Рет қаралды 15,733
Necə edə bilərsiniz ki, hazırladığınız videolar KZbin`da “tövsiyə edilən videolar siyahısı”na düşsün? Bugünkü videomuzda məhz bu haqda danışacağam.
Bəs, “tövsiyə edilən videolar” nə deməkdir? Bunlar, KZbin`da izlədiyiniz hər hansı bir video bitdikdən sonra, yaxud yan tərəfində çıxan oxşar videolardır. KZbin alqoritması elə qurulub ki, istifadəçi web site`da və ya mobil tətbiqdə mümkün qədər çox vaxt keçirsin. İstifadəçi nə qədər KZbin`da qalırsa, qurum o qədər avantajlı olur. KZbin da məhz bu avantajı qorumaq üçün oxşar məzmunlu videomaterialları izləyiciyə təqdim edir, yəni, izləyicinin KZbin`dən ayrılmamasına çalışır.
KZbinrlərin videolarının izlənmə sayı onların axtarış motorlarından və tövsiyə edilmə siyahılarından asılıdır. Elə buna görə də KZbinrlər “tövsiyə edilən videolar sihayısı”na düşmək məqsədilə dəridən-qabıqdan çıxırlar. Təbii, bunun da öz üsulları və “olmazsa-olmaz”ları var. Bu incə detallara diqqət etməsəniz, tövsiyə edilən videolara düşməkdə çox gecikəcəksiniz.
Bu gün sizə “tövsiyə edilən videolar siyahısı”na düşməyin yolları haqqında danışacağam.
Əvvəlcə onu deyim ki, tövsiyə edilən videolar siyahısına düşmək üçün sabit bir yol yoxdur. Hansısa videonun tövsiyə siyahısına düşüb-düşməməsini alqoritm daxilində aparılan onlarla analizin nəticələri müəyyən edir. Əgər, KZbin`da kanal sahibi olan birinin videosu “tövsiyə edilən videolar siyahısı”na çıxsa, onun izləyici sayı dəfələrlə yüksələ bilər.
Beləliklə, indi də baxaq görək, KZbinrlər videolarının “tövsiyə edilən videolar siyahısı”na düşməsi üçün nələrə diqqət etməlidirlər.
KZbin alqoritmasının ən əsas meyarı izləyicini ekran qarşısında uzunmüddətli saxlamaqdır. Yuxarıda dediyimiz kimi, KZbin, istifadəçilərin platformada mümkün qədər çox qalmasını istəyir. İstəyinə nail olmaq üçün də izləyicinin marağını çəkəcək videoları təqdim edir. KZbin`da kanal sahibi olanlar videolarında tamaşaçını nə qədər çox ekran başında saxlaya bilirsə, “tövsiyə edilən videolar siyahısı”na düşmə şansı da o qədər artır. Bəli, açar nöqtə izləyicini video qarşısında uzunmüddətli saxlamağı bacarmaqdır. Bəs, bunu bacarmaq üçün hansı üsulları tətbiq etməlisiniz? Buyurun…
1. Maraq doğurucu səhnələr və səs effektləri əlavə edin. Bir videoya baxdığınızda standup, monoloq tərzi, yoxsa video-montajlı və səs effektli videolar maraqlı gəlir? Bir çox KZbin istifadəçisi video izlərkən əylənmək istəyir. İzləyicini ekran qarşısında saxlamağın ən həssas məqamlarından biri maraq doğuran səhnələr, diqqət çəkən başlanğıc və səs effektləri əlavə etməkdir.
2. Videonun əvvəlində kiçik spoilerlər, qısa anonslar verin. Əksər böyük kanallar bu üsulu tətbiq edir. Videonun sonrakı hissəsində maraq çəkən bir və ya bir neçə səhnəni videonun əvvəlinə qoyurlar. İnsanlar o səhnəni maraqla gözləyər, o səhnəyə çatanadək videonu göz qırpmadan izləyərlər. Bu, kanal sahibinin izləyicilərini əlində saxlamaq müddətini artırır və “tövsiyə edilən videolar siyahısı”na düşməyini təmin edir.
3. Bol-bol misallar çəkin. İnsanlar, adətən, misallar çəkilən videoları izləməyi daha çox sevirlər. Nümunələr verilən videolarda məzmunla izləyici arasında əlaqə qurmaq daha asan, açıq və qətidir. Videonun məzmununu bir, yaxud bir neçə misalla təqdim etmək asan üsul deyil, amma izləyicini ekran qarşısında saxlamağa kömək edir.