Рет қаралды 47,253
ՆԱՏՕ-ի գլխավոր քարտուղար Ստոլտենբերգի հայտարարությունների մասին
ՆԱՏՕ-ի գլխավոր քարտուղար Յենս Ստոլտենբերգը տարածաշրջանային այցով գտնվում էր Հարավային Կովկասում։ Հյուսիսատլանտյան դաշինքի ղեկավարը նախ այցելել էր Ադրբեջան, Վրաստան, ապա ժամանել էր Հայաստան։
Բավքում Ադրբեջանի նախագահ Իլհամ Ալիևի հետ հանդիպմանը Ստոլտենբերգը հայտարարել է, որ Հայաստանը և Ադրբեջանը երկար տարիների հակամարտությունից հետո այսօր հնարավորություն ունեն հասնել կայուն խաղաղության։
Այս մասին խոսել է Էդմոն Մարուքյանը՝ նշելով, որ ՆԱՏՕ-ի գլխավոր քարտուղարը Հայաստանում զբաղված էր պրովոկացիայով։
«Այն պայմաններում, որ Հայաստանում քննարկվում է Ադրբեջանի պահանջների միակողմանի իրականացումը, խոսքը Տավուշի մարզի սահամանգծմանն է վերաբերում, որը միակողմանի գործընթաց է, այսինքն՝ Ադրբեջանն իր կողմից չի ընդունում որևէ քարտեզ, գիծ, որոնց համապատասխան էլ ինքը դուրս գա այդ տարածքից, հետևաբար մարդկանց մոտ կա անարդարութան զգացողություն։ Ինչո՞ւ է այն միակողմանի, ինչո՞ւ չեն ճանաչում որևէ գիծ, և դրանից հետ քաշվում և միայն Հայաստանն է հետ քաշվում։
Այս պայմաններում Հայաստան է գալիս ՆԱՏՕ-ի գլխավոր քարտուղարը, որը նաև Ադրբեջան է այցելել, և հայտարարում է, որ աջակցում է Հայաստանի տարածքային ամբողջականությանը, խաղաղությանը, բայց չի կարողանում Ադրբեջանին ասել՝ Իլհամ Ալիև Պրահայում հայտարարություն եք ընդունել փոխադարձ ճանաչման մասին, հետևաբար փոխադարձ ճանաչել եք Խորհրդային միության ադմինիստրատիվ սահմանները, և դրանք չեն կարող միակողմանիորեն վերադասավորվել միայն Հայաստանի համար։
Դու օկուպացրել ես 215 քառակուսի կիլոմետր տարածք, 31 գյուղերի կենսական նշանակության ճանապարհներ, արոտավայրեր, ջրամբար, դուք էլ դուրս եկեք այդ տարածքներից։
Ասում էր՝ Պուտինը չպետք է հաղթի պատերազմում: Եղբա՛յր, Հայաստանի տարածքում նման հայտարարություն անում ես, որ նոր թշնամի ձեռք բերե՞նք ՀՀ-ի համար, որ նման հայտարարություն եք անում Հայաստանում, Հայաստանի մարտահրավերներին ծանո՞թ եք, այդ մարտահրավերներին Հայաստանը միայնակ է դիմակայում»: