاطو من الوصفة نناع 500غ وقسم العجينة ولا اروع

[@أمياسين-ص7د]

ربي يفرح قلبك بنتي اليوم نجربو ... كل الحب من قسنطينة❤❤❤

[@sisibegh9965]

سلام اختي اتعجبيني عندي سؤال كريمة زبدة في صبلي شحال مدة تبقى صليح

[@insafchaima2977]

250مرغرين. كاس سكر ناعم. نص كاس زيت. رشة ملح. نخلط جيدا حتي نتحصل على كريمة نضيف 3حبات بيض بالتدريج ملعقتين صغار فانيليا نصف كاس مايزينة نصف كأس فرينة مع كيس خميرة ونعجن نحي منها الربع ونضيف ليه الكاكاو ونضيف الفرينة حتا نتحصل علا عجينة طرية والتانية نعجنها حتا نتحصل علا عجينة طرية ايضا ونقسمها الى ثلاثة ونهكهوها كيما نحبو

[@MYBOSE94]

بارك الله فيك حبيبتي ربي يفرج عليك اختي

[@بناتيحياتي-ر2م8س]

شكرا جزيلا أختي العزيزة صح عيدك وبارك الله فيكي

[@mouhamedsid645]

شكرا أختي وصحا عيدك مسبقاً

[@user_n1jdun28dnkd92b]

بارك الله فيك🌷🍏

[@sousouchannel7549]

ربي يحفظك اختي

[@mam2442]

واحد الحلوى تهبل بارك الله فيك سميرة الله يجعلها في ميزان حسناتك ماشاء الله عليك تحفة

[@nassimnissou6788]

كامل هيلين رغم بساطتهم يعطيك الف عافية حبيبتي

[@benbenyamina9334]

مشكورة هذا وين كنت نحوس على وصفة صابلي سامبل تاع بكري

[@BA_11]

والله ق نفعتني هاذي لعجينة اعتمدتها ق هي في حلويات العيد روعة هشيشة طرية....حلويات العيد برعاية النايلية

[@اسحاقزين-خ5و]

كم سعر الصابلي الله يحفظك خدمه متقونه ماشاء الله

[@نسمةالبحر-ع5ع]

يعطيك الصحة الوصفة نتاعك اقتصادية بصح راني خايفة ماينجحش خطراكش جربت العديد من الوصفات ومنجحوش هل نعتمد عليك ونجربها

[@lilo6009]

ياختي ربي يفرحك كيما فرحتيني سييت مقروط المقلة ديالك وجاني ولا أروع مع العلم اول مرة درتو وصفاتك ولات معتمدة عندي ربي يحفظك ❤️❤️

[@amanifraahamanifraah5829]

يعطيك الصحة وصفاتك في القمة نجاحة نديرها عينيا مغضين

[@samaranihra251]

روعة. خدمتك كيما لعادة اروع مايكون. وصوتك يبعث عالراحة. ربي يوفقك دايما اختي. في ميزان حسناتك❤❤❤🥀🥀🥀🌹🌹🌹🌹🌹🌹عيدك مبارك سعيد....

[@rezouzouzou1406]

وانا نأكد وعلى ضمانتي تان قاطوك يبقى شهر وهو محافظ على نفس القوام و الذوق كل مناسبة نخدم غير بوصفاتك

[@bellabella5770]

درت بريوشها مصلحش معجن

[@naiceozme4013]

راني رايحة نديرها وصفاتك روعة خاصة ترتولات يعطيك صحة راني نخدم بيها ليكوموند ان شاء الله في ميزان حسناتك

[@bedahasouna8191]

دري فيها خمارة قاطو

[@naiceozme4013]

@@bedahasouna8191 واشنو هيا عجينة ليتارتولات

[@nadjetlour7496]

250غ زبدة كاس سكر رطب نص كاس زيت 3بيض رشة ملح نص كاس نشاء 1خميرة فرينة

[@Hafano-id7cu]

125 غ زبدة شحال ديريها خمارة

[@aminadjidani148]

باينة نصف كيس​@@Hafano-id7cu

[@أمريان-ز1ف]

درت جامي قبل ما نجرب الوصفة وراني جيت نقولك تستاهلي مليار جامي بعدها كملتها خرجلي شباب و خفيف هشيش درت نوع بالنواد كوكو محمص وعطر نواد كوكو .تنوع بالكاكاو والكوكاو مرحي و الباقي خليت ذوق فاني ودرت منو في لي مول سيليكون جربوه لبنات بصح حلو العجينة طرية طرية .الله يعطيك الصحة يافنانة

