Рет қаралды 224,904
Иә, халауләйлім, әләуләйлім... Өтті дәурен осылай. Назарбаев бұл әнді шырқаған сол кезде дәуірдің дәл осылай өзгеріп кетерін ойламағанда шығар. Атақ-даңықтарынан шетінен айырылып жатыр. Міне енді «Тұңғыш президент - Елбасы туралы" заңның күшi жойылды. Ол бойынша «Елбасы» деген сөз оған енді келмейді. Назарбаевтың отбасы ел қатарлы қарапайым отбасыға айналды. Осылайша 2000 жылы қабылданған құжат 22 жылдан кейін қоқысқа тасталды. Елбасы туралы заңды жоюға бірде-бір депутат қарсы болмады. Жақтап дауыс берді. Журналист Диас Нұрақын айтқандай бүгінгі парламент қабырғасында болып жатқан жәйт, Қожа фильміндегі көрініске ұқсайды. Әлгі оқушылардың бәрі Қожаны жамандап шу-шұрқан болады емес пе?! Қожа сотқар. Ұрлық қылды. Мектеп атына кір келтірді деп. Сонда Жанар -Қожа, соншама бұзақы емес. Қаншама тырысып, тыныш жүрейін десе де, кейде байқамай қалады. Сендер күлесіңдер. Ол есік алдында жалғыз тұр. Жылап тұр. Күтіп тұр. Бұл күлкі емес деп еді ғой. Сол сияқты Назарбаев қазір қандай күйде екен деші...
Елбасы туралы заңның күшін Конституциялық сот жойды. Енді Назарбаевта "экс-президент" деген ғана статус бар. Ол статус бойынша да бұ кісіде - мемлекеттік күзет, баспана, көлік, президент жалақысының 80 пайызындай зейнетақы, қызмет еткен шағындағы ісіне заң алдында жауап бермеу иммунитеттері сақталады. Алайда, қоғамды енді толғандыратын мәселелер мынадай болса керек: Назарбаевтың және оның әулетінің қисапсыз байлығына шынайы, ашық ревизия жасала ма? Шетелдегі шоттары және Үшқоңыр жайлауы, астанадағы жасыл арал, Алматыдағы ең қымбат аудандағы сарайлар сияқты бұл кісіге һәм әулетке тіке қатысы бар дәулет халыққа қайтарыла ма? Желтоқсан, Жаңаөзен мен Қаңтардағы әрекеттері ашық зерттеле ме? Олар "отанға опасыздық" статьясымен қаралуы мүмкін бе? Ескерткіштері мен оның атына берілген көше-даңғыл-мекендер атауы қашан өзгермек?...Оның қазіргі кеңсесіне әлі де бөлініп жатқан бюджеттің миллиардтаған қаражаты қашан тоқтайды? Қазіргі билік осы және өзге де сауалдарға ашық жауап беруге дайын болса деймін деп жазды журналист Қасым Аманжол көптің көкейінегісін дөп басып.
Күні кеше Назарбаев Тоқаевтың өзі ұсынып берген «Құрметті сенатор» дейтін атағынан да айырылды. Кезінде қандай қошаметпен алып еді сол атақты...Бәрі тікесінен тік тұрып еді ғой.
ШУМ:
Атақтарын алуды халықтың шешімі деп ақталып жатыр билік. Халықтың өзіне салса айтар, қабылдар шешімі көп қой. Осындай кезде халықтың шешімі дей салады. Ал Назарбаевты мақтағыштар мен жақтағыштар қазір Тоқаевтың айналасында жүр. Заманың қалай болса, бөрікіңді солай ки деген мақал оларға қатты ұнайтын болу керек. Шіркін кезінде қалай-қалай сайрап еді. Қалай қалай жағынып бүкіл әдебиеттегі ең сұлу сөздер арналып еді.
СНХ:
Назарбаевты өліп тұрып мақтағандардың бірі қазіргі мәдениет министрі Асхат Оралов еді.
СНХ:
Ол Тоқаев сайлауда жеңіске жеткенде қатты шаттанғандардың бірі болды.
СНХ:
Негізі Қылмыстық Кодекске арнайы "Жағымпаздық" деген бап еншізіп, жағымпаздарды жазалау керек шығар. Әйтпесе Қазақстан құлайды. Асқар Наймантаев ағамыз былай деп жазыпты. Күндердің күнінде жайбарақат жатқан жағымпаздық өз-өзінен жалығып, жалған сөйлеп сүйкімді болудан жеріп, адамдарды алдаудан тойып, осы кәсібін қоюға бел буады.
Жаман хабар жерде жатпайды, оның бұл қылығын адамдар естіп, есі шығып, жағымпаздыққа жалыныпты. Жағымпаздық болмаса:
біреулер өз мансабынан айрылады;
біреулер таныс-тамырын жоғалтады;
біреулер үйреніп қалған ортасынан қуылады;
біреулер біреулерге ықпалы мен әмірі жүрмей қалады.
Қойшы, әйтеуір, адамдар Жағымпаздыққа жалынып, жалбарынып, жылы-жылы сөздер айтып, өтірік мақтап, мадақтап, орнында қалуын сұрапты.
Жағымпаздықтың құлағына адамдардың жақсы сөзі майдай жағып, ойланып қалыпты...
Ары қарай не бопты дейсідер ме?
Не болғанын жан-жақтарыңнан көрмейсіңдер ме?!