Рет қаралды 43
Daśakam: 62 -- Sacrifice to Govardhana
kadāchidgOpālān vihita makhasambhāra vibhavān
nirikṣya tvaṁ śaure maghavamada mudhdvamsitumanāḥ
vijānannapyetān vinaya mṛidu nandādi paśupān
apṛichChaḥ kO vā(a)yaṁ janaka bhavatāmudyama iti || 62-1 ||
babhāṣe nandastvāṁ suta nanu vidheyO maghavatO
makhO varṣe varṣe sukhayati sa varṣeṇa pṛithivim
nṛiṇāṁ varṣāyattaṁ nikhilamupajivyaṁ mahitale
viśeṣādasmākaṁ tṛiṇasalilajivā hi paśavaḥ || 62-2 ||
iti śrutvā vāchaṁ piturayi bhavānāha sarasaṁ
dhigetannO satyaṁ maghavajanitā vṛiṣṭiriti yat
adṛiṣṭaṁ jivānāṁ sṛijati khalu vṛiṣṭiṁ samuchitāṁ
mahāraṇye vṛikṣāḥ kimiva balimindrāya dadate || 62-3 ||
idaṁ tāvatsatyaṁ yadiha paśavO naḥ kuladhanaṁ
tadājivyāyāsau balirachalabhartre samuchitaḥ
surebhyO(a)pyutkṛiṣṭā nanu dharaṇi devāḥ kṣititale
tataste(a)pyārādhyā iti jagaditha tvaṁ nijajanān || 62-4 ||
bhavadvācham śrutvā bahumatiyutāste(a)pi paśupāḥ
dvijendrānarchantO balimadaduruchchaiḥ kṣitibhṛite
vyadhuḥ prādakṣiṇyaṁ subhṛiśamanamannādarayutāstvamādaśśailātmā
balimakhilamābhirapurataḥ || 62-5 ||
avOchaśchaivaṁ tān kimiha vitathaṁ me nigaditaṁ
girindrO nanveṣa svabalimupabhunkte svavapuṣā
ayaṁ gOtrO gOtradviṣi cha kupite rakṣitumalaṁ
samastānityuktā jahṛiṣurakhilā gOkulajuṣaḥ || 62-6 ||
paripritā yātāḥ khalu bhavadupetā vrajajuṣO
vrajaṁ yāvattāvannija makhavibhangaṁ niśamayan
bhavantaṁ jānannapyadhika rajasā(a)(a)krāntahṛidayO
na sehe devendrastvaduparachitātmOnnatirapi || 62-7 ||
manuṣyatvaṁ yātO madhubhidapi deveṣvavinayaṁ
vidhatte chennaṣṭasitradaśasadasāṁ kO(a)pi mahimā
tataścha dhvamsiṣye paśupahatakasya śriyamiti
pravṛittastvāṁ jetuṁ sa kila maghavā durmadanidhiḥ || 62-8 ||
tvadāvāsaṁ hantuṁ pralayajaladānambarabhuvi
prahiṇvan bibhrāṇaḥ kuliśamayamabhrebhagamanaḥ
pratasthe(a)nyairantardahana marudādyairvihasitO
bhavanmāyā naiva tribhuvanapate mOhayatikam || 62-9 ||
surendraḥ kruddhaśchet dvijakaruṇayā śailakṛipayā(a)-
pyanātankO(a)smākaṁ niyata iti viśvāsya paśupān
ahO kinnāyātO giribhiditi sanchintya nivasan
marudgehādhiśa praṇuda muravairin mama gadān || 62-10 ||