Рет қаралды 289,649
Бәріңізге ассалаумағаликум. "Ата заңда атым қалсыншы" деген атамыздың арманы орындалмады! Назарбаевтың тарихи рөліне қатысты атышулы бап алынып тасталды. Билік халықтың қас-қабағынан қорықты ма? Кезінде Назарбаевтың түкірігін жерге түсірмей қағып алатындар енді неге өзгеріп шыға келді? Сізге өле-өлгенше қызмет етемін деп ант су ішкендері қайда? Мың құбылған депутаттар жайлы не дейміз? Мұны сізге білген дұрыс.
Осыдан 12 жыл бұрын, 2010 жылы парламенттің қос палатасы бұрынғы президенттің «Елбасы» дейтін статусын конституцияға бекітуді мақұлдаған кезде Назарбаевтың өзі ол заңға қол қоймаған екен. «Маған мұның керегі жоқ» деп депутаттарға үндеу жолдаған. Алайда Назарбаевтың керек емес деген сөзіне парламент «құлақ аспай», «Елбасы» статусын конституцияға «күштеп енгізген». Қазір Нұрсұлтан Назарбаевқа бәрі жау. Кезінде аузына құм құйылғандай үндемеді. Керісінше Нұр аға, Сіздің арқаңыз, Елбасы деп мадақ-мақтауды үйіп төкті. Ал бүгінде тақтан түсіп еді, Тексіз, ұятсыз, ұры, жемқор деп, әйтеуір бәрі герой болып шыға келді. Бұл ақиқат. Әрине, халықтың жаппай қарсылық танытуының арқасында ата заңнан Назарбаевқа қатысты бап та, сап та алынып тасталды. Бірақ таңқаларлығы өз заманында оның аяғын сүюге әзір жандар қазір адам танымастай өзгеріп жатыр. Бұл жайлы депутаттардың өзі не ойлайды? «Азаттық» тілшісі оларға микрофон ұсынып еді, былайша жауап беріпті.
Күн ұзағына бір түрлі алай-дүлей күйде жүрмін. Не қуанарымды, не ашуланарымды білмеймін. Бүгін мен назарбаевтық жүйеден әбден зәрезап болған елді емес, кезінде соның жанында жүріп, түкірігін жерге түсірмей қағып алуға таласқан, ал бүгіннен бері алақайлап, жұрттан бұрын "елбасы деген ұғымды Ата-Заңнан алып тастадық" деп бөркін аспанға бәрінен биік лақтыруға жанталасқандарды көріп, соларды аяп жүрмін. Себебі ел, көп болса өзіне тиесілі дәулетінен қағылған шығар, амандық болса оның орны толар. Қайда шашылмаған дүние! Ал жаңағы бейшаралар сол кісіге қалтқысыз қызмет қылам деп жылдар бойы ары мен намысын өз қолымен тұншықтырып, өз аяғымен жерге жаншып таптауға мәжбүр болды емес пе. Енді бүгін міне, соңғы адамдық келбетінен айрылды. Аярлық пен екіжүзділік жағынан Назарбаевтың өзінен де асып түскенін сезе ме екен бұл сорлылар?
Әй, иттің ғана балалары деп ұрсайын десем, аузым бармай отырғаны. Оларға қаратып мұндай теңеуді қолдану - итке обал ғой. Итекеш ит те қожайынын сатпайды себебі. Сендерге қосылып табаламай-ақ қойғаным. Журналист Мұхтар Түменбай ағамыздың пікірі осындай.
Шынымен қызық. Назарбаевты құдайдың деңгейіне дейін көтеріп, қазір құлдың деңгейіне түсіріп тастады. Желі қолданушысы Мәди сырымбет былай жазыпты. Біздің депутаттардың жұмыс істеу тәсілі:- Астананың атын Нұрсұлтан деп өзгертейік. Барлығы жамырап: дұрыс, керемет шешім, қолдаймын, Нұрсұлтан жасасын... Он минут ду қол шапалақ. - Нұрсұлтан қаласының атын Қасымжомарт деп өзгертуге қарсы емессіздер ме? Депутаттар: Әрине. Қолдаймыз. Баяғыдан бері өзгерту керек еді. Нұрсұлтан деген кім өзі? Атын кім өзгерткен? Сіздің атыңыз лайықты... Он бес минут ду қол шапалақ......ары қарай осылай кете береді. Басшы келеді. Кетеді. Ал жағымпаздар мәңгі қалады. Расымен депутаттардың өзіндік пікірі жоқ. Ертең басқа президент келіп Назарбаевтың атын қайтадан Ата заңға енгізейік десе ол кезде де қолдап шығады. Кнопка басатын роботтар өңшең.
Ал кезінде Назарбаевтың кеңесшісі болған, мемлекет және қоғам қайраткері Серік Әбдірахманов «Уақыт көрсетеді» бағдарламасына ашық сұхбат беріп, экс Президенттің дымын қалдырмады.
СНХ:
Жә, енді референдум өткіземіз деп алашапқынға түсетін болдық. Уақыты да белгіленді. Дегенімен халықта референдум, сайлау дегенге сенімсіздік басым. Себебі, өткен отыз жылдықта мұндай науқандар ешқашан әділ өткен емес. Орталық сайлау комиссиясын құда-жекжат басқарғаннан кейін-ақ бұл саланың қалай былыққанын бағамдай беруге болады. Сондықтан алдағы референдум Президент Қ. Тоқаев басқаратын жүйеге үлкен сын болғалы тұр Осылай деген ақын Серікзат Дүйсенғазы Тоқаев осы жолы халықтың сеніміне ие болса, онда демократиялық бастамасы ары қарай дұрыс жалғасын табады деп санайды. Ары қарайғы пікірі былай. Егер тағы да жеке мүдделерге жұмыс істеп, демократияны тұншықтыру басталса онда үміт біржола үзіледі. Осы жолы Атазаңдағы 33 бапқа 56 толықтыру енгізу жоспарланып отыр дейді. Оның ішінде Президентке саяси партияларға мүше болуға, оның туыстарына саяси және квазимемлекеттік секторда лауазымды қызмет атқаруға тыйым салу, бұрын таратылған Конституциялық сотты қайта құру, Парламент жұмысы мен сайлау жүйесін өзгерту сияқты бірқатар өзекті мәселелер бар екен. Н.Назарбаевтың Ұлт көшбасшысы статусын жойып, "тәуелсіз Қазақстанның негізін қалаушы" мәртебесін беру туралы ұсыныс та соның ішінде. Жоғарыдағы демократизациялауға байланысты ұсыныстарды қолдаймын.. 57-ші толықтыру ретінде жетінші баптың екінші тармағын алып тастауды да референдумға салуды ұсынамын. Бұл жалғыз менің емес, бүкіл ұлт патриоттарының ұсынысы.