Рет қаралды 22,848
Najat Al Saghira •*¨🌹*• Ana Bastannak
نجاة الصغيرة •*¨🌹*• أنا بستناك •*¨🌹*• القريب منك بعيد
كلمات : مرسي جميل عزيز
ألحان : بليغ حمدي
أنا بستناك أنا.. بستناك أنا.. بستناك
وليلي شمعه سهرانه لليلة حب
وأهلا أهلا أهلا حلوة شايلاها عيون بتحب
وقلبي حرير شايل لك مطرحك فى القلب
وأزوق ليلي وأتزوق لأجمل وعد
وأدوب لك فى شرباتي شفايف الورد
وأقولك دوق , حلاوة القرب بعد البعد
أنا بستناك , بستناك أنا
=====
من الشباك وأنا خدي على الشباك
أنا والشوق وناره الحلوة بستناك
وفرح الدنيا مستني - آه مستني معادي معاك
يا اجمل ليلة فى عمرى حبيبي جه
يا ورده بيضة فى شعر حبيبي جه
يا عقد ياقوت على صدر حبيبي جاي
وأزوق ليلي وأتزوق لأجمل وعد
وأدوب لك فى شرباتي شفايف الورد
وأقولك دوق حلاوة القرب بعد البعد
أنا بستناك , بستناك أنا
=====
مرايتي قوليلي يا مرايتي
حبيبي مجاش لدلوقتي
وفاتني لوحدتي وإنتي
أبص لروحي وأتصعب على روحي نسيني ليه
حبيبي وأغلى من روحي نسيني ليه
حبيبي انت فين انت حبيبي انت فين انت
يا اجمل ليلة فى عمرى حبيبي جه
يا ورده بيضة فى شعر حبيبي جه
يا عقد ياقوت على صدري حبيبي جاي
وأزوق ليلي وأتزوق لأجمل وعد
وأدوب لك فى شرباتي شفايف الورد
وأقولك دوق حلاوة القرب بعد البعد
أنا بستناك - بستناك أنا
كلمات : مرسي جميل عزيز
ألحان : بليغ حمدي
القريب منك بعيد والبعيد عنك قريب
كل ده وقلبي الي حبك لسه بيسميك حبيب
حبيب عيني حبيب أحلامي حبيب دموعي والآمي
أهون عليم أسهر بألامي واتوه نجوم الليل بظلامي
يا رايح للي فايت لي عيوني سهرانة ولا داري
أمانة اوصف له دمع عيوني طول ليلي ونهاري
آه منك آه منك
كل ده وقلبي الي حبك لسه بيسميك حبيب
فاكر ولا ناسي ياما كنت بأسي
حتى مع الايام الحلوة وقت ما كنت باقابلك فيها
كانت الفرحة معاك توحشني قبل ما يجي معاد لياليها
كنت لسه في الحب لسه بتعلم جديد
ما كنتش اعرف ان القريب منك بعيد
يا رايح للي فايت لي عيوني سهرانة ولا داري
أمانة اوصف له دمع عيوني طول ليلي ونهاري
آه منك آه منك
كل ده وقلبي الي حبك لسه بيسميك حبيب
ياللي آمر من بعدك لقاك ياللي أمر من هجرك رضاك
يا غربتي وانت بعيد عني يا غربتي وانت قريب مني
يا حب اقول له ايه يا حب اسامحه ليه
دا العزاب هو الي يسامحه والسهر هو اللي يسامحه
والدموع هي اللي تسامحه
يا رايح للي فايت لي عيوني سهرانة ولا داري
أمانة اوصف له دمع عيوني طول ليلي ونهاري
آه منك آه منك
كل ده وقلبي الي حبك لسه بيسميك حبيب
كلمات: حسين السيد
ألحان: محمد عبدالوهاب