" عندما يتحول الخيال إلى واقع - أبو هشيمة دعم الزمالك" علي خطي العرجاني في الاهلي

#المستديرة #الاهلي #الزمالك #ريال_مدريد #برشلونة
ابو هشيمة بديل للعرجاني في الزمالك
في وسط الدوري اللي مش راضي يخلص والماتشات اللي بتتلعب كل يومين، نوادي بتحقق بطولات ونوادي تانية غرقانة في ديون، وفيه اللي بيصارع شبح الهبوط ، تيجي أخدكم معايا عالم افتراضي؟ عالم نتخيل فيه سيناريوهات ممكن تقلب الموازين، وتحل الأزمات،وتكون قاعدة رايقة نفصل بيها شوية من التعصب والضغط ؟ في المستديرة هناخدك عالمنا الافتراضي للزمالك ، ونشوف مين الشخص اللي ممكن يظهر فجأة وينقذ الزمالك من أزمته المالية؟ وازاي ممكن النادي يتغير تمامًا بوجود شريك استراتيجي ؟ تعالوا معايا ندخل عالم الافتراضات ونجاوب على كل التساؤولات دي ونشوف السيناريو اللي ممكن يحصل .
بس الأول اعملو لايك واشتراك وفعلو زر الجرس علشان يوصلكم كل جديد.
الفصل الاول:- مشاكل الزمالك
كلنا عارفين إنه الزمالك الفترة دي أموره مش متظبطة سواء ماديا بقا أو نفسيا بسبب الإدارة الجديدة اللي لسه بتحاول تحل مشاكل الإدارة القديمة المادية اللي مسببه للزمالك مشاكل كتير منها ايقاف القيد اللي طولت اوي معاه ، وبسببها بياخد قروض واخر حاجه مجلس إدارة النادى اخد قرض بمبلغ ٧١ مليون جنيه .
طبعا زمانك شايف انه المبلغ كبير بس خليني اقولك إنه فلوس طارت في أقل من نص ساعة بسبب الازمات اللي عنده من مستحقات متأخرة وضرائب وفلوس مدريين العاب الصالات وكمان مش هيغطي التكلفه .
دوامة النادي كل ما يحاول يخرج منها ويشم نفسه يلاقي عليه فلوس! الله اومال كان بيدفع لمين كل ده ؟ ده غير إنه مفيش استقرار فني وإداري وتذبذب اللاعيبة ومفيش خطة واضحة للمستقبل . من الآخر الزمالك بينهار.
الفصل الثاني:- شريك استراتيجي
مشاكل من وجهة نظري مش هتتحل غير بمساعده ، النادي محتاج شريك استراتيجي يشيله من ايقاف القيد اللي مش بيخلص عايز رُعاه تسد معاه مش تقولي كوكاكولا أو اونيرو دول مهما وفروا فلوس للنادي مش هتبقى مساعدة مذكورة تساند بيها النادي ويحل مشاكله .
النادي عايز يحد يمشي معاه خطوة خطوة في العقبات دي كانك هتعلم طفل المشي مجهود كبير عايز حد شاطر وفاهم تخيلوا معايا رجل اعمال حاجه تقيله في البلد يعني، يقرر يتدخل ويمول الزمالك. في ظل الأزمات المالية اللي بيعاني منها النادي، ووقف القيد اللي منعه من التعاقد مع لاعبين جدد، ويدفع مستحقات اللاعيبه اللي موجوده بدل ما هي متاخره حد يكون المنتقذ ، تخيل معايا يكون مين بقا ؟ ابو هشيمة تخيل ياعم هو التخيل بفلوس؟ ده إحنا حتى في عالم افتراضي .
الفصل الثالث:- انجازات تتحقق مع أبو هشيمة
وجود ابو هشيمة هيكون زي المصباح السحري للزمالك ، وحَلال العقد والدعم المالي الكبير اللي يقدر يقدمه ممكن يحل أزمة الديون ويفتح باب التعاقدات من جديد.
راجل فاهم بيزنس ومعاه التمويل اللي يحل مشاكل النادي كلها في غمضة عين ويبدا بقا يطور من النادي راجل بيرفكتو مش ناقصه غير إنه يكون شريك لنادي الفن والهندسة
يعني يا عزيزي هو الأهلي احسن منه في حاجة ؟
