Рет қаралды 2,865
Не япамыз?
Диляра Абибулланынъ сесинен
Къыш кельсе,
Биз не япамыз?
Къардан адам, топлар ясаймыз,
Байыр топесинден таямыз.
Къар данелерин къувалап,
Шенъ муитте зевкъ аламыз.
Баарь кельсе,
Биз не япамыз?
Кунешни биз алгъышлаймыз,
Чечеклерден десте топлаймыз.
Ягъмур ягъса, къуванып,
Къакъ сувуна таш атамыз.
Яз кельсе,
Биз не япамыз?
Чечеклерни бол суварамыз,
От ичинде юварланамыз.
Кобелеклернен къонушып,
Денъиз ялысына барамыз.
Кузь кельсе,
Биз не япамыз?
Багъча берекетин джыямыз,
Тюшкен япракъларгъа бакъамыз.
Ашлар пиширип, ашап тойып,
Кене къышны беклеп турамыз.