[@saidmeriem949]

زبدة كاس سكر نص كاس زيت رشة ملح نخلط بالضراب و 3 بيضات بالتدريج حتى قوام كريمي فاني نص كاس نشاء كيس خميرة

[@أمفاروق-ه1ن]

250غ زبدة

[@oumsirine7918]

الله يبارك فيك ويعطيك اصحيحتك دائما وابدا شافة من لكبار سميرة اختي نحب ونموت عليك صح افطورك ورمضانك وعيد مبارك عليكم

[@amarabachir9133]

أول مرة نلقى اللي تدير صابلي فيه ٣بيضات في ٢٥٠ غرام كيما ندير أنا إجي صابلي هايل ورائع بالتجربة

[@mizaniouais9058]

جاتني بيزار؟نورمالمو بيضة وصفار.خفت نديرها وجي ماشي مليحة

[@aljnia9297]

السلام عليكم يعطيك الصحة انشالله كي نضاعف الكمية نتع الزبدة، نضاعف قع المكونات الاخرى

[@أميحبيبتي-ل5خ]

الله يبارك اختي باغية نسقسيك واش من نوعية شوكولاتة استعملتي

[@soumiaouahabi6459]

ربي يوفقك وصفاتك اقتصادية و ناجحة شكرا على مجهوداتك و شرحك المبسط و الواضح متابعة من بشار

[@anfeela]

والله احسن وصفة ❤️❤️ جربتها وجات مشاء الله يعطيك الصحة🥹❤️✨

[@hadjerchibane723]

هاذ الوصفة راني نخدم بيها دايما على ضمانتي

[@zinonaassan3087]

قداه تقطع

[@user-np3mh3so7w]

قوليلي مليح ولالا تعيشي راني حابة ندير

[@إلهاملهومة-ض8خ]

يعطيك صحتك حنونة انا معتامدة وصفتك هاذي وتجيني تهبل

[@haddadjouali6429]

يعطيك الصحة. شكرااااا وصفاتك دئما ناجحة

[@saadidz7455]

يعطيك الصحة جربتها رووووعة 😍😍😍😍

[@sorayamezrag7356]

شحال دارتلك من حبة

[@samlem7810]

والله اني أحبك في الله و نموت على صوتك و يريحني و يحفزني نوض ندير وصفاتك ربي يباركلك..محبتك الشاوية❤️

[@lemonddeoumkossai1641]

اختكم شاوية باتنية فتحت قناة باش نشارك روتيناتي ويومياتي نحتاج دعمكم وتعاونوني فضلا وليس امرا اضربو طلة متندموش

[@CAMG-ex7tk]

تحفة يعطيك الصحة خسارة أنا خلاص كملت لوكان شفت الفيديو قبل راني درت كيما أنت

[@hafidarelizane2999]

خصني وصفة كريمة زبدة بلا خلاط كهربائي

[@walidallali8571]

أختي سميرة نقدر ندير السيقار من العجينة هذي ولا لا

[@johndeer4641]

شكون راهي تستنى كيفي في المليون مشترك ان شاء الله توصلها في هذي الليلة تستاهلي اختي سميرة انا متتبعة وفية لقناتك واسمك مثل اسمي هههههه

[@sarahlatendress6918]

تشكيلة رووووووعة من أروع ما يكون يعطيك الصحة في ميزان حسناتك كامل يهبلوووووووووووووو

[@lilaoud8680]

يعطيك الصحة درتو وجا يهبل خرجوا 56 حبه

[@hananomaya5613]

يعطيك الف صحة راح نجرب الوصفة واشنطن شيكولا تخدمي بيها رجاء ردي عليا

[@alibaba1376]

من فضلك اختي ممكن نستعمل هاذي الوصفة ونزيدلها علبة تع فلان ارجو الرد

[@ossamakahldi8211]

اختي ممكن ندير قاطو نتاع كاكاو بصح شيكولا نديرها نهار قبل لاستعمال قصدي الطلية

[@ahlam6093]

سلام سميرة تعيشي ختي علاش كي ندير شيكولة بيضاء في حمام مائي ونديرلها عطر اليمون يعني لغوم وعلاش تخسر

[@zahraBen17]

واذا درنا نصف كمية 250 كفاش تكون المقادير نتمنا تردي عليا في أقرب وقت ختي وشكرا🌸❤️

[@omikeram5679]

يعطيك الصحة وربي يجازيك على كل المجهودات والمزيد من النجاح والتألق