Наставления св. прп. Макария Великого-Добротолюбие в переводе св. Феофана Затворника

Преп. Макарий родился около 300 года в селении Птинапор (Нижний Египет). Рано овдовел, занявшись после смерти жены изучением Священного Писания. После смерти родителей, покинул селение и стал послушником у некого проживающего поблизости старца. Спустя некоторое время, он был рукоположен во диакона местной церкви, но довольно скоро удалился в полное одиночество в Фаранскую пустыню.
Услышав об Антонии Великом, прп. Макарий стал его учеником, поселившись, по совету преподобного, в Скитскую пустыню. Там он был рукоположен во пресвитера и прославился многочисленными чудесами. Около 360 года он основал монастырь, названный потом его именем. Там он и скончался в 391 году.
Тропарь преподобному Макарию Великому, глас 1
Пустынный житель, и во плоти Ангел, / и чудотворец явился еси, богоносе отче наш Макарие, / постом, бдением, молитвою Небесная дарования приим, / исцеляеши недужныя и души верою приходящих ти. / Слава Давшему тебе крепость, / слава Венчавшему тя, // слава Действующему тобою всем исцеления.
Кондак преподобному Макарию Великому, глас 1
Блаженную жизнь скончав в житии с мученическими лики, / в земли кротких достойно водворяешися, богоносне Макарие, / и пустыню, якоже град, населив, благодать приял еси от Бога чудес, // темже тя почитаем.
Молитва преподобному Макарию Великому
О, священная главо, преподобне отче, преблаженне авво Макарие, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.