زي ما إبراهيم العرجاني الشريك الاستراتيجي اللي هيساهم في تجديد النادي الأهلي وتمويل الصفقات، ب اتفاق اتقال عليها صفقة القرن ، وعمل حبة خطط مستقبلية زي ، ستاد الأهلي إللي هيتم إنشاؤه عن طريق تحالف يضم ثلاث شركات وطنية، منها مجموعة شركات العرجاني وغالبا خلاص بدأو يشتغلو في المشروع ده
و غير الاستاد هيكون فيه مستشفى وفندق وملاعب فرعية ومتحف ومول تجاري. مشروع تكلفته وقيمة استثماراته 2 مليار جنيه ناس باصة للمستقبل وعارفه قيمة النادي واسمه اللي كفيلة تغطي التكلفة واكتر كمان .
أبو هشيمة برضو ممكن يكون الدرع الحامي للزمالك. تخيلوا التعاقدات الجديدة اللي ممكن نعملها، والبطولات اللي ممكن نحققها بدعم مالي قوي أو حتى لو ربع الدعم بتاع العرجاني للأهلي ! ده لو حصل ابو هشيمة هيكون شريك لُقطه ، وهنشوف الزمالك بيرجع لمكانته الطبيعية في المنافسة على البطولات، والجماهير بترجع تفرح بفريقها المفضل. تخيل كده ابو هشيمة بيحتفل مع اللعيبة والإدارة بالفوز ببطولة غالية !
والزمالك هيكون اخيرا لاقى منقذ حقيقي ينقله لمرحلة جديدة يرجع بيها حتى لو ١٠٪ من أمجاد الماضي .
ده غير تطوير المنشآت الرياضية وتوسيع النادي وبناء أكاديمية للشباب تخرج جيل جديد من النجوم تغنيها عن الصفقات والقيد الأجنبي
الخاتمة :- ، السيناريو ده، حتى لو كان مجرد افتراض، بيخلينا نتساءل: هل أبو هشيمة فعلاً ممكن يكون الدرع الحامي الجديد للزمالك؟ وهل هيقدر ينقذ النادي من الديون ويحقق طموحات الجماهير؟ الأسئلة دي ممكن تفضل بدون إجابة دلوقتي، لكن الأكيد إن الزمالك محتاج منقذ، والوقت هو اللي هيكشف الحقيقة.
انتم كمان شاركونا برأيكم في الكومنتات وشايفين ابو هشيمة هو الشريك المناسب ولا عندكم اقتراحات تانيه ؟
متنسوش تعملو لايك واشتراك وتفعلو زر الجرس علشان يوصلكم جديد .
......................................................................................
📢 للإعلان على قناة " المُستديرة " التواصل على الإيميل 📢
[e-mail]
......................................................................................
حساباتنا على السوشيال ميديا ❤️
/ elmustadira
/ almustadira3
/ elmustadira.1
......................................................................................
📝توضيح هام 📝
هذا الفيديو محمي بحقوق الطبع والنشر (copyrights) لصاحب الحقوق " المُستديرة " ولا يسمح بإعادة تنزيله على أي قناة ثانية على اليوتيوب وأي مخالفة لهذا الحق سوف نتخذ الإجراءات القانونية فوراً

[@alaaking4428]

ابو هشيمه اهلاوي وابنو بلعب في نشاين الاهلي

[@samirroushdy9841]

هو ابو هشيمة زملكاوي اصلا ؟

[@سيدالجمال-ث5ك]

ابو هشيمة اهلاوي صرف ولا يمكن يقف مع الزمالك وابو هشيمة صديق شخصي للخطيب ويقلك الاهلي اولي لأنه لو حط فلوسه واستثمرها ف الاهلي فهو ضامن المكسب انا الزمالك فلا خطط ولا رؤيه مستقبليه ومتقلب ومديون لكل الهيئات واللاعبين وسمعته الماليه سيئه للغايه ومفيش اي ضمان لاي فلوس حتتدفع لهم

[@fawazhussein5035]

تخيل لو عمل كده قام طلع واحد من مجلس قديم وطلع وقالك دا عميل وجاسوس ونط على فلانه وانا أنقذته وبيتهرب من ضرايب و و و يا استاذنا مشكله الزمالك في اللي ضيع الزمالك على مدار ١٥ سنه فاتت وده خلى اي حد يخاف يقرب يقلك أنا مالي ياعم من التهزيء وقله القيمه